நித்யகல்யாண.....

                நித்யகல்யாண.....

                                   பல்லவி

                    நித்யகல்யாணப் பெருமாளைப் பணிந்தேன்
                    கோமளவல்லி உடனிருந்து போற்றும்

                                 அனுபல்லவி

                    சத்யசீலனை உத்தமக்கடவுளை
                    நற்றவ முனிவரும் தேவரும் துதித்திடும்

                                       சரணம்

                    குலம் கல்வி செல்வம் என்னும்
                     நலம் பலவும் நல்கிடும் கேசவனை
                     தலங்களில் சிறந்த திருவிடந்தைப் பதிதனில்
                     அலங்காரமாயமர்ந்து அருட்காட்சியளித்திடும்

ஆதிவராக ஸ்வாமியை.....

                  ஆதிவராக ஸ்வாமியை.....

                                           பல்லவி

                          ஆதிவராக ஸ்வாமியைப் பணிந்தேன்
                          திருவிடந்தைத் திருத்தலத்தில் அவதரித்த (ஶ்ரீ)

                                         அனுபல்லவி

                           மாதா மகாலக்ஷ்மியைத் தன்
                           மடிமீது வைத்திருக்கும் - ஶ்ரீ

                                               சரணம்

                           மேதினியோர் கொண்டாடும் ஶ்ரீமன் நாராயணனை
                           மாதவனைக் கேசவனை மதுசூதனனை
                           மாதா கோமளவல்லியின் மனங்கவர்
                           நித்ய கல்யாண பெருமாளை    (ஶ்ரீ)

ஶ்ரீராம நாமம்

ஶ்ரீராம நாமம்




பல்லவி

ஶ்ரீராமன் நாமமே மங்களம் தரும்
பாரோரனைவரும் போற்றுகின்ற நாமம்

             அனுபல்லவி

தீராவினை தீர்க்கும் திருப்பாற்கடல் வாசன்
ஆராவமுதன் மாருதி நேசன்

              சரணம்

காரார் குழலாள் ஜானகி தேவியும்
மாறாது பக்தி செய்யும் இளையவனும்உடனிருக்க
நாரதர் நான்முகன் நரர்சுரர் மற்றும்
ஊராரும் கூடி நின்று பணிந்தேத்தும் கேசவன்

மல்லீச்வரனை.....

                     மல்லீச்வரனை..... 

                                         பல்லவி

                            மல்லீச்வரனை மனமாரத்துதித்தேன்
                            அல்லற்பிறப்பறுக்கும் சொல்லற்கரியானை

                                        அனுபல்லவி

                            நல்லடியார் அறுபத்து மூவரும் மற்றும்
                            கல்லாரும் கற்றவரும் எல்லோரும் பணிந்தேத்தும்

                                            சரணம்

                           பல்லுயிர் படைத்தும் காத்தும் அழித்தும்
                           நில்லா உலகில் முத்தொழில் புரிந்திடும்
                           நெல்லையப்பனை காந்திமதி நாதனை
                           தில்லைக் கூத்தனை கேசவன் நேசனை

தமிழ் நாடு...

                   தமிழ் நாடு...

                        பாரினிற் சிறந்த தமிழ்நாடு நம்
                        பாரதி பிறந்த தமிழ் நாடு
 
                        அமிழ்தினுமினிய தமிழ் மொழியை (இவ்)
                        உலகினுக்களித்த தமிழ் நாடு

                        பண்பிற்சிறந்த பல பெரியாரை (இப்)
                        பாருக்களித்த தமிழ் நாடு - நம்
                        தாய்த்திருநாடு தமிழ் நாடு

                        இன்பத்தமிழ் நாடு நம் நாடென்றும்
                        வளம் கொழிக்கும் நாடென்றும் கொண்டாடுவோம்

                        விந்தியம் தொடங்கி இமயம் வரை புகழ்
                        மேவிடும் இனிய தமிழ் நாடு

                        இந்தியத்தாயின் திலகமென்றே திகழ்
                        பண்டைய நாடு தமிழ் நாடு


       

கோரின வரம் தரும்....

                          கோரின வரம் தரும்....

