பொய்க்கூ

பொய்க்கூ
    ****

 வாடகை சைக்கிளில்
  பயணிக்கிறது
   உடல்

வாடகை உடலில்
பயணிக்கிறது
ஆன்மா

கஜானனன்

                                      கஜானனன் 

                                                     பல்லவி 

                                     துணை புரிந்தருள் ஸ்ரீ கஜானனா 

                                     வணங்கினேனுந்தன் பாத கமலமே 

                                                    அனுபல்லவி 

                                      பிணங்கிய வள்ளி தனை குகனுக்கு 

                                      மண முடித்திட அருள் புரிந்தவா 

                                                        சரணம் 

                                       கணமுமுன்னிரு திருவடிச்சரண் 

                                        பணிந்து போற்றினேன் கேசவன் மருகா 

                                        பிணியிடர் களை களைந்து என்னையே 

                                        அணைத்து ஆண்டிட உன்னை வேண்டினேன் 

                                          

ஸ்ரீ மகா கணபதி

                                                ஸ்ரீ மகா கணபதி


                                                      பல்லவி

                                     மனம் கனிந்தருள்வாய் மகாகணபதியே

                                     உனதிரு பதமே கதியெனத் துதித்தேன்

                                                       அனுபல்லவி

                                     அனங்கனும் நாணும் அழகுடையவனே

                                     வினையிடர் தீர்க்கும் வேழமுகத்தோனே

                                                          சரணம்

                                     தினகரகுலத்தோன் கேசவன் மருகனே

                                    அனலேந்தும் முக்கண்ணன் மகனே கரிமுகனே

                                     வனவிலங்கெனத் திரியும் புலன்களை அடக்கிட

                                     உனையன்றி துணையெனக்கு வேறெவருள்ளார்

Mayaa

Mayaa

                                                 
 கிடந்தால்  படி
 நின்றால் தூண்
 வடித்தால் சிலை
 மனத்துள்  நினைந்து
 துதித்தால் இறை
 எல்லாம் மாயை 

புதுப்பெண்

புதுப்பெண்


போனவன் போய்விட்டான்
  திரும்பிவரப் போவதில்லை
  கண்ணீர் கரைவதற்குள்
 வந்தவர்கள் சென்றுவிட்டார்
 சொந்தமெல்லாம் சிலகாலம்
  பங்குவைத்துப் போனபின்னே
  பூவிழந்து பொட்டிழந்து
  கைம்பெண்ணாய் நின்றதெல்லாம்
   இனியில்லை இங்கில்லை
    புதுப்பெண்ணாய் நின்றவளை
   வாயார வாழ்த்திடுவோம் !!!

நம்பெருமாள்

                                               நம்பெருமாள் 

                                                                    பல்லவி

                                               நாவிற்கினிய நாமங்களுடையவனை

                                               நம்பெருமாளென்றழைத்து மனமாரத் துதித்தேன் 

                                                                      துரிதம் 

                                                தேவரும் முனிவரும் பிரமனுமனந்தனும் 
        
                                                 தேவமுனி நாரதரும் கரம் பணிந்தேத்தும் 

                                                                   அனுபல்லவி 

                                               தேவி திருமகளைத் தன் மார்பில் வைத்திருக்கும் 

                                               தேவாதி தேவனை திருவரங்கநாதனை 
         
                                                                       சரணம்

                                                 கூவியழைத்தால் ஓடிவந்து அருளளிக்கும்

                                                 தேவகி மைந்தனை மாதவனைக் கேசவனை

                                                  சேவடி பணிந்திடும்  அடியார் மனம் குளிர

                                                   தாவி வந்து அரவணைக்கும் மனத்திற்கினியானை

                                                 


                                                

