கபாலியின்.....
பல்லவி
கபாலியின் தரிசனமே
காணவே பேரின்பமே மயிலை
துரிதம்
மாலயன் நந்தியும் கணபதி வேலனும்
கேசவன் சோதரி கற்பகமுடனுறை
அனுபல்லவி
அபாயம் தவிர்த்திடும் உபாயமளித்திடும்
சபாபதி கிருபாநிதி உமாபதி மயிலைவளர்
சரணம்
திங்களும் கங்கையும் தலையினில் தாங்கி
பொங்கரவம் தனைக்கழுத்தினில் அணிந்து
தங்க குண்டலங்கள் செவிதனில் தொங்க
பிங்கலையுடைதனை இடையினில் கட்டி
துரிதம்
செங்கையில் மான் மழு சூலமுமேந்தி
அங்கமனைத்திலும் வெண்ணீறு பூசி
பங்கயப் பதங்களில் தண்டைகள் பூட்டி
பொங்கும் எழிலுடன் எங்கும் நிறைந்திருக்கும்
No comments:
Post a Comment