                                                         பல்லவி

                                      கோரின வரம் தரும் கோதண்டபாணியை
                                      நேரினில் கண்டு மனமாரத் துதித்தேன்

                                                       அனுபல்லவி

                                       பாரினில் சிறந்த வடுவூர் திருத்தலத்தில்
                                       சீதாலஷ்மண ஆஞ்சநேயருடன்

                                                            சரணம்

                                       சூரிய குலத்துதித்த ஶ்ரீ ரகு ராமனை
                                       சீரும் சிறப்பும் மிகு அயோத்தி ராமனை
                                       மார்பினில் அன்னையை மகிழ்வுடன் தாங்கும்
                                       நாராயணனை மாதவனைக் கேசவனை

ஆராவமுதனை.......

                      ஆராவமுதனை.......

                                                பல்லவி

                                 ஆராவமுதனை சாரங்கபாணியை
                                 ஆராதனை புரிந்தேன்

                                                 துரிதம்

                                 நாரதர் நான்முகன் நரர்சுரரிந்திரன்
                                 சுகசனகாதியரனைவரும் பணிந்திடும்

                                                 அனுபல்லவி

                                 ஓராயிரம் பெயர் கொண்ட நாராயணனை
                                 காரார் குழலாள் கோமளவல்லி மனங்கவர்

                                                       சரணம்

                                 சாரதியாய்ப் பார்த்தனுக்கு தேரோட்டி நின்றானை
                                 சூராதிசூரன் கம்சனை வதைத்தவனை
                                 சீர்மல்கும் ஆய்ப்பாடிச் செல்வனைக்கேசவனை
                                 பாரோர் பணிந்தேத்தும் பரமபதநாதனை

           

நாதா என்றும்........

                         

                      நாதா என்றும்........

                                           பல்லவி

                             நாதா என்றும் நீதான் எந்தன் துணை
                             பாதாரவிந்தம் பணிந்தேன் - உலக(ஜகந்)

                                          அனுபல்லவி

                             மாதா உலகநாயகியை உந்தன்
                             மணிமார்பில் தாங்கும்  -  உலக(ஜகந்)

                                              சரணம்

                             சாதாரணரும் சான்றோரும் முனிவர்களும்
                             வேதாகம சாஸ்திர புராணங்களும் போற்றும்
                             ஆதாரப்பொருளே ஆதிகேசவா
                              பூதல சலாசலநாட்டை ஆளும் - உலக(ஜகந்)

பதம் பணிந்தேன்...

                     பதம் பணிந்தேன்...

                                             பல்லவி

                              பதம் பணிந்தேன் ஶ்ரீ சென்ன கேசவா
                              இதமுடன் எனையே ஆண்டருள வேண்டுமென

                                            அனுபல்லவி

                              நிதமுந்தன் நாமமே ஓதித் துதித்தேன்
                              சதமுனது திருவடி நிழலென நினைந்து

                                                 சரணம்

                               பதவி பணம் புகழ் எதுவும் வேண்டேன்
                               விதம் விதமான உறவுகளும் வேண்டேன்
                               கதறியழைத்த கரிக்கும் காரிகைக்கும்
                               உதவிய பரம்பொருளே பாற்கடல்வாசா

அன்புடையார்.......

                        அன்புடையார்.......

                                                            பல்லவி

                             அன்புடையார் நெஞ்சங்களில் இன்புற வீற்றிருப்பான்
                             துன்பம் துயர் துடைக்கும்  அருளாளன் கேசவன்

                                                          அனுபல்லவி

                             பன்னகசயனன் பரமதயாளன்
                             தன்னடி பணிவோர்க்கு இன்னருள் புரிவான்

                                                               சரணம்

                             அன்பில் திருவெஃகா திருவெவ்வுள் மற்றும்
                             திருக்குடந்தை திருப்பேரணியரங்கம் தன்னில்
                              நாகத்தணை கிடந்து நலமுற காட்சி தரும்
                              பாற்கடல் வாசன் ஶ்ரீமன் நாராயணன்
                       
                              

விநாயகனை......

                      விநாயகனை......

