நல்லோர் நலம் பேணும்……

 

                               நல்லோர் நலம் பேணும்……

                                             பல்லவி

                         நல்லோர் நலம் பேணும் ஶ்ரீரகுராமா

                         நற்குணம் நிறைந்தவனே நானிலம் காப்பவனே

                                        அனுபல்லவி

                         வல்லரக்கன் ராவணனை வதைத்தவனே கேசவனே

                         கல்லைக்காரிகையாய்ச் செய்தவனே பரந்தாமா

                                              சரணம்

                         முல்லைச்சிரிப்புதிர்க்கும் புன்னகை முகத்தோனே

                         நல்லோர் நலம் பேணும் நற்குணமுடையவனே

                         சொல்லொன்று வில்லொன்று இல்லொன்றென்றிருப்பவனே

                         வல்வினை தீர்த்தென்னை வாழ வைக்க வேண்டினேன்

                          

                         

                          

        

நல்லோரின் வாழ்வே, இராமா!
நற்குணங்களையணிவோனே, இராமா!

அரவணிவோனால் தொழப்பெற்றோனே!
அறிஞர்களைக் காப்போனே! தான்தோன்றியால்
வந்திக்கப் பெற்றோனே! அண்டியோருக்கு வேண்டியதருள்வோனே!
இக்குவாகு குலத்தோனே! என்னைக் காப்பாய்;
நல்லோரின் வாழ்வே, இராமா!
நற்குணங்களையணிவோனே, இராமா!

அழகிய கண்களோனே! மா மணாளா! இலக்குமி விரும்பும் உடலோனே!
தாரக நாமத்தோனே! நன்னடைத்தையோனே! தசரதன் மைந்தா!
மதி வதனத்தோனே! அறங்காப்போனே!
கடத்துவிப்பாய், இரகுவரா! களங்கமற்றோனே!
தியாகராசனால் போற்றப் பெற்றோனே!
நல்லோரின் வாழ்வே, இராமா!
நற்குணங்களையணிவோனே, இராமா!

அரவணிவோன் - சிவன்
தான்தோன்றி - பிரமன்
இக்குவாகு - இரகு குல முன்தோன்றல்
தாரக நாமம் - 'இராமா' எனும் நாமம் பிறவிக் கடலைக் கடத்துவிப்பதனால்
கடத்துவிப்பாய் - பிறவிக் கடலினைக் கடத்துவிப்பாய்

உனதருள் தந்து…..

 

                                 

        करचरण कृतं वाक्कायजं कर्मजं वा ।

      श्रवणनयनजं वा मानसं वापराधं ।

     विहितमविहितं वा सर्वमेतत्क्षमस्व ।

     जय जय करुणाब्धे श्रीमहादेव शम्भो ॥

                          உனதருள் தந்து…..

                                  பல்லவி

             உனதருள் தந்து எனைக்காப்பாய் சிவனே

             அனவரதமுனைத் துதித்தேன் கருணைக்கடலே

                                 அனுபல்லவி

             தினகரனைப் பழிக்குமொளியுடையவனே

             அனங்கனையெரித்தவனே கேசவன் நேசனே

                                     சரணம்

             மனதாலும் வாக்கலும் அவயவங்களாலும்

             எனது எண்ணங்கள் செயல்களாலும்

             கனவிலும் நினைவிலும் எந்நாளுமெப்போதும்

             நினையாமல் நான் செய்த பிழையனைத்தும் பொறுத்து

             

Whatever Sins have been Committed by Actions Performed by my Hands and Feet, Produced by my Speech and Body, Or my Works,
2: Produced by my Ears and Eyes, Or Sins Committed by my Mind (i.e. Thoughts),
3: While Performing Actions which are Prescribed (i.e. duties prescribed by tradition or allotted duties in one's station of life), As Well as All other Actions which are Notexplicitly Prescribed (i.e. actions done by self-judgement, by mere habit, without much thinking, unknowingly etc); Please Forgive Them All,
4: Victory, Victory to You, O Sri Mahadeva Shambho, I Surrender to You, You are an Ocean of Compassion.

     

            

தினமும் ஶ்ரீராமனை……

 

                       தினமும் ஶ்ரீராமனை……

                                    பல்லவி

               தினமும் ஶ்ரீராமனைக் கேசவனைத்துதித்தேன்

               அனவரதமெனைக்காக்கும் தயரதன் மைந்தனை

                                  அனுபல்லவி

                கனகசிம்மாசனத்திலமர்ந்திருப்பவனை

                வினதையின் மகனை வாகனமாய்க் கொண்டவனை

                                      சரணம்

                அனந்தபத்மநாபனாயனந்தபுரம் தனில் விளங்கும்

                அனந்தநாராயணனை ஆராவமுதனை

                தினகரகுலத்தோனை தீனகருணாகரனை

                மனதுக்கினியானெனும் திருநாமமுடையவனை

                 

                

அன்னமயமானவளே……

 

                       அன்னமயமானவளே……

                                 பல்லவி 

               அன்னமயமானவனளே அன்னபூரணி

               உன்னருள் வேண்டியே தினமுனைத்துத்திதேன்

                             அனுபல்லவி

               சென்னகேசவன் சோதரி நீயே

               பன்னகாபரணன் சிவபெருமான் நாயகியே

                                சரணம்

               அன்னமளித்து ஈசனுக்கருள் செய்த

               பென்னம் பெரு முலையாளே பன்னகபூஷணியை

               புன்னகை முகத்தாளே புவனேச்வரி நீயே

               ஒன்றே பல உருவே உமையவளே ஈச்வரியே

      

வளி வெளியாய்…..

