நினைத்துனை.....

 மூன்றாம் திருவந்தாதி(9)......!!!

கண்ணும் கமலம் கமலமே கைத்தலமும்* 

மண்அளந்த பாதமும் மற்றுஅவையே*  எண்ணில் கருமா முகில்வண்ணன் கார்க்கடல் நீர்வண்ணன்* 

திருமா மணிவண்ணன் தேசு.

 ஸ்ரீபேயாழ்வார் - 3ம் திருவந்தாதி(9)

கரிய பெரிய மேகம் போன்ற வடிவையுடையவனும்

கரியகடல் நீரின் நிறம்போன்ற நிறமுடையவனும்

அழகிய நீலமணி போன்றவனுமான எம்பெருமானுடைய அழகை ஆராய்ந்து நோக்குமளவில்,

திருக்கண்ணும்

தாமரைப்பூப்போன்றவை திருக்கைத்தலங்களும்

அத்தாமரைப் பூப்போன்றவையே,

உலகளந்த திருவடிகளும்

அத்தாமரைப் பூப்போன்றவையே.

படம் - அன்பில் ஸ்ரீசுந்தர ராஜ பெருமாள்

                                                                      நினைத்துனை.....

                                                                                   பல்லவி

                                                       நினைத்துனை தினம் துதித்தேன் நீலவண்ணனே

                                                         எனையாண்டருள்வாயென் சென்ன கேசவனே

                                                                                 அனுபல்லவி

                                                          உனைப் பணிந்திடுமடியார்கெல்லாம்

                                                          அனைத்து நலன்களும் அள்ளியளிப்பவனே

                                                                                     சரணம்

                                                          கருமேகம் போல் வடிவுடையவனே

                                                          கருங்கடல் நிறத்தவனே கமலநாபனே

                                                           கருநிறவிழியாடும்  கமலக்கண்ணனே 

                                                           திருவடித்தாமரையால் உலகளந்தவனே

                                                           

     

                                                             

திருபுட்குழியென்னும்....

        

                                                 திருபுட்குழியென்னும்....

                                                            பல்லவி

                                          திருபுட்குழியென்னும் திருத்தலத்தில் வீற்றிருக்கும்

                                          திருமாலை விஜயராகவனைத் துதித்தேன்

                                                            அனுபல்லவி

                                           திருமகள் மரகதவல்லியின் மனங்கவர்

                                           கருணை மிகு கேசவனை கார்மேகவண்ணனை

                                                                 சரணம்

                                           தந்தைக்கு நிகரான பறவை ஜடாயுவிற்கு

                                           அந்திம கிரியைகள் செய்த ரகுராமனை

                                            திருமகளும் நிலமகளும் அருகிருந்து போற்றும்

                                            சுந்தர வடிவினனின் கமலபதம் பணிந்து

                                             

                                                                                

                                                                 

                                            

மங்களாம்பிகையை.......

 மாசி மகம் ஸ்பெஷல் ! 

மங்களாம்பிகை தேவி 51 அட்சரங்களுடன் கூடிய சக்தி வடிவினளாகவும், மகாயாகம் என்று வர்ணிக்கப்படுகின்ற ஸ்ரீவித்யா பூஜையில் விருப்பம் கொண்டவளாகவும், அமுதேச சிவபெருமானின் அன்புக்குப் பிரியமானவளாகவும், 64 கலைகளோடு கூடிய மூலாதார சக்கரத்தில் வீற்றிருப்பவளாக வும் விளங்குகிறாள். ஸ்ரீ மங்களாம்பிகை, மருவார் குழலி (மாறாத மணத்தை கொண்ட கூந்தலை உடைய நாயகி )  எனவும் சிறப்புப்பெயரால் வழங்கப்பெறுகிறார் .சர்வமங்கள ரூபிணியாகவும், ஞானத்தை அளிப்பவளாகவும், நமது மனவிருப்பத்தை அறிந்து கிடைப்பதற்கரிதான பொருளைத் தருபவளாகவும், நோய்கள், தோஷங்களை அகற்றி, தரித்திரங்களை விலகச் செய்து, நாம் விரும்புகிற அனைத்து ஐஸ்வர்யங்களையும் அருள்பவளாகவும் காட்சி தருகிறாள். மந்திர அட்சரங்கள் எல்லாம் அவளுக்குள் ஒடுங்கியிருப்பது போற்றுதலுக்குரியது என இத்துதி அம்பிகையின் சக்தியை எடுத்துச் சொல்கிறது. சர்வமங்கள ரூபிணி ஸ்ரீ மங்களாம்பிகை சடாதார மங்கள துதி !

                                         மங்களாம்பிகையை.......

                                                          பல்லவி

                                            மங்களாம்பிகையை மருவார் குழலியை

                                            திங்கள்பிறையணிந்தசங்கரியைத்துதித்தேன்

                                                           அனுபல்லவி

                                             கங்கையையணிந்த கும்பேச்வரரின்

                                             பங்கிலுறைபவளே மங்களம் தருபவளை

                                                                 சரணம்

                                             சிங்கவாகனம்தனில் வீற்றிருப்பவளை

                                             பங்கயநாபன் கேசவன் சோதரியை

                                             மங்காத புகழ்மிகு மகாயாகமெனும்

                                             ஶ்ரீ வித்யா மந்திரத்தின் உட்பொருளாயிருப்பவளை

                                              மங்களம் தந்திடும் மூலாதாரமெனும்

                                              திருச்சக்கரம்தனில் வீற்றிருப்பவளை

                                              பொங்கரவணிந்தளை திரிபுரசுந்தரியை

                                              மங்காத புகழ் மேவும் திருக்குடந்தைப் பதிவளர்

                                              

நெல்லிவன நாதனை....