                                               பல்லவி

                       விநாயகனை ஆராதனை புரிந்தேன்
                       விநோத வேழமுகத்தினன் அய்ங்கரன் ( விக்ன, செல்வ,பால )

                                             அனுபல்லவி

                        கணாதிபன் குகசோதரன் உமைமகன்
                        அநாத ரட்சகன் கேசவன் மருகன்
               
                                                   சரணம்

                        தேவரும் கணங்களும் மூவரும் முனிவரும்
                        தேவேந்திரனும் பூவுலக மாந்தரும்
                        சேவற்கொடியோன் குமரனும் துதிக்கும்
                        ஆவணி திங்கள் சதுர்த்தியிலுதித்த

அருள் தரும்.........

                          அருள் தரும்.........

                                                      பல்லவி

                                  அருள் தரும் அன்னை காந்திமதியின்
                                  அரவிந்த பதம்தனை மனமாரப் பணிந்தேன்

                                                    அனுபல்லவி

                                   திருநெல்வேலியில் பெருமையுடன் எழுந்தருளி
                                   கருணையுடன் அடியவர் நலன்களைப் பேணும்

                                                        சரணம்

                                   தாமிரசபைதனில் நடமிடும் ஈசனும்
                                   மாமயில் வாகனன் கணபதி இந்திரன்
                                   நாமகள் மலரயன் பூமகள் கேசவன்
                                   பாமரர் பண்டிதர் அனைவரும் போற்றும்

பட்டீச்வரம் துர்கை

                     பட்டீச்வரம் துர்கை

                                            பல்லவி

                             மாதா ஶ்ரீதுர்கே கேசவன் சோதரி
                             நீதான் எனக்கருள வேண்டும்

                                           அனுபல்லவி

                             ஆதாரம் நீயே மூவுலகிற்கும்
                             வேதாகம புராணங்கள் போற்றும்

                                                சரணம்

                              சாதாரணரும் சான்றோரும் முனிவரும்
                              மோதகப்பிரியனும் முத்துக்குமரனும்
                               பூதகணங்களும் தேவரும் பணிந்திடும்
                               ஆதிசக்தி பட்டீச்வரம் வளர்

           

கண்ணனை......

                       கண்ணனை......

                                           பல்லவி

                         கண்ணனை முகில் வண்ணனை வாசுதேவனை
                         தென்துவரைப் பதிதனில் கண்குளிரக் கண்டேன்

                                         அனுபல்லவி

                          செண்பகலக்ஷ்மியும் கோப்ரளய முனிவரும்
                           பிரமனும் ப்ருகுவும் அக்னியும் பணிந்திடும்

                                               சரணம்

                          ஆவினங்கள் காக்க ஆயர் குலம் தழைக்க
                           கோவர்த்தன மலையைக் குடையாகப் பிடித்தவனை
                           மூவடியாலுலகளந்து மாவலியை வென்றவனை
                           தேவகி மைந்தனை மாதவனைக் கேசவனை




                   ராகம்: காபி
                   தாளம்: க.சாபு

கணபதி நீயே.......

ஸ்ரீகண்ட-தநய ஸ்ரீச ஸ்ரீகர ஸ்ரீதளார்ச்சித
ஸ்ரீவினாயக ஸர்வேச ஸ்ரீயம் வாஸய மே குலே

ஹாலாஹலம் என்னும் கொடிய விஷத்தை உண்டு, அதனை தனது கழுத்திலேயே நிறுத்திக் கொண்ட ஸ்ரீபரமேஸ்வரனின் புதல்வரே!, அனைத்துச் செல்வங்களுக்கும் அதிபதியே!, உபாஸிப்பவர்களுக்கு அஷ்ட-லக்ஷ்மிகளின் அருளைத் தருபவரே!, மஹா-லக்ஷ்மி நித்யவாசம் செய்யும் வில்வ பத்ரத்தால் பூஜிக்கப்படுபவரே!, தனக்கு மேல் ஒருவர் இல்லாத தலைவரே!, என்னுடைய குலத்தில் மஹாலக்ஷ்மி என்றும் நித்யவாசம் செய்யும்படி அருள்வாயாக !!

                           கணபதி நீயே.......

