கோபாலபுரம் வேணுகோபாலன்

                 கோபாலபுரம் வேணுகோபாலன்


                               பல்லவி

      திருவடிச்  சரண்டைந்தேன்  கண்ணா -  உந்தன்


                             அனுபல்லவி

       அருள்பெற வேண்டியே அனுதினம் துதித்து
        கருணைக் கடலே கேசவனே வணங்கி

                                சரணம்

        முருகன் கணபதி ஆஞ்சநேயனும்
        குரு சங்கரரும் பரமேச்வரியும்
        அருகினிலிருந்து காட்சியளித்திடும்
         கோபாலபுரம் வளர் வேணுகோபாலனே

ஶ்ரீ சாமுண்டீச்வரி

                   
                         ஶ்ரீ சாமுண்டீச்வரி
                          (ஏக தாளம்)


                                      பல்லவி

                   அருள் தருவாய் ஶ்ரீ சாமுண்டீச்வரி
                    மன இருளகன்றிட தினமுனைப் பணிந்தேன்

                                   அனுபல்லவி

                    இருவினைப்பயன்களால் படுந்துயர் நீங்கவும்
                     தரும நெறிதனில் இனிது வாழவும்

                                        சரணம்

                      ஊசி வழி செல்லும் நூலென மனமும்
                      ஆசையில் புலன்களின் போக்கினில் போகும்
                       மாசிலா அன்னையே கேசவன் சோதரி
                        நேசக்கரம் நீட்டி அரவணைத்து

செளந்தர ராஜன்

                               செளந்தர ராஜன்


                                   பல்லவி

                        செளந்தர ராஜனை மனமாரத் துதித்தேன்
                        கெளரி சோதரனைக் கேசவனை மாதவனை
       
                                 அனுபல்லவி

                        செளந்தரவல்லியின் மனங்கவர் மாயனை
                        அவுணர்களை அழித்த மதுசூதனனை

                                     சரணம்

                         கெளரவரை வெல்ல பாண்டவர்க்குப்பலவித
                         செளரியங்கள் செய்த நீலமேகனை
                         செளனகாதி முனிவரும் பிரமனும்
                         மெளனமாய்த் துதித்திடும் ஆதிதேவனை

                         

பரமபத நாதன்

                                   பரமபத நாதன்


                                          பல்லவி

                      ஆர்ப்பரிக்கும் கடல் நடுவே பள்ளிகொண்டிருக்கும்
                       கார்வண்ணன் கேசவனை மனமாரத் துதித்தேன்

                                        அனுபல்லவி

                      பார்த்தனுக்குத் துணைநின்று தேரினை நடத்திய
                      பார்த்தசாரதியை  பாற்கடல் வாசனை

                                           சரணம்
   
                      மார்பில் திருமகளை வைத்திருக்கும் மாதவனை
                      நீர்மலைமேல் நின்றருளும் நீர்வண்ணப்பெருமாளை
                      நாற்கவிகள் புகழ்ந்தேத்தும் சாரங்கபாணியை
                      பார் போற்றும் திருமாலைப் பரமபத நாதனை

அண்ணாமலை

                                   அண்ணாமலை



                                           பல்லவி

                   ஒளி வடிவானவனை அண்ணாமலையானை
                   களிப்புடன் கண்டு மனமாரத் துதித்தேன்

                                          அனுபல்லவி

                    பளச்சிடுமழகுடன்  உண்ணாமுலையாள்
                    நளினமுடனருகில் வீற்றிருந்து காட்சி தரும்

                                              சரணம்

                     வெளியும் வெளிமுதல் பூதங்களுமான
                     எளியோர்க்கருளும் கருணாமூர்த்தியை
                     குளிர் மதி குலத்தோன் கேசவன் நேசனை
                     பளிங்கு மேனியனைப் பார் போற்றும் ஈசனை
                     
 

   
                   
                   

பவனபுரக்கேசவன்

                              பவனபுரக்கேசவன்


                                         பல்லவி

                     எங்கும் நிறைந்திருக்கும் குருவாயுரப்பனின்
                     பங்கய பதம்தனை மனமாரப் பணிந்தேன்

                                       அனுபல்லவி

                     மங்காத புகழ் மேவும் குருவாயூர் தலத்தில்
                     சிங்காரமாய் நின்று பக்தருக்கருள் தரும்

                                            சரணம்

                      பொங்கிப் பெருகும் கருணைமிகு விழிகளும்
                       திங்களும் ஞாயிறும் நாணுறும் ஒளிமுகமும்
                       சங்கும் சக்கரமும் ஏந்தும் திருக்கரமும்
                       மங்களமாயமைந்திருக்கும் பவனபுரக்கேசவனின்
                       

அருள்மிகு குருவாயூரப்பன்

                           அருள்மிகு குருவாயூரப்பன்
                         


                                       பல்லவி

                        அருள் தரும் குருவாயுரப்பனைப் பணிந்தேன்
                        இருள் நீங்கி என் வாழ்வு ஒளிபெற வேண்டியே