 பார்த்தேன்!ரசித்தேன்!பாடல் புனைந்தேன்!

  வளி வெளியாய்….. 

        பல்லவி

வளி வெளியாய் காற்றாய் நீராய் நிலனாய் அனலாய் நிற்கும்

ஒளி மிகு நாராயணனைக் கேசவனைத் துதித்தேன்

           அனுபல்லவி

பளிங்கு போலோடும் நதியிலும் அதில் மிதக்கும் பாறைகளிலும்

விளங்கும் இறைவனை இயற்கையைப் போற்றி

             சரணம்

களிநடம் புரியும் அழகிய நாட்டிய மங்கை போல்

நெளிவுடன் ஓடும் நீரின் அழகும் 

நளினமும்

ஒளி பிரதிபலிக்கும் பொலிவும் கண்டென்

உளம் குளிர்நதேன் பரவசமடைந்தேன்🙏

உந்தன் தயவில்லையாகில்…..

  

                                   உந்தன் தயவில்லையாகில்…..

                                                     பல்லவி

                           உந்தன் தயவில்லையாகில் என் செய்வேன் தாயே

                           சந்ததம் உனைப்போற்றிப் பாடுமெந்தனுக்கு

                                                  அனுபல்லவி

                           உந்தி கமலன் கேசவன் சோதரியே

                           எந்தை ஈசன் சிவபெருமான் நாயகியே

                                                     சரணம்

                           கந்தனுக்கு வேல் தந்த வேல்நெடுங்கண்ணியே

                           மந்திரப்பொருள் நீயே அருமறையும் நீயே

                           வந்திப்பவர்க்கருளும்  திரிபுரசுந்தரியே

                           இந்திராதி தேவர்கள் துதித்திடுமீச்வரியே

                           சந்திரனின் பிறையணிந்த அந்தரியே உமையே

                           சுந்தர வடிவுடைய  சுகபாணி கல்யாணியே

                           விந்தைகள் பல புரிந்த அகிலாண்டேச்வரியே

                           சிந்தை கவர்ந்தவளே  ஶ்ரீலலிதாம்பிகையே

                            

                 

     

                           

                           

நெய் வடிவான …..

 

                                         நெய் வடிவான …..

                                                   பல்லவி

                                   நெய் வடிவான வடக்குநாதனை

                                   மெய்ப்பொருளை சிவனை மனமாரத்துதித்தேன்

                                                 அனுபல்லவி

                                  நெய் வெண்ணை விரும்பி உண்ணும் கேசவன் நேசனை

                                  மெய்யனை மறை போற்றும் நமச்சிவாயனை 

                                                   சரணம்

                                   தையல் பார்வதியின் மனங்கவர் நாயகனை

                                   அய்யனை அப்பனை ஆதி தேவனை

                                   பொய்யான உலகில் எனைக்காக்குமீசனை       

                                   கை கூப்பி சிரம் தாழ்த்தி வணங்கி வேண்டியே                        

                                   

                                   

                                   

                                  

     

   

அவனே இவனே……

 

                                       அவனே இவனே……

                                              பல்லவி

                            அவனே இவனே என்று பாடாமல் தினம்

                            சிவனுனைப்பாடி உள்ளம் களித்தேன்

                                             துரிதம்

                            சிவகணங்கள் நந்தி மாலயன் நாரதர்

                             உவகையுடன் துதிக்கும் சிவகாமேச்வரனே

                                           அனுபல்லவி

                            நவநீதக் கண்ணன் கேசவன் நேசனே

                            சிவகாமேச்வரி மனங்கவரீசனே

                                                சரணம்

                             நவநிதியருளும்  நீலகண்டனே

                             தவநெறி முனிவர்கள், நரர் சுரரிந்திரன்

                             சிவனடியார் வணங்கும் காலகானே

                             புவனமே கொண்டாடும் அர்த்தநாரீச்வரனே

சாம்பேய கௌ3ரார்த4சரீரகாயை

       கர்பூர கௌ3ரார்த4சரீரகாய |

த4ம்மில்லகாயைச ஜடாத4ராய

       நம: சிவாயை ச நம: சிவாய ||                                          

       சம்பக மலர் போன்ற சுத்தமான பாதி உடலை உடையவனும், கர்ப்பூரம் போன்று வெளுத்த பாதி உடலை உடையவரும்; அழகான பின்னலையுடையவளும், உருகிய பொன் போன்ற மேனியுடையவளுமான, மேலும் சடைமுடியைக் கொண்டவருமான, 'சிவா' என்ற அம்பிகைக்கும், சிவபெருமானுக்கும் (இவ்விருவரும் ஒருங்கிணைந்த அர்த்த நாரீச்வர மூர்த்திக்கு) நமஸ்காரம்.

