ஜானகியின்.....
பல்லவி
ஜானகியின் கரம் பிடித்த ஜானகிராமனே
ஏனிந்தப் பாராமுகம் ஏழையேன் எனக்கருள
அனுபல்லவி
வானும் புவியும் மூவடியாலளந்த
வாமனனே கேசவனே கோசலராமனே
சரணம்
வானுறை தேவரும் கானுறை முனிவரும்
ஞானியர் நாரதர் நான்முகன் துதித்திடும்
பானு குலத்துதித்த பட்டாபி ராமனே
தீனருக் கருள் தரும் தீனசரண்யனே
தானெனும் அகந்தையால் தீச்செயல் புரிந்த
தானவரையழித்த கோதண்டராமனே
கூனியின் சூழ்ச்சியால் கைகேயி சொன்ன வண்ணம்
கானகம் சென்று தந்தை சொல் காத்தவனே
No comments:
Post a Comment