நாயகியே

                         நாயகியே.....

                                                     பல்லவி

                                நாயகியே லோக நாயகியே
                                   அகில லோக நாயகியே

                                                 அனுபல்லவி
                               ( முதலில் அனுபல்லவியில் ஆரம்பித்துப்பாடவும்)

                                 தாயுனையே தஞ்சமென்று
                                  சேயெனவே எனை நினைந்து
                                  ஆவலுடன் நாவலூரை நாடி வந்தேன்
                                      புகழ் பாடி நின்றேன்
   
                                                    சரணம்

                                  வலம் வந்துன் தலம் வந்தென் குலம் தழைக்க
                                  உளம் உவந்துன் உளம் கனிய உருகி நின்றேன்
                                  அலங்காரவல்லி நீ ஆனைக்காவில் வளர்
                                   அகிலாண்டேச்வரி அருள்புரிவாயே
                                 

    

ஆதரவு நீ........

                           ஆதரவு நீ........

                                                           பல்லவி

                                      ஆதரவு நீ தரவே வேண்டுமம்மா
                                      அகிலாண்ட நாயகியே காமாக்ஷி

                                                         அனுபல்லவி 

                                        பாதகமலங்களைச் சரணடைந்தேன் 
                                        பாகேஸ்வரி தாயே பார்வதி மீனாக்ஷி

                                                           சரணம்

                                         நிலையா உலகினை நிலையாய் நினைந்து பாச
                                         வலையால் சிக்குண்டு நிலைகுலைந்து நான் 
                                         அலையாதிருக்க அருள் தர வேண்டும்
                                         சிலையாய் நிற்கும் சிவகாமி விசாலாக்ஷி

அருள் விளக்கொரு....

                       

                       அருள் விளக்கொரு....
                        

                                        பல்லவி

                                     அருள் விளக்கொரு  ஒளிவிளக்கினை
                                     உன்னிடம் கண்டேனே

                                                          அனுபல்லவி

                                     திருவிளக்கிது தனிவிளக்கு தில்லையம்பலத்தை
                                      காட்டும் விளக்கு
                                      தேவர்கள் மூவர்கள் போற்றும் விளக்கு
                                       வானவர் தானவர் வணங்கும் விளக்கு

                                                             சரணம்

                                     தீயவை யாவையும் போக்கும் விளக்கு
                                     நோய்நொடிகளை நீக்கும் விளக்கு
                                      நன்மைகள் பலவும் சேர்க்கும் விளக்கு
                                      நாயன்மார்களும் போற்றிய விளக்கு
                                      கண்டவர் கண்கள் களிக்கும் விளக்கு
                                      தனக்குத்தானே ஏற்றிய விளக்கு
                                      துன்பங்கள் எல்லாம் தீர்க்கும் விளக்கு
                                      தித்திதிரியென்றாடும் விளக்கு
                                      புத்தியும் முக்தியும் அளிக்கும் விளக்கு
                                      கருத்தைத்திருத்தியிருத்தும் விளக்கு
                                      பக்தியை மனத்தில் வளர்க்கும் விளக்கு
                                      கேசவன் நேசிக்கும் ஆனந்த விளக்கு

நாளெல்லாம்

                             நாளெல்லாம்....

                                                       பல்லவி

                                       நாளெல்லாம் நல்ல நாளே
                                       நம்பியவனைத் தொழுது துவங்கும்

                                                     அனுபல்லவி

                                      கோளொன்றும் குறியென்றும் பாராதே
                                      கும்பிட்டவர்க்கு குறையொன்றும் நேராதே

                                                          சரணம்

                                      நடம் புரியும் தில்லை நடராசன் பெயர் நினைந்து
                                      நம்பியவன் பதம் பணிந்து நம்பியவர்க்கவன் மருந்து
                                      பங்கயநாபன் கேசவன் நேசன்
                                      சங்கரனின் பதம்தனைப் பணிந்து துவங்கும்
                          

எல்லையில்லா

 

                           எல்லையில்லா......

