கோவிந்தன் பதமலர்

                        கோவிந்தன் பதமலர்

                                                       பல்லவி

                                   கோவிந்தன் பதமலரை அனுதினம் துதித்தேன்
                                   தேவி பத்மாவதியின் திருக்கரம் பற்றிய

                                                     அனுபல்லவி

                                   தீவினையகற்றி நல்வினை சேர்க்கும்
                                   தேவாதி தேவன் தீனசரண்யன்

                                                          சரணம்

                                   ஆவினங்கள் மேய்க்கும் மாயன் மதுசூதனன்
                                   சேவிக்கும் அடியார்கள் நலம் காக்கும் கேசவன்
                                    பூவிலமர் பிரமன் நாரதரிந்திரன்
                                    பூவுலக மாந்தர்களனைவரும் வணங்கிடும்
                                   

பாதமே துணை

                         பாதமே துணை

                                                     பல்லவி

                                   பாதமே துணை  கோவிந்தா - உனது
                                   பாதமே துணை கோவிந்தா.....

                                                  அனுபல்லவி

                                   வேதகோஷங்கள் வீதியில் முழங்கும்
                                   பூதலம் போற்றும் திருமலையில் வாழுமுன்

                                                     சரணம்

                                   ஓதக்கடலில் பள்ளி கொண்டிருப்பவனே                              
                                   பாதகஞ்செய்திடும் அரக்கரை வதம் செய்த
                                   மாதவனே மதுசூதனனே        
                                   ஆதரவளித்தெனை ஆண்டருள உனது
                                   
                                   

ஶ்ரீவாசுதேவன்

                           ஶ்ரீவாசுதேவன்

                                                       பல்லவி

                                 ஶ்ரீவாசுதேவனை கேசவனைப் பணிந்தேன்
                                 மூவாசைப்பிணி போக முன்வினைப் பயன் நீங்க

                                                    அனுபல்லவி

                                 தேவாதி தேவனை மாயக் கண்ணனை
                                 தேவியர் பாமா ருக்மிணி உடனிருக்கும்

                                                         சரணம்
                               
                                   ஆவினங்கள் மேய்க்கும் நந்தகுமாரனை
                                   மூவடி மண் கேட்டு மாவலியை வென்றவனை
                                   தேவகி மைந்தனை பாலகோபலனை
                                    நாவினால் பாடி மனமாரத்துதித்து

ஈசனொருபாகத்தவளே

                        ஈசனொருபாகத்தவளே

                                                      பல்லவி

                                 ஈசனொரு பாகத்து நேரிழையே உமையே
                                 நேசமுடன் துதித்தேன் எனக்கருள்வாய் தாயே

                                                    அனுபல்லவி

                                 பாசத்தளைகளைக் களைந்திடும் சங்கரி
                                 கேசவன் சோதரி திரிபுரசுந்தரி

                                                        சரணம்

                                  பாசாங்குசமும் கரும்பும் கிளியும்
                                  தேசுடன் கரங்களில் ஏந்திடும் தேவி
                                  பூசுரரும் வானவரும் கரம் பணிந்தேத்தும்
                                  மாசிலாதவளே மலைமகளே கௌரி
                                 

அந்த நாளே நல்ல நாள்

                                       அந்த நாளே நல்ல நாள்
                                 


                                                   பல்லவி

                                   அந்த நாளே நல்ல நாள்
                                    நந்தகுமாரனுன் லீலைகளைப் பாடும்

                                                 அனுபல்லவி

                                   சந்ததம் கேசவா என்றுனை அழைத்து
                                   சிந்தையில் வைத்துன் சீரடி போற்றும்

                                                      சரணம்

                                   நிந்தனை செய்யும் நீச அரக்கருக்கும்
                                   வந்தனை புரிந்திடும் நரர்சுரரனைவருக்கும்
                                   உந்தன் தயவளிக்கும் தீனசரண்யனே
                                   முந்தைய வினப்பயன் நீங்கிட எனக்கருளும்

கோதண்டபாணி

                          கோதண்டபாணி

                                                      பல்லவி

                                கோதண்டபாணியின் பாதம் பணிந்தேன்
                                ஆதரவளித்தெனை ஆண்டருள வேண்டுமென

                                                   அனுபல்லவி
                             
                                பூதலம் கொண்டாடும் புகழ்மிகு ராகவன்
                                வேதங்கள் போற்றும் சீதரன் கேசவன்

