என்னை....
பல்லவி
என்னை ஏய்ப்பதில் ஆனந்தமேனோ
இன்னமுதே ராமா ஏனிந்தப் பாராமுகம்
அனுபல்லவி
உன்னைத் தானே தினமும் பாடித்துதித்தேன்
சென்ன கேசவா பதில் நீயே சொல்
சரணம்
உன் நாமமொன்றே நாளுமுரைக்கின்றேன்
உன் நினைவாகவே எப்போதுமலைகின்றேன்
என்ன நான் செய்வேன் எவரிடம் முறையிடுவேன்
அன்னை ஜானகியே நீ அவனிடம் எடுத்துரைப்பாய்
சிவகாமசுந்தரி அஷ்டகம்
ஜகம் புகழும்......
பல்லவி
ஜகம் புகழும் புஷ்பவல்லித்தாயாரைத் துதித்தேன்
இகபரமிரண்டிலும் சுகமகளிக்கும் திருமகளை
அனுபல்லவி
ககனம், புவனம், பாதாளமனைத்தையும்
மூவடியாலளந்த கேசவன் மனங்கவர்
சரணம்
நிகர் தனக்கொருவருமில்லாத அலைமகளை
முகம் நிலவைப் பழிக்கும் பேரழகுடையவளை
பகலவன் ஒளியையும் மிஞ்சுமொளியுடையாளை
அகில லோக நாயகியை மகாலக்ஷ்மியை
நித்ராதேவி...,..
பல்லவி
நித்ராதேவி நீயெனக்கருள்வாய்
நித்திரையின் அதி தேவதை நீயே
அனுபல்லவி
உத்தரவு நீ தரவில்லையாகில்
இத்தரை மாந்தருக்கு நல்லுறக்கமேது
சரணம்
கத்தும் கடல் நடுவே கேசவனும் உன் துணையால்
உத்தமியே யோக நித்திரையில் கிடக்கின்றான்
அத்தனையும் செய்த மாயவளே நீயும்
நித்திரை எனக்களித்து ஆண்டருள்வாயே
கடவூரில்.......
பல்லவி
கடவூரில் நின்றருளும் அன்னையே அபிராமி
அடி பணிந்திடுமென்னை ஆண்டருள்வாயே ( திருக்)
அனுபல்லவி
படமெடுத்த பாம்பணிந்த அமிர்தகடேச்வரர்
உடனிருந்து காட்சி தரும் கேசவன் சோதரி
சரணம்
அடலேறு மீதமர்ந்த காலகாலனின்
இடம் கொண்ட நாயகியே உமையே கௌரி
குடம் போன்ற கொங்கைதனைக் கொண்டு
விடமுண்ட கண்டன் மனம் கவர்ந்த நாயகியே
மெத்தனமேன்......
பல்லவி
மெத்தனமேன் ஶ்ரீ ராமா இத்தனை தாமதமேன்
நித்தமுமுனைப் பணியும் பக்தனெனைக் காக்க
அனுபல்லவி
உத்தமனே உனயன்றி வேறோர் தெய்வமில்லை
சித்தத்தில் கேசவனே உன் நாமமே துதித்தேன்
சரணம்
நித்திலத்தொத்தென அடியார்கள் போற்றும்
வித்தகனே நல் முத்தே வீர ராகவனே
இத்தரை மாந்தர்கள் நெறியுடன் வழ்ந்திட
சத்திய மூர்த்தியாய் அவதரித்த ரகுராமா
நற்றவ முனிவரும் தேவரும் போற்றும்
சத்திரிய குலத்துதித்த அயோத்தி மன்னனே
உத்தமி சீதையின் கரம் பிடித்தவனே
அத்தன் சிவனை வணங்கிய சிவராமனே
நாதவடிவானவனே......
பல்லவி
நாதவடிவானவனே நமச்சிவாயனே
பாதம் பணிந்தேன் எனையாண்டருள்வாய்
அனுபல்லவி
வேதப் பொருளே சோதியே சுடரே
ஆதியும் அந்தமும் அனைத்தும் நீயே
சரணம்
கீதங்களில் வரும் சரிகம பதநி
எனும் சப்த ஸ்வரங்களின் உள்ளிருப்பவனே
மாதவன் கேசவன் நேசிக்குமீசனே
பூதகணங்களும் நந்தியும் போற்றும்
சங்கர சேகர....