                                      அனுபல்லவி

                         குருவும் வாயுவும் சிவபெருமானும்
                          பெருமையுடன் போற்றும் திருமாலின் அவதாரம்

                                            சரணம்

                          ஒரு தரம் நாராயணாவென்று உரைப்போர்க்கு
                           வருந்துயர் களைந்து கருணையுடன் காக்கும்
                          அருமாகடலமுதன் மாதவன் கேசவன்
                           பெருமைக்குரிய குருவாயூர் தலம் வளர் 

பாலகிருஷ்ணன்

                               பாலகிருஷ்ணன்

                                      பல்லவி

                        பாலகிருஷ்ணனாய் லீலைகள் புரிந்திடும்  -    கோ
                         குருவாயுரப்பனின் திருவடி பணிந்தேன்

                                     அனுபல்லவி

                        கோலமயில் பீலி கொண்டையில் சூடி
                         கோவர்த்தன மலையைக் குடையெனப் பிடித்து

                                           சரணம்
                         பால் தயிர் வெண்ணையைத் திருடியே உண்டு
                         வேல் விழி கோபியர் மனங்களை வென்று
                          கால் வைத்துக் காளிங்கன் தலைமீது நடமாடி
                          மால் அவன் கேசவன் மாடுகள் மேய்த்து

           
                            

தருணமிதுவே

       
                                      தருணமிதுவே


                                          பல்லவி

                          தருணமிதுவே  குருவாயூரப்பா
                          கருணைவைத்தெனையே காத்தருள்வாய்

                                         அனுபல்லவி

                          இருவினைப்பயன்களால் பூமியில் உழன்று
                          வருந்தி வாழ்ந்திடும் நிலைமாறச் செய்து

                                            சரணம்

                           பொருள் புகழ் போகம் எதுவும் வேண்டேன்
                            ஒரு நாளுமுந்தன் திருவடி மறவேன்
                             கருநீலவண்ணனே கண்ணனே கேசவா
                             திருவுளமிரங்கி இனிது ஆட்கொள்ள

குருவாயூரப்பன்

                                    குருவாயூரப்பன்



                                       பல்லவி

                            குருவாயூரேகாதசித் திருநாளில் கண்டு
                            குருவாயுரப்பனை மனமாரத் துதித்தேன்

                                       அனுபல்லவி

                            குருவாயூர் கஜராஜன் கேசவனும் பணியும்
                            அருளமுதைக் குழலூதும் கண்ணபெருமானை
   
                                            சரணம்

                            திருமகளும் நிலமகளும் உடனிருந்து வணங்கும்
                            திருமாலை பக்தர்களின் நலம் காக்கும் நாரணனை
                            உருவில் சிறியவனை கருமத்தில் பெரியவனை
                             தருமநெறி காக்க பல அவதாரம் எடுத்தவனை

நாகை நீலாயதாட்சி

                        நாகை  நீலாயதாட்சி

                                      பல்லவி
         
                    நீலாயதாட்சி  நீயே துணை
                     நீலவண்ணன் கேசவன் சோதரி

                                    அனுபல்லவி

                    சீலமிகு நாகைப் பதிதன்னில்
                    காயரோகணேச்வரருடனிருந்து காட்சி தரும்

                                         சரணம்

                     ஞாலம் வலம் வந்த பாலன் சிங்கார
                     வேலனும் கணபதியும் நான்முகனும்
                      மாலோன் செளரிராஜப்பெருமாளும்
                      பூலோகமனைத்தும் போற்றும் மலைமகளே

கோவிந்தன் திருநாமம்

                               கோவிந்தன் திருநாமம்


                                          பல்லவி

                    ஆனந்தமளித்திடும் கோவிந்தன் திருநாமம்
                     தேனந்தத்திருநாமம் உரைத்திடும் நாவினிக்கும்

                                      அனுபல்லவி

                     வானுறை தேவரும் நாரதரும் நான்முகனும்
                      பானுவும் சந்திரனும் தினம் துதிக்கும் திருநாமம்

                                         சரணம்

                      மோனத்தவம் செய்யும் முனிவரும் தேடும்
                      ஞானம்தனை நல்கும் கேசவன் திருநாமம்
                      கானமியற்றி பாவலர் பணிந்தேத்தும்
                      தீனசரண்யனின் பன்னிரு திருநாமம்

ஶ்ரீநிவாசன்

                                        ஶ்ரீநிவாசன்


                                             பல்லவி

                              நீசனாயிருந்த மோசமான எனை
                              தாசனாய் ஆக்கிய கேசவனைப் பணிந்தேன்

                                            அனுபல்லவி

                             நேசக்கரம் நீட்டி ஆசையுடன் அரவணைத்த
                             தேசுடைத்திருமாலை ஶ்ரீநிவாசனை

                                                 சரணம்

                               பேசும் தெய்வமாய் கலியுகந்தன்னில்
                               வாசம் புரிந்திடும் திருவேங்கடமுடையானை
                               பாசத்தளைகளை களைந்திடும் ஈசனை
                               மாசற்ற தேவனை  ஏழுமலையானை

