ஶ்ரீ லக்ஷ்மிரங்கனை.......
பல்லவி
ஶ்ரீலக்ஷ்மிரங்கனை ஆராதனை புரிந்தேன்
கோலவிழியாள் செங்கமலவல்லி மனங்கவர்
துரிதம்
ஆலமுண்ட நீலகண்ட சிவனும் அனந்தனும்
பிரமனும் அனுதினம் துதித்திடும்
அனுபல்லவி
நீல நிறத்தழகனை வேணுகானலோலனை
திருத்தெற்றியம்பலம் பள்ளிகொண்ட பெருமாளை
சரணம்
சாம முதல் வேதங்களும் இதிகாச புராணங்களும்
பாமரரும் பக்தர்களும் சித்தர்களும் போற்றும்
இயலிசை நாடகக் கலாரசிகனை மாலனை
நயமுடன் அடியவர் நலம் காக்கும் கேசவனை
தாளம் : கண்ட ஜம்பை
No comments:
Post a Comment