                              

                                                        நெல்லிவன நாதனை....

                                                                  பல்லவி

                                                நெல்லிவன நாதனை நமச்சிவாயனை       

                                                நல்லகதி பெறவே நாளும் துதிப்போம்

                                                                  அனுபல்லவி

                                                நெல்லி மரத்தடியே அமர்ந்து தவம் புரியும்

                                                 மல்லீச்வரனைக் கேசவன் நேசனை

                                                                       சரணம்

                                                 திங்கள் பிறையணிந்த சந்திரசூடனை

                                                 கங்கையைத் தாங்கும் செஞ்சடாதரனை

                                                 அங்கமில் மன்மதனை எரித்த முக்கண்ணனை

                                                 மங்கள நாயகியைத் தன்னிடம் கொண்டவனை

                                                 

                    

அகிலம் போற்றும்......

மனோவ்ருந்தீரஸ்து ஸம்ருதிஸ்தே ஸமஸ்தா:

ததா வாக்ப்ரவ்ருத்தி: ஸ்துதி: ஸ்யான் மஹேசி

சரீரப்ரவ்ருத்தி: ப்ரணாம் க்ரியா ஸ்யாத்ப்ர

 ஸீத க்ஷமஸ்வ ப்ரபோ ஸந்ததம் மே!

பேசுவதெல்லாம்  அம்பிகே  உன்னுடைய  மந்திர ஜபம்.கை,  கொண்டு   அசைப்பதெல்லாம்  அம்பிகே  உன்னுடைய  முத்திரைகள். கால்  கொண்டு  நடப்பதெல்லாம்  அம்பிகே  உனக்கு  ப்ரதக்ஷிணம்.உண்பது  எல்லாம்  உன்னை  நினைத்துக்கொண்டு, உனதருளால்  வயிற்றில்  உள்ள  ஹோம நெருப்புக்கு  இடும் ஆகுதி.   படுப்பதே  உனக்கு செய்யும்  நமஸ்காரம்.தாயே திருவருள் புரிய வேண்டும். எப்போதும் நான் செய்யும் குற்றங்களைப் பொறுத்தருள வேண்டும்.இங்கு  சந்தோஷத்திற்கு  காரணமான  எல்லா செயல்களும் உனக்கான புஷ்பாஞ்சலி ! தேவீ சரணம் !

                                                  அகிலம் போற்றும்......

                                                            பல்லவி

                                             அகிலம் போற்றும் அம்பிகையே தாயே

                                              புகலிடம்  நீயே கேசவன் சோதரி

                                                            அனுபல்லவி

                                              இகபரமிரண்டிலும் சுகமளிப்பவளே

                                               ஜகம் புகழ் மாயே எனக்கருள்வாயே

                                                                 சரணம்

                                               கையசைவனைத்தும் சின் முத்திரைகள்

                                               பேசும் பேச்சுக்கள் மந்திர ஜபங்கள்

                                                நடப்பதும் நிற்பதும் உனை வலம் வருதலே

                                                உண்ணும் சோறும் உனக்காகுதியே     

  

                                               கிடப்பதுமுன்னை வணங்கிடும் பொருட்டே

                                                மகிழ்வுற செய்வதெல்லாம் மலரஞ்சலியே

                                                அனைத்து செயல்களுமுனதருளாலே

                                                குறைகளைப் பொறுத்து நிறைகளை ஏற்பாய்                                                

                                                 

                                                

    

                                              

                                             

                                                                                                                          

                                               

    

                                                      

கலைவடிவில்.....

 

                                                         கலைவடிவில்.....

                                                                   பல்லவி

                                        கலைவடிவில் சிலையான கணபதியைத்துதித்தேன்

                                        நிலைகொள்ளாதலையும் என் மனம் நிலைபெறவே

                                                                   அனுபல்லவி

                                         மலைமகளின் தலைமகன் கேசவன் மருகன்

                                         மலைமீது நின்றாடும் குமரனின் தமையன் 

                                                                       சரணம்

                                         புலன் வழி செல்லும் விலங்கெனத் திரியும்

                                         அலைபாயும் மனக்குரங்கை அடக்கிட வேண்டியும்

                                         நலம் புரியுமடியார்களுடன் கூடிடவும்

                                         அவனருள் வேண்டி அவன் தாள் பணிந்து

                                          

                                         

அங்கயற்கண்ணியின்.....

 

சியாமளா நவராத்திரி ஸ்பெஷல் !

கெளரீம் தாடிம புஷ்பவர்ண விலஸத் திவ்யாம்பராலங்க்ருதாம்

சந்த்ராம்சூபம சாரு சாமரகர ஸ்ரீ பாரதீ ஸேவிதாம்

நாநாரத்ன ஸுவர்ண தண்ட விலஸன் முக்தாதபத்ரோஜ்வலாம்

மீனாக்ஷிம் மதுரேச்வரீம் சுகதராம் ஸ்ரீ பாண்ட்ய பாலாம் பஜே!