நங்கநல்லூர் ஆஞ்சநேயர்

                          நங்கநல்லூர் ஆஞ்சநேயர்



                                          பல்லவி

                     ஆதிவ்யாதிஹர பக்தாஞ்சநேயரின்
                      பாதகமலங்களை மனமாரப் பணிந்தேன்

                                       அனுபல்லவி

                      மேதினி போற்றும் கோதண்டராமனின்
                       தீவிர பக்தன் நங்கநல்லூர் திகழ்

                                            சரணம்

                        தூதனாயிலங்கை மாநகர் சென்று
                         மோதிய அரக்கரின் பகைதனை வென்று
                        பேதை சீதையின் துயரம் துடைத்த
                         வாயு குமாரன் கேசவன் நேசன் 

ஶ்ரீ வஞ்சியம் சிவன்

                            ஶ்ரீ வஞ்சியம் சிவன்


                                பல்லவி

                    வாஞ்சிநாதனை விச்வநாதனை
                    வாஞ்சியம் தலத்தில் மனமாரப்பணிந்தேன்

                              அனுபல்லவி

                     வாஞ்சையுடன் அன்னை மங்களாம்பிகையும்
                     கணபதி சரவணன் கணங்களும் வணங்கிடும்

                                    சரணம்
                     
                      காலதேவனும் நந்தியும் கோள்களும்
                      மாலயன் முனிவரும் தேவரும் பணிந்தேத்தும்
                      ஆலமுண்ட கண்டனை மகாதேவனை
                       சூலபாணியை கேசவன் நேசனை

தஞ்சை பங்காருகாமாக்ஷி

                            தஞ்சை  பங்காருகாமாக்ஷி

                                     பல்லவி

                      பரமேச்வரியைப் பார்வதியை கெளரியை

                      பங்காருகாமாக்ஷியைப் பணிந்தேன்

                                      அனுபல்லவி 

                       வரம் தரும் கரமும் அபய கரமும்  காட்டும்

                        நிரந்தரியை ஶ்ரீ லலிதா திரிபுரசுந்தரியை

                                            சரணம்

                          அரனரியயனும் அமரேந்திரனும்

                           சரவணன் கணபதி சுகசனகாதியரும் 

                           கரம் பணிந்தேத்தும் சிவகாமேச்வரி

                           பரம கல்யாணி கேசவன் சோதரி

பண்டரீபுரத்தரசன்

                          பண்டரீபுரத்தரசன்


                                    பல்லவி

                    பண்டரீபுரத்தரசே பாண்டுரங்கா உன்னை
                    தண்டனிட்டு பணிந்தேன் அருள்புரிவாய்

                                    அனுபல்லவி

                    கண்டவர் மனங்கவரும் பேரழகா கண்ணா
                    புண்டரீகாக்ஷனே கோவிந்தா

                                         சரணம்

                     விண்ணாளுமிந்திரரும் தேவரும் முனிவரும்
                     அண்ணாந்து பார்த்து கைகூப்பித்தொழுதிடும்
                     மண்ணையுண்ட வாயனே கேசவா மாதவா
                     அண்டசராசரங்களனைத்தையும் காப்பவனே

திரயம்பகேச்வரன்

                                திரயம்பகேச்வரன்


                                   பல்லவி

                      முக்கண்ணனை முழுமுதற்கடவுளை
                      திரயம்பகேச்வரனை மனமாரத்துதித்தேன்

                                    துரிதம்

                       நந்தியும் கணங்களும் தேவரும் முனிவரும்
                        கணபதி முருகன் உமையும் வணங்கிடும்

                                   அனுபல்லவி

                        பக்தருக்கருளும் பரமேச்வரனை
                         சொக்கநாதனை சோமேச்வரனை

                                        சரணம்

                          முக்தியளித்திடும் மூலப்பொருளை
                          அக்னி வைத்த நெற்றிக்கண்ணனை
                           தட்சிணாமூர்த்தியை தீனதயாளனை
                           சக்திநாயகனை கேசவன் நேசனை

திரயம்பகேச்வரன்

                                திரயம்பகேச்வரன்


                                   பல்லவி

                      முக்கண்ணனை முழுமுதற்கடவுளை
                      திரயம்பகேச்வரனை மனமாரத்துதித்தேன்

                                    துரிதம்

                       நந்தியும் கணங்களும் தேவரும் முனிவரும்
                        கணபதி முருகன் உமையும் வணங்கிடும்

                                   அனுபல்லவி

                        பக்தருக்கருளும் பரமேச்வரனை
                         சொக்கநாதனை சோமேச்வரனை

                                        சரணம்

                          முக்தியளித்திடும் மூலப்பொருளை
                          அக்னி வைத்த நெற்றிக்கண்ணனை
                           தட்சிணாமூர்த்தியை தீனதயாளனை
                           சக்திநாயகனை கேசவன் நேசனை

பஞ்சவடி கபாலீசன்

                              பஞ்சவடி கபாலீசன்

                                    பல்லவி
   
                   நஞ்சினை நெஞ்சில் வைத்த கபாலீசனை
                    பஞ்சவடித் தலத்தில் கண்டு துதித்தேன்