चाम्पेयगौरार्धा  शरीरकायै  कर्पूरगौरार्धा  शररकय  |
धम्मिल्लकायै i च   जटाधराय  नमः  शिवाय i च  नमः  शिवाय  || 

Champeya gowrardha sareerakayai,
Karpoora gourardha sareerakaya,
Dhamillakayai cha jatadaraya,
Nama Shivayai cha namashivaya.

My salutations to both Parvathi and Shiva
To Her whose body shines similar to molten gold,
To Him whose body shines like the burning camphor,
To Her who has a well made up hair,
And to Him who has the matted lock. 

                        

                     

                         

                             

                            

             

பலவாறு ……

 

                                               பலவாறு ……

                                                  பல்லவி

                         பலவாறு உனைப் போற்றிப் பாடிவிட்டேன் ஶ்ரீராமா

                         நலம் தருவாயென மலரடி  பணிந்து நான்

                                              அனுபல்லவி                  

                         அலகிலா விளையாடல் பல புரிந்த மாதவனே

                         உலகெலாம் கொண்டாடும் உத்தமனே கேசவா

                                                 சரணம்

                         குலம் கல்வி செல்வம் நல்வாழ்வனைத்தும்

                         அளிப்பவன் நீயே அரவிந்த நாபனே

                         தலங்களுள் சிறந்த அயோத்திமாநகரில்

                         பால ராமனாய் க்காட்சியளிப்பவனே

ஶ்ரீராமனாய்க் காட்சி தந்த……

 

                             ஶ்ரீராமனாய்க் காட்சி தந்த……

                                            பல்லவி 

                     ஶ்ரீராமனாய்க் காட்சி தந்த சென்ன கேசவனை

                     ஆராதனை புரிந்து அனுதினம் துதித்தேன்

                                         அனுபல்லவி

                     கார் குழலாள்  செங்கமலவல்லியுடனிருந்து போற்றும்

                     ஆராவமுதனை அரவிந்தநாபனை

                                             சரணம்      

                      நீரகத்தானைக்  காரகத்தானை         

                      பேரருளாளனை   ஶ்ரீவரதராஜனை

                      பாரனைத்தும் புகழ் விளங்கும் சாரங்கபாணியை                                   

                      ஓராயிரம் பெயருடைய நாராயணனை

                      

                      

                     

திரிசூலநாதனை …….

                               

                                       திரிசூலநாதனை …….

                                                    பல்லவி

                                 திரிசூலநாதனை சிவனைத்துதித்தேன்

                                 கரியுரி அரவமணிந்த மேனியனை

                                                       துரிதம்

                                  நரர் சுரர்  சுரபதி சுகசனகாதியர்

                                  முருகன் கணபதி  நந்தி கணங்கள் 

                                   கோள்கள் ஒன்பதும் சண்டிகேசரும்

                                   கரம் பணிந்தேத்தும் கயிலாயவாசனை

                                                   அனுபல்லவி

                                   திரிபுரசுந்தரி  கேசவன் சோதரி

                                    அருகிருந்து போற்றும் சூலபாணியை

                                                     சரணம்

                                    நரியைப் பரியாக்கி சாகசம் புரிந்தவனை

                                    எரிதழலேந்தும் நெற்றிக்கண்ணனை

                                     திரிபுரமெரித்த பரமேச்வரனை

                                       அரியயன் பணிந்திடும் அருணாச்சலனை

             

 

          

தினமொரு அந்தாதி….

 

                                    தினமொரு அந்தாதி….

                                              பல்லவி

                      தினமொரு அந்தாதி பாடியுனைத் துதித்தேன் 

                      உனதருள் தருவாயே அன்னை அபிராமியே

                                           அனுபல்லவி

                      தனக்குவமையில்லாத  கேசவன் சோதரி

                      அனல் புனலணிந்த சிவபெருமான்நாயகி                     

                                               சரணம்

                       அனங்கனுக்கருள் செய்த திரிபுரசுந்தரி 

                       வினைப்பயனை மாற்றும் வல்லமை படைத்தவளே                      

                       தினகரனைப் பழிக்கும் காந்தியுடையவளே

                       கனக சிம்மாசனத்தில் வீற்றிருப்பவளே

பரமசிவனை……

 

                              பரமசிவனை……

                                            பல்லவி

                     பரமசிவனைப் பார்வதி மணளனை 

                     கரம் கூப்பி சிரம் தாழ்த்தி வணங்கித் துதித்தேன்

                                          அனபல்லவி

                     பரவாசுதேவன் கேசவன் நேசனை

                     புரமெரித்த ஈசனை திரிபுராந்தகனை

                                           சரணம்

                     சிரந்தனில் மங்கை கங்கையை சுமப்பவனை

                     அரவணிந்தவனை அம்பலவாணனை

                     நரர் சுரர் பணிந்தேத்தும் நமசிவாயனை                                            

                     சிறப்புடைய சின்சினாட்டி தலத்துறைபவனை

கோதை காட்டிய ……

 

