தில்லை
பல்லவி
தில்லையைப்போலொரு திருத்தலம் வையகத்தில்
இல்லையென்றே சொல்வேன் அருமை மனமே
அனுபல்லவி
அல்லலிடர் களையும் தொல்லை துயர் துடைக்கும்
நல்லதொரு தெய்வம் நடராஜன் குடியிருக்கும்
சரணம்
வல்லவர் பதஞ்சலியும் புலிக்கால் முனிவரும்
கல்லாரும் கற்றவரும் நந்தியும் கணங்களும்
பிரமனும் கேசவனும் எல்லாரும் பணிந்தேத்தும்
ஈசன் சிதம்பரநாதன் வீற்றிருக்கும்
No comments:
Post a Comment