மாயன்

                                  மாயன் 

                                     தறிகெட்டோடும் நெறிகெட்ட மனத்தை

                                      கடிவாளமிட்டுக் காத்தருளும் கண்ணனை

                                      உறியிலுள்ள வெண்ணைதனை திருடித் தின்றவனை

                                      பொறிவாயில் ஐந்தவித்தானை புகழ் சேர்

                                       நெறி நின்ற நீர்வண்ணப் பெருமானை

                                       அறிவுடைய அறவோர் போற்றுகின்ற உத்தமனை

                                       எரிதழலேந்தும் முக்கண்ணன் நேசனை

                                       விரி கமலமலரமர் நான்முகனை படைத்தவனை

                                        கரிக்கபயம் தந்த கமலமலர் நாபனை
   
                                         சரிநிகர் தனக்கொருவரில்லாத தேவனை

                                          கரியவனைக் கார்மேக வண்ணனை மாயனை
                                         
                                           பரிவோடு நமைக் காக்கும் கேசவனைப் பணிந்தேன்

இடையன்

                                          இடையன்



                                  மாடுகள் மேய்ப்பவனை ஆய்ப்படிச்சிறுவனை

                                  காடுமலை மேடுகளில் குழலூதித் திரிபவனை

                                  கூடிக் கோபியரின் மனம் குளிரச்செய்பவனை    
                          
                                   ஒடோடிச்சென்று கரிக்கபயம் தந்தவனை

                                   சூடிக் கொடுத்த சுடர்க்கொடியின் காதலனை

                                   காளிங்கன் தலைமீது ஆடிக்களித்தவனை

                                   வேடிக்கையாகப்பல  அரக்கர்களை வதைத்தவனை

                                    ஈடிணையில்லாத மாதவனைக் கேசவனை

                                     பாடிப் பரவசித்து திருவடி பணிந்து

                                      நாடித் துதித்தேன் நல்லருள் பெறவேண்டி

ஸ்ரீ க்ருஷ்ணமாரி

                                            ஸ்ரீ க்ருஷ்ணமாரி

                                                         பல்லவி

                                         உன்னையே துதித்தேன்  ஸ்ரீ க்ருஷ்ண மாரி

                                         என்னைக்காத்தருள்வாய்  ஸ்ரீ க்ருஷ்ணமாரி

                                                        அனுபல்லவி

                                         பன்னக சயனன் கேசவன் சோதரி

                                         பன்னகாபரணனிடம் கொண்ட ஈச்வரி

                                                            சரணம்

                                          அன்னை நீயே அனைத்துலகிற்கும்

                                          இன்னருள் தந்திடும் அகிலாண்டேச்வரி

                                          முன்னைப் பழவினைப் பயன்கள் நீங்கிட

                                          நின்னைச்சரணடைந்தேன்  ஸ்ரீ க்ருஷ்ணமாரி


                                          அரவினையணிகலனாயணிந்திருப்பவளே

                                           நரர்சுரர் பணிந்தேத்தும் ஸ்ரீ க்ருஷ்ணமாரி

                                            கருணைக் கடலே ஸ்ரீ க்ருஷ்ணமாரி

                                             கருநிறத்தழகே  ஸ்ரீ க்ருஷ்ணமாரி

                                            
                                         

கிளிஞ்சல் கணபதி

                                                   கிளிஞ்சல் கணபதி 


                                                          பல்லவி

                                      கிளிஞ்சல் உருவான கணபதியை துதித்தேன்
                                 
                                       களிப்புடன் வணங்கி திருவடி பணிந்து

                                                         அனுபல்லவி

                                        வளி புனலனலாய்க் கற்றாய் மற்றும்

                                        நிலனாயாகிய   மூலப் பொருளை

                                                             சரணம்

                                        ஒளிக்கு ஒளிதரும் ஒளியை அருளை

                                        களிறு மேனியை கேசவன் மருகனை

                                        துளியும் ஆடம்பரம் இல்லாத தேவனை

                                        எளிய கடவுளைக்  கருணைக் கடலை                                    

                                     
                           

திருவேங்கடமுடையான்

                          திருவேங்கடமுடையான் 

                                                           பல்லவி

                                கருமுகில் வண்ணனைக் கண்ணனைக்  கேசவனை

                                 திருவின் நாயகனைத் திருமாலைத் துதித்தேன்

                                                            துரிதம்

                                   குருநாரதரும் தேவரும் முனிவரும்

                                    கருடனுமனந்தனும் கரம் பணிந்தேத்தும்

                                                          அனுபல்லவி

                                  திருமகள் பத்மாவதியை திருமார்பில் வைத்திருக்கும்

                                   திருமலை வாசனை கோவிந்த ராஜனை

                                                             சரணம்

                                    திருவேங்கடம் தன்னில் நின்று காட்சி தரும்

                                     பெருமைக்குரிய  ஸ்ரீ நிவாசனை

                                    ஒருகுறையுமணுகாமல் பக்தரை காத்திடும்

                                     கருணாகரனை  ஏழுமலையானை

                                     
               