                                   அனுபல்லவி

                    தஞ்சமடைந்தோரைக் காத்தருளும் சிவனை
                     பஞ்சநதீசனைப் பரமேச்வரனை

                                        சரணம்

                      நஞ்சரவம் தன்னைக் கழுத்திலணிந்த
                      செஞ்சடாதரனை மருந்தீச்வரனை
                      அஞ்சலஞ்சேலென்று அபயகரம் நீட்டும்
                      அஞ்செழுத்தீசனைக் கேசவன்நேசனை

சேவற்கொடியோன்

                         சேவற்கொடியோன்


                                    பல்லவி

                   தேவியர் வள்ளி தெய்வானையுடனிருக்கும்
                   தேவசேனாபதியை மனமாரத்துதித்தேன்

                                  அனுபல்லவி

                    மாவிடை வாகனன் மகேச்வரன் மகனை
                    சேவற்கொடியோனைக் கார்த்திகேயனை

                                       சரணம்

                     தேவரும் முனிவரும் நந்தியும் கணங்களும்
                     பூவிலமர்ந்திருக்கும் நான்முகனுமிந்திரனும்
                      தேவமுனி நாரதரும் கரம் பணிந்தேத்தும்
                     தேவாதிதேவனை  கேசவன் மருகனை
                     
                    

ஶ்ரீ வாசுதேவன்

                              ஶ்ரீ வாசுதேவன்


                                         பல்லவி
 
                        காவலனாய் எனைக்காக்கும் கண்ணபெருமானை
                        ஆவினங்கள் நேசனை  உளம் குளிரத் துதித்தேன்

                                       அனுபல்லவி

                         கோவர்த்தன மலையைக் குடையாகப்பிடித்தவனை
                         தேவகி மைந்தனைக் கேசவனை மாதவனை
   
                                          சரணம்

                           தேவியர் பாமா ருக்மணி மனங்கவர்ந்த
                           தேவாதி தேவனை  ஶ்ரீ வாசுதேவனை
                           மூவாசைப்பிணி நீக்கி முன் வினைப்பயன் களைய
                           தூவி மலர் சொரிந்து அனுதினம் பணிந்து
                            

பஞ்சவடி சீதாராமன்

                             பஞ்சவடி சீதாராமன்


                                     பல்லவி

                      கருநீலவண்ணனை சீதாராமனை
                      பஞ்சவடித்தலத்தில் கண்டு பணிந்தேன்

                                   அனுபல்லவி

                      பெருமைக்குரிய கோதாவரிக்கரையில்
                      பெருங்கருணையுடன் பக்தருக்குக்காட்சிதரும்

                                      சரணம்

                        அருந்தவம் புரிந்திடும் முனிவரும் தேவரும்
                        கருடனும் அனுமனும் அகலிகையும் சபரியும்
                        குருநாரதருடன் அடியவன் கேசவனும்
                         அருள் பெற வேண்டியே அனுதினம் துதித்திடும்

                     
                     
                          

பஞ்சவடி ராமன்

                                பஞ்சவடி ராமன்

                                     பல்லவி

                     சீதா லஷ்மணனுடனுறை ராமனை
                     கோதாவரிக்கரையில் மனமாரத்துதித்தேன்

                                     அனுபல்லவி

                       சாதாரணரும்  மேதாவிகளும்
                        நீதான் கதியெனத் தஞ்சமடைந்திடும்

                                          சரணம்

                         தந்தைசொல்மிக்க மந்திரமில்லையெனும்
                         தத்துவம் சொன்ன கேசவனை மாதவனை
                          சிந்தையில் வைத்து சீரடி போற்றி
                          முந்தைய பழவினைப் பயனனைத்தும்தொலைந்திட
                          

பாண்டுரங்க விட்டலா

                           பாண்டுரங்க விட்டலா


                                   பல்லவி

                   என்னை விட்டு விலகாதே பாண்டுரங்க விட்டலா
                   பன்னகசயனா  பரமதயாளா

                                   அனுபல்லவி

                    அன்னை தந்தை குருவனைத்தும் நீயென
                     உன்னையே சதமென நம்பினேன் விட்டலா

                                         சரணம்

                      முன்னைப் பழவினைப் பயன்கள் நீங்கவும்
                      இன்னமும் பல பிழைகள் புரியாதிருக்கவும்
                       என்னுடன் நீயிருந்து காத்தருள வேண்டும்
                       சென்ன கேசவா புரந்தர விட்டலா

வேண்டினேன் பாண்டுரங்கனை

                     வேண்டினேன் பாண்டுரங்கனை

                              பல்லவி

                   பாண்டுரங்கா உன்னை வேண்டி நின்றேன்
                    மீண்டும் பிறவா வரம் தரக் கோரியே

                             அனுபல்லவி

                    மீண்டும் தவறிப் பிறந்தாலும் ஆண்டவனே
                    வேண்டும் உன்னை மறவா மனமென்று

