சரணடைந்தேன்......
பல்லவி
சரணடைந்தேன் ஶ்ரீ ராமா உனையே
அரவணைத்தெனையே ஆண்டருள்வாயென
அனுபல்லவி
கரங்களில் வாளும் சங்கும் சக்கரமும்
சாரங்கமும் கதையும் ஏந்தும் கேசவனே
சரணம்
அரனயன் முனிவர்கள் இந்திரன் மன்மதன்
நரர்சுரர் நாரதர் அனுமன் கருடன்
குரங்கரசன் சுக்ரீவன் சூரிய சந்திரன்
கரம் பணிந்தேத்தும் மரகதவண்ணனே
சரணடைந்த அரக்கனுக்கு மணிமகுடம் அளித்தவனே
கரன் முரன் கபந்தனெனும் அரக்கரை அழித்தவனே
மரத்தின் மறைவில் நின்று வாலியை வதைத்தவனே
கரிக்கபயம் தந்த பரவாசுதேவனே
பரதனுக்குப் பாதுகையை அளித்த ரகுவரனே
பிரமனையும் தேவரையும் திசைகளையும் படைத்தவனே
பரசுபாணியின் வில் வளைத்த ராகவனே
அரவணையில் பள்ளி கொண்டு அரங்கநகர் துயின்றவனே
No comments:
Post a Comment