காமனை

 ஸ்ரீகாமாக்ஷி ஸ்தோத்ரம்

தொடர் - 10

காமாரி காமாம் கமலாஸநாதாம்

காம்யப்ரதாம் கங்கணபூஷணஹஸ்தாம் 

காஞ்சி நிவாஸம் கனகபிரபாஸாம்

காமாக்ஷி கலயாமி சித்தே

பொருள்: காமனை தகித்த பரமேஸ்வரனின் பத்னியே! செந்தாமரையில் வீற்றிருப்பவளே! பக்தர்களின் மனோ விருப்பங்களை பூர்த்தி செய்பவளே!நினது திருக்கரங்களில் வளையல்களை அணிந்தவளே! பொன்னிறமாக ஜ்வலிப்பவளே! காஞ்சிபுரத்தில் வாசம் செய்பவளே! காமாக்ஷி! என்றும் எமது சித்தத்தில் நிறைந்து அருள் புரிவாய் அம்மா!

                                                                காமனை....

                                                                    பல்லவி

                                                      காமனை எரித்த  காமேச்வரனின்

                                                      வாமத்திலமர்ந்த அவர்தம் துணைவியே

                                                                   அனுபல்லவி

                                                      தாமரை மலரமர் காமாக்ஷியே

                                                      மாமறைகள் போற்றும் கேசவன் சோதரி

                                                                           சரணம்

                                                      பாமரர் பக்தர்கள் விரும்பும் வரமருள்பவளே

                                                       திருக்கரங்களில் வளையல்களணிந்தவளே

                                                       தங்கமயமானவளே காஞ்சியிலுறைபவளே

                                                       என் மனக் கோயிலில் எழுந்தருள்வாயே

                                                       

                                                      

                                                      

                                                      

                                                     

                                                     

கரும்பேந்திய கந்தனை்

 

                                    கரும்பேந்திய கந்தனை்.....

                                                           பல்லவி

                                      கரும்பேந்திய கந்தனை கார்த்திகேயனை

                                      செட்டிக்குளம் திருத்தலத்தில் கண்டு மனம் களித்தேன்

                                                          அனுபல்லவி

                                       வருந்தித் துதித்திடும் மெய்யடியார்க்கருளும்

                                       முருகனைக் குமரனை கேசவன் மருகனை

                                                                சரணம்

                                        பெருமைக்குரிய ஏகாம்பரேச்வரரும்

                                        கருணைமிகு காமாட்சி அன்னையும் விருப்பமுடன்

                                        அருகிருந்து காட்சி தரும் அழகிய வேலனை

                                        அருள் தர வேண்டுமென மனமாரத்துதித்தேன்

                                         

                    

மயிலாடுதுறைவளரீசன்.....

 ஸ்ரீ மாத்ரே நமஹ.....

பாதாம் புயத்திற் சிறு சதங்கைப்

  பணியுஞ் சிலம்புங் கிண்கிணியும்

படர் பாடகமுந் தண்டையுடன்

  படியுங் கொலுசுந் தழைத்தருளும்

பீதாம்பரமுந் துவள் இடையும்

  பிரியா தரைஞான் மாலைகளும்

பெருகுந் தரள நவமணியும்

  புனையுங் குயமும் இரு புயமும்

போதாரமுத வசன மொழி

  புகழும் வாயும் கயல் விழியும்

புண்டரீகத் திரு நுதலும்

  பொன் போற் சடையும் மதிமுகமும்

வாதாடிய பேரின்ப ரச

  வதனக் கொடியே உனை அடுத்தேன்

மயிலா புரியில் வளரீசன்

  வாழ்வே அபயாம்பிகைத் தாயே

விளக்கம் :

          அழகிய திருவடிகளில் சதங்கையும், தண்டையும், மணிகள் படர்ந்த கொலுசும் அணிந்தவளே!

இடையில் அழகிய பட்டாடையினையும், இடையை பிரியாது அரைஞானும், முத்து மற்றும் நவமணிகளாலான மாலைகளையும் அணிந்தவளே!  பரஞானம் அபரஞானம் எனும் எனும் தனங்களை உடையவளே!பல அமுத மொழிகள் பேசும் திரு வாயினை உடையவளே!மதி போன்ற முகத்தில் தாமரை இதழ் போன்ற நெற்றியினையும், மீன் போன்ற கண்களையும் உடையவளே!காற்றில் அசையும் கொடி போல நின்று அருள் வழங்கும் தாயே! மயிலாடுதுறை ஈசனின் சக்தியே அபயாம்பிகைத் தாயே! 

                      மயிலாடுதுறைவளரீசன்.....

                                பல்லவி

                   மயிலாடுதுறைவளரீசன் மனங்கவர்

                   அபயாம்பிகையே கேசவன் சோதரி

                               அனுபல்லவி     

                    ஒயிலாக குயில் போல அமுத மொழிபேசும்

                    திருவாயுடைவளே மதி முகத்தாளே

                                     சரணம்

                     வடிவான திருவடியில் சதங்கையும் தண்டையும்

                     கிண்கிணி மணி படர்ந்த கொலுசுமணிந்தவளே

                      இடை பிரியாத அரைஞாணும் அழகுடனே

                      முத்தும் நவரத்தினமும்  பட்டுடையும் தரித்தவளே

                      பர அபரஞானமெனும் தனங்களையுடையவளே  

                      இரு புயமும் பொன் போற் சடையுமுடையவளே                  

                      கமலமலரிதழ் போல நுதலுடைய கயல்விழியே

                      காற்றில் அசைந்தாடும் கொடியிடையே உனைப்பணிந்தேன்

                       

        

                                           

                            

திருமணிக்கூடம்தனில்....

