நாள் தொறும்…..
பல்லவி
நாள் தொறுமுனைத் துதித்தேன் நாராயணனே
மாள்வதும் பிறப்பதுமில்லாத நிலை பெறவே
அனுபல்லவி
தாள் பணிந்திடுமெனையே தயவளித்து
ஆள்வதுன் கடனன்றோ ஆதிகேசவனே
சரணம்
வேள்விகள் புரிந்திடும் சனகாதி முனிவர்களும்
கோள்களுமிந்திரனும் நாரதரும் நான்முகனும்
வாள் வீசும் மன்னர்களும் பணிந்தேத்தும் வண்ணம்
நீள் கழல்கள் காட்டி நின்றருளும் பரம்பொருளே
அச்சுதா அனந்தா கோவிந்தா….
பல்லவி
அச்சுதா அனந்தா கோவிந்தாவெனும்
மெச்சிய நாமங்கள் மூன்றே போதும்
அனுபல்லவி
சச்சிதானந்தனின் மேன்மை தரும் திருநாமம்
இச்சகம் புகழும் உயர் மந்திரத் திருநாமங்கள்
சரணம்
இச்சுவையொன்றே போதுமென்று
பச்சைவண்ணன் கேசவன் அடியார்கள்
மெச்சிப் போற்றிய மேன்மை மிகு திருநாமம்
நச்சரவணை துயிலும் நாராயணன் நாமம்
நாராயணனே…..
பல்லவி
நாராயணனே நான் வணங்கும் தெய்வம்
ஏராளம் கடவுளர்கள் உண்டென்ற போதும்
துரிதம்
நாரதர் நான்முகன் தேவர்கள் முனிவர்கள்
சூரிய சந்திரரிந்திரன் பணிந்திடும்
அனுபல்லவி
ஆராவமுதன் கேசவன் மட்டுமே
பாரோர் பணிந்தேத்தும் முழுமுதற் கடவுள்
சரணம்
ஓராயிரம் பெயருண்டென்ற போதும்
நாராயணாவென்னும் நாமமுரைப்போர்க்கு
தீராவினை தீரும் திருமகளருள் சேரும்
பாராளுமிந்திர பதவிகளுமோடி வரும்
அனந்தநாராயணனை……
பல்லவி
அனந்தநாராயணனை ஆபரணதாரியை
மனதுக்கினியானைக் கண்ணாரக்கண்டேன்
அனுபல்லவி
தனந்தரும் தாயார் அலங்காரவல்லி உடனிருக்கும்
வனமாலையணிந்தவனை வைகுந்தவாசனை
சரணம்
சனகாதி முனிவரும் ப்ருகுவும் வியாசரும்
தினம் பணிந்தேத்தும் திருமாலைக் கேசவனை
அனங்கனும் நாணும் பேரழகுடையவனை
மனமாரத் துதித்தேன் பவ வினை நீங்கிட
அனைத்தும் நீயென……
பல்லவி
அனைத்தும் நீயென அறிந்த பின்னாலே
எனக்கொரு குறையுமில்லை நாராயணனே
அனுபல்லவி
அனந்தனின் மீதுறங்கும் திருமாலே வைகுந்தா
மனத்துக்கினியானே மாதவனே கேசவனே
சரணம்
சனகாதி முனிவர்களும் நாரதரும் நான்முகனும்
அனங்கனுமமரரும் அமரேந்திரனும்
தினம் பணிந்தேத்தும் பரவாசுதேவனே
தனக்குவமையில்லாத தனிப்பெருங்கடவுளே
புண்டரீகாக்ஷனை ……
பல்லவி
புண்டரீகாக்ஷனை நாராயணனை
பண்டரி நாதனை மனமாரத்துதித்தேன்
அனுபல்லவி
அண்டசராசரங்களை அன்னைக்குக் காட்டிய
மண்ணுண்ட வாயனை மாமாயன் கேசவனை
சரணம்
கண்டவர் மனம் களிக்கும் பேரழகுடையவனை
பண்டொருநாள் குன்றுதனைக் குடையாகப் பிடித்தவனை
வண்டமரும் பூங்குழலாள் மார்பிலுறை மாதவனை
தண்மதி முகத்தானைத் தாமரை நாபனை
நீரினில்…..