                                                        பல்லவி

                                     எல்லையில்லாக் களிப்புடனே ஒருகாலைத் தூக்கி
                                     தில்லையில் நடமாடும் நடராஜன் துணை

                                                        அனுபல்லவி

                                      தொல்லை துயர் துடைப்பான் தக்கிட தரிகிட
                                       தகதிமி தளாங்கு தகதரிகிடதக
                                       திமிதளாங்குதக தரிகிடதகதிமி
                                       தரிகிடதகதிமி தகதிமி தோமென

                                                             சரணம்

                                       ஆதியந்தமில்லாத ஜோதியவன்
                                       பாதியந்த உமைக்கீந்த நாயகன்
                                       அம்மையும் அப்பனுமவனே அரனே
                                       இம்மையும் மறுமையும் காப்பவனவனே

                                       நன்மையும் தீமையும் அவனே சிவனே
                                       நான்மறை மூலமும் தந்தவனவனே
                                       வானுறை தேவரும் பிரமனும் கேசவனும்
                                       கானுறை முனிவரும் பணிபவனுமவனே

அகிலாண்டேஸ்வரி

                            அகிலாண்டேஸ்வரி.......

                                                         பல்லவி

                                   அகிலாண்டேஸ்வரி மலர்ப் பதம் பணிந்தேன்
                                   இகபரமிரண்டிலும்  சுகமளிப்பவளே

                                                         துரிதம்

                                     புகழ்மிகு ஆனைக்காவெனும் தலத்தில்
                                     சகலரும் வணங்கிட வந்தமர்ந்தவளே

                                                      அனுபல்லவி

                                    புகலிடம் வேறொன்றறியேன் அகிலம்
                                    அனைத்தையும் காத்திடும் அன்னையே உமையே

                                                            சரணம்

                                     சுகசனகாதி முனிவரும் தேவரும்
                                     மகபதியும் விதியும் பணிந்திடும்
                                     மகிஷாசுரமர்த்தினி சங்கரி
                                     சகம் புகழும் சென்னகேசவன் சோதரி

அருணாச்சலனை

                          அருணாச்சலனை.....

                                                  பல்லவி

                                   அருணாச்சலனை சதா துதி  மனமே (தினமே)
                                   அருணாச்சலனை  சதா துதி.........

                                                    துரிதம்

                                    கருணாகரனை தீனசரண்யனை
                                    அருணன் சந்திரன் பணிந்திடும் சிவனை

                                                     அனுபல்லவி

                                     திருவண்ணாமலை ஜோதிஸ்வரூபனை...

                                                          சரணம்

                                      அருந்தவம் புரிந்திடும் முனிவர்கள் ஞானியர்
                                      விரும்பிப் பணிந்திடும் பனிமலை நாதனை
                                      வருந்தித்துதித்திடும் எளியோர்க்கருளும்
                                      விச்வேச்வரனை கேசவன் நேசனை

அன்னையே

                                 அன்னையே........

                                                          பல்லவி

                                    அன்னையே காமாக்ஷி  உன்னைப் பணிந்தேன்
                                    என்னை இனிது காத்தருள வேண்டுமென

                                                        அனுபல்லவி

                                     பன்னகாபரணன்   ஏகாம்ப்ரேச்வரனும்
                                     பன்னகசயனன் கேசவனும் போற்றும்

                                                             சரணம்

                                     மன்னுயிர்க்கெல்லாம் மோட்சம் தருபவளே
                                     முன்னம் ஈசனுக்கே அன்னம் படைத்தவளே
                                     இன்னம் ஆதி சங்கரர்க்கு அருளளித்தவளே
                                     கன்னலே அமுதே காஞ்சிமாநகர் வளர்

 

சந்திரசேகரனை

                             சந்திரசேகரனை....