மாதுளைப் புஷ்பம் போன்ற வர்ணமுடைய வஸ்திரத்தால் அலங்கரிக்கப்பட்டவளும், சந்திர கிரணம் போன்ற அழகான் சாமரங்களைக் கையில் ஏந்தி லக்ஷ்மியாலும், சரஸ்வதியாலும் ஸேவிக்கப்படுபவளும், பலவிதமான ரத்னங்களுடன் கூடிய தண்டத்துடன் கூடிய முத்துக் குடையுடையவளுமான மதுராபுரி நாயகியை, பாண்டிய ராஜனின் புத்ரியான, கையில் கிளியை ஏந்திய, கெளரியான மீனாக்ஷியை ஸேவிக்கிறேன்.

வாசா வா மநஸாபி வா கிரிஸுதே காயேன வா ஸந்ததம்

மீனாக்ஷீதி கதாசிதம்ப குருதே த்வந்நாம ஸங்கீர்த்தனம்

லக்ஷ்மீஸ்தஸ்ய க்ருஹே வஸத்யனுதினம் வாணி ச வக்த்ராபுஜே

தர்மாத்யர்த்த சதுஷ்டயம் கரதலப்ராப்தம் பவேந்நிச்சய:

அம்பிகே!, மலையவான் மகளே, வாக்கினாலோ, மனசினாலோ, சாரீரத்தினாலோ எப்போதாவது இடைவிடாமல் ஒருவன் மீனாக்ஷி என்று உனது நாமத்தைச் சொல்வானேயானால், அவனுடைய வீட்டில் லக்ஷ்மியானவள் தினந்தோறும் வசித்து வருவாள். அதேபோல், அவனுடைய முகபத்மத்தில் சரஸ்வதியும் விளங்குவாள். தர்ம, அர்த்த, காம, மோக்ஷமாகிய புருஷார்த்தங்களும் அவன் கைகளில் கிடைத்ததாகும், இது நிச்சயம். அம்பிகையின் திருவடிகளில் சரணம் !

  

                                                                   அங்கயற்கண்ணியின்.....

                                                                           பல்லவி

                                                          அங்கயற்கண்ணியின் பாதம் பணிந்தேன்

                                                          சங்கத்தமிழ் வளர்த்த மதுரையை அரசாளும்

                                                                            அனுபல்லவி

                                                          பங்கய கரத்தில் கிளிதனை ஏந்திய

                                                          பாண்டியன் புதல்வி கேசவன் சோதரி

                                                                                சரணம்

                                                          திங்கள் கிரணமெனும் சாமரங்கள் வீசும்

                                                          திருமகளும் கலைமகளும் உடனிருந்து துதிக்கும்

                                                          மாதுளம் பூ நிறத்து ஆடையணிந்தவளை

                                                          ரத்தினங்கள் பதித்த முத்துக்குடையுடைய ...( அங்கயற்...)

                                                          மனதிலும் வாக்கிலும் நினைவிலும் எப்போதும்

                                                          தினமந்த மீனாளின் திருநாமமுரைத்திடும்

                                                          புனிதருக்குத் திருமகளும் கலைமகளுமென்றும்

                                                          நலன்களனைத்தும் நாளுமளித்திடுவார்

                                                          

  

                                                           

                              

மாசிலா மணியை......

 மஹா சிவராத்திரி ஸ்பெஷல் !

12. சந்த்ரோத்பாஸிதசேகரே ஸ்மரஹரே கங்காதரே சங்கரே

ஸர்ப்பைர் பூஷித கண்ட கர்ணவிவரே

நேத்ரோத்தவைச்வானரே!

தந்தித்வக்க்ருத ஸுந்தராம்பரதரே

த்ரைலோக்யஸாரே ஹரே

மோக்ஷார்த்தம் குரு சித்த விருத்திமமலாம்

அன்யைஸ்து கிம் கர்மபி!! சந்திரப் பிறையணிந்தவரும், மன்மதனையழித்தவரும், கங்கையை தாங்கியவரும், காது, கழுத்து ஆகிய இடங்களில் ஸர்ப்பாபரணம் அணிந்தவரும், நெற்றிக்கண்ணில் அக்னியை வைத்துள்ளவரும், யானைத்தோலாகிய அழகிய ஆடையணிந்தவரும், மூவுலகுக்கும் இன்றியமையாத செல்வமாய் திகழ்பவருமான சிவனை மோக்ஷம் வேண்டி ஹேமனமே சிந்திப்பாயாக, மற்ற கர்மாக்கள் எதற்கு?

                                                          மாசிலா மணியை......

                                                                     பல்லவி

                                                மாசிலா மணியை நற்கதி பெறவேண்டி

                                                ஈசனைக் கேசவன் நேசனைத் துதிப்போம்

                                                                     அனுபல்லவி

                                                 வாசமலர் மாலை அணிந்த சடாதரனை

                                                 காமனை எரித்தவனை மூவுலகை ஆள்பவனை

                                                                          சரணம்

                                                 கேசபாசத்தில் கங்கையும் பிறை நிலவும்

                                                 கழுத்தில் காதில் சர்ப்பாபரணமும் 

                                                 நெற்றிக் கண்ணில் அக்னியும் வைத்திருக்கும்

                                                  அழகிய ஆனைத் தோலணிந்த சிவனை

                                                 

                                                  

                                     

கடைக்கண்.........