 

                                              திருமணிக்கூடம்தனில்....

                                                       பல்லவி

                                  திருமணிக்கூடம்தனில் எழுந்தருளிக்காட்சிதரும்

                                  திருமாலைக் கேசவனை மனமாரத்துதித்தேன்

                                                          அனுபல்லவி

                                  திருமாமகளும் மனம் மகிழ உடனிருக்கும்

                                   தேவாதி தேவனை ஶ்ரீ வரதராஜனை

                                                          சரணம்

                                  கருடனும் சந்திரனும் நரர் சுரரும் நாரதரும்

                                  பிரமனும் இந்திரனும் சுகசனகாதியரும்

                                  கரம் பணிந்தேத்தும் மணிக்கூட நாயகனை 

                                  எனக்கருள வேண்டுமென திருவடி பணிந்து

உலகனைத்தும்

ஸ்ரீகாமாக்ஷி ஸ்தோத்ரம்

சித்தானந்த ஜனஸ்ய சின்மய சுகாகாராம் மஹாயோகினீம்

மாயா விஸ்வ விமோஹினீம் மதுமதீம் த்யாயேத் சுபாம் ப்ராஹ்மணீம்

த்யேயாம் கின்னர சித்த சாரணவதூ கேயாம் சதா யோகிபீம்

காமாக்ஷீம் கலயாமி கல்பலதிகாம் காஞ்சிபுரீ தேவதாம்

பொருள்: ஞானிகளுக்கு உனது தெய்வீக வடிவினால் ஆனந்தத்தை அளிப்பவளே! யோகத்தில் சிறந்தவளே! தேனினும் இனிமையானவளே! ஜகம் அனைத்தையும் மோஹிக்கச் செய்பவளே! ஞானமாக விளங்குபவளே! சகலருக்கும் மங்களத்தை அருள்பவளே! சித்த, கின்னர, சாரண ஸ்த்ரீக்களால் போற்றப்படுபவளே! அனைவராலும் தியானிக்கத் தக்கவளே! காஞ்சிபுரத்தில் வாசம் செய்யும் கற்பகத்தருவே! காமாக்ஷி! உம்மை மனதில் வணங்கி தியானிக்கிறோம் அம்மா!

                                                           உலகனைத்தும்.....

                                                                    பல்லவி

                                          உலகனைத்தும் மோகிக்கும் உமையே காமாக்ஷி 

                                          யோகத்தில் சிறந்தவளே கேசவன் சோதரி

                                                                 அனுபல்லவி

                                          பலவிதமான  தேவகன்னியரும்

                                          சித்த கின்னரப் பெண்களும் போற்றும்

                                                                      சரணம்

                                          நலம் தரும் தெய்வீக வடிவம் கண்டு

                                          உளம் களிக்கும் ஞானியர்கள் உடனிருப்பவளே

                                          தலங்களுள் சிறந்த காஞ்சிவளர் கற்பகமே

                                          தேனினுமினியவளே தேவி உனைத் துதித்தேன்

                                          

                                           

 

                                                                                                                                                 

               

ஶ்ரீவித்யா......

 ஸ்ரீகாமாக்ஷி ஸ்தோத்ரம்

ஹ்ரீம்கார ப்ரணவாத்மிகாம் பிரணமதாம் ஸ்ரீவித்யா வித்யாமயீம்

ஐம் க்லீம் ஸௌம் ருசே மந்த்ரமூர்த்திம் நிவஹா காராம ஸோஷாத்மிகாம்

பிரஹ்மானந்தர சனுபூத மஹிதாம் பிரஹ்மப்ரியாம் வாதினீம்

காமாக்ஷீம் கலயாமி கல்பலதிகாம் காஞ்சிபுரீ தேவதாம்பொருள்: ஸ்ரீவித்யாவின் சக்தி பிரணவமாக ஜ்வலிப்பவளே! பக்தர்களின் ஜபத்திற்கேற்ற வடிவில் காட்சி அளிப்பவளே! அனைத்துலக உயிர்களின் ஆன்மாவாக பிரகாசிப்பவளே! பிரம்மனால் பூஜிக்கப்படுபவளே! பிரஹ்மானந்தத்தை நல்குபவளே! காஞ்சிபுரத்தில் வாசம் செய்யும் கற்பகத்தருவே! காமாக்ஷி! உம்மை மனதில் வணங்கி தியானிக்கிறோம் அம்மா. 

                                                            ஶ்ரீவித்யா......