நாயகி

                                      நாயகி 

                                                             பல்லவி 

                                            நாயகியே நளின காந்திமதி - அரங்க 

                                            தாயுனையே பணிந்தேன் காத்தருள்வாய் 

                                                               துரிதம் 

                                              நரர்சுரர் நாரதர் நான்முகனிந்திரன் 

                                               சுகசனகாதியர் கரம் பணிந்தேத்தும் 

                                                             அனுபல்லவி 

                                            ஆயர் குலத்துதித்த கேசவன் துணைவியே 

                                             தூய வெண்ணிலவின் சோதரியே மாயே 

                                                                   சரணம் 

                                              பாற்கடலில் அவதரித்த பரமகல்யாணி 

                                              தீய அரக்கரை மாய்த்திடும் அரங்கனின் 

                                              மணிமார்பில் வீற்றிருக்கும் தேவியும் நீயே 

                                              அரவமுனி நஹுஷனை அழித்தவள் நீயே 

                                               மாயா உலகை ஆள்பவளும்  நீயே 

                                              மதனை ஈன்றவளே மறை போற்றும் அன்னையே 

                                              நேயமுடன் கலைமகளும் மலைமகளும் பணிந்தேத்தும் 

                                             

                                               தூயவளே திருமகளே துணை நீயே என்றும் 

கமலவினாயகன்

                               கமலவினாயகன் 

                                                            பல்லவி                               

                                     அருள் மிகு  கணபதியை மனமாரத்துதித்தேன்

                                     அருகம் பில்லலங்காரம் சங்கபிஷேகம் செய்து 

                                                          அனுபல்லவி 

                                      உருகித் துதித்திடும் அடியார்க் கருளும் 

                                       கருணாகரனைக் கேசவன் மருகனை

                                                               சரணம்

                                      திருமகளும் கலைமகளும் மலைமகளும் போற்றும்

                                       பெருமைக்குரியவனை ஆனைமுகத்தோனை

                                       குருகுகனின் சோதரனை  வருமிடர் தீர்ப்பவனை

                                        திருவாரூர் தலத்துறையும் கமலவினாயகனை

தேவகி மைந்தன்

                                   தேவகி மைந்தன்

                               ஓவியத்தில் காட்சி தரும்
                                மாயனை மதுசூதனனை
                                ஆவினங்கள் மேய்ப்பவனை
                                 கோவிந்தனெனும் பெயரைக்
                                  கொண்டவவனை கேசவனை
                                  கூவியழைத்தால் ஓடோடி வருபவனை
                                   கரிக்கும் காரிகைக்கும்
                                   அபயமளித்தவனை அரி நாராயணனை
                                    நரசிங்கனாய் வந்து இரணியனை அழித்தவனை                                
                                      மூவாசைப் பிணிபோக்கும்
                                       தேவாதி தேவனைதேவகி மைந்தனை
                                        நாவாரப் பாடி மனமாரத் துதித்தேன் 


   

   
                                 

மணக்குள விநாயகன்

                                          மணக்குள விநாயகன்


                                                    பல்லவி

                                 கணபதி நீயே கதியெனத் துதித்தேன்

                                  மணக்குளம் பதிதன்னில் மகிழ்வுடன் வீற்றிருக்கும்

                                                     அனுபல்லவி

                                  வணங்கிடுமடியவர்க்கு நலன்களை அருளும்

                                   கணங்களின் அதிபதியே கருணாநிதியே

                                                          சரணம்

                                   இணையுனக்காருளார் ஆனை முகத்தோனே                                  

                                   தணலேந்தும் முக்கண்ணன் மகனே கரிமுகனே

                                    குணநிதியே குருவே கேசவன் மருகனே 

                                   அணைத்தெனை ஆண்டருள வேண்டுமெனப் பணிந்து

                                   

