தஞ்சமடைந்தோரை......
பல்லவி
தஞ்சமடைந்தோரைக் காக்கும் ரகுவரனே
நெஞ்சாரப் பணிந்து உனைத்துதிக்கும் எனக்கருள்வாய்
அனுபல்லவி
வெஞ்சமரில் ராவணனை வென்றழித்த கேசவனே
அஞ்சம்பு மதனை மிஞ்சும் பேரழகுடையவனே
சரணம்
வெஞ்சுடரோன் குலத்துதித்த கோதண்ட ராமனே
செஞ்சடையோன் நேசனே கஞ்சனைக் காய்ந்தவனே
வஞ்சி அகலிகையின் சாபம் தீர்த்தவனே
அஞ்சனை மைந்தனுக்கு அருளளித்தவனே
புஞ்சிரிப்பு மாறாத அம்புலி முகத்தோனே
பஞ்சவர்க்குதவிய மதுசூதனனே
நஞ்ரவணை துயிலும் நாராயணனே
அஞ்சேலென்றபயம் தரும் பட்டாபி ராமனே
No comments:
Post a Comment