                                                                  பல்லவி

                                          ஶ்ரீவித்யா மந்திரத்தின் உட்பொருளே காமாக்ஷி                                 

                                           காஞ்சி நகர் கற்பக  தருவேயுனைப்பணிந்தேன்

                                                                 அனுபல்லவி                                                       

                                           தேவி கேசவன் சோதரி  உனதடியார்

                                           துதித்திடும் வண்ணம் காட்சி அளிப்பவளே

                                                                        சரணம்

                                           இவ்வுலக உயிர்க்கெல்லாம் உள்ளொளியாயிருப்வளே

                                           அவ்வுலகப் பிரமனுமமரரும் வணங்கிடும்

                                           செவ்விய கமலத் திருவடியுடையவளே

                                           பவ்யமாய்ப் பணிவோர்க்கு ஆனந்தமளிப்பவளே                                           

                                           

                                                                                

 

                                            

திரு நகர்.....

 அழகான காஞ்சியில் புகழாக வாழ்ந்திடும் அன்னை காமாக்ஷி உமையே .........

உத்வேல்லித ஸ்தபகிதைர் லலிதைர் விலாஸை: 

உத்தாய தேவி தவ காடகடாக்ஷகுஞ்ஜாத் | 

தூரம் பலாயயது மோஹ ம்ருகீகுலம் மே 

காமாக்ஷி ஸ்தவரமனுக்ரஹ கேஸரீந்த்ர: ||30||

            - கடாக்ஷ சதகம்.

காமாக்ஷி தேவியே! உனது அநுக்ரஹமாகிற பெருஞ்சிங்கமானது  பிடரி மயிரைச் சிலிர்த்துக்கொண்டு, அழகிய சேஷ்டையோடு உனது  கடாக்ஷமாகிற  அடர்ந்த புதரிலிருந்து வெளிவந்து, என்னுடைய அக்ஞானமாகிற  மான்கூட்டத்தை விரைவாய் துரத்தி விரட்டட்டும்!

                                               திரு நகர்.....

                                                         பல்லவி

                                     திருநகர் காஞ்சியில் அழகுடன் வீற்றிருக்கும்

                                     அருமை அன்னையே காமாக்ஷி தேவி

                                                         அனுபல்லவி

                                     வருந்தித் துதித்திடும் அடியாரைக் காத்திடும்

                                     ஏகாம்ரேச்வரி கேசவன் சோதரி

                                                               சரணம்

                                     கருணைக்காட்டில் உலவித்திரிகின்ற 

                                     அருளெனுமுன் சிங்கம் தன் பிடரி சிலிர்த்து

                                     இருள்சூழென் மன மானைத் துரத்தி

                                     விரட்டி அடித்திட வேண்டுமென்றே 

                                     

சக்கரங்களனைத்திற்கும்....

 

ஸ்ரீகாமாக்ஷி ஸ்தோத்ரம்

ஆதாராதி சமஸ்த சக்ரநிலயாம் ஆத்யந்த சூன்யாம் உமாம்

ஆகாசாதி சமஸ்த பூதநிவஹகராம விசேஷாத்மிகாம்

யோகீந்த்ரைரபி யோகினீ சதகணைராராதிதாம் அம்பிகாம்

காமாக்ஷீம் கலயாமி கல்பலதிகாம் காஞ்சிபுரீ தேவதாம்

பொருள்: அனைத்து சக்ரங்களுக்கும் ஆதாரமான ஸ்ரீசக்கரத்தில் வாசம் செய்யும் ஆதியந்தமில்லா உமையே! ஆகாயம் முதலான பஞ்சபூத வடிவினளே! யோகத்தில் சிறந்த அம்பிகையே! கோடி கணக்கான யோகியர் மற்றும் யோகினி கூட்டங்களால் சேவிக்கப்படுபவளே! காமாக்ஷி! உம்மை மனதில் வணங்கி தியானிக்கிறோம் அம்மா!

                                              சக்கரங்களனைத்திற்கும்....                  

                                                            பல்லவி

                                         சக்கரங்களனைத்திற்கும் ஆதாரமான திருச்

                                         சக்கரத்தில் வீற்றிருக்கும் அம்பிகையே உமையே

                                                            அனுபல்லவி

                                          அக்கினி காற்று நிலம் நீர் ஆகாயமென

                                          பஞ்சபூத வடிவானவளே

                                                                சரணம்

                                          யோகியர் யோகினிகள் பலரும் துதித்திடும்

                                          யோகத்தில் சிறந்தவளே கேசவன் சோதரியே

                                          ஆதியந்தமில்லா காமாக்ஷி தேவியே

                                          காஞ்சித்தலம் வளர் கற்பக விருட்சமே

                                           

                                                                                    

                                          

                                           

                                                        

                                                 

                                                  

அரூப லக்ஷ்மி......

 

                                                  அரூப லக்ஷ்மி......

                                                                பல்லவி

                                          அரூப லக்ஷ்மியுன் சொரூபம் பணிந்தேன்

                                          விராட ரூபம் கொண்ட கேசவன் துணைவி

                                                               அனுபல்லவி

                                           குரூரமான நரகாசுரனெனுன்

                                            அரக்கனையழித்த பூமா தேவியே

                                                                    சரணம்

                                             பெருமையுடன் தன் பேரழகு கொண்டு

                                             கருவமுடன் திரிந்த திருமகளைத் திருமால்

                                             உருவமின்றிச் செய்ய தவறுணர்ந்து

                                             காஞ்சியில் காமாக்ஷி முன்னமர்ந்த

                                            

காமாக்ஷி தேவி......

