கருணைக் கடலே.....
பல்லவி
கருணைக் கடலே காந்திமதி உன்றன்
அருளைப் பெறவே மலர்ப் பதம் பணிந்தேன்
அனுபல்லவி
இருவினைப் பயன்கள் எளிதில் தொலையவும்
வருந்துயரிடர்கள் விலகிடச் செய்யவும்
சரணம்
திருநீரும் குங்குமமும் அழகுடனேயணிந்து
கருநீல மேனியில் பச்சைப் பட்டுடுத்தி
திருக்கரத்தில் பாங்குடனே கமலமலரேந்தி
திருநெல்வேலியில் அருட்காட்சியளித்திடும்
அருகினில் முருகனும் நெல்லையப்பரும்
திருமால் பள்ளிகொண்ட பரந்தாமனும்
திருமகள் கலைமகள் ஆனைமுகத்தோனும்
இருகரம் பணிந்தேத்தும் கேசவன் சோதரி
No comments:
Post a Comment