அருள்தரும் கணபதி
பல்லவி
அருள் தரும் கணபதியை அனுதினம் துதித்தேன்
பொருள் புகழ் போகமனைத்தையுமளித்திடும்
துரிதம்
முருகனும் நந்தியும் தேவரும் கணங்களும்
அருந்தவ முனிவரும் கரம் பணிந்தேத்தும்
அனுபல்லவி
வருமிடர் தவிர்த்திடும் வாரண முகனை
திருத்தங்கும் மணிமார்பன் கேசவன் மருகனை
சரணம்
குருவருளும் திருவருளும் பணிபவர்க்களித்திடும்
கருணைக் கடலை ஆனைமுகத்தோனை
கருமங்கள் தொடங்கும் முன் அனைவரும் வணங்கிடும்
பெருமைக்குரிய வேழமுகத்தோனை
No comments:
Post a Comment