                                                பல்லவி

                                  கணபதி நீயே கனிந்தருள்வாயே
                                  மணம் தரும் மலர் தூவி உன் பதம் பணிந்தேன்

                                              அனுபல்லவி

                                  வணங்கிடுமடியார்க்கு நலன் தரும் கரிமுகனே
                                  தனம்தரும் திருமார்பன் கேசவன் மருகனே

                                                    சரணம்

                                  ஆலகாலமுண்ட நீலகண்டன் மகனே
                                  சீலமிகு திருவுறையும் வில்வமதில் பூசிக்கும்
                                  கோலம் கொண்டவனே தனக்கு நிகரில்லாத
                                  பாலனே என் குலம் தழைத்திட வேண்டினேன்

குருவாயுரப்பன்.........

                      குருவாயுரப்பன்.........

                                                பல்லவி

                            குருவாயுரப்பன் திருப்பாதம் பணிந்தேன்
                           கருணையே வடிவான கருநீலவண்ணன் கண்ணன்

                                              அனுபல்லவி

                             அருமாகடலமுதன் திருத்தங்கும் மணிமார்பன்
                              ஶ்ரீமன் நாராயணன் ஶ்ரீ பாலக்ருஷ்ணன்

                                                சரணம்

                               தனம் புகழ் கல்வி நல்லன வென்று
                               அனைத்தும் பெருவாழ்வும் அளித்திடும் கேசவன்
                               முனைப்புடன் துதித்திடும் அடியவர்க்கெல்லாம்
                               வினைப்பயன்கள் நீக்கி வீடு பேரளிக்கும் 

வாசுபுரத்தப்பனை.......

                   வாசுபுரத்தப்பனை.......

                                                  பல்லவி

                    வாசுபுரத்தப்பனை வாடனம் குறிச்சியில் கண்ணாரக் கண்டேன்
                    ஆசையுடனவன் திருவடி பணிந்து நேசமுடன் துதித்தேன்

                                                அனுபல்லவி

                     வாசமலர்கள் கோர்த்த மாலைகள் சூடிய கேசவன்
                     தேசுடை மூர்த்தி மாசற்ற சோதியன் பேசும் தெய்வம்

                                                       சரணம்

                       பற்பலரும் போற்றும் அற்புத எழில். கொஞ்சும் திருமேனி
                       கற்கண்டோ தேனோ கனிரசமோ என்றினிக்கும் திருநாமம்
                       நற்பலன்கள் பலவும் பணிந்தோர்க்கருளும் திருவுள்ளம்
                       நற்றவ முனிவரும் தேவரும் துதித்திடும் மலர்ப் பதத்தினன்



                     தாளம்:சங்கீர்ண ஜம்பை

இடைமருதூர் அன்னையே........

                இடைமருதூர் அன்னையே........

                                    பல்லவி

                      இடைமருதூர் அன்னையே உன்னையே சரணடைந்தேன்
                      கடைக்கண்ணருள் தந்து ஆட்கொள்ள வேண்டுமென

                                     அனுபல்லவி

                      சடையன் விடைபாகன் மகாலிங்கம் மனம் விரும்பும்
                      கொடியிடையே பேரழகே பெருநலமுலையாளே

                                           சரணம்

                      நான்முகனும் நான்மறையும் சண்முகனும் கணபதியும்
                      வானவர்கோனிந்திரனும் சனகாதி முனிவர்களும்
                      வான்மதியும் கதிரவனும் எண்திசைபாலரும்
                      நாமகளும் பூமகளும் கேசவனும் போற்றும்


                     தாளம்:சங்கீர்ணஜம்பை

இடைமருதூர்........

                        இடைமருதூர்........

                                                     பல்லவி

                                        இடைமருதூர் விடைபாகா
                                        உன் பாதம் சரணடைந்தேன்

                                                     அனுபல்லவி

                                         சடையா தோடுடைய செவியா
                                         மதிபனல் சூடிய மாதொருபாகா

                                                          சரணம்

                                         தீயவனாய்த் திரிந்து தீச்செயல்கள் புரிந்தேன்
                                         காயம் சதமென்று நாளும் களித்திருந்தேன்
                                         மாயப்பிறப்பறுக்கும் மருந்தே உனதருளால்
                                         மனம் திருந்தித் துதித்தேன் கேசவன் நேசனே