பல்லவி
நீரினில் கிடந்துறங்கும் நாராயணனே
பாரினில் கிடந்துழலும் எனைக்காத்தருள்வாயே
அனுபல்லவி
தேரினை நடத்தி பஞ்சவர்க்குத் துணை நின்ற
சாரதியே கேசவனே சர்வலோகநாயகனே
சரணம்
சூரிய குலத்துதித்து ராமனாயவதரித்து
போரிட்டு ராவணனை வதைத்த மாவீரனே
காரிருளிலொருத்தி மகனாய்ப் பிறந்து
வேறொருத்தி மகனாய் வளர்ந்த கண்ணனே
ஏராளம்….
பல்லவி
ஏராளம் பெயர்கள் உண்டென்ற போதும்
நாராயணனே நான் விரும்பும் நாமம்
அனுபல்லவி
தீரா வினைதீர்க்கும் திருவரங்கன் நாமம்
ஆராவமுதன் கேசவனின் திரு நாமம்
சரணம்
மாறாத பக்தியுடன் துதிப்பவர்க்கெல்லாம்
தாராளமாயருள் அளிக்கின்ற நாமம்
வாரணமழைத்தவுடன் வந்தவனின் நாமம்
பாரோர் பணிந்தேத்தும் நாராயணன் நாமம்
பூதலம்……
பல்லவி
பூதலம் போற்றும் ஶ்ரீ மன் நாராயணன்
ஆதி சேடன் மீது சயனிக்க க்கண்டேன்
அனுபல்லவி
மாதவன் கேசவன் மனம் விரும்பும்
மாதவள் திருமகளருகிருந்து காட்சி தர
சரணம்
வேதங்களோதுவோர் மறையோத
கீதங்களிசைத்து நாரதர் நின்றிருக்க
நாபி கமலத்தில் நான்முகன் வீற்றிருக்க
சுகசனகாதியர் முனிவர்கள் துதிபாட
என்ன என்றுனைப்………
பல்லவி
என்னவென்றுனைப் போற்றி நான் பாடுவேன்
பன்னக சயனனே ஶ்ரீமன் நாராயணா
அனுபல்லவி
முன்னவனே மூலப்பொருளே கேசவனே
தன்னிகரில்லாத தனிப்பெருந்தெய்வமே
சரணம்
புன்னை மரத்தடியே குழலூதும் கண்ணனும்
சொன்ன சொல் காக்கும் ஶ்ரீராமனும் நீயே
உன்னருளின்றியோரணுவுமசையுமோ
மன்னு புகழ் திருமலை வாழ் மலையப்பா கோவிந்தா
ஆனங்க தந்த்ர விதி தர்ஶித கௌஶலானாம்
ஆனந்த மந்த பரிகூர்ணித மந்தராணாம் |
தாரள்யம் அம்ப தவ தாடித கர்ணஸீம்னாம்
காமாக்ஷி கேலதி கடாக்ஷ நிரீக்ஷணானாம் ||3 கடாக்ஷ சதகம்||
தாயே! காமாக்ஷி! காம சாஸ்திர நியமங்களில் ஸாமர்த்யத்தைக் காட்டுகிறவைகளும், சந்தோஷத்தினால் மெதுவாக சுழன்று கொண்டிருப்பவைகளும், காது வரையில் நீண்டிருப்பவைகளுமான உனது கடைக்கண் பார்வைகளின் காந்தியானது மிகவும் இனிமையாக விளையாடுகிறது.... ஜய ஜய ஜகதம்ப சிவே.....
காமாக்ஷி தாயே…..