 

ஸ்ரீகாமாக்ஷி ஸ்தோத்ரம்

மாகந்த த்ரும மூலதேச மாணிக்ய சிம்ஹாஸனே

திவ்யாம் தீபித ஹேமகாந்தி நிவஹா வஸ்த்ரவ்ருதாம் சுபாம்

திவ்ய கல்பித திவ்யதேஹ பரிதாம் த்ருஷ்டி ப்ரோமதர்பிதாம்

காமாக்ஷீம் கலயாமி கல்பலதிகாம் காஞ்சிபுரீ தேவதாம்

பொருள்: மாமரத்தின் அடியில் மாணிக்க சிம்மாசனத்தில் வீற்றிருப்பவளே! பொன்னிற ஆடையை தரித்து தெய்வீகமாகத் திகழ்பவளே! சர்வாலங்கார பூஷிதையாக, காணும் அனைவர்க்கும் களிப்பை ஏற்படுத்தும் வண்ணம் வீற்றிருப்பவளே! காஞ்சிபுரத்தில் வாசம் செய்யும் கற்பகத்தருவே! காமாக்ஷி! உம்மை மனதில் வணங்கி தியானிக்கிறோம் அம்மா!

                                                          காமாக்ஷி தேவி......

                                                                       பல்லவி

                                                        காமாக்ஷி தேவி கேசவன் சோதரி

                                                        மாமறைகள் போற்றும் உனையே துதித்தேன்

                                                                        அனுபல்லவி           

                                                        நாம மாயிரம் உடையவளே ஈசன்

                                                        வாம பாகம்தனை வவ்விய ஈச்வரி

                                                                               சரணம்

                                                        காமனும் நாண அலங்காரம் புனைந்து

                                                        கோமளமாய் பொன் வண்ண ஆடையணிந்து

                                                        மாமரத்தின் கீழ் மாணிக்க ஆசனத்தில்

                                                        காஞ்சியில் வீற்றிருக்கும் கற்பகத் தருவே

                                                                       

                              

                                  

வில் வளைத்திருக்கும்

 

                                                    வில் வளைத்திருக்கும்.......

                                                               பல்லவி

                                               வில் வளைத்திருக்கும் விநாயகனை

                                               நல்ல வண்ணம் வணங்கி நாளும் துதித்தேன்

                                                             அனுபல்லவி

                                                அல்லலிடர் கவலை அனைத்தும் நீங்கிட

                                                வல்லபா நாயகனைக் கேசவன் மருகனை

                                                                சரணம்

                                                 மல்லீச்வரரும் மாதா பார்வதியும்

                                                 மடி வைத்துக் கொஞ்சிடும் பாலகணதியை

                                                 தொல் பவச்சுழலில் சிக்குண்டு தவிக்கும்

                                                 வல்வினையேன் எனை ஆண்டருள வேண்டுமென             

                                                

ஶ்ரீ ரகுராமனை..

                                                     ஶ்ரீ ரகுராமனை..

                                                          பல்லவி

                                             ஶ்ரீரகுராமனை நமஸ்கரித்தேன்

                                              கோரசம்சாரக் கடலினைக் கடந்திட

                                                         அனுபல்லவி                               

                                             பாரோர் கொண்டாடும் சீதாபதியை

                                             தசரதகுமாரனை தாமரைக் கண்ணனை

                                                              சரணம்

                                              கோர அரக்கரை அழித்த கேசவனை

                                              வீர ராகவனைத் திண் தோளழகனை

                                              ஆதவகுலத்துதித்த ரத்தின மணியென

                                              ஊரார் பாரட்டும் கோதண்டபாணியை

                                              

                                                

                                               

கமலமலரடியால்....

 ஸ்ரீகாமாக்ஷி ஸ்தோத்ரம்

தொடர் - 03

கதம்பப்ரமத விலஸகமனாம் கல்யாண காஞ்சீரவாம்

கல்யாணாசல பதாம்புஜ யுகளாம் காந்த்யாம் ஜ்வலந்தீம் சுபாம்

கல்யாணாசல கார்முகப்ரியதமாம் கதம்ப மாலாஸ்ரயாம்

காமாக்ஷீம் கலயாமி கல்பலதிகாம் காஞ்சிபுரீ தேவதாம்

பொருள்: சலங்கைகள் நிரம்பிய கொலுசை அணிந்து ஓசை எழும்ப பெண் அன்னம் போல மென்மையாக நடப்பவளே! மேரு மலையினில் கமலம் போன்ற திருவடிகளை கொண்டு பொலிபவளே! ஸ்வயம்பிரகாசம் ஆனவளே! மேரு மலையை வில்லாக வளைத்த மஹேஸ்வரனுக்கு பிரியமானவளே! கதம்ப மலர்களாலான மாலையை விரும்பி அணிபவளே! காஞ்சிபுரத்தில் வாசம் செய்யும் கற்பகத்தருவே! காமாக்ஷீ! உம்மை மனதில் வணங்கி தியானிக்கிறோம் அம்மா!

                

                                                   கமலமலரடியால்....

