என்ன பெயர் சொல்லி......
பல்லவி
என்ன பெயர் சொல்லி உன்னையழைப்பேன்
புன்னகை முகத்தோனே இன்னமுதே ஶ்ரீராமா
அனுபல்லவி
அன்னை கோசலையின் மகனே கோசலராமா
பன்னக சயனனே கேசவனே மாதவனே
சரணம்
தென்னிலங்கை அரக்கனை வென்ற ஜெயராமனே
அன்னை சீதையை மணந்த சீதாராமனே
தந்தை சொல் காத்த தசரத ராமனே
மன்னனாய் மகுடமேற்ற பட்டாபிராமனே
கன்னலே தேனே கோதண்ட ராமனே
இன்னருள் தந்திடும் கல்யாண ராமனே
என்றும் புகழ் விளங்கும் சுந்தர ராமனே
என்றைக்கும் முடிவிலா அனந்த ராமனே
No comments:
Post a Comment