                                                             பல்லவி

                                         சந்திரசேகரனை மனமாரத்துதித்தேன்
                                         இந்தின் இளம் பிறை சூடிய சிவனை

                                                             துரிதம்

                                          இந்திராதி தேவரும் கணங்களும் நந்தியும்
                                          கந்தன் கணபதி பார்வதி போற்றும்

                                                           அனுபல்லவி

                                           அந்தமுமாதியும் இல்லா அருணாச்சலனை
                                           அயனரி காணா அடிமுடி உடையானை

                                                             சரணம்

                                            தந்தையும் தாயும் குருவும் அவனென
                                            முந்தைய பழவினைப் பயன்கள் தொலைந்திட
                                            சிந்தையில் சந்ததம் திருநாமம் நினைந்து
                                            வந்தனை புரிந்து கேசவன்நேசனை
                                       
               

திருவண்ணாமலை

                          திருவண்ணாமலை......

                                                        பல்லவி

                                   திருவண்ணாமலை வாழும் அண்ணாமலையானின்
                                   மலர்ப் பாதம்தனையே மனமாரப் பணிந்தேன்

                                                       அனுபல்லவி

                                   கருணாமூர்த்தியாய் கார்த்திகை தீபமாய்
                                   நெருப்புருவாகி காட்சி அளித்திடும்

                                                            சரணம்

                                    திருமால் பிரமன் அடிமுடிக் காணா
                                    பெருமைக்குரிய கேசவன் நேசன்
                                    அருமறைகள் போற்றும் அருணாச்சலேச்வரன
                                    அருள் பெறவே தினம் மலர் தூவித் துதித்து

காஞ்சி மாநகர்...

                                 காஞ்சி மாநகர்...

                                                               பல்லவி

                                         காஞ்சி மாநகர் ராணி காமாக்ஷி நீ என்னை

                                          வாஞ்சையுடன் காத்து ரட்சிக்க வேண்டினேன்

                                                                அனுபல்லவி

                               

                                          தீஞ்சுவை மாங்கனிகள் தரும்  மாமரத்தடியில்

                                          வீற்றிருந்து தவம் புரியும் கேசவன் சோதரி

                                                                    சரணம்

                                           நஞ்சுண்ட கண்டன் ஏகாம்ப்ரேச்வரன்

                                           கொஞ்சும் துணை நீயே ஏகாம்ரேச்வரி

                                           தஞ்சமென்றுன் பதம் பணிந்திடுமன்பர்க்கு

                                           அஞ்சலென்றபயகரம் காட்டும் அன்னையே

தரும மிகு.......

           தரும மிகு......

                                                பல்லவி

                            தரும மிகு காஞ்சியில் பெருமையுடன் வீற்றிருக்கும்
                            அன்னையே காமாக்ஷி உன்னையே பணிந்தேன்

                                               அனுபல்லவி 

                             திருமகள் கலைமகள் விரும்பித் துதித்திடும்
                             அருந்தவச் செல்வி கேசவன் சோதரி

                                                    சரணம்

                             பொங்கரவம் அணிந்த சங்கரனும் பிரமனும்
                             திங்களும் ஞாயிறும் துதித்துப் போற்றும்
                             மங்களம் தரும் அங்கயற்கண்ணி 
                             எங்களைக் காத்தருள் சங்கரி கௌரி

சொக்கநாதனை

                              சொக்கநாதனை.....

                                                            பல்லவி

                                        சொக்கநாதனை  ஆலவாயழகனை
                                        முக்கண்ணனை மனமாரப் பணிந்தேன்

                                                          அனுபல்லவி

                                         அக்கறையுடனே அங்கயற்கண்ணியும்
                                         பக்கமிருந்து பரிவுடன் வணங்கிடும்

                                                               சரணம்

                                         முக்குருணி கணபதியும் நந்தியும் கணங்களும்
                                         குக்குடக் கொடியோன் சிங்காரவேலனும்
                                         திக்கெட்டும் காக்கும் எண்திசை பாலரும்
                                         பக்தியுடன் துதித்திடும் கேசவன் நேசனை

                                       
                                          

சோதனை போதுமென்றே.....