                                கோதை காட்டிய ……

                                           பல்லவி

                            கோதை காட்டிய பாதையிலே நாம்

                           கீதை ஓதிய கேசவனைத்துதிப்போம்

                                          அனுபல்லவி

                            சீதையாயவள் ஶ்ரீராமனிடம் கொண்ட

                            காதலையும் நம் மனத்தில் கொண்டு

                                           சரணம்

                            சாதித்த புண்ணியரும் இன்னும் பல

                            மேதைகளோதிய  வழிகளைப்பின் பற்றி

                            நாதனவன் தாளினை வணங்கி

                            மாதவன் நாராயணன் மலர்த்தாள் பணிந்து

                            

ஆதித்தியனை…..

 

5) सर्वमङ्गलमाङ्गल्यं सर्वपापप्रणाशनम् ।

     चिन्ताशोकप्रशमनमायुर्वर्धनमुत्तमम् ॥५॥

6) रश्मिमन्तं समुद्यन्तं देवासुरनमस्कृतम् ।

     पूजयस्व विवस्वन्तं भास्करं भुवनेश्वरम् ॥६॥

                                              ஆதித்தியனை….. 

                                                    பல்லவி

                                 ஆதித்தியனைச் சூரியனைத் துதித்தேன்

                                 சாதித்த புண்ணியர் போற்றும் கதிரவனை                            

                                                   அனுபல்லவி

                                 சோதியை  மதிக்கொளி கொடுக்கும் சுடரை

                                மேதினியோர் போற்றும் நாரணனைக் கேசவனை

                                                        சரணம்

                               அனைத்து பாவங்களையும் கவலைகளையும்

                               மனத்திலுள்ள சோகங்களையும் துயர்களையும்

                               நினைத்தவுடன் நினைத்த நேரத்திலேயே

                               மனத்தை விட்டு நீங்கச் செய்யும்

தருந்துயரங்களை…..

தருதுயரம் தடாயேல்

உன் சரணல்லால்

சரணில்லை

விரை குழுவு

மலர்ப்பொழில் சூழ்

விற்றுவக் கோட்டம் மானே!

அரிசினத்தால் ஈன்றதாய்

அகற்றிடினும் மற்றவள்தன்

அருள் நினைந்தே

அழுங்குழவி;

அதுவே போன்றிருந்தேனே.

பெருமாள் திருமொழி

ஐந்தாம் திருமொழி

குலசேகராழ்வார்

                                    தருந்துயரங்களை…..

                                                  பல்லவி

                               தருந்துயரங்களைத் தடை செய்திடவே

                               பெருமாளே கேசவனே உனையன்றி யாருளார்

                                               அனுபல்லவி 

                               கரும வினைப் பயன் நீங்க,வருமிடர் காத்திட,

                               பெரும் பிணி பவக்கடல் கடந்திடத்துணை நீயே

                                                  சரணம்

                              அருமைத் தாயருள் வேண்டி அழும் பிள்ளை போலவும்

                              அரசன் கோல் நோக்கி வாழும் குடி போலவும்

                              அருங்கலத்தின் கொடி மீதமர்ந்திருக்கும் பறவை போல்             

                              திருமாலே  வித்துவக்கோட்டம்மானே வேண்டுகிறேன் 

விற்றுவக்கோடு என்பது ஒரு திவ்விய தேசம். இது கேரள நாட்டில் உள்ளது. இதை வித்துக்கோடு என்றும், திருமிற்றக் கோடு என்றும் கூறுவர். 'விற்றுவக்கோட்டு அம்மானே!உன்னைத் தஞ்சமாக வந்தடைந்தேன். நீயே என்னைக் காக்க வேண்டும். என் துன்பத்தை நீக்கா விட்டால் , தாயின் அருளையே நினைந்து அழும் குழந்தை போலவும், அரசனின் கோல் நோக்கி வாழும் குடி போலவும் உன் அருளையே எதிர்பார்த்து ஏங்கி இருப்பேன்!உன்னிடமன்றி வேறு யாரிடம் செல்ல முடியும்? விசாலமான கடலில் செல்லும் கப்பலின் பாய் மரத்தின் மீது அமர்ந்திருக்கும் பறவையைப் போல் வேறு கதியின்றி இருக்கிறேன். ஆதலால், உன் சரணல்லால் சரணில்லை'என்று ஆழ்வார் அந்த எம்பெருமானைச் சரணடைகிறார்.

