சிவ சிவ சம்போ.....
பல்லவி
சிவ சிவ சம்போ மகாதேவா உன்றன்
திருவடி பணிந்தேன் சதாசிவா
அனுபல்லவி
குவலயம் போற்றும் ஆதிகும்பேச்வரனே
பவபயம் களைந்தெனை ஆண்டருள்வாய் அய்யா
சரணம்
சிவகணங்களும் நந்தியும் நான்முகனும்
தவயோகியரும் சனகாதி முனிவரும்
நவகோள்களும் நரர்சுரரனைவரும்
உவகையுடன் துதிக்கும் கேசவன் நேசனே (சிவ சிவ )
விவரம் புரியாத சிறு வயதில்
தவமோ தானமோ ஏதும் செய்திலேன்
அவலமாய் பற்பல தவறுகள் செய்தேன்
சிவனுனை மறந்தேன் பொறுத்தருள்வாய் ( சிவ சிவ)
No comments:
Post a Comment