விக்ன விநாயகன்

                                   விக்ன விநாயகன் 

                                                        பல்லவி

                                    கரிசனத்துடனே அனுதினம்  துதித்தேன்

                                    தரிசனம் தந்தெனை ஆண்டருள வேண்டுமென

                                                       அனுபல்லவி

                                     திரிபுரமெரித்த   விரிசடையோன் மகனை

                                     சரிநிகர் சமானமில்லாத தேவனை

                                                         சரணம்

                                        அரியயனரன் பணி   ஆனைமுகத்தோனை

                                         பரிபூரணனைக்   கேசவன் மருகனை

                                          மரித்தலும் பிறத்தலும் இல்லாதழித்திடும்

                                           கரிமுகத்தோனை விக்ன விநாயகனை


                                         

மாயா

                                  "  மாயா  "
                                      ****

                            பழுதைக் கண்டு   

                          பாம்பென நினைத்து 

                           பழுதை அடிக்கக் 

                            கழியைத்தேடினேன் 

                             பாம்பல்ல பழுதென்று 

                              அறிந்த பின்னாலே 

                               கழியெனும் மாயையை 

                                வீசியெரிந்தேன் 

    

                      "Maya will cease to exist for a particular individual 

                         when he realizes the pure non-dual Brahman, 

                        just as the illusory snakedisappears when its substratum, 

                        rope, is known."

                       (விவேக சூடாமணி  -  ஆதி சங்கரர் )

                         

பாலகணபதி

                              பாலகணபதி 

                                                         பல்லவி

                           பாலும் பஞ்சாம்ருதமும் படைத்துனைத் துதித்தேன்

                           கோலமிகு கரிமுகனே நீயெனக்கருள்வாய்

                                                          அனுபல்லவி

                             வேலனுக்கு மூத்தோனே வினைகள் தீர்ப்பவனே

                              நீலவண்ணன்  கேசவன் மருகனே

                                                             சரணம்

                               ஞாலம் தாய் தந்தையென்று உலகுக்குணர்த்திய

                               பால கணபதியே பரம தயாகரனே

                               நாலு வேதங்களும் சாத்திரமும் போற்றும்

                               நீலகண்டன் மைந்தனே ஐங்கரனே

                               





                               

தத்வமசி

                            தத்வமசி 

                       யாரே உன்னை அறிவார் கோவிந்தா

                        கார்முகில் வண்ணா கமலக்கண்ணா
                       
                         பாரோர் பணிந்தேத்தும் பரம தயாளா

                          நாராயணா  நான்மறை போற்றும்  அச்சுதா

                          ஓராயிரம் பெயர் கொண்ட மதுசூதனா

                           சீர்மல்கும் ஆய்ப்பாடி நந்த குமாரா

                           மீரா தொழுதேத்தும்  கிரிதர கோபாலா

                            ஸ்ரீ ராமராமா தசரத குமாரா

                             தீரா என் வினைதீர்க்கும் கேசவா மாதவா 

                              நீரே தானாகி நிற்கின்ற நெடுமாலே 

சனி காயத்ரி

சனி காயத்ரி
   

சனிச்சராய வித்மஹி

சாய புத்ராய தேமாஹி 

தானோ மந்த பிரசொடையத்

************

கருநிறக் காகம் ஏறி 

காசினி தன்னை காக்கும் 

ஒரு பெரும் கிரகமான 

ஒப்பற்ற சனியே! உந்தன் 

அருள் கேட்டு வணங்குகின்றேன் 

ஆதரித் தெம்மை காப்பாய்! 

பொருளோடு பொன்னை அள்ளி 

பூவுலகில் எமக்குத் தாராய்! 

கருப்பினில் ஆடை ஏற்றாய்! 

காகத்தில் ஏறி நின்றாய்! 

இரும்பினை உலோகமாக்கி 

எள்தனில் பிரியம் வைத்தாய்! 

அரும்பினில் நீல வண்ணம் 

அணிவித்தால் மகிழ்ச்சி கொள்வாய்! 

பெரும் பொருள் வழங்கும் ஈசா 

பேரருள் தருக நீயே! --

அல்டேர்ணடே காயத்ரி :  சாய புத்ராய தேமாஹி  தானோ மந்த பிரசொடையத் சாய புத்ராய தேமாஹி  தானோ மந்த பிரசொடையத் சாய புத்ராய தேமாஹி  தானோ மந்த பிரசொடையத் அருள் கேட்டு வணங்குகின்றேன்  ஆதரித் தெம்மை காப்பாய்!  பொருளோடு பொன்னை அள்ளி  பூவுலகில் எமக்குத் தாராய்!