பல்லவி
காமாக்ஷி தாயே உன் பதம் பணிந்தேன்
தாமதமின்றியே அருள் புரிவாயே
அனுபல்லவி
பூமிநாதன் காமேச்வரன் நாயகியே
ஆமருவியப்பன் கேசவன் சோதரி
சரணம்
காம சாத்திரக் கலைகளறிந்தவளே
ஆமோதத்துடன் காதுவரை சுழலும்
தாமரையொத்த கண்களின் விழிகள்
பாமரன் என் மீது விழுந்திட வேண்டி
ஶ்ரீமன் நாராயண…..
பல்லவி
ஶ்ரீமன் நாராயண ஶ்ரீமன் நாராயண
ஶ்ரீமன் நாராயணனே உன் பாதமே சரணம்
அனுபல்லவி
தாமரை மலரமர் பிரமனும் ஈசனும்
நாமங்களோதி துதித்திடும் மாதவனே
சரணம்
பூமகளைத் தன் மார்பில் வைத்திருக்கும் கேசவனே
தாமரை நாபனே காமனைப் படைத்தவனே
மாமறைகள் புகழ்ந்தேத்தும் தாமரைக் கண்ணனே
பூமண்டலம் கொண்டாடும் பரவாசுதேவனே
தினமுனைப் பாடி…..
பல்லவி
தினமுனைப்பாடித் துதித்திட ஆசைகொண்டேன்
அனைத்தும் நீயென அறிந்தேன் நாராயணா
அனுபல்லவி
மனம் மகிழ மங்கையலமேலு கரம்பிடித்த
வனமாலி கேசவனே திருவேங்கடமுடையோனே
சரணம்
சனகாதி முனிவர்களும் நாரதரும் நான்முகனும்
தினம் பணியும் திருமலை வாசனே கோவிந்தா
வினதையின் புதல்வனை வாகனமாய்க்கொண்டவனே
எனக்கருள வேண்டுமென உன் பாதம் பணிந்து
ஓராயிரம் பெயர்…
பல்லவி
ஓராயிரம் பெயர் உண்டென்ற போதும்
நாராயணன் கேசவனே நான் விரும்பும் கடவுள்
அனுபல்லவி
ஆராவமுதனவன் சாரங்கபாணி
ஶ்ரீரங்கம் தலத்துறையும் ரங்கநாதனவன்
சரணம்
கோரின வரந்தரும் கோலவில்லி ராமன்
வடுவூர் திருத்தலத்தில் கோதண்டராமன்
சீர்மல்கும் திருமலையில் ஶ்ரீநிவாசனவன்
பாரோர் பணந்தேத்தும் க்ஷீராப்திநாதன்
சங்கடம் வேதனை…..
பல்லவி
சங்கடம் வேதனை தந்தாலுமுந்தன்
பங்கய பதம் மறவேன் தந்திமாரியம்மனே
அனுபல்லவி
உந்தன் அடியாரை ஒரு குறையுமணுகாமல்
சந்ததம் காத்திடு்ம் கேசவன் சோதரி
சரணம்
உன் தயையி்ல்லையேல் உலகமுய்யுமோ
நந்தி வாகனன் இடமமர்ந்தவளே
சந்திரசேகரி திரிபுரசுந்தரி
எந்தனுக்கருள்வாயென்றுனைத் துதித்தேன்
மாரியம்மனை…..