                       சோதனை போதுமென்றே.....

                                                     பல்லவி

                               சோதனை போதுமென்றே மலர்ப்பதம் பணிந்தேன்
                               ஆதரித்தெனையே ஆண்டருள்வாய் காமாக்ஷி

                                                    அனுபல்லவி
              
                                 மாதொருபாகன் ஏகாம்ப்ரேச்வரன்
                                 மனங்கவர் ஶ்ரீ லலிதா திரிபுரசுந்தரி

                                                        சரணம்

                                 வேதசாஸ்த்திர புராணங்கள் போற்றும்
                                 மாதே ஶ்ரீ ராஜராஜேச்வரி
                                 கீதப்ரியே ஏகாம்ரேச்வரி
                                 மாதவன் மதுசூதனன் கேசவன் சோதரி
                                 
                                

நீயருள்வாய்

                            நீயருள்வாய்.....

                                                        பல்லவி


                                             நீயருள்வாய்  காமாக்ஷி 
                                              காஞ்சிபுரம் வளர் ஏகாம்ரேச்வரி

                                                        அனுபல்லவி

                                              தாயே இவ்வுலகில் உன்னையன்றி
                                              வேறே யார் துணை கேசவன் சோதரி

                                                             சரணம்

                                              காயமிது பொய்யென்னும் மெய்யுணர வேண்டியும்
                                              மாயையகலவும் மன இருள் நீங்கவும்
                                              ஓயாது உன் நாமம் பாராயணம் செய்தேன்
                                              தாயே உன் மலரடி தஞ்சமடைந்தேன்

   

மாமரத்தின்

                                 மாமரத்தின்......

                                                           பல்லவி

                                      மாமரத்தின் கீழமர்ந்து மாதவம் புரிந்திடும்
                                      காமகோடி காமாக்ஷி  கனிந்தருள் புரிவையே

                                                             துரிதம்

                                       பாமரர் பண்டிதர் நரர்சுரர் நாரதர்
                                       காமன் பிரமனிந்திரன் வணங்கிடும்

                                                         அனுபல்லவி

                                      தேமதுரத் தமிழால் பாமாலை புனைந்து
                                      வாயாரப் பாடி மனமாரத் துதித்தேன்

                                                               சரணம்

                                       மந்தையில் திரிந்திடும் ஆடுபோல் மதிமயங்கி
                                       நிந்தை புரிந்திடும் நீசர் வழி சென்றிடும்
                                       எந்தனைத் திருத்தி உன் தயை அளித்திட
                                       வந்தனை புரிந்தேன் கேசவன் சோதரி





                         
                            

கருணைக்கடலே

                        கருணைக்கடலே....

                                                    பல்லவி

                                      கருணைக் கடலே காமாக்ஷி
                                      கமலா மனோகரி திரிபுர சுந்தரி

                                                       துரிதம்

                                       முருகன் கணபதி நந்தி கணங்கள்
                                        பிரமன். நாரதரனைவரும் வணங்கிடும்
   
                                                    அனுபல்லவி

                                        திருவிளையாடல் செய் சுந்தரேசன்
                                        ஏகாம்ரேச்வரன் மனங்கவர்

                                                            சரணம்

                                          ஒரு நாளும் உன் நாமம் உரைத்திலேன்
                                          உனையே என்றும் மனத்தில் நினைத்திலேன்
                                          பொருள் புகழ் போகமே வாழ்வெனக் கருதி
                                          இருளில் மூழ்கி அனுதினம் உழன்றேன்
                                         
                                          வருந்தியே மனம் திருத்திய என்னை
                                          அருள் கூர்ந்து பிழை பொறுத்தாட்கொள்ள வேண்டும்
                                          திருமகளும் கலைமகளும் நேசமுடன் பணியும்
                                          பெருமைக்குரியவளே கேசவன் சோதரி
             
                                          

அன்னையே

                               அன்னையே......