                                சரணம்

                     பாண்டவர்நேசனே பரம தயாளனே
                     காண்டவ வனமழித்த கார்மேகவண்ணனே
                     வேண்டுவோர் வேண்டும் வரம்தரும் கேசவா
                     தீண்டுமரவின் மேல் பள்ளி கொண்டிருப்பவனே
                      

சரணம் கேசவா

                     
                             சரணம் கேசவா

                                   பல்லவி

                       சரணகமலமே சரணம் கேசவா
                       வரம் தரும் உனதிரு அழகிய திருவடி

                                   அனுபல்லவி

                        கரங்களில் சங்கும் சக்கரமும் ஏந்திடும்
                        பரந்தாமனே  பாற்கடல் வாசனே
     
                                       சரணம்

                         அரவிந்தநாபனே  அமரரும் முனிவரும்
                         பிரமனும் இந்திரனும் கரம்பணிந்தேத்தும்
                         பரம புருஷனே பக்த வத்சலா
                          மரணம் பிறப்பெனும் மாயையகன்றிட

சரணம் கேசவா

                       
                             சரணம் கேசவா

                                   பல்லவி

                       சரணகமலமே சரணம் கேசவா
                       வரம் தரும் உனதிரு அழகிய திருவடி

                                   அனுபல்லவி

                        கரங்களில் சங்கும் சக்கரமும் ஏந்திடும்
                        பரந்தாமனே  பாற்கடல் வாசனே 
       
                                       சரணம்

                         அரவிந்தநாபனே  அமரரும் முனிவரும்
                         பிரமனும் இந்திரனும் கரம்பணிந்தேத்தும்
                         பரம புருஷனே பக்த வத்சலா
                          மரணம் பிறப்பெனும் மாயையகன்றிட
              

சரணம் கேசவா

                       
                             சரணம் கேசவா

                                   பல்லவி

                       சரணகமலமே சரணம் கேசவா
                       வரம் தரும் உனதிரு அழகிய திருவடி

                                   அனுபல்லவி

                        கரங்களில் சங்கும் சக்கரமும் ஏந்திடும்
                        பரந்தாமனே  பாற்கடல் வாசனே 
       
                                       சரணம்

                         அரவிந்தநாபனே  அமரரும் முனிவரும்
                         பிரமனும் இந்திரனும் கரம்பணிந்தேத்தும்
                         பரம புருஷனே பக்த வத்சலா
                          மரணம் பிறப்பெனும் மாயையகன்றிட
              

சரணம் கேசவா

                       
                             சரணம் கேசவா

                                   பல்லவி

                       சரணகமலமே சரணம் கேசவா
                       வரம் தரும் உனதிரு அழகிய திருவடி

                                   அனுபல்லவி

                        கரங்களில் சங்கும் சக்கரமும் ஏந்திடும்
                        பரந்தாமனே  பாற்கடல் வாசனே 
       
                                       சரணம்

                         அரவிந்தநாபனே  அமரரும் முனிவரும்
                         பிரமனும் இந்திரனும் கரம்பணிந்தேத்தும்
                         பரம புருஷனே பக்த வத்சலா
                          மரணம் பிறப்பெனும் மாயையகன்றிட
              

வக்கிரக்காளி

                         
                               வக்கிரக்காளி


                                    பல்லவி

                       சக்கரக்கையன் கேசவன் சோதரியை
                       வக்கிரக்காளியை மனமாரத்துதித்தேன்

                                  அனுபல்லவி

                        முக்கண்ணியை அன்னை பராசக்தியை
                        வக்கிர சனியும் வரதனும் போற்றும்
                             
                                    சரணம்

                        அக்கறையுடனே வணங்கிடும் அனைத்து
                        பக்தருக்குமருள் அளித்திடும் தேவியை
                        விக்கினங்கள் பவ வினைகள் போக்கி
                        முக்தியளித்திடும்  சர்வேச்வரியை

கருடாழ்வார் 2

                                             கருடாழ்வார்

                                                     பல்லவி

                              வினதையின் புதல்வனைப்  பறவையரசனை

                              மறையுருவானவனை மனமாரத்துதித்தேன்

                                                     அனுபல்லவி

                                தனம் தரும் திருமகளைத் தன் மார்பில் தாங்கும்

                               அனந்தசயனனின்  வாகனமானவனை

                                                       சரணம்

                                அனைவரும் அன்புடன் புள்ளரையன் காகேந்திரன்

                                 பெரிய திருவடி என்றழைத்துப் போற்றும்

                                  இனிய நாமங்கள்  பலப்பல உடையவனை

                                   தினம் தினம் கேசவனைத் தோளில் சுமப்பவனை
   

 (Inspired by follwing posting of Ms.INDRA SRINIVANAN)
                             
            கருடன் வேதமயமானவன், அதாவது "வேத சொரூபன்".விநதையின் புதல்வனான கருடனின் ஒவ்வொரு அவயமமும் வேதத்தின் பகுதி. "ஸ்தோமம்" என்னும் ஸாம வேத பாகமே அவரது ஆத்மஸ்வரூபம்.