பல்லவி
மாரியம்மனை மனமாரத் துதித்தேன்
கோரின வரம் தரும் அருள் மிகு தந்தி
அனுபல்லவி
பேரிடர் பவபயமனைத்தும் போக்கிடும்
காரிகையவளை கேசவன் சோதரியை
சரணம்
பாரும் நீர் நெருப்பும் விசும்பும் வெளியுமவள்
சூரியனை மிஞ்சும் காந்தியுடையவள்
போரிட்டரக்கன் மகிடனை மாய்த்தவள்
பாரினிலனைவரும் கோரிடும் தெய்வம்
மாதா நரசிம்ஹா, பிதா நரசிம்ஹா
ப்(4)ராதா நரசிம்ஹா ஸகா நரசிம்ஹா
வித்(3)யா நரசிம்ஹா, த்(3)ரவிணம் நரசிம்ஹா
ஸ்வாமி நரசிம்ஹா ஸகலம் நரசிம்ஹா
இதோ நரசிம்ஹா பரதோ நரசிம்ஹா,
யதோ யதோ யாஹி: ததோ நரசிம்ஹா,
நரசிம்ஹா தே(3)வாத் பரோ ந கஸ்சித்
தஸ்மான் நரசிம்ஹா சரணம் ப்ரபத்(3)யே
பொருள்
நரசிம்மரே தாய்: நரசிம்மரே தந்தை:
சகோதரனும் நரசிம்மரே: தோழனும் நரசிம்மரே:
அறிவும் நரசிம்மரே: செல்வமும் நரசிம்மரே:
எஜமானனும் நரசிம்மரே: எல்லாமும் நரசிம்மரே:
இவ்வுலகத்தில் நரசிம்மரே! அவ்வுலகத்திலும் நரசிம்மரே:
எங்கெங்கு செல்கிறாயோ! அங்கெல்லாம் நரசிம்மரே:
உம்மை காட்டிலும் உயர்ந்தவர் எவரும் இல்லை!!
நரசிம்மரே! உம்மைச் சரணடைகின்றேன்
माता नृसिंहः पिता नृसिंहः
भ्राता नृसिंहः सखा नृसिंहः ।
विद्या नृसिंहो द्रविणं नृसिंहः
स्वामी नृसिंहः सकलं नृसिंहः ॥१॥
Nrisimha is father; Nrisimha is mother; Nrisimha is brother; Nrisimha is friend, Nrisimha is learning (knowledge); Nrisimha is wealth; Nrisimha is Master; Everything is Nrisimha.
इतो नृसिंहः परतो नृसिंहः
यतो यतो याहि(मि) ततो नृसिंहः ।
नृसिंहदेवात्परो न कश्चित्
तस्मान्नृसिंहं शरणं प्रपद्ये ॥२॥
(Other reading:
इतो नृसिंहः परतो नृसिंहः
यतो यतो यामि ततो नृसिंहः ।
बहिर्नृसिंहो हृदये नृसिंहो
नृसिंहमादिं शरणं प्रपद्ये ॥२॥
Nrisimha is here (this world); Nrisimha is there (the other world); Wherever you go there is Nrisimha. There is no God over and above Lord Narasimha. Therefore I surrender myself to (take refuge in) Narasimha
Nrisimha is here (this world); Nrisimha is there (the other world); Wherever you go there is Nrisimha. There is no God over and above Lord Narasimha. Therefore I surrender myself to (take refuge in) Narasimha
நரசிம்மனே…..
பல்லவி
நரசிம்மனே அனைத்துமென அறிந்தேன்
பரதெய்வமவனென்றே அவன் பாதம் பணிந்தேன்
அனுபல்லவி
புரமெரித்தவனும் சிரம் நான்குடையவனும்
கரம் பணிந்தேத்தும் பரம்பொருளுமவனே
சரணம்
மாதா பிதா குரு சகாவுமவனே
ஆதரவான சோதரனுமவனே
கல்வியும் செல்வமும் நல்வாழ்வுமவனே
அறிவும் ஞானமும் அனைத்துமவனே
வேதியரோதும் வேதமுமவனே
வேதம் சொல்லும் உட்பொருளுமவனே
பூதலம் போற்றும் கேசவனுமவனே
யாதுமான நரசிம்மனைத் துதித்தேன்
நரசிம்ம ஜெயந்தி ஸ்பெஷல் ! ஸ்ரீ நரசிம்ஹாய நமஹ !
சத்யம் விதாதும் நிஜப்ருத்ய பாஷிதம்
வ்யாப்தம்ச பூதேஷு அகிலேஷு சாத்மன:
அத்ருஷ்யதாத் அதியத்புத ரூபமுத்வஹன்
ஸ்தம்பே சபாயாம் ந ம்ருகம் ந மானுஷம்… !!!
