தேனினுமினிய......
பல்லவி
தேனினுமினிய திருநாமம் ராம நாமம்
ஜானகி தேவியின் மனம் கவர்ந்த நாமம்
அனுபல்லவி
வானுறை தேவரும் வையகத்து மாந்தரும்
கானுறை முனிவர்களும் போற்றும் திவ்ய நாமம்
பல்லவி
மானிடனாய் உலகில் அவதாரம் செய்த
பானு குலத்துதித்த கேசவனின் நாமம்
கூன் குருடு பிறவிப்பிணி நீங்கிடச் செய்யும் நாமம்
தீனருக்கும் அருள் தரும் இனிய திருநாமம்
திருநாமம் தன்னையே ஒருமுறை சொன்னால் போதும்
வருமிடர் பிணிகளனைத்தும் நீங்கிடும்
இருவினைப் பயன்களால் படுந்துயர் விலகிடும்
பொருள் புகழ் திருவருள் அனைத்தும் சேர்ந்திடும்
No comments:
Post a Comment