திருத்தங்கும்.....
பல்லவி
திருத்தங்கும் மணிமார்பன் மலர்ப் பதம் பணிந்தேன்
திருவேங்கடம்தன்னில் அருள்மழை பொழிந்திடும்
துரிதம்
கருடனும் அனுமனும் சுகசனகாதியரும்
நாரதரும் நான்முகனும் நரர்சுரரும் துதித்திடும்
அனுபல்லவி
வருந்தித்துதிக்கும் அடியவர் நலம்பேணும்
திருமலைவாசன் கோவிந்தராஜன்
சரணம்
திருச்சானூர் வளர் அன்னை பத்மாவதி
விரும்பும் கேசவன் வைகுந்த வாசன்
அருமறைகள் இதிகாச புராணங்கள் போற்றும்
கருநீலவண்ணன் அருமாகடலமுதன்
No comments:
Post a Comment