மலர் வடிவ கணபதி
பல்லவி
புதுப்புது வடிவினில் காட்சி தரும் கணபதியை
பதம் பணிந்து கரம் கூப்பி மனமாரத் துதித்தேன்
அனுபல்லவி
அதிபதியாய் நின்று கணங்களை நடத்தி
எதிரியை நடுங்க வைக்கும் வேழமுகத்தோனை
சரணம்
மதுர மோதகப்பிரியனைக் கரிமுகனை
சதுர் மறைகள் போற்றும் கேசவன் மருகனை
புதிய கருமங்கள் தொடங்கும் முன்னனைவரும்
முதன் முதல் வணங்கிடும் ஆனைமுகத்தோனை
No comments:
Post a Comment