                                                       சரணம்

                                 மாதவளின் சாபம் தீர்த்த ஶ்ரீராமன்
                                 பாதகம் செய்திடும் அரக்கர் குலமழித்த
                                 மாதவன் மதுசூதனன் சீதையின் நாயகன்
                                 வேதனை வினை தீர்க்கும் கோசலைபாலன்
                               
         
                                

திருக்குடந்தை ஆராவமுதன்

                      திருக்குடந்தை ஆராவமுதன்

                                                         பல்லவி


                                     நாராயணனின் மலர்த் தாள் பணிந்தேன்
                                     ஓராயிரம் நாமம் உடைய -  ஶ்ரீமன்

                                                       அனுபல்லவி

                                     காரார் குழலாள் திருமகளைத் தன் மார்பில்
                                     பாராட்டி சீராட்டி வைத்திருக்கும் கேசவன்

                                                          சரணம்
                                     
                                     தாராளம் பக்தருக்கு தயைபுரியும் சீராளன்
                                     பாரோர் புகழ்ந்தேத்தும் பாற்கடல் வாசன்
                                     சாரங்கபாணியாய் திருக்குடந்தை தலத்துறையும்
                                     ஆராவமுதனவன் அருளமுதம் பெற வேண்டி

சௌந்தர்யவல்லி

                                                 
                         

                      சௌந்தர்யவல்லி

                                                பல்லவி

                            திரு நாகை சௌந்தர்யவல்லியைத் துதித்தேன்
                            அருள் தர வேண்டுமென இருகரம் கூப்பி
                           

                                                  அனுபல்லவி

                            திருமால் கேசவன் சௌந்தர்யராஜன்
                            பெருமையடன் அருகிருந்து பொலிவுடன் காட்சி தரும்

                                                      சரணம்
                           
                             இருவினைப் பயன்களால் படுந்துயர்நீக்கி
                             வருமிடர் களைந்து வாஞ்சையுடன் அணைத்து
                             கருணைக்கடலவள் ஆதரவளித்திட
                             திருமகளை கடல் மகளை மகாலக்ஷ்மியை
                           
                             

     
                           
                           
                           
                            

மாதா மகாலக்ஷ்மி

                          மாதா மகாலக்ஷ்மி

                                                        பல்லவி

                                  மாதா மகாலக்ஷ்மி மலர்ப்பதம் பணிந்தேன்
                                  நீதான் எந்தன் துணை காத்தருள் புரிவாய்

                                                     அனுபல்லவி

                                  வேதாகம சாஸ்திர புராணங்கள் போற்றும்
                                  கீதையின் நாயகன் கேசவன் மார்பிலுறை

                                                         சரணம்
     
                                  மேதாவிகளும் முனிவரும் தேவரும்
                                  சாதாரணரும் நான்முகனும் நாரதரும்
                                  பாதாரவிந்தம்தனை பணிவுடன் வணங்கிடும்
                                  ஶ்ரீதேவியே புவியாளும் அலைமகளே

திருவிண்ணகர் உப்பிலியப்பன்

                              திருவிண்ணகர்  உப்பிலியப்பன்


                                                   பல்லவி

                                 எப்படி அழைத்தால் நீ வருவாயோ
                                 அப்பனே கேசவா எனக்கருள்வாயே

                                                 அனுபல்லவி

                                  உப்பிலியப்பனே விண்ணகர் வேந்தனே
                                 இப்பிறப்பிலெனைக் காக்கும் ஈசனே

                                                       சரணம்

                                  முப்புரமெரித்த சிவனும் பிரமனும்
                                  இப்பிரபஞ்ச மாந்தரும் தேவரும்
                                  முப்போதும் பணிந்திடும் தேவாதிதேவனே
                                  ஒப்புயர்வில்லா ஆராவமுதே

கோவிந்தா சரணம்

                           கோவிந்தா சரணம்

                                                        பல்லவி

                                    சரணம் சரணம் கோவிந்தா சரணம்
                                    மரணம் பிறப்பெனும் மாயையகல உந்தன்

                                                     அனுபல்லவி

                                    சுரபதி ரதிபதி சரச்வதியின் பதி
                                    நரர்சுரர் நாரதர் பணிந்திடும் கேசவா

                                                          சரணம்

                                    சிறிய வயதில் பல பிழைகள் தீமைகள்
                                    அறியாமல் புரிந்தேன் பெரியோனாயினபின்
                                    பிறர்க்கென்றே திரிந்தேன் அரியே வேங்கடவா
                                    வறியவன் உனதருளால் உனையே சரணடைந்தேன்
                         

