கோவிந்தா……
பல்லவி
கோவிந்தா உந்தன் பதமலர் பணிந்தேன்
பிட்ஸ்பர்க் திருத்தலத்தில் எழுந்தருளிக்காட்சி தரும்
துரிதம்
முருகன் கணபதி பசுபதி பார்வதி
கருடன் அனுமனனைவரும் துதித்திடும்
அனுபல்லவி
தேவி பத்மாவதி உடனிருந்து போற்றும்
தேவாதி தேவா கேசவா மாதவா
சரணம்
மூவாசைப் பிணி போக்கும் முன் வினைப் பயன் நீக்கும்
காவலனே காக்கும் கடவுளே திருமாலே
தூவி மலர் சொரிந்து துதிப்பவர்க்கெல்லாம்
தாவி வந்து அருளளிக்கும் திருமலைவாசனே
No comments:
Post a Comment