                        

திருக்கோடிக்காவல் ……

அந்தமும் ஆதியும் இல்லா ஜோதியே

அமரியெனும் மாயே பகவதி நீயே

அருள்புரிவாயே பைரவி தாயே

உன் பாதம் சரணமே

சுந்தரி சௌந்தரி நிரந்தரியே

சூலியெனும் உமையே குமரியே    

                         திருக்கோடிக்காவல் ……

                                  பல்லவி

                திருக்கோடிக் காவல் திரிபுரசுந்தரியின் 

                திருவடி பணிந்து மனமாரத்துதித்தேன்

                                     துரிதம்

                  திருமகள் கலைமகள் அரனயனரியும்

                  குரு நாரதரும் சுகசனகாதியரும்

                  சுரபதி நரர் சுரர் ரதிபதி அனைவரும்

                  கரம் பணிந்தேத்தும் பரமேச்வரியின்

                               அனுபல்லவி

                 இருவினையகற்றும் ஶ்ரீலலிதாம்பிகையின்

                 திருமால் கேசவன் அன்பு சோதரியின்

                                    சரணம்

                  கரும வினைப் பயனால் கட்டுண்ட என்னை

                  திருவுள்ளம் கொண்டு  விடுவிக்க வேண்டியும்

                  பெரும்  பிணி பவக்கடல்  கடந்திட எனக்கு

                  உறு துணையாயிருந்து அருள் புரிய வேண்டியும்

               

கோவிந்தன்….

 

                                கோவிந்தன்…..

                                     பல்லவி

                கோவிந்தன் திருப்பாதம் வணங்கித்துதித்தேன்

                தேவி பத்மாவதியும் கோதையும் உடனிருக்கும்     

                                   அனுபல்லவி

                ஆவினங்கள் மேய்த்த கேசவன் மாதவன்

                பாவாணர் போற்றும் பரந்தாமன் வேங்கடவன்

                                        சரணம்

                தேவரும் சுகசனகாதியருமனுமனும்

                பூவிலமர் பிரமனும் சுதர்சனரும் மற்றும்

                விஷ்வக்சேனரும் அருகிருந்து

                சேவடி பணிந்தேத்தும் திருவேங்கடமுடையான்

                 

                 

                                        

போகமும் மோட்சமும்…..

 யத்ராஸ்தி போகோ ந ச தத்ர மோக்ஷ:

யத்ராஸ்தி மோக்ஷோ ந ச போக: |

ஶ்ரீ ஸுந்தரீ ஸாதக புங்கவானாம் போகஸ்ச

மோக்ஷஸ்ச கரஸ்த ஏவ 

எங்கே போகமுள்ளதோ அங்கே மோக்ஷமில்லை!! எங்கே மோக்ஷமுள்ளதோ அங்கே போகமில்லை!!  ஆனால் "ஸ்ரீ ஸுந்தரீ" எனும் லலிதா மஹா த்ரிபுரஸுந்தரீயான அம்பாளை உபாஸிக்கும் ஸ்ரீ வித்யோபாஸகனுக்கு  போகமும் மோக்ஷமும் ஒருசேர்ந்து  அனுக்ரஹிக்கிறாள் பரதேவதை!! 

ஜய ஜகதம்ப ஸிவே

ஜய ஜய காமாக்ஷி!!

போகத்தைத் தரும் மார்க்கங்கள் மோக்ஷத்தைத் தருவதில்லை. மோக்ஷத்தைத் தரும் இதர யோகாதி மார்க்கங்கள் போகத்தைத் தருவதில்லை.

                                           போகமும் மோட்சமும்…..

                                                     பல்லவி

                                        போகமும் மோட்சமும் இரண்டுமே தருவாள் 

                                        ஆகம வேதகலாமய சுந்தரி

                                                  அனுபல்லவி

                                        தேகளீசப் பெருமாள் கேசவன் சோதரி

                                        மூகசங்கரர் துதித்த ஈச்வரி

                                                      சரணம்

                                        போகமுள்ள இடத்தில் மோக்ஷமில்லை பக்தி

                                        யோகமுள்ள இடத்தில் போகமில்லை

                                        சாகசம் நிறைந்த ஶ்ரீலலிதம்பிகையை

                                        வேகமுடன் உபாசிக்கும் தூய பக்தனுக்கு

 

ஆயர் குலத்துதித்த…..

 

      ஆயர் பாடி  ஆக்கள் மயங்க

......அத்தன் அம்மை அண்டர் மயங்க

வாயு மைந்தன் வாழ்த்தி வணங்க

......விண்ணில் வெய்யோன் வெம்மை தணிக்க

நேயம் மிக்கோர் நெஞ்சங் களிக்க

........சீய ரெல்லாம் சீவன் ஒடுங்க

மாயக் கூத்தன் மேக நிறத்தோன்

......வேய  லேந்தி  கான மிசைத்தான் 

அத்தன் அம்மை -  தந்தை, தாய்

அண்டர்  -   இடையர்

வெய்யோன் - சூரியன்

(பாடல் அடியேன்)    

                         ஆயர் குலத்துதித்த…..