கோவிந்தன் நாமம்

                          கோவிந்தன் நாமம் 

                                                     பல்லவி

                              கோவிந்தா என்றொரு முறை சொன்னால் போதும்
                              பாவங்கள் தீரும் பவவினைப் பயன் விலகும்

                                                  அனுபல்லவி

                             பாவை பாஞ்சாலி அழைத்த திருநாமம்
                             தேவர்கள் முனிவர்கள் தினமுரைக்கும் திருநாமம்

                                                      சரணம்
                       
                             ஆவினங்கள் மேய்க்கும் கேசவன் நாமம்
                             மாவலியின் கர்வம் தீர்த்த திருநாமம்
                             பூவுலகில் அனைவரும் போற்றிக்கொண்டாடும்
                            தேவன் திருவேங்கடமுடையானின் திவ்ய நாமம் 

அரங்கன் பாதுகையே

                   

                       அரங்கன் பாதுகையே

                                                        பல்லவி

                                அரங்கன் பாதுகையே உனதருள் வேண்டினேன்
                                பரந்தாமன் கேசவன் பதம்தனைத்தாங்கும்

                                                      அனுபல்லவி

                                வரம் தரும் கரமும் அபயகரமும் காட்டி
                                சுரக்கும் கருணையளித்திடும் தயாகரன்
                 
                                                           சரணம்

                                இரக்கம் வைத்தென் பழவினைப் பயன்களை
                                 நிரந்தரமாகத் தொலைந்திடச் செய்து                              
                                 அரக்கரை மாய்த்திடும் அரங்கனை என்னிடம்
                                 விரைந்தெழுந்தருளும் கோரிக்கை வைத்து
                                

தாமரை மலர்ப்பாதம்

                                            தாமரை மலர்ப்பாதம்


                                                       பல்லவி
                                   
                                  தாமரை மலர்ப் பாதமே எந்தன் துணை
                                  மாமறைகள் போற்றும் மாதவன் கேசவன்

                                                     அனுபல்லவி

                                  பூமகள் திருமகள் இருவரும் நேசமுடன்
                                  தூமலர் தூவி அனுதினம் பணிந்திடும்
                               
                                                        சரணம்

                                   பாமரரும் பண்டிதரும் தேவரும் முனிவரும்
                                   நாமகள் நாதன் பிரமனும் நாரதரும்
                                   காமனும் இந்திரனும் கருடனும் துதித்திடும்
                                   கோமகன் கோவிந்தன் வேங்கடமுடையானின்

காலசம்ஹாரமூர்த்தி(காலகாலன்)

                                    காலசம்ஹாரமூர்த்தி(காலகாலன்)



                                                        பல்லவி

                                  காலனைக்காலாலுதைத்த காலகாலனை
                                  நீலகண்டனை நெஞ்சாரத்துதித்தேன்

                                                     அனுபல்லவி

                                  நீலவண்ணன் கேசவன் நேசனை
                                  சூலபாணியை நமச்சிவாயனை

                                                       சரணம்

                                  ஏலவார்குழலி அபிராமவல்லியுடன்
                                  சீலமிகு திருக்கடையூர் திருத்தலத்தில் பொலிவுடனே
                                  கோலாகலமாக வீற்றிருந்து காட்சி தரும்
                                  ஆலவாயழகனை அமுதகடேசனை
                                 
                                  

ஶ்ரீமகா கணபதி

                                       ஶ்ரீமகா கணபதி


                                               பல்லவி

                              பங்கயமலரமர் மகாகணபதியை
                              சங்கரி மைந்தனை மலர்தூவித் துதித்தேன்

                                             அனுபல்லவி

                               பங்கயநாபன் கேசவன் மருகனை
                               சிங்கார வேலன் தமயனைக் கரிமுகனை

                                                  சரணம்
                             
                                திங்கள் பிறையணிந்த மோதகக்கையனை
                                பொங்கரவணிந்தவனை ஒற்றைக்கொம்பனை
                                அங்குச பாசமேந்திய அய்ங்கரனை
                                எங்களைக்காத்தருள வேண்டுமென வணங்கி

                     
                      பாற்கடல்வாசன்


                             பல்லவி

                 தாள் பணிந்தேன் தயாநிதே
                ஆள்வதுன் தர்மம் ஆதிகேசவா

                             அனுபல்லவி

                 மாள்வதும் பிறப்பதும் இல்லாத நிலைபெற
                 நீள்சடையோன் வணங்கும் தேவாதி தேவா உன்