                                               பல்லவி

                               அன்னையே உன்னையே சரணடைந்தேன்
                               என்னை ரட்சிக்க வேண்டுமென காமாக்ஷி

                                               அனுபல்லவி

                                முன்னை யான் செய்த பிழைகள் எத்தனையோ
                                அத்தனையும் பொறுத்து ஆட்கொள்ள வேண்டியே

                                                   சரணம்

                                தன்னலம் மட்டுமே வாழ்வினில் நாடினேன்
                                நன்னலம் பிறர் நலம் பேணாதொழிந்தேன்
                                இன்னல்கள் வந்ததும் மனம் திருந்தியே
                                உன்னருள் வேண்டினேன் கேசவன் சோதரி 

தேவி தருணமிதே

                          தேவி தருணமிதே

                                                   பல்லவி

                                    தேவி தருணமிதே எனைக் காக்க
                                    மனமிரங்கி தயைபுரிந்து விரைவில் காமாட்சி

                                               அனுபல்லவி

                                    தூவியுனைத் துதித்தேன் சங்கரி சாம்பவி
                                    கருமாரி கௌரி என்றழைத்து மலர் பல

                                                       சரணம்

                                     தாவியணைத்திடும் தாயுனையன்றி
                                     வேறே யாருளார் எனக்கருள இப்புவியில்
                                      ஏகாம்ப்ரேச்வரர் நாயகியே
                                      கௌமாரி காந்திமதி கேசவன் சோதரி

கேசவனேயெனை

                       கேசவனேயெனை.........

                                 கேசவனேயெனை ஆட்கொள்வாய்
                                 ஆசுகவிபாடியுனையழைத்தேன்
                                 
                                 வீசும் தென்றலாய் உணர்கின்றேன்
                                 தேசுடை ஒளியாய் காண்கின்றேன்
                                  ஒளிரும் நிலவாய் ரசிக்கின்றேன்
                                  படரும் கொடியாய்ச் செடியாயும்
                                  மலரும் மலராய்ப் பார்க்கின்றேன்                                
                                  சுடரின் ஒளியாய் காண்கின்றேன்
                                  பேசும் மொழியாய் அறிகின்றேன்
                                  இசையாய் ஒலியாய்க் கேட்கின்றேன்
                                  பருகும் தேனாய் சுவைக்கின்றேன்
                                  அனைத்தும் நீயென அறிந்தாலும்
                                  வினைப் பயனாலதை மறந்து நின்றேன்
                                             

                                  

சதுரங்கவல்லபநாதனை

                  சதுரங்கவல்லபநாதனை.....

                                                      பல்லவி

                                  சதுரங்கவல்லப நாதனைத் துதித்தேன்
                                  சதுர்மறை போற்றும் தேவாதி தேவனை

                                                   அனுபல்லவி

                                  புதுப்பொலிவுடனே காட்சியளித்திடும்
                                  கற்பகவல்லி உடனிருந்து பணிந்திடும்

                                                          சரணம்

                                    மதுர மொழி பேசும் ராஜராஜேஸ்வரியும்
                                    சதுர்முகனும் முருகனும் கணபதியும் மற்றும்
                                    நந்தியும் கணங்களும் தேவரும் முனிவரும்
                                    கரம் பணிந்தேத்தும் கேசவன் நேசனை

                 






                                        

சாமுண்டேச்வரியின்

                            சாமுண்டேச்வரியின்....

                                                           பல்லவி

                                    சாமுண்டேச்வரியின் பாதகமலங்களை
                                    சரணடைந்தேன் பவ வினைகளைக் களைந்தேன்

                                                        அனுபல்லவி

                                    பாமணியாறும் வயல்களும் சூழ்ந்த
                                    பூமண்டலந்தனில் புகழுடன் விளங்கிடும்

                                                              சரணம்

                                     சதுரங்கவல்லப நாதன் சிவனும்
                                     கற்பகவல்லியும் ராஜராஜச்வரியும்
                                     நேசமுடன் அருகிருந்து பாசமுடன் போற்றும்
                                     ஆதிபராசக்தி  கேசவன் சோதரி

ஶ்ரீசொர்ணவல்லியை

                          ஶ்ரீசொர்ணவல்லியை...