                                        பல்லவி

                       ஆயர் குலத்துதித்த மாயக் கண்ணன்

                       வேய்ங்குழுலூதி கானமிசைத்தான்

                                     அனுபல்லவி

                       சாயக் கொண்டையும் பீலியுமாட

                       காயாம்பூ வண்ணன் கேசவன் மாதவன்

                                          சரணம்

                       நேயமுடன் ஆயர் குலத்தோருமாக்களும்

                       தாயும் தந்தையுமகிலமும் மயங்கிட

                       வாயுமைந்தன் வாழ்த்தொலி முழங்க

                       தூயவர்  விண்ணர் மண்ணவர் மகிழ்ந்திட    

          

                           

                     

                     

           

                

தேவ தேவனே…….

 

                                  தேவ தேவனே…….

                                          பல்லவி

                                தேவ தேவனே பத்மநாபனே

                                சேவடி பணிந்தேன் எனக்கருள்புரிவாய்

                                        அனுபல்லவி

                                ஆவினங்கள் மேய்த்த கேசவனே

                                புவனம் மூன்றையுமாளும் நாராயணனே

                                             சரணம்

                                தேவி திருமகளை திருமார்பில்  வைத்திருக்கும்

                                கோவிந்தனே அனந்தபுரம் வளர் ஶ்ரீதரனே

                                தூவி மலர் சொரிந்து உனைச்சரணடைந்து

                                கூவியழைத்தே உனைத் துதித்தேன்

                                

                                        

தாரி தேவியின்……

 

தாரி தேவி – எந்த உடல் பகுதியென அறியப்படவில்லை – பைரவர் – தாரி தேவி கோவில் உத்தரகண்ட் மாநிலத்தின் கார்வால் (Garhwal) பகுதியில் அலக்நந்தா நதிக்கரையில் உள்ளது. ஸ்ரீநகர் – பத்ரிநாத் ஹைவேயில் உள்ள கல்யாசார் (Kalyasaur) என்ற இடத்தில் அமைந்துள்ளது. இக்கோவில் உத்தரகண்ட் மாநில ஸ்ரீநகரிலிருந்து சுமார் 15 கி.மீ தொலைவிலும், ருத்ரபிரயாக்கில் இருந்து 20 கி.மீ தொலைவிலும், டெல்லியில் இருந்து 360 கி.மீ தொலைவிலும் உள்ளது.

                   தாரி தேவியின்……

 

                                           பல்லவி

                          தாரி தேவியின் பதமலர் பணிந்தேன் 

                          பாரில் புகழுடன் வீற்றிருப்பவளை

                                         அனுபல்லவி

                         கோரின வரம் தரும் கேசவன் சோதரி

                         சீரிய தோற்றமும் அழகுமுடையவள்

                                            சரணம்

                          கார்வண்ண மேனியள் கருணா மூர்த்தி

                          பாலையாய்க் காலையில் குமரியாய் மாலையில்

                          முதியவளாய் இரவில் காட்சியளிப்பவள்

                          கதியவள் பதமென மனமாரத்துதித்து

               

                           

                                                                      

                           

மனத்துக்கினியானை……

 

                          மனத்துக்கினியானை……

                                       பல்லவி

                  மனத்துக்கினியானை ஶ்ரீராமபிரானை

                  எனக்கருளவேண்டுமென தினம் துதித்தேன்

                                   அனுபல்லவி

                  வனம் சென்று தந்தை சொல் காத்தவனை

                  அனந்தன் மீதுறங்கும் ஆதி கேசவனை

                                        சரணம்

                  வினதையின் புதல்வனை வாகனமாய்க்கொண்டவனை

                  தனக்கொருவர் நிகரில்லா தயரதன் மைந்தனை

                  சனகாதி முனிவர்களும் தேவர்களும் துதிப்பவனை

                  தினகர குலத்தோனை திருவின் நாயகனை

கோவிந்தனைத் துதி மனமே…..

    

                          கோவிந்தனைத் துதி மனமே…..

                                       பல்லவி 

                       கோவிந்தனைத்துதி மனமே தினமே

                       பூவிதழ் தூவி மலரடி பணிந்து 

                                     அனுபல்லவி

                        ஆவினங்கள் மேய்க்கும் மாதவனைக் கேசவனை

                        சேவடி பணிவோர்க்கு நல்லருள் புரிபவனை

                                         சரணம்

                        தாவி வந்தொரு கரிக்கபயம் தந்தவனை

                        கூவியழைத்த பெண் மானம் காத்தவனை

                        மாவிடை வாகனனும் பிரமனும் துதிப்பவனை

                        மூவடியால் மாவலியின் கர்வம் தீர்த்ததவனை

                        தேவரும் முனிவரும் இந்திரனும் வணங்கிடும்

                        தேவாதி தேவனை திருவமர் மார்பனை

                        சேவடி பணிந்தோர்க்கு மூவாசைப் பிணிபோக்கும்

                        ஶ்ரீவாசுதேவனை ஶ்ரீமன் நாராயணனை

நினைத்துத் துதித்தால்…..