"காயத்ரம்" என்கிற ஸாமம் அவருக்கு கண்கள். "த்ரிவ்ருத்" என்ற ஸாமம் அவருக்கு சிரசு. யஜுர் வேதங்கள் அவருடைய திருநாமங்கள். சந்தஸ்ஸுக்கள் அவரது திருக்கரங்கள். "திஷ்ண்யம்" எனப்படும் வேள்வி மேடைகள் அவரது திருப்பாதங்கள்.

"வாமதேவ்யம்" என்கிற ஸாமம் அவரது திருமேனி, "ப்ருஹத்" , "ரதந்தரம்" என்னும் ஸாமங்கள் அவருடைய இரு சிறகுகள்.

"யஜ்ஞாயஜ்ஞியம்" என்கிற ஸாமம் அவருக்கு வால். இவ்வாறு வேத பாகங்களெல்லாம் கருடனுடைய திருமேனிகளாய் விளங்குவதால் கருடனை"வேதஸ்வரூபன்" என்கிறார்கள் பெரியோர்.

இவ்வாறு பெரிய திருவடி என்றும் புள்ளரையன் என்றும் காகேந்திரன் என்றும் போற்றப்படும் பக்ஷிராஜனான கருடன் மேல் பெருமாள் ஆரோகணித்து பவனி வரும்போது நாம் காண்பது என்ன?

கருட வேதசொரூபி. எம்பெருமான் அவ்வேதத்தினால் அறியப்படுபவன், போற்றப்படுபவன், எனவே பெருமாள் கருட சேவை தந்து எழுந்தருளும் பொது"மறை போற்றும் இறை" இவனே என்றும். "மறைமுடி"இவனே என்றும் காட்டித்தருகின்றது.

அந்த வேதச்செழும் பொருளை நாம் உணர்ந்தால் நமக்கு மோட்சம் தானே எனவே தான் கருட வாகனத்தில் பெருமாளை தரிசித்தவர்களுக்கு மறு பிறவி கிடையாது என்பது ஐதீகம்.

                                                     ********
கருடன் தான் விஷ்ணுவின் வாகனன் என்று எல்லோர்க்கும் தெரியும்.

விஷ்ணு கோவில்களில் துவஜஸ்தம்பம் உண்டு. அதில் கருடனின் கொடியே 
கட்டி இருக்கும்.

10 நாள் உற்சவத்தின் போது கொடியை ஏற்றுவது துவஜாரோஹணம்
என்பர்.

 கடைசி நாள் துவஜாஅவரோகணம் நடக்கும். 3 ஆம் நாள் 
கருடோத்சவம் நடக்கும். இது எல்லா கோவில்களுக்கும் பொது.

அதில் மிக முக்கிமானது காஞ்சி கருட சேவை. இதுவரை சேவிகாதவர்கள்
வைகாசி மாதத்தில் சேவிக்க அவன் அருளை கோரவும் 

அதே போல் கல் கருட சேவை (நாச்சியார் கோயிலில் ) மிகவும் முக்கியம். 
அந்த கல் கருடன் உடம்பில் 9 பாம்புகள் இருக்கும். இது நவக்ரிஹ் தோஷத்தை போக்கவே.

கருடனை ஏள பண்ணும் போது முதலில் 4 அர்ச்சகர்கள் தான் வெளியே கொண்டுவருவர் 
அடுத்த படிக்கு 8 . 

இது போல் கடைசி படிக்கு வரும் போது 64 பேர் தூக்க வேண்டும் .
இதே போல் சன்னதிக்கு திரும்ப செல்லும் வரை.
64 இல் ஆரம்பித்து 4 பேரோடு முடியும். என்னே அவனது மகிமை.

கருடனுக்கு 9 பெயர் உண்டு. அவை 1 .கருத்மான் 2 கருட்: 3 தர்கஷ்ய:
4 வைனதேயன் 5 .ககேச்வர: 6 .நாகந்த: 7 .விஷ்ணுரத 8 .பன்னகாச: 9 சுபர்ண: 

திருபேர் என்ற திவ்ய தேசத்தில் சிறிது நகர்ந்து இருப்பார்.

திருகண்ண மங்கை திவ்ய தேசத்தில் கட்டம் போட்ட புடவை சாத்திகொண்டு 
இருப்பார்.

ஸ்ரீ வில்லிபுத்தூர் திவ்ய தேசத்தில் ரங்கமன்னார் உடன் இடது பக்கத்தில் 
நின்ற திருகோலத்தில் இருப்பார். வேறு எங்கும் இதுமாதிரி பார்க்க முடியாது.

கருடனுக்கும் ஆதி சேஷனுக்கும் சண்டை ஏற்பட்டது.

 நான் பெரியவனா நீ 
பெரியவனா என்று. அதை தீர்த்து வைக்கவே திரு சிறுபுலியூர் என்கிற திவ்ய 
தேசத்தில் சலசயனபெருமாள் ஆதிசேஷனை தன் ஆசனமாக ஆக்கி கொண்டார்.

