கோவிந்தா கண்ணுறங்கு

       கோவிந்தா கண்ணுறங்கு


முத்தே கண்ணுறங்கு

முத்துமணி பெத்தெடுத்த

ரெத்தினமே கண்ணுறங்கு

 புத்தம் புதுப் பொன்னே மாமணியே நீயுறங்கு

 சித்திரமே  நித்திலமே கண்ணே கண்ணுறங்கு

 அத்தை மகள் சீர்பெறவே காத்திருக்கும் நீயுறங்கு

  சித்தப்பன் சீராட்டும் குலவிளக்கே கண்ணுறங்கு

   முத்தப்பன் தத்தெடுத்த பசும் பொன்னே உறங்கு

   அத்தனைக்குமாளான ஆணி முத்தே கண்ணுறங்கு

   கத்தும் கடல் நடுவே கிடந்த நீ இறங்கிவந்து

   இத்தரையில் எனக்காகப் பிறந்தவனே கண்ணுறங்கு

    மத்தாடும்  தயிர் வெண்ணை உண்டவனே கண்ணுறங்கு

    தித்திக்கும் பெயர் கொண்ட உத்தமனே கண்ணுறங்கு

    சித்தத்தை ஆட்டிவைக்கும் சீராளா கண்ணுறங்கு

     பத்து விதமாயுதித்த  திருமாலே  நீயுறங்கு

     நித்திலத் தொத்தே வேங்கடவா கண்ணுறங்கு

     எத்திசையும் புகழ் விளங்கும் மலையப்பா கண்ணுறங்கு

      வித்தகர் புகழ்ந்தேத்தும் கோவிந்தா கண்ணுறங்கு