 

யஸ்யா: கடாக்ஷ விக்ஷா க்ஷண 

   லக்ஷம் லக்ஷிதா: மஹேசா: ஸ்யு: | 

ஸ்ரீரங்கராஜ மஹிஷீ ஸா மாம் அபி 

   வீக்ஷதாம் லக்ஷ்மீ:  || 

           ஸ்ரீ ஸ்தவம் ஸ்லோகம் .

"எந்த ஒரு பிராட்டியின் கடைக்கண் பார்வைக்கு ஒரு நொடிப்பொழுது இலக்கானாலும் மிகுந்த கைங்கர்யச் செல்வம் பெற்றவர்கள் ஆவார்களோ அப்படிப்பட்ட, ஸ்ரீரங்கராஜனின் பட்டமஹிஷியான ஸ்ரீரங்கநாச்சியார் என்னையும் தனது கடைக்கண் கொண்டு பார்க்கவேண்டும்"

                                                   கடைக்கண்.........

                                                              பல்லவி

                                      கடைக்கண் விழிப்பார்வை நொடிப்பொழுது கண்டாலும்

                                      மடை திறந்தவெள்ளமென செல்வம் அருள் பெருகும்

                                                             அனுபல்லவி

                                      குடையைக் குன்றாக்கி குவலயம் காத்த

                                       அரங்கனின் மார்பினில் வீற்றிருப்பவளே

                                                                   சரணம்

                                       இடையர் குலத்துதித்த கேசவன் மனங்கவர்                                       

                                        கடலரசன் திருமகளே மாகாலக்ஷ்மியே

                                        கடைக்கணியே தாயே ரங்கநாயகியே

                                        தடையின்றி உனதருள் யான் பெறவே வேண்டினேன்

                                          

                                         

                                                                            

                                        

                                       

ஸரஸ்வதி நீயே.....

 வசந்த பஞ்சமி ஸ்பெஷல் !

சரஸ்வதி தேவியின் திருவுருவத்தைத் தியானிக்க ஒரு அருமையான ஸ்லோகம் இது!

"யா குந்தேந்து துஷார ஹார தவளா

யா சுப்ர வஸ்த்ராவ்ருதா

யா வீணா வர தண்ட மண்டித கரா

யா ஸ்வேத பத்மாஸனா

யா ப்ரஹ்மாச்யுத சங்கர ப்ரப்ருதிபி:

தேவை: சதா பூஜிதா

சா மாம் பாது ஸரஸ்வதி பகவதி

நிச்சேஷ ஜாட்யாபஹா"

யா குந்த இந்து துஷார ஹார தவளா -

 யார் சந்திரனைப் போலவும் பனியைப் போலவும் வெண்மையான மல்லிகை மாலையை அணிந்து கொண்டிருக்கிறாளோ

யா சுப்ர வஸ்த்ராவ்ருதா - 

யார் வெண்மையான ஆடையை அணிந்திருக்கிறாளோ

யா வீணா வர தண்ட மண்டித கரா -

 யார் வீணையை ஏந்திய வரம் தரும் திருக்கைகளை உடையவளோ

யா ஸ்வேத பத்மாஸனா - 

யார் வெண்தாமரையில் வீற்றிருப்பவளோ

யா ப்ரஹ்ம அச்யுத சங்கர ப்ரப்ருதிபி: தேவை: சதா பூஜிதா - 

யார் பிரம்மன் அச்சுதன் சங்கரன் முதலிய தேவர்களால் என்றும் வணங்கப்படுபவளோ

சா மாம் பாது ஸரஸ்வதி பகவதி நிச்சேஷ ஜாட்யாபஹா -

 செயலின்மையையும் அறிவின்மையையும் அறவே நீக்கும் அந்த ஸரஸ்வதியென்னும் தாய் என்னை என்றும் காக்கட்டும்!

அம்பிகையின் திருவடிகளில் சரணம் !

                                                  ஸரஸ்வதி நீயே.....

                                                          பல்லவி

                                       ஸரஸ்வதி நீயே எனக்கருள வேண்டும்

                                       சிரம் தாழ்த்தி கரம் கூப்பி திருவடி பணிந்தேன்

                                                          அனுபல்லவி

                                       பிரமன் கேசவன் சங்கரன் சுரபதி

                                       நரர்சுரரனைவரும் வணங்கிடும் தேவி

                                                              சரணம்

                                       வரம் தரும் கரங்களில் வீணையை ஏந்தி வெண்

                                       அரவிந்த மலர்தனில் வீற்றிருப்பவளே

                                       குளிர் மதி நிற மல்லி மாலையணிந்தவளே                                                                        

                                       அறிவும் செயல் திறனும் அளித்திடும் அன்னையே

                                        

                                       

                                       

                                       

                                       

செவிசாய்த்த கணபதியின்......

 

                                               செவிசாய்த்த கணபதியின்......