                                                                    பல்லவி

                                                 கமலமலரடியால் மேருவை வலம் வரும்

                                                 காமாக்ஷியுனை மனமாரத்துதித்தேன்

                                                                     அனுபல்லவி

                                                 கமலபதம் தனில் சலங்கைகளணிந்து

                                                 அன்னம் போல்  நடந்திடும் கேசவன் சோதரி

                                                                          சரணம்

                                                 மேருவை வில்லாய் வளைத்த ஈசன்

                                                  காமேச்வரனிடம் பிரியம் கொண்டவளே

                                                  கதம்ப மலர்மாலை விரும்பி அணிபவளே

                                                  காஞ்சி நகர் வளர் கற்பக தருவே

                                                 

                    

                                                  

காமேச்வரனின்......

 ஸ்ரீகாமாக்ஷி ஸ்தோத்ரம்

தொடர் - 02

காமாரதி மனப்ரியாம் கமலபூஸேவ்யாம் ரமாராதிதாம்

கந்தர்ப்பாதிக தர்ப்பதன விலஸத் சௌந்தர்ய தீபங்குராம்

கீரலாப விநோதினீம் பகவதீம் காம்ய ப்ரதான வ்ருத்தாம்

காமாக்ஷீம் கலயாமி கல்பலதிகாம் காஞ்சிபுரீ தேவதாம்

பொருள்: காமாரியான சிவபெருமானின் மனதிற்கினியவளே! பிரம்மன் மற்றும் இலக்குமியால் துதிக்கப்படுபவளே! பிரகாசமான தீபச்சுடரை போன்ற அழகினால் காதற்கடவுளை பழிப்பவளே! கிளிகளுடன் கொஞ்சி விளையாடுவதில் விருப்பம் உடையவளே! வேண்டியதை வரமளிக்கும் தவமாகத் திகழ்பவளே! காஞ்சிபுரத்தில் வாசம் செய்யும் கற்பகத்தருவே! காமாக்ஷி! உம்மை மனதில் வணங்கி தியானிக்கிறோம் அம்மா!

                                              காமேச்வரனின்......

                                                          பல்லவி

                                          காமேச்வரனின் மனங்கவர் ஈச்வரி

                                          காமாக்ஷியுன் பதம் பணிந்தேன்

                                                           அனுபல்லவி

                                          காமனையுந்தன் சுடரொளியால் மிஞ்சும்

                                          கோமளமே அழகே கேசவன் சோதரி

                                                                 சரணம்

                                          பூமகள் நான்முகன் துதித்திடும் அணங்கே

                                          கோமளக் கிளிகளை விரும்பிக் கொஞ்சிடும்

                                          கற்பகத் தருவே கருணைக்கடலே

                                          காஞ்சித்திருநகரில் வாசம் புரிபவளே

                                           

                                          

                

காமாக்ஷி தேவி.....

 ஸ்ரீகாமாக்ஷி ஸ்தோத்ரம்

தொடர் - 01

       ஓம் ஸ்ரீமஹா கணபதயே நமஹ

காஞ்சி கங்கண நூபுர ரத்னகங்கண லஸத் கேயூர ஹாரோஜ்வலாம்

காஷ்மீராருண கஞ்சுகாஞ்சித குசம் கஸ்தூரிகா சர்ச்சிதாம்

கல்ஹாராஞ்சித கல்போக ஜ்வலமுகீம் காருண்ய கல்லோலினீம்

காமாக்ஷீம் கலயாமி கல்பலதிகாம் காஞ்சிபுரீ தேவதாம்

பொருள்: நாநாவித ரத்னங்களாலான பிரகாசமான கிரீடம், ஹாரம், வளையல், ஒட்டியாணம், கொலுசு ஆகியவற்றை அணிந்து பொலிவுற திகழ்பவளே! காஷ்மீரத்தின் குங்குமப்பூ போன்ற சிவந்த கச்சையை அணிந்திருப்பவளே! கஸ்தூரி திலகத்தினால் அலங்காரமான முன் நெற்றியை கொண்டவளே! கருணை என்னும் கடல் போன்ற வதனத்தில் மலர்ந்திருக்கும் நீலோத்பலம் போன்ற அழகிய விழிகளை உடையவளே! காஞ்சிபுரத்தில் வாசம் செய்யும் கற்பகத்தருவே! காமாக்ஷி! உம்மை மனதில் வணங்கித் துதிக்கிறோம் அம்மா!

                                                            காமாக்ஷி தேவி.....

                                                                  பல்லவி

                                                 காமாக்ஷி தேவி உனையே துதித்தேன்

                                                 பூமண்டலம் போற்றும் காஞ்சி மாநகர் வளர்

                                                                 அனுபல்லவி

                                                 மாமாயன் கேசவன் அன்பு சோதரி

                                                 பூமிநாதனின் இடப்பாகமமர்ந்தவளே   

                                                                     சரணம்

                                                 வைர வைடூரியங்கள் பதித்த மகுடமும்

                                                 ஆரநவமணி மாலையும் வளையலும்

                                                 சீர்மிகு சிவந்த கச்சையுமணிந்தவளே

                                                 நெற்றியில் கஸ்தூரி திலகமணிந்தவளே

                                                 கருணைக்கடலென மலர்ந்த வதனத்தில்

                                                 கருநீலோத்பலம் போல் விழியமைந்தவளே

                                                 கற்பகத்தருவே கருநிறத்தவளே

                                                 அருள் தரவேண்டுமன அனுதினம் பணிந்து

தேவி சாகம்பரி......

