மங்களாம்பிகை   உத்தரகோசமங்கை


                                                     பல்லவி

                 மங்களாம்பிகையின்  மலர்ப்பதம்  பணிந்தேன்

                  உத்தரகோசமங்கை  திருத்தலத்தில்  நின்றருளும்

                                                    அனுபல்லவி

                  மங்களநாதன்  பங்கிலுறை  ஈச்வரி                                                       

                   பங்கய பதத்தினள்  கேசவன் சோதரி  

                                                        சரணம்

                   திங்கள் பிறையணிந்த சங்கரி  கௌரி
                   எங்கும்  நிறைந்திருக்கும்  ஏகாம்ரேச்வரி
                   சங்கடம்  களைந்தருளும் அகிலாண்டச்வரி
                    மங்காத  புகழ் மேவும்  திரிபுரசுந்தரி

                   பொங்கும் மூவாசை பவப்பிணி களைந்திடும்
                   அங்கயற்கண்ணி  ஆதி பராசக்தி
                    சிங்கவாகனத்தில்  பவனி வரும் மாகாளி
                    எங்கள் குல நாயகி  சாமுண்டேச்வரி