 அண்ணாமலையார் அகத்துக் கினியாளே 

உண்ணாமுலையே உமையாளே- நண்ணா 

நினைதோறும் போற்றிசெய நின்னடியார் உண்ண 

மனைதோறுஞ் சோறு கொண்டு வா

அம்மா பசிக்குதுனு சொன்ன உடனே எதாது ஒரு வகைல சாப்பாட்டு தட்டோட ஓடி வந்து நிப்பா எங்க அபீதகுசாம்பா 🙏 

குரு நமச்சிவாயர் மட்டுமில்ல நாமும் கூட அபீதகுசாம்பா கிட்ட பசிக்குதுனு கேட்டா, சாப்பாடே கிடைக்காது அப்டிங்குற எடத்துல கூட சாப்பாட்டு தட்டோட வந்து பசியாத்திட்டு போவா  😭  அவ்யாஜ கருணாமூர்த்தி 😘

#பாலாம்பிகே_சரணம்

                                             நினைத்துத் துதித்தால்…..

                                                          பல்லவி

                                     நினைத்துத் துதித்தால் அமுதளித்திடுவாள்

                                     அனைத்துமானவள் அன்னபூரணி

                                                        அனுபல்லவி

                                     வினைப்பயன் களைந்திடும் கேசவன் சோதரி

                                     சுனை நீராய்ச் சுரக்கும் கருணைக்கடலவள்

                                                             சரணம்

                                     தனை நினைந்தோர்க்கு தயவளிக்கும் தாயவள்

                                     தினையளவு துதித்தாலும் பனையளவு பயன் தருவாள்

                                     காரணம் எதுவுமில்லாமல் கருணைமழை பொழிபவள்

                                     நாரணி நான்முகி  உண்ணமுலையவள்

மகமாயித் தாயே……

 தாய் இரங்கா விடில்,சேய் உயிர் வாழுமோ?

சகல உலகிற்கும் நீ, தாய் அல்லவோ மகமாயி

தான் எனும் அகந்தை தலைக்கு ஏறாது,

தாழ்ந்த நிலையிலும் தர்மம் மாறாது, உன் நினைவோடு

இவ்வையகத்தில் வாழ்ந்திட வரம் தந்தருள் தாயே மகமாயி ....

                            மகமாயித் தாயே……

                                பல்லவி

                   மகமாயித் தாயே நீ இரங்காவிடில்

                   மகன் நானிவ்வுலகில்  உயிர் வாழ்வதெங்ஙனம்

                              அனுபல்லவி

                   சகல உலகிற்கும் நீ தாயல்லவோ

                   அகிலலோக நாயகியே கேசவன் சோதரி

                                  சரணம்

                  அகந்தை மமதையென் தலைக்கேறாது 

                  தகவிலாச் செயலேதும் நான் புரியாமல்

                  மகிழ்வுடனிவ்வுலகில் வாழ்ந்திடச் செய்யவே

                  சுகபாணி அருள்வாமி அகிலாண்டேச்வரி

எத்தனை முறை சொன்னாலும்…..

 

                       எத்தனை முறை சொன்னாலும்…..

                                   பல்லவி

                   எத்தனை முறை சொன்னாலும் ஶ்ரீராமா உன்நாமம்

                   தித்திக்குதே வாய் மனம் களிப்பெய்துதே

                              அனுபல்லவி

                   உத்மனே கேசவனே உனதருளாலன்றோ

                   இத்தரையில் அனைத்தும் இனிதே இயங்குவது

                                சரணம்

                   பத்தரை மாற்றுப் பசும்பொன்னே ரகுராமா

                   வித்தகர் வேதியர் போற்றும் தத்துவப்பொருளே

                   நித்திலத்தொத்தே தினகர குலவிளக்கே

                   சத்திய நாதனே அயோத்தியர் கோமானே         

                    

பண்டனை வதைத்தவளே……

                            பண்டனை வதைத்தவளே……

                                        பல்லவி

                    பண்டனை வதைத்தவளே ஶ்ரீலலிதாம்பிகையே

                    முண்டகக்கண்ணியுனை தண்டனிட்டுப் பணிந்தேன்

                                      அனுபல்லவி

                     புண்டரீகாக்ஷன் கேசவன் சோதரியே

                     அண்டசராச்சரங்களனைத்தையும் காப்பவளே

                                         சரணம்

                     தண்மதிக்  குளிர்ச்சியுடனெப்போதுமிருக்கும்

                     வெண்ணிலவுப் பிறையணிந்த ஈச்வரியே மாயே

                     எண்ணிய வண்ணமெலாம் வடிவெடுக்கும் தாயே 

                     திண்ணமுடன் மயிலையில் எழுந்தருளிக் காட்சி தரும்           

                     புண்ணியம் செய்தோர்க்குக் கண்ணெதிரில் தெரிபவளே

                     மண்ணிலுத்தித்துப் பல லீலைகள் புரிந்தவளே

                     எண்ணிலா லீலைகள் பல புரிந்தவளே

                     பண்ணிசைத்துப் பாடிப் பரவசித்துத் துதித்தேன்                                          

               

                                                  

எண் தோள்களும் …….