                                  சரணம்

                கோள்களும் எண்திசை பாலரும் மற்றும்
                தோள்வலியடைய இந்திரனும் தேவர்களும்
                நான்முகனும் நாரதரும் சுகசனகாதியரும்
                கரம் பணிந்து தினம் துதிக்கும் பாற்கடல் வாசனே

சென்ன கேசவா

                                          சென்ன கேசவா



                                                     பல்லவி

                                   எப்போதும் உந்தன் திருநாமம் தனையே
                                   செப்பிடும் வரமருள்வாய் சென்ன கேசவா

                                                   அனுபல்லவி

                                   இப்பிறப்பிலும் இனி வரும் பிறப்பிலும்
                                   தப்பாமலென்றுமுன் தாளினைப் பணிந்து

                                                        சரணம்

                                               
                                  அப்பாலுக்கப்பாலும் அருகிலும் விளங்கிடும்                          
                                   நப்பின்னை மணவாளா நாகத்தணையானே
                                   இப்பிரபஞ்சமே இனிது போற்றிடும்
                                   ஒப்புயர்வில்லா நந்தகுமாரனே
                                 
                                 
                                   

அரங்கநாதன்

                                                      அரங்கநாதன்




                                                             பல்லவி


                                       அந்த ரங்கநாதனை ஆராதனை செய்தேன்
                                       அந்தரங்கம்தனிலவன் திருவடியை நினைந்து

                                                           அனுபல்லவி

                                       சந்ததம் துதித்திடும் பக்தருக்கருள்தரும்
                                       உந்திகமலனைக் கேசவனை மாதவனை

                                                              சரணம்
                                     
                                        மந்தகாச வதனமுடன் திகழும்
                                        சுந்தர வடிவினனை அரங்கத்தம்மானை
                                        முந்தைய பழவினைப் பயன்கள் தொலைந்திட
                                        சிந்தையிலிறுத்தி அனுதினம் துதித்து

திருவெள்ளறை புண்டரீகாக்ஷன்

                                   திருவெள்ளறை புண்டரீகாக்ஷன்



                                                        பல்லவி

                               மாமறைகள் போற்றும் தாமரைக்கண்ணனை
                               சாமள மேனியனை வெள்ளறையில் துதித்தேன்

                                                     அனுபல்லவி
               
                               பூமகள் செண்பகவல்லியுடனிருக்கும்
                               கோமகனைக்கேசவனை புண்டரீகாக்ஷனை

                                                         சரணம்
   
                               பாமரரும் பண்டிதரும் சூரிய சந்திரரும்
                               பூமகளும் திருமகளும் கருடனுமனந்தனும்
                               பூமண்டலத்தோரும் வானுறை தேவரும்
                               மாமுனிவர் மார்க்கண்டேயரும் வணங்கிடும் ...( மாமறை..)

                               தாமரைமலர் நாபனை செங்கமலக்கண்ணனை
                               காமனையீன்றவனை கம்சனைக் காய்ந்தவனை
                               ஆமருவியப்பனை ஆனிறை மேய்த்தவனை
                               தேமதுரத் தமிழால் பாமாலை பாடி ....               ( மாமறை..)
                               

ஶ்ரீராம நாமம்

                          ஶ்ரீராம நாமம்


                              பல்லவி 

                               ஓராயிரம் நாமம் ஓதித்துதித்த பயன்
                               ஶ்ரீராமா என்று சொன்னாலே கிடைத்திடும்

                                             அனுபல்லவி

                                ஆராவமுதன் கேசவன் என்றாலே
                                தீராவினை தீரும் திருவருள் சேரும்

                                                    சரணம்
                             
                               மாராபிராமனந்த மன்னுபரந்தாமனவன்
                               தாரக மந்திரம் ஒருமுறை சொன்னால் போதுமென
                               பேராயிரம் வரிசை உரைக்கும் போது
                               பார்வதிக்கு அந்தப் பரமசிவன் சொன்னது
                             

                                               
                       
                             
                             
                             
                               

அந்த வேளையே ஆனந்தம் கேசவா

                                 அந்த வேளையே ஆனந்தம் கேசவா


                                                       பல்லவி


                                    அந்த வேளையே ஆனந்தம் கேசவா
                                    உந்தன் பதமலரை நினைந்துருகிப் பாடிடும்

                                                    அனுபல்லவி

                                   சந்ததம் உனது சந்நிதியில் நின்று
                                   எந்தன் கவலைகளை மறந்துனைத் துதித்திடும்