                                                                   பல்லவி

                                            செவி சாய்த்த கணபதியின் மலர்ப்பாதம் பணிந்தேன்

                                            கவிபாடும் ஆளுடைப் பிள்ளையின் குரல்கேட்டு

                                                                  அனுபல்லவி                                            

                                             இவரோடு மூஷிகனும் காளையும் சிம்மமும்

                                             புவி போற்றும் வேலனும் மயிலோடு உடனிருக்க

                                                                       சரணம்

                                              சிவனும் அவர் துணைவி சவுந்தரநாயகியும்

                                               தவயோகி வாகீச முனிவரும் மற்றும்

                                               நவக்கிரகங்களும் அழகுடன் கோவில் கொண்ட

                                               அன்பில் ஆலந்துறை என்னும் திருத்தலத்தில்

                                              

                         

நிலாத் திங்கள்.......

 

                                                            நிலாத் திங்கள்.......

                                                                   பல்லவி

                                                      நிலாத் திங்கள் துண்டத்தானை

                                                      அலங்காரப் பிரியனை மனமாரத்துதித்தேன்

                                                                    அனுபல்லவி

                                                       கலா ரசிகனை வாமனனைக் கேசவனை

                                                       அலாதி அன்புடன் உமைக்குதவிய

                                                                        சரணம்

                                                        தலங்களுள் சிறந்த காஞ்சி மாநகரில்

                                                        நேர் ஒருவரில்லா வல்லியுடனே

                                                        ஈசன் ஏகாம்ப்ரேச்வரருகில்

                                                       அழகுடன்   எழுந்தருளி  காட்சியளித்திடும்

                                                       

தவறிழைத்த.......

 மஹா சிவராத்திரி ஸ்பெஷல் !

ஸ்நாத்வா ப்ரத்யூஷகாலே ஸ்நபன விதிவிதௌ

நாஹ்ருதம் காங்கதோயம்

பூஜார்த்தம் வா கதாசித் பஹுதரஹ ஹநே அகண்ட

பில்வீதலம் வா!

நாநீதா பத்மமாலா ஸகஸிவிகஸிதா கந்த

புஷ்பைஸ்த்வதர்த்தம்

க்ஷந்தவ்யோ மேsபராத:சிவ சிவ சிவ:....

ஸ்ரீமஹாதேவ சம்போ!!

ஒரு நாளாவது அதிகாலையில் குளித்து விட்டு, சிவாபிஷேகம் செய்விக்க கங்கை ஜலம் கொணர்ந்தேணா?அல்லது பூஜிப்பதற்கு அடர்ந்த புதரில் சென்று முறிவுபடாதபில்வங்களை கொணர்ந்தேனா?இல்லை... கந்தம், புஷ்பம் இவற்றோடு தாமரை மாலையாவது கொணர்ந்தேனா?இல்லவே இல்லையே!இந்த தவறை ஹேசிவ!மன்னித்தருள்வீராக!

இமையா துயிரா திருந்தாய் போற்றி ! என் சிந்தை நீங்கா இறைவா போற்றி !

                                                   தவறிழைத்த.......

                                                                 பல்லவி

                                          தவறிழைத்த எனக்குன் அருள்தர வேண்டினேன்

                                          சிவனே கேசவன் நேசனே ஈசனே

                                                                அனுபல்லவி

                                           பவப்பிணி மாயையால் கட்டுண்டு நானும்

                                           கவலைகளின்றி சுற்றித் திரிந்தேன்

                                                                      சரணம்

                                           சிவனுனை நீராட்ட கங்கை நீர் தரவில்லை

                                           புதர் நடுவே திரிந்து பில்வம் கொணரவில்லை

                                           வாசனைப் பொருள் பூக்கள் தாமரை மாலைகள்

                                          இவையெதுவும் அளிக்காத நீசனென் பிழைபொறுத்து

                                           

                                           

சர்ப்பக்குடைகீழே.....

 

                                                   சர்ப்பக்குடைகீழே.....

                                                            பல்லவி

                                         சர்ப்பக்குடைகீழே அழகுடன் வீற்றிருக்கும்

                                         சமயபுரத்தாளை  மனமாரத்துதித்தேன்

                                                             அனுபல்லவி

                                          தர்ம நெறிகாக்க தரணியிலவதரித்த

                                          சர்வேச்வரியைக் கேசவன் சோதரியை

                                                                  சரணம்

                                          இரு நான்கு கரத்துடனே தலைமாலை கழுத்தணிந்து

                                          அரக்கர் தலை ஐந்தை காலின் கீழ் கிடத்தி

                                           சிம்மாசனம் தனிலமர்ந்திருக்கும் மாரியை

                                           எனக்கருள வேண்டுமென மலரடி பணிந்து

                                                                                     

                                          

                                          

உலகநாயகியே.....

 அழகான காஞ்சியில் புகழாக வாழ்ந்திடும் அன்னை காமாக்ஷி உமையே .........

ஸ்னேஹாத்ருதாம் விதலிதோத்பல காந்தி சோராம்

ஜேதாரமேவ ஜகதீஶ்வரி ஜேதுகாம: |

மானோத்ததோ மகரகேதுரஸௌ துனீதே

காமாக்ஷி தாவக கடாக்ஷ க்ருபாணவல்லீம் ||31||

        - கடாக்ஷ சதகம்.

ஹே ஜகதீஸ்வரி! காமாக்ஷி! தன்மானமுள்ளவனாம் இந்த மன்மதன், தன்னை ஜெயித்தவரனான சிவனை வெல்லும் ஆசையுடையவனாய், ஸ்நேகத்தால்  கூராக்கப்பட்டதும், மலர்ந்த நீலோத்பல  மலரின் காந்தியை  அபஹரிப்பதுமான, உனது  கடாக்ஷமாகிற  வாளினைச் சுழற்றி வீசுகிறான்.