அன்றே என்றன் ஆவியும்

    உடலும் உடைமை எல்லாமும்

குன்றே அனையாய் என்னைஆட்

    கொண்ட போதே கொண்டிலையோ

இன்றோர் இடையூ றெனக்குண்டோ

    எண்தோள் முக்கண் எம்மானே

நன்றே செய்வாய் பிழைசெய்வாய்

    நானோ இதற்கு நாயகமே 

எட்டுத் தோள்களையும் மூன்று கண்களையும் உடைய, எம் தலைவனே! மலையை ஒத்த பெரியோனே! என்னை ஆட்கொள்ள வந்த அன்றே, என்னை ஆட்கொண்ட அப்பொழுதே, என்னுடைய உயிரையும், உடம்பையும், பொருள் எல்லாவற்றையும் உன்னுடையனவாக ஏற்றுக் கொள்ளவில்லையோ? அங்ஙனமாக இப்பொழுது ஒரு துன்பம் எனக்கு உண்டாகுமோ? உண்டாகாது. ஆதலின், எனக்கு நீ நன்மையே செய்வாய் எனினும், தீமையே செய்வாய் எனினும் இத்தன்மைக்குத் தலைவன் யானோ

                            எண் தோள்களும் …….

                                   பல்லவி

                   எண் தோள்களும் மூன்று கண்களும்

                   கொண்ட சிவனுனைப் பணிந்தேன்

                                 அனுபல்லவி

                   மண்ணையுண்ட வாயன் கேசவன் நேசனே

                   பெண்ணணங்குக்கொரு பாதி ஈந்த ஈசனே

                                   சரணம்

                    அன்றே எனதனைத்தையும் ஆட்கொண்ட

                    குன்றனைய சிவபெருமானே

                    நன்றோ தீதோ எது செய்த போதும்

                   என்றன் துணை நீயே கயிலாயவாசனே         

பரமபதம்தனில்……

     

                                    பரமபதம்தனில்……

                                        பல்லவி

                           பரமபதம்தனில் கிடந்துறங்கும் திருமாலை  

                           வரதனை நாராயணனைத் துதித்தேன்

                                        துரிதம்

                           அரனயனமரர் சுகசனகாதியர்

                           நரபதி நாரதர் கரம் பணிந்தேத்தும்

                                      அனுபல்லவி

                           நரஹரி கேவனை மதுசூதனனை

                           பரம்பொருளை ஶ்ரீவாசுதேவனை

                                          சரணம்

                          கரங்களில் சங்கும் சக்கரமுமேந்தும்

                          உரகமெல்லணையுனுமவனே                           

                          பரகதி அருளும் பரந்தாமனுமவனே

                          கரம் கூப்பி சிரம் தாழ்த்தியவன் பதமே சதமென                           

தினமுந்தன்……

 

                                       தினமுந்தன்……

                                              பல்லவி

                         தினமுந்தன் புகழ் பாட வரமருள்வாய் ஶ்ரீராமா 

                         தினகர குலத்தோனே  தீன தயாபரனே

                                           அனுபல்லவி

                         சனகாதி முனிவர்கள் தேவர்கள் வணங்கிடும்

                         ஜனகனின் மருமகனே ஜானகி நாயகனே

                        

                                             சரணம்

                          அனங்கனைப் பிரமனைப் படைத்த கேசவனே

                          வனமால கெளஸ்துபமணிந்த வாசுதேவனே 

                          வினதையின் புதல்வனை வாகனமாய்க்கொண்டவனே

                          அனந்தன் மீதுறங்கும் ஶ்ரீமன் நாராயணனே                     

விந்தியவாசினியை…..

      

                             விந்தியவாசினியை…..

                                    பல்லவி

                   விந்தியவாசினியை அம்பிகையைத் துதித்தேன்

                   முந்தைய பழவினைப் பயன்கள் தொலைந்திட

                                  அனுபல்லவி

                   மந்திரப்பொருளான கேசவன் சோதரியை

                   வந்திப்பர்க்கருள் தரும் பரமேச்வரியை

                                     சரணம்

                    யந்திர மேருவில் வீற்றிருப்பவளை

                    சந்திரனின் பிறையை அணிந்திருப்பவளை

                    சிந்திப்பவர்க்கு எளிதான சுந்தரியை

                    அந்தரி நீலியையகிலாண்டேச்வரியை       

                    

ஆணவம் கன்மம்……

 

                            ஆணவம் கன்மம்……

                                   பல்லவி

                      ஆணவம் கன்மம் மாயையையகற்றும்

                      மாணப் பெரிய லிங்கோத்பவனைத் துதித்தேன்

                                  அனுபல்லவி

                      காணத் திகட்டாத கேசவன் நேசனை

                      பாணலிங்கத்தை பரமேச்வரனை

                                       சரணம்

                       நாணம்தனை மறந்து முனிபெண்டிர் பின் தொடர்ந்த

                       ஆணழகன் சிவனை பிட்சாடனரை

                       ஊணுயிர் தந்த தேவாதி தேவனை

                       கோணலிங்கம்தனை கோடீச்வரனை