புஷ்பவல்லித்தாயாரின்.......
பல்லவி
புஷ்பவல்லித்தாயாரின் பொற்பாதம் பணிந்தேன்
கஷ்டங்களனைத்தையும் களைந்து எனக்கருள
அனுபல்லவி
அஷ்டதிக் பாலரும் முதலாழ்வார் மூவரும்
இஷ்டமுடன் வணங்கும் தேகளீசன் மார்பிலுறை
சரணம்
உலகளந்த பெருமாள் கேசவன் நாயகி
அலமேலுமங்கையெனும் திருமகளுமவளே
அலைமகளாய்ப் பாற்கடலில் அவதரித்தவளவளே
நிலைத்த பொருளளிக்கும் நிலமகளுமவளே
No comments:
Post a Comment