சயனகோலத்தில்....
பல்லவி
சயனகோலத்தில் காட்சிதரும் ராமனை
வியந்த வண்ணம் கண்டு உளமாரத் துதித்தேன்
துரிதம்
அயனரனிந்திரன் சுகசனகாதியர்
நரர்சுரரனைவரும் கரம்பணிந்தேத்தும்
அனுபல்லவி
அயோத்தியர் கோமானை ஶ்ரீஜெயராமனை
கயவர்களரக்கரை வதம் செய்த கேசவனை
சரணம்
கயல்விழியாள் ஜனகியை கரம்பிடித்த மன்னவனை
தயரதன் மைந்தனைத் தாமரைக் கண்ணனை
துயர் துடைக்கும் திருநாமம் உடையவனை உத்தமனை
அயர்வற அவனியோர் துதித்திடும் அழகனை
No comments:
Post a Comment