எட்டுகுடி முருகனை….
பல்லவி
எட்டுக்குடி முருகனைக் குமரனைத் துதித்தேன்
கட்டுக்கடங்காத பேரெழில் கொண்ட
அனுபல்லவி
சுட்ட செங்கல் மீது நின்ற கேசவன் மருகனை
பிட்டுக்கு மண் சுமந்த ஈசன் சிவன் மகனை
சரணம்
துட்ட அரக்கன் சூரனை வதைத்தவனை
எட்டுகண் நான்முகனை சிறையிலடைத்தவனை
வட்ட நிலவின் கலையணிந்தவள் மகனை
மட்டவிழ் மலர்தூவி மலர்ப்பதம் பணிந்து
No comments:
Post a Comment