                                  உலகநாயகியே.....

                                                பல்லவி

                                  உலகநாயகியே காமாக்ஷி தேவி

                                  அழகான காஞ்சியில் புகழாக வாழ்பவளே

                                                 அனுபல்லவி

                                  அலகிலா விளையாடல் பல புரிபவளே

                                   அன்னையே கேசவன் சோதரிஉமையே

                                                       சரணம் 

                                   தன்மானமுள்ள மன்தமதன் தன்னை

                                   வென்ற ஈசனை வெல்லும் ஆசையில்

                                   நீலோத்பலமெனும் மலரினும் அழகுடைய

                                   உன் கண்ணை வாளாக்கி எறிந்திட முயல்கிறான்

மனமாரப் பணிந்துனை.....

 

ஶ்ரீ காமாக்ஷி ஸ்தோத்திரம்

விஷ்ணு பிரம்ம அமரேந்த்ர ப்ருஷத் கோடீர பீடஸ்தலாம்

லக்ஷாரஞ்சிதபத பத்மயுகளாம் ரகேந்து பிம்பானனாம்

வேதாந்தாகம வேத்ய சிந்த்ய சரிதாம் வித்வத் ஜனைரவ்ருத்தாம்

காமாக்ஷீம் கலயாமி கல்பலதிகாம் காஞ்சிபுரீ தேவதாம்

பொருள்: பிரம்மா விஷ்ணு மற்றும் தேவர்களின் மகுடம் தரித்த சிரசினை தனது ஆசனமாக கொண்டவளே! அரக்கு போன்ற சிவந்த திருவடிக் கமலங்களை உடையவளே! 

முழு நிலவை போன்ற பிரகாசமான வதனத்தை உடையவளே! வேத, ஆகமங்களால் ஆராய்ந்து தேடத் தக்கவளே! ஞானியர் கூட்டத்தால் சூழப்பட்டவளே! 

காஞ்சிபுரத்தில் வாசம் செய்யும் கற்பகத்தருவே! காமாக்ஷி! உம்மை மனதில் வணங்கி தியானிக்கிறோம் அம்மா! 

                            மனமாரப் பணிந்துனை.....

                                              பல்லவி

                          மனமாரப்பணிந்துனை வணங்கித் துதித்தேன்

                          காஞ்சி வளர் கற்பக தருவே காமாக்ஷி

                                             அனுபல்லவி

                          புனிதர்கள் ஞானியர் புடைசூழ நிற்கும்

                          வனிதையே திங்கள் திருமுகத்தாளே

                                               சரணம்

                          மகுடமணிந்த பிரமன் கேசவன்

                          அமரர்கள் சிரசினை ஆசனமாய்க் கொண்டவளே

                          மறைகள் ஆகமங்களாராயும் மாயவளே

                          சிவந்த கமலமலர் பாதங்களுடையவளே

                        

ஸ்ரீகாமாக்ஷி ஸ்தோத்ரம்

 ஸ்ரீகாமாக்ஷி ஸ்தோத்ரம்

       ஓம் ஸ்ரீமஹா கணபதயே நமஹ

காஞ்சி கங்கண நூபுர ரத்னகங்கண லஸத் கேயூர ஹாரோஜ்வலாம்

காஷ்மீராருண கஞ்சுகாஞ்சித குசம் கஸ்தூரிகா சர்ச்சிதாம்

கல்ஹாராஞ்சித கல்போக ஜ்வலமுகீம் காருண்ய கல்லோலினீம்

காமாக்ஷீம் கலயாமி கல்பலதிகாம் காஞ்சிபுரீ தேவதாம்

பொருள்: நாநாவித ரத்னங்களாலான பிரகாசமான கிரீடம், ஹாரம், வளையல், ஒட்டியாணம், கொலுசு ஆகியவற்றை அணிந்து பொலிவுற திகழ்பவளே! 

காஷ்மீரத்தின் குங்குமப்பூ போன்ற சிவந்த கச்சையை அணிந்திருப்பவளே! கஸ்தூரி திலகத்தினால் அலங்காரமான முன் நெற்றியை கொண்டவளே! 

கருணை என்னும் கடல் போன்ற வதனத்தில் மலர்ந்திருக்கும் நீலோத்பலம் போன்ற அழகிய விழிகளை உடையவளே! 

காஞ்சிபுரத்தில் வாசம் செய்யும் கற்பகத்தருவே! காமாக்ஷி! உம்மை மனதில் வணங்கித் துதிக்கிறோம் அம்மா!

காமாரதி மனப்ரியாம் கமலா பூஸேவ்யாம் ரமாராதிதாம்

கந்தர்ப்பாதிக தர்ப்பதன விலஸத் சௌந்தர்ய தீபங்குராம்

கீரலாப விநோதினீம் பகவதீம் காம்ய ப்ரதான வ்ருத்தாம்

காமாக்ஷீம் கலயாமி கல்பலதிகாம் காஞ்சிபுரீ தேவதாம்

பொருள்: காமாரியான சிவபெருமானின் மனதிற்கினியவளே! பிரம்மன் மற்றும் இலக்குமியால் துதிக்கப்படுபவளே! பிரகாசமான தீபச்சுடரை போன்ற அழகினால் காதற்கடவுளை பழிப்பவளே! 