                                                       சரணம்

                                   பந்தபாசத்தளைகளைக் களைந்து
                                   முந்தைய பழவினைப் பயன்கள் தொலைந்திட
                                   எந்தையே உனதிரு திருவடிச்சரண்களை
                                   புந்தியில் வைத்து போற்றிப் பணிந்திடும்

காமாக்ஷி

                               காமாக்ஷி

                                                    பல்லவி


                               ஆனந்தமே தரும் உந்தன் தரிசனம்
                               தேனுந்தன் கடைக்கண் விழியருள் காமாக்ஷி

                                                  அனுபல்லவி

                               தானந்தமில்லாத கேசவன் சோதரி
                               ஏனிந்தப் பாராமுகம் ஏழையெனக்கருள

                                                      சரணம்

                               வானுறை தேவரும் மூவரும் இந்திரனும்
                               மோனத்தவம் செய்யும் முனிவரும் வழிபடும்
                               ஆனந்தமான வடிவுடையவளே
                               தீனதயாபரி சங்கரி கௌரி

                               

ஆலிலைபாலன்

                                                ஆலிலைபாலன்



                                                          பல்லவி

                                     ஆலிலைபாலனைக் கண்ணபிரானை
                                     நீலவண்ணனை வந்தனை புரிந்தேன்

                                                       அனுபல்லவி

                                     கோலமயில்பீலி கொண்டையில் சூடிய
                                     மாலனை மாயனை மாதவனைக் கேசவனை    

                                                         சரணம்

                                    காலனாய் கம்சனின் காலம் முடித்தவனை
                                    ஞாலம் உண்டுமிழ்ந்த யசோதை பாலனை
                                    பாலனாய் யுவனாய் குருவாயூர் தலம் வளர்
                                    பூலோகம் கொண்டாடும் குருவாயுரப்பனை  

பத்துமலை முருகன்

                                                   பத்துமலை முருகன்


                                                                பல்லவி

                                      பத்துமலை முருகனை பக்தியுடன் வேண்டினேன்
                                      சுத்திவந்து துதித்திடும் வரம் தருவாயென

                                                             அனுபல்லவி

                                       தத்துவப் பொருளானவனை அமரர் தலைவனை
                                       எத்திசையும் புகழ் விளங்கும் கேசவன் மருகனை

                                                                 சரணம்

                                       உத்தமிப்புதல்வனை வெற்றி வேலாயுதனை
                                       சத்திய நெறி காட்டும் மெய்ஞானச்சுடரை
                                       வித்தகர் போற்றும் வேதமுதல்வனை
                                       முத்தமிழ்ச்சங்கத் தலைவனைக் குமரனை

சென்ன கேசவன்

                        சென்ன கேசவன்

                                                       பல்லவி


                                    பற்றற்ற வாழ்வைப் பற்றிட எனக்கு

                                    உற்றதுணை நீயே சென்ன கேசவா

                                                     அனுபல்லவி

                                    முற்றும் துறந்த முனிவரும் நான்மறையும்

                                    பற்றித்துதித்திடும் பாற்கடல் வாசா

                                                         சரணம்

                                    உற்றார் சுற்றமும் இவ்வுலக வாழ்வும்

                                    வெற்றியும் செல்வமும் எதுவும் சதமல்ல

                                    கற்றறிந்தோர் போற்றும் தேவன் நீ ஒருவன்

                                    மட்டுமே சதமென அறிந்த பின்னாலே
               
                                 
                                 
                                    

ஆதிகேசவா

                            ஆதிகேசவா

                                                    பல்லவி

                                  எந்த நேரமும் உந்தன் சந்நிதியில்
                                  வந்து துதித்திடும் வரமருள வேண்டினேன்

                                                  அனுபல்லவி

                                  தந்தையும் தாயும் பந்துவும் தோழனும்
                                  எந்தனுக்கென்றும் நீயே மாதவா

                                                      சரணம்
                               
                                  வந்தனை புரிந்திடும் அடியவர்க்கெல்லாம்
                                  சந்ததம் அருள் தரும் தீனசரண்யனே                              
                                  முந்தைய பழவினைப் பயன்களைக்களைந்து
                                  எந்தனை ஆண்டருள் ஆதிகேசவா

பரவாசுதேவன்

                            பரவாசுதேவன்

                                                       பல்லவி

                                   பரகதி பெறவே உனயன்றி யார் துணை
                                   பரவாசுதேவனே பரிந்தருள் புரிவாய்