                            தாளம்: சங்கீர்ண ஜம்பை

தாயே சாமுண்டீஸ்வரி

                தாயே சாமுண்டீஸ்வரி 

                                      பல்லவி

                             தாயே சாமுண்டீஸ்வரி
                             நீயேயென்றும் என் துணை

                                       அனுபல்லவி

                             மாயன் மரகதவண்ணன்
                              கேசவன் சோதரி

                                          சரணம்

                            ஓயாது உன் நாமம் நினைத்திடும் மனமும்
                            நோயற்ற வாழ்வும் குறைவற்ற செல்வமும்
                            தந்தருள வேண்டியே தினமுனைப் பணிந்தேன்
                            தேயாத புகழ் மேவும் பூவனூர் தலம் வளர்


                        தாளம்:ரூபகம்

பாதாரவிந்தம்......

                        பாதாரவிந்தம்......

                                             பல்லவி

                               பாதாரவிந்தம் பணிந்தேன் காத்திடுவாய்
                               மாதா ஶ்ரீ சாமுண்டீஸ்வரி

                                           அனுபல்லவி

                               வேதாகம சாஸ்திரங்கள் போற்றும்
                                ஶ்ரீலலிதா திரிபுரசுந்தரி

                                                  சரணம்

                                நீதான் புவியனைத்தும் காக்கும் புவனேஸ்வரி
                                அன்னம் அளித்திடும் அன்னபூரணி
                                ஆதாரம் நீயே உயிரனைத்திற்கும் மாயே
                                கேசவன் சோதரி ராஜராஜேஸ்வரி

                     ராகம்: சுருட்டி
                     தாளம்: திச்ர துருவம்

அருள் தருவாய்.......

                     அருள் தருவாய்.......

                                             பல்லவி

                                அருள் தருவாய் ஶ்ரீ சாமுண்டீஸ்வரி
                                மன இருள் அகன்றிட தினமுனைப்பணிந்தேன்

                                            அனுபல்லவி

                                இருவினைப் பயன்களால் படுந்துயர் நீங்கவும்
                                தருமநெறிதனில் இனிது வாழவும்

                                                சரணம்

                                ஊசி வழி செல்லும் நூலென மனமும்
                                ஆசையில் புலன்களின் போக்கினில் போகும்
                                மாசிலா அன்னையே கேசவன் சோதரி
                                நேசக்கரம் நீட்டி தடுத்தரவணைத்து


                        தாளம்:ஏகதாளம்

தஞ்சமடைந்தேன்.........

                         தஞ்சமடைந்தேன்.........

                                                     பல்லவி

                                          தஞ்சமடைந்தேன் தாயே  மன
                                          சஞ்சலம் களந்திடுவாயே

                                                       அனுபல்லவி

                                          அஞ்சிடச்செய்யும் பவபயம் போக்கி
                                          நெஞ்சினில் நிறைவும் அமைதியும் பெறவே

                                                              சரணம்

                                           வெஞ்சமரில் அரக்கர் குலமழித்து
                                           அஞ்சலென்றபய கரம் நீட்டும்
                                           பஞ்சபாணப் பயிரவியே
                                           கேசவன் சோதரி சாமுண்டீஸ்வரி


                              தாளம்:திச்ர ஜம்பை

பொங்கரவும்...........

                           பொங்கரவும்...........

                                                பல்லவி

                            பொங்கரவும் திங்களும் சூடிய சங்கரி சாமுண்டீஸ்வரி
                            மங்களம் தந்தருள்வாய் மலர்ப்பதம் பணிந்தேன் சிவகாமேச்வரி

                                             அனுபல்லவி

                            சங்கரன் பங்கிலுறை அங்கயற்கண்ணி அகிலாண்டேஸ்வரி
                            சிங்க வாகனம் தனிலமர் ஈச்வரி கேசவன் சோதரி

                                                  சரணம்

                             எங்கும் நிறைந்திருக்கும் ஆதிபராசக்தி ஶ்ரீக்ருஷ்ணமாரி
                             பொங்கும் அருள் மழை பொழிந்திடும் அங்காளபரமேஸ்வரி
                             தங்கும் பொருளும் கல்வியும் நல்கும் ரமாவாணி ப்ரியசகி
                             மங்காத புகழ் மேவும் பூவனூர் தலம் வளர் ராஜராஜேஸ்வரி

                      தாளம்: சதுரஸ்ரடை

ஆதரவு நீயே.........