ஸ்ரீமத் பாகவத்தில் நரசிம்ம அவதாரத்தில் சொல்லப்பட்ட மிகமிக முக்கியமான ஸ்லோகம்.
நாராயணன் தூணிலும் இருப்பான், துரும்பிலும் இருப்பான் என்று மிக நம்பிக்கையுடன் சொன்ன தன் பக்தனான பிரகலாதனின் வாக்கை காப்பாற்ற வேண்டி, மிருகமும் அல்லாத மனிதனும் அல்லாத ஒரு உருவத்தில் – நரசிம்மனாக – கம்பத்தில் இருந்து தோன்றினான். மேற்கண்ட ஸ்லோகத்திற்கு இது ஒரு எளிமையான விளக்கம். "ஸ்ரீ நரசிம்மன் திருவடிகளே சரணம் "
ஆணழகன் நரசிம்மன்……
பல்லவி
ஆணழகன் நரசிம்மன் திருவடி பணிந்தேன்
காணக் காணத் திகட்டாத வடிவுடைய
அனுபல்லவி
வாணுதலை மடியில் வைத்திருக்கும் கேசவன்
சாணூரனரக்கனை வென்ற மாதவன்
சரணம்
ஆணவத்துடனே இரணியன் கேட்டதற்குத்
தூணிலிமிருப்பான் துரும்பிலிமிருப்பான்
மாணப் பெரியவனவனென்ற சொல் கேட்டு
தூணினைப் பிளந்து ஆளரியாயவதரித்த
பாடிப்பாடி…..
பல்லவி
பாடிப்பாடி மனமுருகியுனையழைத்தேன்
தேடித் தேடித் திரிந்தேன் நரசிங்கா உன்னையே
அனுபல்லவி
வாடி வாடிக் கண்ணீர் மல்க உனையே
நாடி நாடி ஓடியலைந்தேன் கேசவா
சரணம்
ஓடியோடித்தேடி உனைக் காணாமல்
வாடியிளைத்தேன் வருந்தித் தவித்தேன்
ஈடிணையில்லா கலியுகத் தெய்வமே
வேடிக்கை செய்யாமலெனக்கருள வேண்டினேன்
நரசிம்ம ஜெயந்தி ஸ்பெஷல் ! நடக்காததை நடத்திக்காட்டும் நரசிம்ம மந்திரம் !
நீங்கள் ஒரு முயற்சி எடுக்கிறீர்கள்! என்னவெல்லாமோ செய்து பார்க்கிறீர்கள். ஆனால், ஏதோ தடங்கல், இடைஞ்சல் என்று தலை தூக்கி அந்த முயற்சி நிறைவேறாமல் போய்விட்டது. நீங்கள் மனவருத்தத்துடன் இருக்கிறீர்கள். அப்படியானால், நீங்கள் சொல்ல வேண்டிய மந்திரம் இதுதான். இந்த மந்திரம் நடக்காததையும் நடத்திக்காட்டும் தன்மையுடையது.
யஸ்ய அபவத் பக்தஜன ஆர்த்திஹந்து:
பித்ருத்வம் அந்யேஷு அவிசார்ய தூர்ணம்
ஸ்தம்பே அவதார: தம் அநந்ய லப்யம்
லக்ஷ்மி ந்ருஸிம்ஹம் சரணம் பிரபத்யே.
இந்த ஸ்லோகத்தைச் சொல்ல முடியாதவர்கள் பொருளைச் சொல்லுங்கள்.
"பக்தியற்றவர்களால் அடைய முடியாதவனே!
தாயின் கர்ப்பத்தில் அவதரித்தால்
தாமதமாகுமென்று தூணில் அவதரித்தவனே!
நினைத்த மாத்திரத்தில் பக்தர்களின்
துன்பத்தைப் போக்குபவனே!
லக்ஷ்மி நரசிம்மனே ! உன் திருவடிகளை சரணமடைகிறேன்."