பல்லவி
சங்கர சேகர சதாசிவா
கங்காதரனே காத்தருள்வாய்
அனுபல்லவி
பங்கய நாபன் கேசவன் நேசனே
பொங்கரவணிந்த நமச்சிவாயனே
சரணம்
சங்கரி பங்கிலுறை பரமேச்வரனே
அங்கமில் காமனை கண்ணழலாலெரித்தவனே
திங்கள் பிறையணிந்த இந்துசூடனே
எங்கும் நிறைந்திருக்கும் அகிலாண்டேச்வரனே
சிங்காரவேலனிடம் ஓங்கரப் பொருள் கற்ற
மங்கல மூர்த்தியே மகாதேவனே
ஐங்கரன் தந்தையே ஆதியே சோதியே
மங்காத புகழ் மேவும் பெருந்துறை சிவனே
ஜுரஹரேச்வரனை......
பல்லவி
ஜுரஹரேச்வரனே அகில லோக நாயகனே
கரம் கூப்பி சிரம் தாழ்த்தி மனமாரத் துதித்தேன்
அனுபல்லவி
தரணியிலனைவரும் பிணியால் படுந்துயர்
விரைவில் நீங்கிட உன்னருள் வேண்டியே
சரணம்
அருணாசலனே அடியார்க்கிரங்கி
ஒருநாள் பிட்டுக்கு மண் சுமந்தவனே
திருநாளைப் போவார் தரிசனம் பெறவே
எருதுதனைச் சற்றே விலகிடச் செய்தவனே
தருமிக்குப் பாட்டெழிதி பொற்கிழியளித்தவனே
இருவினைப் பயன் தொலைய அனைவரும் வணங்கும்
கருணாகரனே கேசவன் நேசனே
வருமிடர் துன்பங்களனைத்தும் நீங்கிட
ரக்தஜ்வால ஜடாதரம் சசிதரம்
ரக்தாங்க தேஜோமயம் |
டக்கா சூல கபால பாசகதரம்
கல்யாணராமனை....
பல்லவி
கல்யாணராமனை மனமாரத்துதித்தேன்
வில் வளைத்தொடித்து சீதையை மணந்த
அனுபல்லவி
பொல்லாத அரக்கரை போரிட்டழித்த
வல்வில் ராமனை வடிவான கேசவனை
சரணம்
கல்லைக் காரிகையாய் செய்த ராகவனை
புல்லை ஆயுதமாய் எறிந்த வல்லவனை
சொல்லும் செயலும் ஒன்றாகச்செய்பவனை
அல்லலிடர் நீக்கும் கோதண்டராமனை
தந்தை சொல் காக்க கானகம் சென்றவனை
சந்திரனைப் பழிக்கும் அழகுமுகமுடையவனை
நரர் சுரரிந்திரன் நாரதர் நான்முகன்
அனைவரும் போற்றும் அயோத்தி மன்னனை
பல்லவி
அசலாம்பிகையின்...,.
பல்லவி
அசலாம்பிகையின் அரவிந்த பதம் பணிந்தேன்
அசைவற்ற யோகநிலையில் தவம் புரிந்த
அனுபல்லவி
அசுரருமமரரும் கரம் பணிந்தேத்தும்
பசுபதி நாயகி பரமேச்வரியின்
சரணம்
திசைகளும் கோள்களும் வல இடமாய்த்திரிந்து
ஈசனப்ரதீச்வரனை வணங்கிடக்கண்டு
அசலசுந்தரியும் அரனவனை வணங்கி
கேசவன் நேசன் சிவனிடம மர்ந்த
அம்பிகை அமுதக்கடலின் நடுவேயுள்ள நவமணித் தீவில், வசிக்கிறாள். அந்தத் தீவின் மத்தியில் சூரிய மண்டலத்தின் பிரகாசத்துக்கு நிகரான சிவந்த ஒளியுடன் திகழ்கிறது மணி மண்டபம் ஒன்று. அதில் சதாசிவ பீடத்தின் மீது மலர்ந்திருக்கும் தாமரையில் கெளரி தேவி வீற்றிருக்கிறாள். அவளுக்கு இருபுறமும் பிள்ளையாரும் முருகனும் அமர்ந்துள்ளனர். சந்திரனைப் போன்ற வெண்ணிறம் கொண்ட கௌரி தேவி செம்பட்டாடை அணிந்து, நவரத்தினங்கள் இழைத்த பொன் ஆபரணங்களைப் பூண்டவளாக ஜொலிக்கிறாள். அவள் தன் கருணை விழியால் அன்பர்களுக்கு வேண்டி யதை விரும்பியவாறு அளிக்கிறாள்’
கௌரி காயத்ரி மந்திரங்கள்
ஓம் ஸூபதாயை வித்மஹே காம மாலின்யை தீமஹி
தன்னோ கௌரீ ப்ரசோதயாத்:
கருத்து: சுபத்தைத் தருபவளும், ஆசைகளை நிறைவேற்றுபவளுமான மகாகௌரி தேவியை தியானிக்கிறேன்.