                        ஆதரவு நீயே.........

                                                     பல்லவி

                              ஆதரவு நீயே அம்மா ஶ்ரீ சாமுண்டீஸ்வரி
                              வேதனை தீர்த்தருள்வாய் என்றுன் பாதம் பணிந்தேன்

                                                  அனுபல்லவி

                              வேதசாஸ்த்திர இதிகாச புராணங்கள் போற்றும்
                              நாத வடிவினளே கேசவன் சோதரி ஆதிபராசக்தி

                                                        சரணம்

                              தேவரும் அசுரரும் பூதகணங்களும் தேவேந்திரனும்
                              மூவரும் முனிவரும் சனகாதியரும் எண்திசை பாலரும்
                              தேவியர் கலைமகள் அலைமகள் மலைமகள் கன்னியரெழுவரும்
                              யாவரும் துதித்திடும் அம்பிகையே மகாதிரிபுரசுந்தரி


                      ராகம்: லதாங்கி
                      தாளம்:சங்கீர்ண ரூபகம்

  

நினைத்தாலும் போதும்.....

                      நினைத்தாலும் போதும்.....

                                                      பல்லவி

                               நினைத்தாலும் போதும் மனத்திலவள் நாமம்
                               அனைத்து நலன்களும் தருவாள் ஶ்ரீ சாமுண்டீஸ்வரி

                                                    அனுபல்லவி

                               வனப்புமிகு ஈசன் சதுரங்கவல்லபநாதன்
                               மனையாள் ஶ்ரீராஜராஜேச்வரியின் தோழியை
   
                                                       சரணம்

                               தனக்குவமையில்லா கேசவன் சோதரி
                               எனக்கருளவென்று பூவனூர் எழுந்தருளி
                               வினைப்பயன்கள் போக்கி தனிக்கருணை பொழிந்தாள்
                               முனைப்புடனே அனுதினம் அவள் பாதம் பணிந்தேன்


                      இராகம்: திலங்
                       தாளம்: க.சாபு

துதித்தேன் அன்னையே....

                            துதித்தேன் அன்னையே....



                                         பல்லவி

                      துதித்தேன் அன்னையே உன்னையே ஶ்ரீசாமுடீச்வரி
                      கதி நீயே காத்தருள்வாய் ஶ்ரீமகா திரிபுரசுந்தரி

                                      அனுபல்லவி

                      உதிக்கும் கதிரவன் மதியோன் நரர்சுரர் முனிவர்கள்
                      மதிக்கும் ஈச்வரி சங்கரி கேசவன் சோதரி

                                         சரணம்

                     எதிர்த்திடும் அரக்கரை வதைத்திடும் வலிவினள் காளி
                     ரதிபதி மயங்கிடும் அதிசய வடிவினள் பைரவி
                     விதியையும் மாற்றும் வல்லமை படைத்தவள் ஆதிபராசக்தி
                     எதிலும் எங்கும் நிறைந்தவள் விச்வேச்வரி ஈசப்ரியசகி


                தாளம்: ச.அடை

தயைபுரிவாய்....

                         தயைபுரிவாய்....

                                               பல்லவி

                                     தயை புரிவாய் ஶ்ரீ சாமுண்டீச்வரி
                                     பக்தியுடன் உன் பதமலர் பணிந்தேன்

                                               அனுபல்லவி

                                    அயனரி அரனும் தேவரும் முனிவரும்
                                    நயமுடன் போற்றும் கேசவன் சோதரி

                                                     சரணம்

                                     இயலிசை நாடகம் படைத்திடும் திறமையும்
                                     பயன் தரும் கலைகளும் கல்வியும் செல்வமும்
                                     வியத்தகு வெற்றியும் துயரிலா மேன்மையும்
                                     உயரிய வாழ்வும் அடைந்திடும் வண்ணம்

வாடானம்குறிச்சி வாசுபுரத்தப்பன்

                வாடானம்குறிச்சி வாசுபுரத்தப்பன்

                                                பல்லவி

                             வாடானம் குறிச்சி வாசுபுரத்தப்பன் பதம்
                             கோடானுகோடி முறை நமஸ்கரித்தேன்