நரசிம்மன் திருவடிகளே சரணம் .
यस्याभवद्भक्तजनार्तिहन्तुः
पितृत्वमन्येष्वविचार्य तूर्णम् ।
स्तम्भेऽवतारस्तमनन्यलभ्यं
लक्ष्मीनृसिंहं शरणं प्रपद्ये ॥ १ ॥
ஶ்ரீ லக்ஷ்மிநரசிம்மனே….
பல்லவி
ஶ்ரீலக்ஷ்மி நரசிம்மனே உனதிரு
காலடி பணிந்தேன் எனக்கருள்வாயென
அனுபல்லவி
மாலனே கேசவா ஆலிலையில் துயின்றவனே
பாலன் பிரகலாதனுக்கருள் செய்தவனே
சரணம்
ஞாலமுய்யவென அவதாரம் பலவெடுத்த
சாலச்சிறந்த அழகிய மாலோலனே
கோலாகலமாக தூணிலவதரித்து
காலனாய் விளங்கி இரணியனை வதைத்தவனே
தந்திமாரியம்மனுன்…….
பல்லவி
தந்திமாரியம்மனுன் தாள் பணிந்தேன்
உன் தயையொன்றே போதுமம்மா
அனுபல்லவி
சந்திர சூரியரைக் கண்களாயுடைவளே
சிந்தைக்கும் மொழிக்குமெட்டாத பராபரையே
சரணம்
மந்திர மேருவில் அமர்ந்திருப்பவளே
நந்தகோபன் மகன் கேசவன் சோதரியே
வெந்தணலேந்தி வரும் பக்தருக்கருள்தரும்
சுந்தரி சுகுமாரி உனதருள் வேண்டியே
பரதேவி நீயே….
பல்லவி
பரதேவி நீயே பராசக்தி நீயே
பரம்பொருளே தந்திமாரியம்மனே தாயே
அனுபல்லவி
வரம் தரும் கரமும் அபயகரமும் நீட்டும்
பரமேச்வரியே கேசவன் சோதரியே
சரணம்
அரனயனரியும் அமரேந்திரனும்
நரர் சுரரும் நாகராஜனும் பணியும்
கருமாரி நீயே காஞ்சி காமக்ஷி நீயே
பெருமைக்குரிய குன்னூர் தலத்துறை
தந்தி முகத்தோனை…..
பல்லவி
தந்தி முகத்தோனை கந்தனைத் தந்தவளே
தந்திமாரியே தாமரைப்பதம் பணிந்தேன்
அனுபல்லவி
சுந்தரி பர்வத வர்த்தனி சுகுமாரி
உந்தி கமலன் கேசவன் சோதரி
சரணம்
இந்திரன் முதலான தேவர்கள் மூவர்கள்
வந்தனை புரிந்திடும் ஆதி சக்தியே
பந்த பாசத்தளைகளை களைந்து நீயே
எந்தனுக்கருள வேண்டுமெனத் துதித்தேன்
தேவி…..
பல்லவி
தேவி உன் பாதம் பணிந்தேன்
ஓவியம் போல் வீற்றிருக்குமன்னையே ஶ்ரீமகா
அனுபல்லவி
மாவிடை வாகனன் பங்கிலுறைபவளே
ஆவினங்கள் மேய்க்கும் கேசவன் சோதரி
சரணம்
பூவினைக்கையிலேந்தும் புவி போற்றும் மலைமகளே
தீவினையகற்றி நல்வினை சேர்ப்பவளே
மூவாசைப் பிணி போக்கும் முன்வினைப் பயன் நீக்கும்
காவிய நாயகியே கலங்கரை விளக்கமே
தனித்தேரமிக்கும் தவத்தாள்அரன்மெய்
அணைத்தாள்அனைத்தும் படைத்தாள்இரங்கும்
குணத்தாள்பவத்தின் நடுக்கம்கெடுத்தென்
மனத்துள்ளுதித்தாள் மலர்த்தாள்சரணமே!
