சாரங்கபாணி
பல்லவி
சாரங்கபாணியின் திருவடி பணிந்தேன்
பாரெங்கும் புகழ் விளங்கும் திருக்குடந்தை தலம் வளர்
அனுபல்லவி
நாரதர் நான்முகன் சுகசனகாதியர்
நரர் சுரர் அனைவரும் கரம் பணிந்தேத்தும்
சரணம்
மாரனையீன்ற மாதவன் மதுசூதனன்
கார்குழலாள் கோமளவல்லியின் மனங்கவர்
கார்வண்ணன் கேசவன் ஆராவமுதன்
ஆர்ப்பரிக்கும் கடல் நடுவே பள்ளிகொண்ட நாரணன்
No comments:
Post a Comment