ஓம் மகாதேவ்யைச வித்மஹே ருத்ர பத்நியை ச தீமஹி!
தன்னோ கௌரீ ப்ரசோதயாத்.
கருத்து: மகாதேவியாக இருப்பவளும் மகாருத்திர மூர்த்தியின் மனைவியாய் இருப்பவளுமான கௌரிதேவியை தியானிக்கிறேன்.
ஓம் சுவேத வர்ணாய வித்மஹே ம்ருக டங்காய தீமஹி!
தன்னோ கௌரீ ப்ரசோதயாத்.
கருத்து: வெண்மையான வண்ணம் கொண்டவளும், மான், மழு ஏந்தியவளுமான கௌரிதேவியை தியானிக்கிறேன்.
மகாதேவியை.......
பல்லவி
மகாதேவியை மகாகௌரியை
மகாதேவனின் துணைவியைத் துதித்தேன்
அனுபல்லவி
மகாவிஷ்ணுவெனும் கேசவன் சோதரியை
மான் மழுவேந்திய வெண்ணிறத்தாளை
சரணம்
அமுதக்கடல் நடுவே நவமணித்தீவிலுறை
கதிரொளிக்கிணையான ஒளிதிகழ் மண்டபத்தில்
சதாசிவபீடமெனும் தாமரைதனிலமர்ந்து
முருகன் கணபதி இருபுறமிருக்கும்
திங்களின் ஒளியை மிஞ்சுமொளியுடையவளை
நவரத்தினம் பதித்த பொன்னகையணிந்தவளை
அங்கமில் மதனும் மயங்கும் வடிவுடையவளை
அருள் தரும் கருணை விழியுடையாளை
பிள்ளையார் பெயர்கள்
🌹🌿50 பிள்ளையார்களின் நீண்ட பட்டியல்:–🌿🌹
🌹 🌿 இதோ தமிழ் நாட்டின் பிள்ளையார் கோவில்களின் (சந்நிதிகளின்) நீண்ட பட்டியல்:–
🌹 🌿 முக்குறுணி விநாயகர் — மதுரை மீனாட்சி கோவில்
விபூதிப் பிள்ளையார் – மதுரை மீனாட்சி கோவில்
நேரு ஆலால சுந்தர விநாயகர் – மதுரை
குடைவரைப் பிள்ளையார் — திருப்பறங்குன்றம் கோவில்
கரும்பாயிரம் பிள்ளையார் – கும்பகோணம்
அழகிய விநாயகர் – திருவாவடுதுறை
ஆண்ட பிள்ளையார் – நறையூர் சித்தீச்சுரம்
ஆதி விநாயகன் – திருவையாறு
ஆழத்துப்பிள்ளையார் – திருமுதுகுன்றம்
உச்சிப் பிள்ளையார் – திருச்சிராப்பள்ளி
ஓலமிட்ட பிள்ளையார் – திருவையாறு
கங்கைக் கணபதி – குடந்தை கீழ்க்கோட்டம்
கடுக்காய்ப் பிள்ளையார் – திருக்காறாயில்
கருக்கடி விநாயகர் – திருக்கச்சூர்
கள்ள வாரணப் பிள்ளையார் – திருக்கடவூர்
கற்பகப் பிள்ளையார் – கடிக்குளம், திருக்காவூர்
கற்பக விநாயகர்– பிள்ளையார்பட்டி
கூப்பிடு பிள்ளையார் – திருமுருகன் பூண்டி
கைகாட்டு பிள்ளையார் – திரு நாட்டியத்தான்குடி
கோடி விநாயகர் – கொட்டையுர்
சிந்தாமணி கணபதி-திருமறைக்காடு
சுந்தர கணபதி- கீழ்வேளூர், திருமழபாடி
சூதவனப் பிள்ளையார்- திருவுச்சாத்தனம்
செவிசாய்த்த விநாயகர் – அன்பிலாந்துறை
சொர்ண விநாயகர் – திருநள்ளாறு
தாலமூல விநாயகர் – திருக்கச்சூர்
துணையிருந்த பிள்ளையார் – திருப்பனையூர்
நாகாபரண விநாயகர் – நாகைக் காரோணம்