கருடனும் தன் பலத்தை தவறாக எண்ணியதை மறந்து உணர்ந்தார். 

இங்கு 
கருட சன்னதி சிறுது கீழும் ஆதி சேஷன் சன்னதி சற்று உயர்ந்தும் காணப்படும்

மகா விஷ்ணு

                                மகா விஷ்ணு

                                   பல்லவி

                    எங்கும் நிறைந்திருக்கும் மகாவிஷ்ணுவை
                     பங்கய நாபனை மனமாரப் பணிந்தேன்

                                      அனுபல்லவி

                    சங்கும் சக்கரமும் கையிலேந்தும் கேசவனை
                    திங்கள் திருமுகத்தாள் சீதேவி நாயகனை

                                         சரணம்

                      மங்களங்கள் தந்தருளும் மாயனை மாதவனை
                      இங்கிருக்கும் உலகுயிர்க்கு உட்பொருளாயிருப்பவனை
                      பங்கம் விளைவிக்கும் மாயையை விலக்கிடும்
                      பொங்கரவணை துயிலும் பாற்கடல்வாசனை

                       சங்கரன் நேசனை சாரங்கபாணியை
                       இங்கெழுந்தருளிய அர்ச்சா மூர்த்தியை
                       அங்கம் துலக்கி  வாச மலர் தூவி
                       எங்களைக் காத்தருள வேண்டுமெனத்துதித்து
                       
                       
                       

கண்ணன்

                        கண்ணன்


                                     பல்லவி
                   
                   காணுகின்ற இடமெல்லாம் கண்ணனே என்றறிந்து
                   வேணுகோபாலனின் திருவடி சரணடைந்தேன்

                                      அனுபல்லவி

                    நாணம் மறந்து கோபியர்கள் கொண்டாடும்
                    ஆணழகன் ஆயர் குலத்தித்த கேசவன்
   
                                            சரணம்

                    சாணுரன் மல்லனை வதம் செய்த ஶ்ரீ க்ருஷ்ணன்
                    தாணுமாலயனாய்க் காட்சி தரும் மாதவன்
                    பேணும் அடியார்கள் குறைதீர்க்கும் கோவிந்தன்
                    ஊணும் உயிரும் நமக்களிக்கும் மாமாயன்
                     

புன்னகை

                              புன்னகை


                        புன்னகை ஒன்றே போதும் மங்கையர்க்கு
                        பொன்னகை ஏதும் தேவையில்லை                                            
                         சின்ன இடையும்  செம்பவளவாயும்
                          பென்னம் பெரிய முலையும் மார்பும்
                           கன்னங்கரிய குழலும் கருவிழியும்                                                   
                            மின்னும் சோபையும் வடிவான முகமும் 
                             சின்ன விரல்களில் வண்ண நகப்பூச்சும்
                              பின்னும் முன்னும் பொருந்திய அழகும்
                               மன்னரும் விரும்பும் தேசும் பொலிவும்
                                கன்னல் பேச்சும் கனிவான பார்வையும்
                                தன்னம்பிக்கையும் தலைநிமிர்ந்த நோக்கும்
                                அன்னநடையமே அவர்களுக்கழகு

தூபமடி நீயெனக்கு

                                       தூபமடி நீயெனக்கு!

                               பாபங்கள் போக்கி பவபயம் நீக்கி
                               ஆபத்திருளை அகற்றிடும்  அன்னையே
                               தீபமாய் சோதியாய் என் வாழ்வில் விளங்கிடும்
                                தூபமடி நீயெனக்கு
                                 சோபையுடன் காட்சி தரும் மங்கலமே
                                  கோபம் விலக்கி குணம் தர வேண்டினேன்
                                  மாபலியை  வென்ற கேசவன் சோதரி
                                   காபந்து செய்தெனைக் காத்தருள்வாயே 

விளக்குக் கம்பங்கள்!

                                          விளக்குக் கம்பங்கள்!


                                   நடக்கும் வழியில் விளக்குக் கம்பங்கள
                                    அமர்ந்து பேசவும் இளைப்பாறவும்
                                    ஒளி தந்து இருள் நீக்கி வழியைக்காட்டவும்    
                                     செல்லும் இடம் தொலைவிலிருப்பதால்    
                                     இருந்து இளைப்பறிச் செல்வதன்றி                        
                                     தங்கி இருந்தால் பயணம் தடைபடும்......                          
                                     
                                     

டைம்பாஸ் கவிதை!!

                                   டைம்பாஸ் கவிதை!!

                                 
                                   சும்மா கையை பிசைந்து கொண்டு நின்றிருந்தேன்
                                    அம்மா என்ன செய்வதென்றறியாமல்
                                     இம்மாநிலத்தில் பலரும் அவ்வாறே
                                      கம்மென்றிருக்க முடியாத போதெல்லாம்
                                       இம்மாதிரிப் பல கவிதைகளை எழுதிக்குவிக்க
                                        நம்ம முகநூல் குழுக்களெல்லாம்
                                         தம்மாலான ஊக்கம் ஆக்கம் தந்து
                                          செம்மையாக பல விருப்பங்கள் தரக்கண்டு
                                            எம்மாலான கவித்தொண்டு செய்தேன்!