 

  தேவி சாகம்பரி......

சாகம்பரியை தேவீ மஹாத்மியம் வர்ணிக்கிறது:
சாகம்பரீ நீலவர்ணா நீலோத்பல விலோசலா
கம்பீர நாபிஸ் த்ரிவலீ விபூஷித தனூதரீ
ஸுகர்க்கச ஸமோத்துங்க வ்ருத்த பீந கனஸ்தனீ
முஷ்டிம் சிலீமுகாபூர்ணம் கமலம் கமலாலயா
புஷ்ப பல்லவ மூலாதி பலாட்யம் சாக ஸஞ்சயம்
காம்யானந்த ரஸைர் யுக்தம் க்ஷுத் த்ருண் ம்ருத்யு ஜ்வராபஹம் 
கார்முகஞ் ச ஸ்புரத் காந்தி பிப்ரதீ பரமேச்வரீ
சாகம்பரீ சதாக்ஷி ஸா ஸைவ துர்க்கா ப்ரகீர்த்தி தா
சாகம்பரீ நீல வர்ணமானவள், கருநெய்தல் போன்ற கண்ணழகு கொண்டவள், சாமுத்ரிகா லக்ஷணப்படி ஆழ்ந்த நாபியும், மூன்று மடிப்புகளும் கொண்ட அழகிய குறுகிய வயிற்றினை உடையவள். கடினமான, பருத்து எழுந்த வட்ட ஸ்தனங்களை உடையவள். தாமரை மலரில் வீற்றிருப்பவள். அழகிய நான்கு கைகளை உடையவள். ஒரு கையில் தாமரை மலர், மற்றொன்றில் கைப்பிடி நிறைய அம்புகள், பிறிதொரு கையில் ஒளி வீசும் வில் வேறொரு கையில் பசி, தாகம், சாக்காடுகளைப் போக்கும் புஷ்பம், தளிர், வேர், பழம், ஆகியவற்றை ஒன்றாகவும் பிடித்து சாகம்பரி எனும் சதாக்ஷி காட்சி தருகிறாள்

                                                             பல்லவி

                                             தேவி சாகம்பரியை மனமாரத்துதித்தேன்

                                             மூவாசைப்பிணி போக்கும் முன்வினைப் பயன் நீக்கும்

                                                           அனுபல்லவி

                                             பூவிதழ் மலர்ந்து புன்னகை புரிந்திடும்

                                             ஓவிய வடிவில் காட்சி அளித்திடும்

                                                                  சரணம்

                                             தாமரை ஏந்திய ஒருகரமும் மற்றும்

                                             அம்புடன் வில்லேந்தும் இருகரமும் 

                                             பசிப்பிணி போக்கிடும் திருக் கரமும் கொண்டு

                                             ஆயிரம் கண்ணுடையாள் காட்சி தர...... ( தேவி......)

                                             நீலவண்ணமும் கருவிழியும் கொண்ட

                                             மூன்று மடிப்புடைய இடையுடையாளை

                                             பருத்த அழகிய தனமுடையாளவளை

                                             கமலமலரமர் கேசவன் சோதரியை

                                             

                                              

                                                  

                                        

பொங்கும் எழில்......

 

                                                பொங்கும் எழில்......

                                                              பல்லவி

                                         பொங்கும் எழில் கொஞ்சும் ஆண்டாள் உடனிருக்கும்        

                                          மங்களம் தரும் அரங்கனைப் பணிந்தேன்

                                                             அனுபல்லவி

                                           தங்கும் பொருள் தரும் திருமகளும் மற்றும்

                                           பெரியாழ்வார் கருடாழ்வார் அருகிருந்து துதிக்கும்

                                                                    சரணம்

                                            திங்களும் ஞாயிறும் ஒரு கோடி உதித்தது போல்

                                             எங்கும் ஒளிமயமாய் சோபிக்கும் கேசவனை

                                              அங்கமில் மன்மதனைப் பழிக்கும் திருவுருவை

                                              திருவில்லிபுத்தூர் திருநகரில் கண்டேன்

      

                                           

    

உன்னை மட்டும்

               

                                             உன்னை மட்டும்.....

                                                   பல்லவி

                                       உன்னை மட்டுமே நம்பினேனய்யா

                                       ஓ (ஶ்ரீ) ரங்கநாதா கடைக்கண் பாராய்

                                                    அனுபல்லவி

                                        அன்னை தந்தை குரு தெய்வம்

                                        அனைத்தும் நீயே என்றறிந்தேன்

                                                          சரணம்

                                         பொய்யும் புனைக்கதையும் மலிந்த இப்புவியில்

                                          என்னை மட்டும் தவிக்க விட்டு

                                          ஒய்யாரமாய் மார்பில் திருமகளுடனே 

                                           பள்ளி கொண்டாயே நியாயமா கேசவா

பார்த்தேன்

 

                                                   பார்த்தேன்.......

