பாரெங்கும்.....
பல்லவி
பாரெங்கும் புகழ் விளங்கும் சாரங்கபாணியின் அரவிந்த பதம் பணிந்தேன்
துரிதம்
சங்கும் சக்கரமும் சாரங்கம் கதையேந்தும் பங்கயநாபன்
பாற்கடல்வாசன் செங்கண்ணன் கருநீலவண்ணன்
அனுபல்லவி
சீர்மல்கும் திருக்குடந்தை தனிலெழுந்தருளிய ஆராவமுதன் கேசவன்
கார் குழலாள் கோமளவல்லி மனம் விரும்பி தினம் துதிக்கும்
சரணம்
ஓராயிரம் பெயர் கொண்ட தேவாதிதேவன் பாண்டுரங்கன்
சீர்காழிப் பதிதன்னில் உலகளந்த பெருமான் தாடாளன்
நீர்மலைமேல் நின்ற நீர்வண்ணன் நெடுமால் திருவரங்கநாதன்
பாற்கடலில் பள்ளிகொண்ட திருமால் அருமாகடலமுதன் பரமபதநாதன்
தாளம்: துருவதாளம்
No comments:
Post a Comment