சுந்தரேச்வரனை.....
பல்லவி
சுந்தரேச்வரனை ஆலவாயழகனை
இருகரம் கூப்பி மதுரையில் பணிந்தேன்
அனுபல்லவி
இந்திராதி தேவரும் பத்திரகாளியும்
அன்னை அங்கையற்கண்ணியும் போற்றும்
துரிதம்
கந்தன் கணபதி நந்தியும் கணங்களும்
பிரமன் கேசவன் அனைவரும் துதித்திடும்
சரணம்
சுந்தரபாண்டியனை அகத்தியர் வணங்கிடும்
முத்தமிழ் சங்கத்தலைவனை ஈசனை
சந்திரசூடனை மகாதேவனை
மீனாட்சி மணம் புரிந்த சொக்கநாதனை
துரிதம்
பந்தபாசத் தளைகளைக் களந்திடும்
நான்மடக்கூடல் நமச்சிவாயனை
இந்தினிளம்பிறை சூடிய சிவனை
கால்மாற்றி ஆடிய கடம்பவனத்தானை
No comments:
Post a Comment