                                                             பல்லவி

                                         பார்த்தேன் பரவசமடைந்தேன் பள்ளிகொண்டானை

                                         திருவரங்கம் தனில் கிடந்த ஶ்ரீ ரங்கநாதனை

                                                              அனுபல்லவி

                                         கோர்த்த மலர் மாலையைத் தான் சூடிக் கொடுத்தவள்

                                         கோர்த்த பாமாலையில் மனம் மகிழ்ந்த அரங்கனை

                                                                    சரணம்

                                          நேர்த்தியுடன் திருமகளும் பூமகளும் பணியும்

                                          கீர்த்தி மிகு வைகுண்டம்தனில் விளங்கும் நாரணனை

                                          நாரதரும் நான்முகனும் நான்மறையும் தொழுதேத்தும்

                                          பாற்கடலில் அரவணையில் துயிலுறும் கேசவனை

                                                            தாளம்: மிச்ர ஜம்பை

நலம் பெறவே......

 

                                                            நலம் பெறவே......

                                                                         பல்லவி

                                              நலம் பெறவே சரணடைந்தேன் நரசிம்மன் திருவடிகள்

                                              வளம் கொழிக்கும் பஞ்சமிலாத் தஞ்சையாளித் திருநகரில்

                                                                        அனுபல்லவி

                                              நிலம் நீர் நெருப்பு நீள்விசும்பு காற்று

                                              உலகனைத்தும் அவனென்று அறிந்துணர்ந்து தினம் வேண்டி

                                                                              சரணம்

                                              களிறரக்கன் தஞ்சகனை உடல் கிழித்து மாய்த்தவனை

                                               களிநடனம் காளிங்கன் தலைமீது புரிந்தவனை

                                               களிப்புடன் மணிமார்பில் தஞ்சை நாயகியுடனே

                                                ஒளி பொங்கும் எழில் கொஞ்சும் மாதவனைக் கேசவனை

          

கண்டேன் கேசவனை

 

    

                                                 கண்டேன் கேசவனை......

                                                         பல்லவி

                                           கண்டேன் கேசவனைக் கடல் நிறத்து மேனியனை

                                           கொண்டேன் பரவசம் நான் கோபியரைப் போலவே

                                                            அனுபல்லவி

                                           உண்டால் மது மயக்கம் ஒரு பொழுதில் ஓய்ந்துவிடும்

                                           கண்டால் கேசவனைக் காலமெல்லாம் மனம் களிக்கும்

                                                                  சரணம்

                                            வண்டாடும் சோலையெல்லாம் வடிவழகைக் காட்டுகின்றான்

                                            திண்டாடும் என்குறைகள் தீர்த்து வைக்க ஓடி வந்தான்

                                            கண்ணனவன் குழலூதி மனம் களிக்கச் செய்கின்றான்

                                            மண்ணையுண்ட வாயன் மாமாயன் கோவிந்தன்

                                            

                                             

பூவனூர் தலம்

 

                                  

                                                          பூவனூர் தலம்......

                                                          பல்லவி

                                               பூவனூர் தலம்வளர் கைலாசநாதனை

                                               தேவாதி தேவனை மனமாரத்துதித்தேன்

                                                            அனுபல்லவி

                                               தேவர் முனிவர் பணி நீலகண்டனை

                                                ஆவினங்கள் மேய்க்கும் கேசவன் நேசனை

                                                                      சரணம்

                                                 தேவேந்திரனும் நந்தியும் கணங்களும்

                                                  சேவற்கொடியோனும் வேழமுகத்தோனும்

                                                   பூவிலமரயனும் கரம்பணிந்தேத்தும்

                                                    மாவிடைவாகனனை மகாதேவனை                

விளக்கொளிப் பெருமாளை

 

                                                  விளக்கொளிப் பெருமாளை....

                                                                  பல்லவி

                                              விளக்கொளிப் பெருமாளை மனமாரப் பணிந்தேன்

                                                                    துரிதம்

                                              அலைமகள் கலைமகள் தேசிகன் மற்றும்

                                               மாருதி நாரதர் நான்மறை போற்றும்

                                                                   அனுபல்லவி 

                                               அளப்பரிய கருணையுடன் எந்தன் மன

                                                இருள் நீக்கி ஒளிதந்த அருள்மிகு

                                                                          சரணம்

                                                 மரகதவல்லியின் மனங்கவர் நாயகன்

                                                 அரனயன் அமரர்கள் சந்திர சூரியன்

                                                 நரர் சுரரிந்திரன் சனகாதி முனிவர்கள்

                                                 கரம் பணிந்தேத்தும் சென்ன கேசவன்

அலர்மேலு மங்கையை

 

                                             அலர்மேலு மங்கையை.....

                                                             பல்லவி

                                              அலர்மேலு மங்கையை புஷ்பவல்லியை

                                               நலம்பெற வேண்டி நாளும் துதித்தேன்

                                                              அனுபல்லவி

                                               கலியுகம்தனில் கண்கண்ட தெய்வமாம்

                                               கஜேந்திரவரதன் கேசவன் மனங்கவர்

                                                                    சரணம்

                                                மலரிதழ் குறுநகை பவளவாயுடன்

                                                நிலவினைப் பழிக்கும் அழகிய திருமுகம்

                                                குலமகள் கலைமகள் குபேரன் மற்றும்

                                                பலப்பல வானவர் கரம்பணிந்தேத்தும்

புஷ்பவல்லித்தாயார்.....

