மனதுக்குகந்த.....
பல்லவி
மனதுக்குகந்த தெய்வம் ஶ்ரீ ராமனே—என்
அனுபல்லவி
தனக்குவமை இல்லாத தனிப்பெருங்கடவுள்
தினகர குலத்துதித்த திருமால் கேசவன்
சரணம்
அனங்கனும் நாணும் பேரழகுடையவன்
வனமாலை துளபம் கௌத்துபமணிந்தவன்
ஜனகனின் மருமகன் ஜானகி மணாளன்
வனம் சென்று தந்தையின் சொல் காத்த தனயன்
அனுமனும் அனந்தனும் கருடனும் அருகிருந்து
தினம் சேவை புரிந்திடும் அனந்தராமன்
கனக சிம்மாசனத்தில் அழகுடன் வீற்றிருக்கும்
சனாதன தர்மம் காக்கும் ரகுராமன்
முனிவர்கள் வேள்வியை காத்த ராஜாராமன்
சினந்தெதிர்த்தவரை அழித்த கோதண்டராமன்
தினகரனையும் மிஞ்சும் காந்தியடையவன்
ஜனங்களும் நேசிக்கும் பட்டாபிராமன்
No comments:
Post a Comment