நீர்த்தன விநாயகர் – இன்னம்பர்
படிக்காசு விநாயகர் – திருவீழிமிழலை
மணக்குள விநாயகர் – பாண்டிச்சேரி
மாணிக்க விநாயகர் திருச்சி
நவசக்தி விநாயகர் – மைலாப்பூர், சென்னை
அஸ்வத்த விருட்ச விநாயகர் – தி.நகர், சென்னை
படித்துறை விநாயகர் – திருவிடை மருதூர்
பிரளயங்காத்த பிள்ளையார் -திருப்புறம்பியம்
பொய்யா விநாயகர் – திருமாகறல்
பொல்லாப் பிள்ளையார் – திருநாரையூர்
மாவடிப் பிள்ளையார் – நாகைக் காரோணம்
மாற்றுரைத்த பிள்ளையார் – திருவாரூர்
முக்குறுணிப் பிள்ளையார் – சிதம்பரம், மதுரை
வரசித்தி விநாயகர் – திருவல்லம்
வலம்புரி விநாயகர் – திருக்களர்
வாதாபி கணபதி – திருப்புகலூர் (திருச்செங்காட்டங்குடி, கணபதீச்வரம்)
வீர உறத்தி விநாயகர் – திருமறைக்காடு
வெள்ளை விநாயகர் – திருவலஞ்சுழி இடும்பாவனம்
வேதப் பிள்ளையார் – திருவேதிகுடி
🌹 🌿 விநாயகரின் ரசாயன யுத்தம்🌿🌹
🌹 🌿 ரசாயனப் போர் முறை (Chemical warfare) மிகவும் சர்ச்சைக்குரிய விஷயம். ஐ.நா.சபையால் தடை செய்யப்பட்ட போர் முறை. ஆனால் எதிரிகள் முதலில் அதைப் ப்ரயோகித்தால் தற்காப்புக்காக அதைச் செய்வதில் தவறில்லை. இதைத் தான நாம் கும்பிடும் பிள்ளையாரும் செய்தார்.
🌹 🌿 விநாயகரின் 16 முக்கிய நாமாக்களில் ஒன்று தூமகேது. இந்த சம்ஸ்கிருதச் சொல்லுக்கு இரண்டு அர்த்தம் உண்டு: 1.வால் நட்சத்திரம், 2.விநாயகப் பெருமான். அவருக்கும் வால் நட்சத்திரத்துக்கும் (தூமகேது) ஒரு தொடர்பும் இல்லை.
🌹 🌿 விகுதி என்ற ஒரு அரசன் இந்திர பதவி மீது ஆசை கொண்டான். அதைப் பொறுக்காதோர் அவனைச் சபிக்கவே அவன் தூமாசுரன் என்ற புகை அசுரனாகப் பிறந்தான். தூமம் என்றால் புகை என்று பொருள். அவனிடம் விஷப் புகை ( Weapons of Mass Destruction) ஆயுதங்கள் இருந்தன. அதை அவன் ரிஷிகள் மீதும் நல்லோர் மீதும் பிரயோகித்தான். அவனைக் கொல்ல சுமுதை என்பவளுக்குப் பிறக்கப்போகும் குழந்தை உதவும் என்று ஒரு அசரீரி கேட்டது. ஆகவே சுமுதை கணவருடன் காட்டுக்குச் செல்ல, அங்கு விநாயகரே அவர்களுக்குக் குழந்தையாக வந்து அவரிடம் வளர்ந்தார்.
🌹 🌿 தூமாசுரன் செயல்களைக் கேள்வி கேட்கவே அவன் பிள்ளையார் மீதும் புகை ஆயுதங்களைப் பிரயோகித்தான். அவரோவெனில் அத்தனை புகையையும் உள்ளுக்கு இழுத்தார். தூமாசுரன் மீது அந்த விஷப் புகையைக் கக்கவே அவன் சேனைகளுடன் அழிந்தான். ஆகவே அவருக்கு தூம கேது என்று பெயர்.