                                                     அனுபல்லவி

                                   அரனயனமரர் சுகசனகாதியர்
                                   கரம் பணிந்தேத்தும் மாலே கேசவா
     
                                                          சரணம்

                                   அரக்கர் குலமழித்த ஆதிமூலமே
                                   பரிசுத்தமான வேதங்கள் போற்றும்
                                   பரந்தாமனே பாற்கடல் வாசனே
                                   சரணடைந்தவர்க்கு நலமளிப்பவனே
                                   

காஞ்சி வரதன்

                            காஞ்சி வரதன்

                                                     பல்லவி
             
                                  நிலம் நீர் நெருப்பு காற்று விசும்பென
                                  உலகனைத்துமாய் நின்ற வரதனைத் துதித்தேன்

                                                   அனுபல்லவி

                                  விலங்கு மனத்தினை அடக்கிட உதவிடும்
                                  பலம்தனை அளித்திடும் மாயனைக்கேசவனை

                                                       சரணம்
     
                                  உலகினை விடவும் பெரிதானவனை
                                  அலகிலா விளையாடல் பல புரிந்தவனை
                                  நலமனைத்தும் அளிக்கும் பேரருளாளனை
                                  தலங்களுள் சிறந்த காஞ்சியில் பணிந்தேன்

மாமாயன்

                              மாமாயன்

                                                      பல்லவி

                               மாமாயன் கண்ணனை மாதவனைக் கேசவனை
                               தூமலர் தூவி அனுதினம் துதித்தேன்

                                                    அனுபல்லவி

                               பூமாதேவியும் திருமகளும் போற்றும்
                               தாமோதரனை மதுசூதனனை

                                                        சரணம்

                               காமனையீன்றவனை கருணாசாகரனை
                               தாமரை நாபனை தீனதயாகரனை
                               பாமரர் பண்டிதர் யாவரும் வணங்கிடும்
                               ஆமருவியப்பனை சாமளவண்ணனை

வீற்றிருந்த பெருமாள் ( திருமழிசை)

                                 வீற்றிருந்த பெருமாள் ( திருமழிசை)



                                                      பல்லவி

                                  வீற்றிருந்த பெருமாளை  மனமாரத்துதித்தேன்
                                  நாற்றிசையும் புகழ் விளங்கும் திருமழிசைத்தலத்தில்

                                                   அனுபல்லவி

                                 சாற்றிய மலர்மாலை மணிமாலையுடனே
                                 ஏற்றமிகு திருமகளும் நிலமகளும் உடனிருக்க

                                                         சரணம்

                                 போற்றித்துதித்திடுமடியாரைக் காப்பவனை                      
                                 சீற்றமுடன் எதிர்த்த அரக்கரை அழித்தவனை                            
                                 காற்று நிலம் நீர் நெருப்பு நீள்விசும்பென
                                 ஆற்றல் மிகுந்தவனை அழகிய கேசவனை

ஹே ராமச்சந்திரா

                                        ஹே ராமச்சந்திரா




                                                    பல்லவி


                                ஹே ராமச்சந்திரா எனக்கருள் புரிவாய்
                                பாராதிருந்தால் எவரிடம் முறையிடுவேன்

                                                  அனுபல்லவி
                             
                                ஓராயிரம் நாமமுடையவனே கேசவா
                                ஆராவமுதே அருந்தேனே மாதவா

                                                      சரணம்

                                மாறாத பக்தியுடன் துதிப்பவர்கெல்லாம்
                                தீராவினை தீர்க்கும் திருமாலே முகுந்தா
                                நாராயணனே நான்மறைகள் போற்றும்
                                பேராளா சீர்மல்கும் அயோத்தியர் கோமானே

திருமழிசை ஜகந்நாதன்

                    திருமழிசை ஜகந்நாதன்

                                                     பல்லவி


                                       உலகநாதன் மலரடி பணிந்தேன்
                                       பலரும் போற்றும் திருமழிசைத்திருத்தலத்தில்

                                                   அனுபல்லவி

                                      நிலமகள் திருமங்கைவல்லியுடனிருக்கும்
                                      மலர்நாபன் கேசவன் பக்தவத்சலன்

                                                        சரணம்

                                     உலகுய்ய வென்றே அவதாரம் எடுத்து                    
                                     அலகிலா விளையாடல் பல புரிந்தவன்
                                     உளமுருகித்துதித்திடும் அடியவர்க்கெல்லாம்
                                     நலங்களை அள்ளி அளித்திடும் தயாபரன்