ஏகாந்தையாக (சிவானந்தலஹரியில்) ஆழ்ந்து ரமிக்கின்ற தவம் கொண்டவளும், பரமேச்வரனின் சரீரத்தை அணைத்தவளும், அனைத்து ப்ரபஞ்சங்களையும் படைத்தவளும், (பக்தர்களின் குறை தீர்க்க) தயை புரிபவளும், ஸம்ஸாரத்தின் நடுக்கத்தைத் தீர்த்து எனது மனதினுள் உதித்தவளுமான (என் அன்னையின்) மலரடிகளில் சரணம் புகுந்து விட்டேன்.
தானே தனியே…..
பல்லவி
தானே தனியே ரமிக்கும் தாயின்
தாமரைப்பதம் பணிந்து அருள் வேண்டித் துதித்தேன்
அனுபல்லவி
கூனல் பிறயணிந்த சிவனையணைத்தவளின்
ஆனிரைகள் மேய்த்த கேசவன் சோதரியின்
சரணம்
தேனென இனிக்கும் மொழியுடையாளின
வானும் புவியுமனைத்தும் படைத்தவளின்
தீனருக்கருளும் குணமுடையவளின்
ஞானமளித்தென் பவபயம் களைந்தவளின்
விந்தைகள்…….
பல்லவி
விந்தைகள் புரிந்திடும் தந்திமாரியம்மனை
சிந்தையில் வைத்து சந்ததம் துதித்தேன்
அனுபல்லவி
எந்தை ஈசன் மனங்கவர் மடந்தையை
நந்தகமேந்திய கேசவன் சோதரியை
சரணம்
நிந்தை புரிந்த அரக்கருக்குமருள் தந்த
சுந்தரியை சுகபணியைக் கல்யாணியை
வந்தனை புரிந்து வழிபடுமன்பர்கள்
முந்தைய பழவினை தொலைந்திடச்செய்து
மௌனமே……
பல்லவி
மௌனமே மொழியாக ஞானகுருவைப்பணிந்தேன்
கௌமாரனவனருள் வேண்டுமெனத்துதித்து
அனுபல்லவி
ஔவியம் வஞ்சம் நீங்கி மனமமைதி பெறவே-சுக
சௌனகாதியர் வணங்கும் குமரனை முருகனை
சரணம்
பௌதீக உலகில் அனைத்துமவனை
சௌந்தர்யமானவனைக் கேசவன் மருகனை
ஔதாரியம் தந்து அடியாரைக்காப்பவனை
சௌதாமினி சங்கரி விரும்புமன்பு மகனை
தந்தி மாரியம்மனுந்தன்….
பல்லவி
தந்தி மாரியம்மனுந்தன் தாமரைப் பதங்களை
சிந்தையில் வைத்து சீரடி போற்றினேன்
அனுபல்லவி
உந்தி கமலன் கேசவன் சோதரி
மந்திர தந்திர யந்திர வடிவான
சரணம்
விந்தைகள் பல புரியும் சுந்தரி சுகுமாரி
வந்திப்பவர்க்கருளும் சந்திர கலாதரி
எந்த இடத்திலும் இருப்பவளே ஈச்வரியே
மந்திர வேதப் பொருளே மாயே
பக்த வத்சலா……
பல்லவி
பக்த வத்சலா க்ருஷ்ணா தேவகி சுதா
முக்தி தந்திடும் க்ருஷ்ணா மோகனப்ரியா
அனுபல்லவி
சக்தி சோதரா க்ருஷ்ணா கருட வாகனா
துக்க நாசனா க்ருஷ்ணா த்வாரகாபதே
சரணம்
கம்ச மர்த்தனா க்ருஷ்ணா கமல நாபனே
காமசுந்தரா க்ருஷ்ணா கல்கி ரூபனே
கமல லோசனா க்ருஷ்ணா சென்ன கேசவா
நந்த கோபாலா க்ருஷ்ணா நர்த்தனப்ரியா