                                                        பல்லவி

                                 ஶ்ரீசொர்ணவல்லியை மனமாரத் துதித்தேன்
                                  ஈசன் முக்தீச்வரன் உடனுறை அன்னையை

                                                    அனுபல்லவி

                                  பாசமுடன் ஆதி கணபதியும் போற்றும்
                                  கேசவன் சோதரி மாசற்ற ஈச்வரி

                                                          சரணம்

                                   வாச மலர்மாலை மணிமாலை பொன்மாலை
                                   ஆசையுடன் பலப்பல ஆபரணங்கள் பூட்டி
                                   தேசுடன் திலதர்ப்பணபுரிதனிலிருப்பவளை
                                   நேசமுடன் எனை ஆண்டருள வேண்டுமென

முக்தீச்வரனை

                              முக்தீச்வரனை......

                                                    பல்லவி

                                 முக்தீச்வரனை கேசவன் நேசனை
                                 பக்தியுடன் பணிந்தேன் பரகதி பெறவேண்டி

                                                     துரிதம்

                                 நந்தியும் கணங்களும் தேவரும் முனிவரும்
                                 சந்திரன் சூரியன் பிரமனும் போற்றும்

                                                   அனுபல்லவி

                                  சக்தியின் நாயகனை சாம்பசதாசிவனை
                                  திலதர்ப்பணபுரி திருத்தலத்தில் கோயில் கொண்ட

                                                         சரணம்

                                   ஆதிவிநாயகன் அருகிருந்து துதித்திடும்
                                   மாதொருபாகனை மதிபுனல் சடையோனை
                                   வேதபுரீச்வரனை வேதனை தீர்ப்பவனை
                                   யாதொரு குறையுமில்லா சோதிவடிவானவனை


        

அருள் தரும்....

                             அருள் தரும்....

                                                    பல்லவி

                                 அருள் தரும் கூத்தனூர் சரஸ்வதியைத் துதித்தேன்
                                 இருள் நீக்கி என் மனம் ஒளிபெறச் செய்திடவே

                                                 அனுபல்லவி

                                 குருவருளும் திருவருளும் எனக்கருள வேண்டுமென
                                 கருணை நிறைந்த பாரதியைக் கலைமகளை

                                                        சரணம்

                                  திருமால் கேசவன் நாயகி திருமகளும்
                                  முருகனின் அன்னை மலைமகளும் நேசிக்கும்
                                  பெருமைக்குரிய சகலகலாவாணியை
                                  இருவினைப் பயன் நீக்கி எனையாள வேண்டுமென
          

ஆதி விநாயகனை.....

                                       ஆதி விநாயகனை.....

                                                        பல்லவி

                                   ஆதி விநாயகனை சோதியனைச் சுடரோனை
                                   மேதினி போற்றும் வித்தகனைப் பணிந்தேன்

                                                      அனுபல்லவி

                                    பாதி மதியணிந்த முக்தீச்வரன் மகனை
                                    வேதியர் வணங்கிடும் கேசவன் மருகனை

                                                            சரணம்

                                     ஓதித் துதித்திடும் பக்தருக்கெல்லாம்
                                     தீதின்றி வரமருளும் வேலவன் சோதரனை
                                     சாதித்த புண்ணியர் போற்றும் கணபதியை
                                     திலதர்ப்பணபுரியில் எழுந்தருளிக் காட்சி தரும்

                         விளக்கின்
                         சுடர்
                         ஒளி வீசும்
                         நான் மட்டும்
                         இருட்டைப் பார்க்கிறேன்!!

கருணையின்

                           கருணையின்....

