வெள்ளி விநாயகன்
பல்லவி
வெள்ளிக்கவசமணிந்த விநாயகனை
பிள்ளையாரப்பனை மனமாரத்துதித்தேன்
அனுபல்லவி
உள்ளன்புடன் துதிக்கும் நல்லடியார்க்கு
வெள்ளமெனக் கருணை பொழிந்திடும் கரிமுகனை
சரணம்
தெள்ளத்தெளிவான ஞானமும் கல்வியும்
அள்ளியளித்திடும் ஆனைமுகத்தோனை
புள்ளி மயில்வாகனன் சோதரனை சுமுகனை
பள்ளிகொண்ட பாற்கடலோன் கேசவன் மருகனை
வெள்ளை கணபதியாய் வலஞ்சுழியில் விற்றிருக்கும்
தெள்ளியனை ஐங்கரனை தீனசரண்யனை
கொள்ளிக் கண்ணன் மகனை தேவாதி தேவனை
வள்ளலாய் வரம் தரும் வாரணமுகனை
No comments:
Post a Comment