பொங்கும் எழில்......
பல்லவி
பொங்கும் எழில் கொஞ்சும் ஆண்டாள் உடனிருக்கும்
மங்களம் தரும் அரங்கனைப் பணிந்தேன்
அனுபல்லவி
தங்கும் பொருள் தரும் திருமகளும் மற்றும்
பெரியாழ்வார் கருடாழ்வார் அருகிருந்து துதிக்கும்
சரணம்
திங்களும் ஞாயிறும் ஒரு கோடி உதித்தது போல்
எங்கும் ஒளிமயமாய் சோபிக்கும் கேசவனை
அங்கமில் மன்மதனைப் பழிக்கும் திருவுருவை
திருவில்லிபுத்தூர் திருநகரில் கண்டேன்
No comments:
Post a Comment