ஶ்ரீ ரகுராமன்

                                    ஶ்ரீ ரகுராமன்


                                              பல்லவி

                             உனது திருவடியே எனது கதியென்று
                             தினமுமுனை துதித்தேன் ஶ்ரீரகுராமா

                                             அனுபல்லவி
                           
                              சனகாதி முனிவரும் தேவரும் போற்றும்
                              இனகுலதிலகா  கோதண்டராமா
                                                     
                                                 சரணம்
 
                              உனதருளில்லையேல் உலகமுய்யுமோ
                              தினகரகுலத்தித்த தீனசரண்யனே
                               ஜனகனின் மகளை மணந்த கேசவா
                                வினையிடர் களைந்தெனை இனிதாட்கொள்வாய்

தீபாவளி

                                         தீபாவளி


                                    தன்னந்தனியாக நிற்கும்
                                     கன்னங்கரிய இந்த
                                     சின்னஞ்சிறிய சிறுவன்
                                     தீபாவளியை விரும்பவில்லை

                                      சின்னஞ்சிறார்கள்
                                       தொழில் செய்வதாலோ

                                        சுற்றுச்சூழல்கள்
                                         கெட்டுப் போவதாலோ
                                     
                                          பட்டாசு துணிமணிகள்
                                           இனிப்பு பலகாரங்கள்
                                            விலையேறிவிட்டதாலோ

                                             சீனப்பட்டாசுகள்
                                              கள்ளச்சந்தையில்
                                               விற்பனை  ஆவதாலோ

                                                அல்லவென்றறிந்து
                                                 காரணம் கேட்டேன்                                          
                                                   வேதனை அடைந்தேன்

                                                    சென்ற வருடம் தீபாவளியில்
                                                      யாரோ கொளுத்திய
                                                       விண்வெளி வாணம்
                                                        இவனது குடிசை
                                                         பெற்றோரை எரித்தது

                                                           *************


                                                 
                                       

பட்டணத்து சிட்டுக்கள்

                            பட்டணத்து சிட்டுக்கள்


                    பட்டணத்து அடுக்கு மாடிவாசிகளுக்கு தினம்

                     பட்டுப்போல் இறகும் பளபளக்கும் மேனியும் 
                      
                     சட்டென்று பறந்துவிடும் நளினமும் கொண்ட

                     சிட்டுக்குருவி காணும் பாக்கியமில்லை
                   
                      வட்டமிடும் பருந்தாவது எப்போதாவது
 
                       எட்டிப்பார்த்தால் எலி தேடித்திரிவது தெரியும்

                        சட்டமிட்ட சன்னல் வழி உற்றுப் பார்த்தால்

                        சட்டையிட்ட சிட்டுக்கள் சில நடப்பது கண்படும்

                         மொட்டை மாடியில் நின்று அண்ணாந்து நோக்கினால்

                           வட்டமிடும் விமானங்களே பார்க்கலாம் !

                           

       
                 
                       

கண்ணபெருமான்

                       கண்ணபெருமான்


                                   பல்லவி

                     அழகிய குழலூதும் கண்ணபெருமானை
                      கழலடி பணிந்து மனமுருகித்துதித்தேன்

                                     அனுபல்லவி

                       மழலையில் கவிபாடிக் கண்ணாரக் கண்டு
                       நிழலவன் பதமென  தஞ்சமடைந்தேன்

                                          சரணம்

                       சுழலும் சக்கரமும் சங்கும் கதையும்
                       அழகுடன் கையிலேந்தும் கேசவனை மாதவனை
                        பழவினைப்பயன்களால் யான் படும் துயர் நீங்க
                        தொழுது மலர் தூவி அனுதினம் வேண்டி
                     
                         

கந்தசாமி

                              கந்தசாமி


                        கந்தனை கடம்பனை வெற்றி வேலாயுதனை
                        இந்திரன் மகளை மணந்த முருகனை
                         தந்தைக்கு மந்திரம் ஓதிய தனையனை
                          நிந்தை புரிந்த சூரனை வதைத்தவனை
                          மந்திரப்பொருளான ஓங்கார வடிவை
                           தந்திமுகத்தோன் கணபதி இளவலை
                           முந்தி அவ்வைக்கு அருள் தந்த குமரனை
                            சந்ததம் தேவரும் முனிவரும் பிரமனும்
                             நந்தியும் கணங்களும் வணங்கிடும் வேலனை
                              சந்தக்கவி பாடிப் பரவிய குருபரனை
                               விந்தையாய் மயிலேறி ஞாலம் வலம் வந்த
                                சுந்தரனைப் பழனியை சுப்பிரமணியனை
                                 அந்தரி நீலி சங்கரி மைந்தனை
                                  வந்தெனை ஆதரித்தாள வேண்டுமென
                                   வந்தனை புரிந்து மனமுருகித் துதித்தேன் .