கிளிகளுடன் கொஞ்சி விளையாடுவதில் விருப்பம் உடையவளே! வேண்டியதை வரமளிக்கும் தவமாகத் திகழ்பவளே! 

காஞ்சிபுரத்தில் வாசம் செய்யும் கற்பகத்தருவே! காமாக்ஷி! உம்மை மனதில் வணங்கி தியானிக்கிறோம் அம்மா!

கதம்பப்ரமத விலஸகமனாம் கல்யாண காஞ்சீரவாம்

கல்யாணாசல பதாம்புஜ யுகளாம் காந்த்யாம் ஜ்வலந்தீம் சுபாம்

கல்யாணாசல கார்முகப்ரியதமாம் கதம்ப மாலாஸ்ரயாம்

காமாக்ஷீம் கலயாமி கல்பலதிகாம் காஞ்சிபுரீ தேவதாம்

பொருள்: சலங்கைகள் நிரம்பிய கொலுசை அணிந்து ஓசை எழும்ப பெண் அன்னம் போல மென்மையாக நடப்பவளே! 

மேரு மலையினில் கமலம் போன்ற திருவடிகளை கொண்டு பொலிபவளே! ஸ்வயம்பிரகாசம் ஆனவளே! மேரு மலையை வில்லாக வளைத்த மஹேஸ்வரனுக்கு பிரியமானவளே! 

கதம்ப மலர்களாலான மாலையை விரும்பி அணிபவளே! காஞ்சிபுரத்தில் வாசம் செய்யும் கற்பகத்தருவே! காமாக்ஷீ! உம்மை மனதில் வணங்கி தியானிக்கிறோம் அம்மா!

கந்தர்வாமர சித்த சரணவதூஜீயபதநஞ்சிதாம்

கௌரீம் குங்குமபங்க பங்கபங்கித குசத்வந்தபி ரமாம் சுபாம்

கம்பீரஸ்மித விப்ரமங்கிதமுகீம் கங்காதராலிங்கிதாம்

காம்க்ஷீம் கலயாமி கல்பலதிகாம் காஞ்சிபுரீ தேவதாம்

பொருள்: தேவ, கந்தர்வ, சித்த, சாரண ஸ்த்ரீக்களால் போற்றப்படுபவளே! பொன் போல மிளிரும் கௌரியே! குங்குமப்பூ கலந்த குங்குமக் குழம்பை பூசிய ஸ்தனங்களை உடையவளே! 

புன்னகை ததும்பும் வதனத்தால் மேலும் அழகாக மிளிர்பவளே! கங்காதரரான சிவபெருமானால் ஆலிங்கனம் செய்யப்படுபவளே! 

காஞ்சிபுரத்தில் வாசம் செய்யும் கற்பகத்தருவே! காமாக்ஷி! உம்மை மனதில் வணங்கி தியானிக்கிறோம் அம்மா!

விஷ்ணு பிரம்ம அமரேந்த்ர ப்ருஷத் கோடீர பீடஸ்தலாம்

லக்ஷாரஞ்சிதபத பத்மயுகளாம் ரகேந்து பிம்பானனாம்

வேதாந்தாகம வேத்ய சிந்த்ய சரிதாம் வித்வத் ஜனைரவ்ருத்தாம்

காமாக்ஷீம் கலயாமி கல்பலதிகாம் காஞ்சிபுரீ தேவதாம்

பொருள்: பிரம்மா விஷ்ணு மற்றும் தேவர்களின் மகுடம் தரித்த சிரசினை தனது ஆசனமாக கொண்டவளே! அரக்கு போன்ற சிவந்த திருவடிக் கமலங்களை உடையவளே! 

முழு நிலவை போன்ற பிரகாசமான வதனத்தை உடையவளே! வேத, ஆகமங்களால் ஆராய்ந்து தேடத் தக்கவளே! ஞானியர் கூட்டத்தால் சூழப்பட்டவளே! 

காஞ்சிபுரத்தில் வாசம் செய்யும் கற்பகத்தருவே! காமாக்ஷி! உம்மை மனதில் வணங்கி தியானிக்கிறோம் அம்மா! 

மாகந்த த்ரும மூலதேச மாணிக்ய சிம்ஹாஸனே

திவ்யாம் தீபித ஹேமகாந்தி நிவஹா வஸ்த்ரவ்ருதாம் சுபாம்

திவ்ய கல்பித திவ்யதேஹ பரிதாம் த்ருஷ்டி ப்ரோமதர்பிதாம்

காமாக்ஷீம் கலயாமி கல்பலதிகாம் காஞ்சிபுரீ தேவதாம்

பொருள்: மாமரத்தின் அடியில் மாணிக்க சிம்மாசனத்தில் வீற்றிருப்பவளே! பொன்னிற ஆடையை தரித்து தெய்வீகமாகத் திகழ்பவளே! 

சர்வாலங்கார பூஷிதையாக, காணும் அனைவர்க்கும் களிப்பை ஏற்படுத்தும் வண்ணம் வீற்றிருப்பவளே! காஞ்சிபுரத்தில் வாசம் செய்யும் கற்பகத்தருவே! காமாக்ஷி! உம்மை மனதில் வணங்கி தியானிக்கிறோம் அம்மா!