                                                       பல்லவி

                                   கருணையின் திருவுருவே கேசவனே
                                   சரணடைந்தேன் உந்தன் திருவடியை

                                                    அனுபல்லவி

                                    திருமகள் செங்கமலம் உடன் தோன்றி
                                    தரும மிகு சென்னையில் காட்சி தரும்

                                                          சரணம்

                                    கலியுகந்தன்னில் கண்கண்ட தெய்வம்
                                    உனையன்றி வேறு யார் பூமியில் உள்ளார்
                                    இருவினைப் பயன்நீக்கி என் வழ்வில்
                                    அருளொளி பெறவே உனையே துதித்தேன்

வாதாபி

                               வாதாபி...

                                                       பல்லவி
       
                                   வாதாபி கணபதியே நீதான் துணை உனது
                                   பாதாரவிந்தமே என்றும் எந்தன் கதி

                                                    அனுபல்லவி

                                   ஆதாரம் நீயே இவ்வகிலமனைத்திற்கும்
                                    மோதகப்பிரியனே கேசவன் மருகனே

                                                           சரணம்

                                   சாதாரண மனிதரையும் மேதாவியாகச் செய்யும்
                                    வேதப்பொருளே வேழமுகத்தோனே
                                    மாதவருபாகன் மைந்தனே ஐங்கரனே
                                    வாதவூரார் போற்றும் திருவாரூர் தலத்துறையும்



               

வரந்தரும்

                           வரந்தரும்.......

                                                     பல்லவி


                                 வரந்தரும் ஆதனூர் ஆண்டளக்குமையனை
                                 கரம் கூப்பி சிரம் தாழ்த்தி மனமாரத்துதித்தேன்

                                                      துரிதம்

                                  நரர்சுரர் நாரதர் சுக சனகாதியர்
                                  அரனயன் கருடன் கரம் பணிந்தேத்தும்

                                                      அனுபல்லவி

                                   சிரந்தனில் மரக்காலும் கரந்தனில் ஒலையும்
                                   எழுத்தாணியும் ஏந்தும் பரமபத நாதனை

                                                            சரணம்

                                    நரசிம்மனாய்த் தோன்றி இரணியனை வதைத்த
                                    பரமனைக் கேசவனை வைகுந்தவாசனை
                                    கரன் முரனரக்கரை அழித்த ஶ்ரீராமனை
                                    அரவணை துயிலும் ஶ்ரீமன் நாராயணனை

அதிவ்யாதிஹர

                             அதிவ்யாதிஹர.....

                                                           பல்லவி

                                       ஆதி வ்யாதிஹர பக்தாஞ்சநேயரின்
                                       பாதகமலங்களை மனமாரப் பணிந்தேன்

                                                        அனுபல்லவி

                                       மேதினி போற்றும் கோதண்டராமரின்
                                       தீவிர பக்தன் நங்கநல்லூர்  திகழ்

                                                              சரணம்

                                       தூதனாய் இலங்கை நகர் சென்று
                                       மோதிய அரக்கரின் பகை வென்று
                                       பேதை சீதையின் துயர் துடைத்த
                                       வாயு குமாரன் கேசவன் நேசன்
       

பதம் பணிந்தேன்.....

                          பதம் பணிந்தேன்.....

                                                      பல்லவி

                                    பதம் மணிந்தேன் உமா மகேச்வரி
                                    பரிந்தருள் புரிந்திட வேண்டியே உன்றன்

                                                     அனுபல்லவி

                                    இதம் தரும் இமவான் புத்ரி கௌரி
                                    சதமென்று நம்பியே நிதமுனைத் துதித்துன்

                                                         சரணம்

                                    கலைமகள் அலைமகள் கனிவுடன் நேசிக்கும்
                                    மலைமகளே கபாலீச்வரன் மனங்கவரும்
                                    மயிலைக் கற்பகமே சயிலேந்திரன் மகளே
                                    கலியுக அற்புதமே கேசவன் சோதரி