                                             அனுபல்லவி

                             தேடாமலே என் முன் எழுந்தருளியவனும்
                             பாடல் பாடென்று எனையே பணித்தான்

                                                  சரணம்

                             மாடுகள் மேய்த்திடும் ஆயர்குலபாலன்
                             ஆடல் பாடல் கலைகளில் வல்லவன் கேசவன்
                             நாடித்துதித்திடும் நல்லடியார் நலம் காத்து
                             வீடு சுற்றமுடன் நீடூழி வாழ வைக்கும்

                    புது சித்தர் (14)

         சீரும் சிறப்பும் பேரும் புகழனைத்தும்
         பாரிலனைவருக்கும் சீவனுள்ள மட்டுமே
         கூடுவிட்டாவி போன பின்னாலே
         யாரும் குறிப்பிட்டுச் சொல்லுவதோ பிணம்

உமாமகேச்வரி...

                          உமாமகேச்வரி...

                                                    பல்லவி


                                   உமாமகேச்வரி கல்யாணி சாமுண்டேச்வரி
                                   இமாச்சல குமாரி சுகுமாரி எனக்கருள்வாய்

                                                   சமஷ்டி சரணம்

                                   குமாரன் சண்முகன் கணபதியுட(ன்)னே நான்மறைபோற்றும்
                                   கமலாமனோகரி கௌரி ஶ்ரீலலிதாதிரிபுரசுந்தரி
                                   உமாமகேச்வரன் சர்வேச்வரன் மனம் விரும்பும்
                                   கிருபாகரி சங்கரி கேசவன் சோதரி

                    தாளம்:
                     கண்டமட்யம்

கருவேலி சர்வாங்க சுந்தரி

                 கருவேலி சர்வாங்க சுந்தரி

 
                                                 பல்லவி

                                     சுந்தரி உந்தன் பாதகமலங்களை
                                     வந்தனை புரிந்தேன் எந்தனுக்கருள்வாய் - ( சர்வாங்க)


                                                  அனுபல்லவி

                                      கந்தன் கணபதி சற்குணேச்வரரும்
                                       அன்புடன் போற்றும் கருவேலிவளர்

                                                         சரணம்

                                       இந்திராதி தேவரும் அசுரரும் கணங்களும்
                                       சந்திர சூரியன் சனகாதி முனிவரும்
                                       அலைமகள் கலைமகள் அனைவரும் துதித்திடும்
                                       ஶ்ரீ லலிதாம்பிகையே கேசவன் சோதரி

மணக்குள விநாயகன்

                        மணக்குள விநாயகன்

                                                    பல்லவி

                                      மணக்குள விநாயகனை மனமாரப்பணிந்தேன்
                                      பணம் புகழ் கல்வி அனைத்தையும் அளித்திடும்

                                                   அனுபல்லவி

                                      கணங்களின் அதிபதி கணபதி குணநிதி
                                      வணங்கிடும் அடியவர் நலங்களைப் பேணும்

                                                          சரணம்

                                      சேவற்கொடியோன் சிங்காரவேலனும்
                                      தேவரும் மூவரும் முனிவரும் அசுரரும்
                                      வேந்தரும் மாந்தரும் யாவரும் துதித்திடும்
                                      வேழமகத்தினன் கேசவன் மருகன்

திருவட்டாறு ஆதிகேசவன்

                   திருவட்டாறு ஆதிகேசவன்

                                                பல்லவி


                              வட்டாற்றில் பள்ளி கொண்ட
                              எட்டெழுத்தானை எப்போது காண்பேனோ - திரு

                                               அனுபல்லவி

                              பட்டாடை பரிவட்டம் கிட்டாமல் போனாலும்
                               எட்டி நின்றேனும்  -  திரு

                                                     சரணம்

                              கட்டழகுத் திருமேனி பவளவாய்
                              சுட்டும் விழிக் கமலம் சூரியனும் சந்திரனும்
                              பட்டுப் பீதாம்பரம் துளபம் கௌஸ்துபம்
                              அணிந்த ஆதி கேசவனை
                                 


                      இராகம்:வராளி
                      தாளம்: துருவதாளம்

சாரமதி மைந்தனை ....

