நம்பெருமாள்
பல்லவி
நாவிற்கினிய நாமங்களுடையவனை
நம்பெருமாளென்றழைத்து மனமாரத் துதித்தேன்
துரிதம்
தேவரும் முனிவரும் பிரமனுமனந்தனும்
தேவமுனி நாரதரும் கரம் பணிந்தேத்தும்
அனுபல்லவி
தேவி திருமகளைத் தன் மார்பில் வைத்திருக்கும்
தேவாதி தேவனை திருவரங்கநாதனை
சரணம்
கூவியழைத்தால் ஓடிவந்து அருளளிக்கும்
தேவகி மைந்தனை மாதவனைக் கேசவனை
சேவடி பணிந்திடும் அடியார் மனம் குளிர
தாவி வந்து அரவணைக்கும் மனத்திற்கினியானை
No comments:
Post a Comment