மங்களம் சுப மங்களம்
பல்லவி
மங்களம் சுப மங்களம் கணபதிக்கு
மங்களம் ஜெய மங்களம் சுமுகனுக்கு
அனுபல்லவி
திங்கள் பிறையணிந்த மூர்த்திக்கு மங்களம்
சங்கடமிடர் களையும் தேவனுக்கு மங்களம்
சரணம்
சங்கரனுமை பெற்ற மைந்தனுக்கு மங்களம்
பங்கய நாபன் கேசவன் மருகனுக்கு
மங்கள மூர்த்திக்கு அழகிய மங்களம்
எங்கும் நிறை வேழமுகனுக்கு மங்களம்
செங்கதிரோனொளியையும் மிஞ்சும் கரிமுகனுக்கு
சங்கரி மகனுக்கு சுபமங்களம்
திங்களும் ஞாயிறும் திசைகளும் போற்றும்
பங்கயப் பாதன் கணநாதனுக்கு மங்களம்
No comments:
Post a Comment