ஶ்ரீமகாகணபதியை......
பல்லவி
ஶ்ரீமகாகணபதியை மனமாரத் துதித்தேன்
கோமந்தகத் தலத்தில் கோயில் கொண்டிருக்கும்
துரிதம்
தேவரும் மூவரும் நந்தியும் கணங்களும்
சேவற்கொடியோன் முருகனும் துதித்திடும்
அனுபல்லவி
பூமண்டலந்தனில் அனைவரும் முதல் வணங்கும்
முழுமுதற்கடவுளை ஓங்கார வடிவினனை
சரணம்
சாம முதல் வேதங்களும் சாஸ்த்திர புராணங்களும்
பாமரரும் பண்டிதரும் அனைவரும் போற்றும்
விக்ன விநாயகனை தும்பிமுகப் பெருமானை
தாமரைப் பதத்தினனை கேசவன் மருகனை
ராகம்: சௌராஷ்டிரம்
தாளம் : க.சாபு
No comments:
Post a Comment