                                    சாரமதி மைந்தனை ....



                                          பல்லவி

                            சாரமதி மைந்தனை சரவணனை
                            வடிவேலனைப் பணிவாய் மனமே

                                          அனுபல்லவி

                            நாரணன் மருகனை முருகனை
                            பாரனைத்தும்போற்றும் சண்முகனை குகனை

                                                சரணம்

                            வீரனை வள்ளி தெய்வானை லோலனை முத்துக்குமரனை
                           தீராவினை தீர்க்கும் தென்பழனியாண்டவனை முக்கண்ணன் மகனை
                            சூரனை மாய்த்தவனை சேவற்கொடியோனை செந்தமிழ்க்கடவுளை
                            மாரனை மிஞ்சும் அழகனை ஆறுமுகனை கேசவப்பிரியனை

         *சங்கீர்ணதிரிபுடை

பாலகிருஷ்ணன் லீலையை...

                பாலகிருஷ்ணன் லீலையை...

                                                 பல்லவி


                             பாலகிருஷ்ணனின்  லீலையைக் காண
                             கண்ணாயிரம் வேண்டாவோ - (கோ) ( ஶ்ரீ)

                   
                                              அனுபல்லவி

                             ஞாலமுண்ட வாயன் ஆலிலைபாலன்
                              நீலநிறத்தழகன்  மாலன் கேசவன் (கோ) (ஶ்ரீ)

                                                   சரணம்

                              நீலமயில் பீலி கொண்டையில் சூடி
                              காலில் சிலம்பணிந்து கைவளைபூட்டி
                              பூலோகம் கேட்டு மகிழும் வண்ணம்
                              கோலமுடன் நின்று குழலூதும்     (கோ) (ஶ்ரீ)

                               கோவர்த்தன மலையைக் குடையெனப் பிடித்து
                               ஆவினங்களை அரவணைத்துக் காத்து
                               தேவரின் நலம் காக்கத் துணையாய் நின்று
                               மாவலியின் கர்வம்தனை மூவடியால் வென்ற (கோ) (ஶ்ரீ)

                               பால்தயிர் வெண்ணையைத் திருடியுண்டு
                               கால் கைகள் மேனி உரலில் கட்டுண்டு
                               சேல்விழி கோபியர்கள் மனங்களை கவர்ந்து
                               காளிங்கன் தலைமீது களிநடம் புரிந்த    (கோ) (ஶ்ரீ)

பெரும்புதூர் எதிராஜநாதவல்லித் தாயார்

                         பெரும்புதூர் எதிராஜநாதவல்லித் தாயார்




                                                பல்லவி

                             நாதவல்லியின் பாதம் மணிந்தேன்
                             உடையவர் உதித்த பெரும்புதூர்  - எதிராஜ

                                              அனுபல்லவி

                             காதணிகள் ஒளிவீச கமலமலர் கையிலாட
                             ஆதிகேசவன் அருகிருந்து போற்றும்

                                                  சரணம்

                             வேதபுராணங்கள் இதிகாசங்கள் மற்றும்
                             மேதினியனைத்தும் துதிசெய்யும்
                             மாதவன் மனங்கவர் மாதவளின்
                             யாதுமாகி நின்ற மகாலக்ஷ்மியின்

பெரும்புதூர் ஆதிகேசவன்

                  பெரும்புதூர் ஆதிகேசவன்

                                                  பல்லவி

                                  ஆதிகேசவன் மலர்த்தாள் பணிந்தேன்
                                  மாதா எதிராஜவல்லி மனங்கவர்

                                                 அனுபல்லவி

                                   மேதினி மாந்தரும் பிரமனும் சிவனும்
                                   சுகசனகாதியரும் தேவரும் துதித்திடும்

                                                      சரணம்

                                   வேதியர் மறையோத வேழம் கவரிவீச
                                   மாதரார் இனிதே மங்கலப்பண்ணிசைக்க
                                   நாதஸ்வரம் முழங்க நல்லடியாருடன் செல்ல
                                   வீதி வலம் வரும் திருப்பெரும்புதூர்