 

                                                     புஷ்பவல்லித்தாயார்.....

                                                                பல்லவி

                                                புஷ்பவல்லித் தாயார் மனம் மகிழ்ந்து போற்றும்

                                                தேகளீசப் பெருமாளே திருப்பாதம் பணிந்தேன்

                                                             அனுபல்லவி

                                                அஷ்டதிக் பாலரும் முதலாழ்வார் மூவரும்

                                                நான்முகனும் இந்திரனும் மாவலியும் துதித்திடும்

                                                                  சரணம்

                                                அளந்த திருவடிகள் விண்ணிலும் மண்ணிலுமாய்

                                                 வளம் கொழிக்கும் கோவலூர் பதிதன்னில் காட்சி தந்து

                                                 உளமுருகி உனைப்பணியும் பக்தருக்கருள் செய்யும்

                                                 இளந்தளிரில் கண்வளர்ந்த கருமணியே கேசவனே

கோவலூர்.....

 

                                                              கோவலூர்.....

                                                                     பல்லவி

                                                    கோவலூர் மேவிய திரிவிக்ரமனின் 

                                                    சேவடி பணிந்தேன் பவபயம் களைந்தேன் - திருக்

                                                                    அனுபல்லவி

                                                    தேவி பூங்கோவல் நாச்சியார் மற்றும்

                                                     பிரமன் மிருகண்டு மாபலி துதிக்கும் 

                                                                         சரணம்

                                                     யாவரும் போற்றும் முதலாழ்வார் மூவரும்

                                                     கருடன் அனந்தன் வாசுகியுடனே

                                                     காவல் துர்க்கையும் கரம் பணிந்திருக்க

                                                     இசையால் தமிழால் கேசவன் புகழ் பாடி

    

     

புண்டரீகவல்லியின்....

 

                                                        புண்டரீகவல்லியின்....

                                                                பல்லவி

                                                  புண்டரீகவல்லியின் பொற்பாதம் பணிந்தேன்

                                                  அண்ட சராசரங்கள் தனையாளும் அருள்மிகு

                                                                அனுபல்லவி

                                                  வண்டாடும் சோலைகள் வயல்வெளிகள் நிறைந்த

                                                  தில்லைச் சித்திர கூடமதில் குடி கொண்ட

                                                                      சரணம்

                                                   பண்டு மூவடியால் உலகளந்த தாடாளன்

                                                   உண்டு உலகுமிழ்ந்த கேசவன் ஶ்ரீகிருஷ்ணன்

                                                   புண்டரீகாக்ஷன் கோவிந்த ராஜன்

                                                   கண்டு மனம் மகிழ அருகினில் வீற்றிருக்கும்

அருள்தர வேண்டினேன்

 

                                அருள்தர வேண்டினேன்.....

                                                                   பல்லவி

                                                 அருள்தர வேண்டினேன் கோவிந்தராஐனை

                                                 கருத்தினில் இருத்தி திருவடி பணிந்து

                                                                  அனுபல்லவி

                                                 இருள் சேரென் வாழ்வு ஒளியுறச் செய்திட

                                                 பொருள் புகழ் நல்வாழ்வு அனைத்தும் பெறவே

                                                                      சரணம்

                                                 திருமகள் புண்டரீகவல்லியும் கண்வரும்

                                                 நாரதர் பதஞ்சலி வியாக்கிரபாதரும்

                                                 திருச்சித்ர கூடம்தனில் விருப்பமுடன் துதிக்கும்

                                                 தேவாதி தேவனை மாதவனைக் கேசவனை

 

ஆரென்ன...

                             

                                                        ஆரென்ன...

                                                    பல்லவி

                                      ஆரென்ன சொன்னாலென்ன எனக்கொரு கவலையில்லை

                                       ஐயன் லீலைகளைப் பாட எனக்கு

                                       ஆலாபனம் செய்து பாட- முடிந்தால்

                                        அடவோடும் ஜதியோடும்  ஆடி

                                        முடிந்தால் அவன் பெருமை எடுத்துரைத்து

                                         அகிலமெல்லாம் அறிந்து கொள்ள

                                                   அனுபல்லவி

                                         நாரதர் மகிழ பாரோர் மனம் களிக்க

                                         கார்வண்ண மேனியனின் கதைகளச்சொல்லி

                                         தேர் நடத்தி பாரதப் போர் நடத்தி அவன்

                                          செய்த லீலைகளை அனைவருக்குமெடுத்துரைத்து

                                                          சரணம்

                                           வாலைப்பிடித்தரக்கன் கேசியையழித்த

                                            கேசவன் கதைகளை வாயரப் பாடி

                                            சேலை பல கொடுத்து அபலைக்கருள் தந்த

                                            ஞாலமுண்டவாயனவன் வேலைதனைச்சொல்லி

                                            பாலகனாயந்த நீலவண்ணக் கண்ணன்

                                            கோபியருடன் செய்த மாயங்களைப் பாடி

                                            ஆலிலையில் துயின்ற அழகிய கதைசொல்லி

                                            அகிலத்திலுள்ளோர் அனைவரும் மனம் மகிழ