ஆதாராதி சமஸ்த சக்ரநிலயாம் ஆத்யந்த சூன்யாம் உமாம்

ஆகாசாதி சமஸ்த பூதநிவஹகராம விசேஷாத்மிகாம்

யோகீந்த்ரைரபி யோகினீ சதகணைராராதிதாம் அம்பிகாம்

காமாக்ஷீம் கலயாமி கல்பலதிகாம் காஞ்சிபுரீ தேவதாம்

பொருள்: அனைத்து சக்ரங்களுக்கும் ஆதாரமான ஸ்ரீசக்கரத்தில் வாசம் செய்யும் ஆதியந்தமில்லா உமையே! ஆகாயம் முதலான பஞ்சபூத வடிவினளே! 

யோகத்தில் சிறந்த அம்பிகையே! கோடி கணக்கான யோகியர் மற்றும் யோகினி கூட்டங்களால் சேவிக்கப்படுபவளே! காமாக்ஷி! உம்மை மனதில் வணங்கி தியானிக்கிறோம் அம்மா!

ஹ்ரீம்கார ப்ரணவாத்மிகாம் பிரணமதாம் ஸ்ரீவித்யா வித்யாமயீம்

ஐம் க்லீம் ஸௌம் ருசே மந்த்ரமூர்த்திம் நிவஹா காராம ஸோஷாத்மிகாம்

பிரஹ்மானந்தர சனுபூத மஹிதாம் பிரஹ்மப்ரியாம் வாதினீம்

காமாக்ஷீம் கலயாமி கல்பலதிகாம் காஞ்சிபுரீ தேவதாம்

பொருள்: ஸ்ரீவித்யாவின் சக்தி பிரணவமாக ஜ்வலிப்பவளே! பக்தர்களின் ஜபத்திற்கேற்ற வடிவில் காட்சி அளிப்பவளே! அனைத்துலக உயிர்களின் ஆன்மாவாக பிரகாசிப்பவளே! 

பிரம்மனால் பூஜிக்கப்படுபவளே! பிரஹ்மானந்தத்தை நல்குபவளே! காஞ்சிபுரத்தில் வாசம் செய்யும் கற்பகத்தருவே! காமாக்ஷி! உம்மை மனதில் வணங்கி தியானிக்கிறோம் அம்மா!

சித்தானந்த ஜனஸ்ய சின்மய சுகாகாராம் மஹாயோகினீம்

மாயா விஸ்வ விமோஹினீம் மதுமதீம் த்யாயேத் சுபாம் ப்ராஹ்மணீம்

த்யேயாம் கின்னர சித்த சாரணவதூ கேயாம் சதா யோகிபீம்

காமாக்ஷீம் கலயாமி கல்பலதிகாம் காஞ்சிபுரீ தேவதாம்

பொருள்: ஞானிகளுக்கு உனது தெய்வீக வடிவினால் ஆனந்தத்தை அளிப்பவளே! யோகத்தில் சிறந்தவளே! தேனினும் இனிமையானவளே! ஜகம் அனைத்தையும் மோஹிக்கச் செய்பவளே! 

ஞானமாக விளங்குபவளே! சகலருக்கும் மங்களத்தை அருள்பவளே! சித்த, கின்னர, சாரண ஸ்த்ரீக்களால் போற்றப்படுபவளே! அனைவராலும் தியானிக்கத் தக்கவளே! 

காஞ்சிபுரத்தில் வாசம் செய்யும் கற்பகத்தருவே! காமாக்ஷி! உம்மை மனதில் வணங்கி தியானிக்கிறோம் அம்மா!

காமாரி காமாம் கமலாஸநாதாம்

காம்யப்ரதாம் கங்கணபூஷணஹஸ்தாம் 

காஞ்சி நிவாஸம் கனகபிரபாஸாம்

காமாக்ஷி கலயாமி சித்தே

பொருள்: காமனை தகித்த பரமேஸ்வரனின் பத்னியே! செந்தாமரையில் வீற்றிருப்பவளே! பக்தர்களின் மனோ விருப்பங்களை பூர்த்தி செய்பவளே!

நினது திருக்கரங்களில் வளையல்களை அணிந்தவளே! பொன்னிறமாக ஜ்வலிப்பவளே! காஞ்சிபுரத்தில் வாசம் செய்பவளே! காமாக்ஷி! என்றும் எமது சித்தத்தில் நிறைந்து அருள் புரிவாய் அம்மா!

(நிறைவுற்றது)

ஓம் ஸ்ரீமாத்ரே நமஹ — with Sathish K. Samy.

பார்கவி....

 

                                                  பார்கவி....

                                                          பல்லவி

                                            பார்கவி  உனதிரு மலர்ப்பதம் பணிந்தேன்

                                            பாற்கடல் அளித்த மாதவமே தேவி

                                                         அனுபல்லவி

                                            பார் புகழ் சென்ன கேசவன் தனது

                                            மார்பணியாய் விளங்கும் திருமகளே

                                                                சரணம்

                                            தேர் நடத்தி பாரதப் போர் நடத்திய                                         

                                            பார்த்தசாரதி கேசவன் துணைவியே

                                            நாற்கவிகள் போற்றும் வேதவல்லித்தாயே

                                            கார்குழலி நீயே எனக்கருள் புரிவாய்