பரிகாசம் ஏனய்யா...

                                  பரிகாசம் ஏனய்யா...




                                        பல்லவி

                              பரிகாசம் ஏனய்யா கேசவா
                              புரியாதவன் போல் சிலையாக நின்று

                                        அனுபல்லவி

                              பரிந்தருள் பெறவேண்டி பாடிடும் எனையே
                              தெரியாதவன் போல்  பாவனை கொண்டு

                                              சரணம்

                                தரித்திரன் குசேலன் கேட்காமலே
                                கருணையுடன் பொருள் அள்ளி அளித்தாய்
                                கரிராஜன் அழைத்ததும் விரைந்து சென்றாய்
                                சரி நிகரிவருக்கு நானும் இல்லையா
      

தேவி நீயருள்வாய்

                                       தேவி நீயருள்வாய்
 


                                               பல்லவி


                                       தேவி நீயருள்வாய்
                                       கூத்தனூர் தலம் வளர் சரச்வதி

                                                அனுபல்லவி

                                       தேவரும் மூவரும் நாரதரும்
                                       யாவரும் போற்றும் அன்னையே

                                                      சரணம்

                                         நற்றவ முனிவரும் ஞானியரும்
                                         பற்றிலா யோகியர் கொற்றவனும்
                                         மற்றும் அலைமகள் மலைமகள் கேசவனும்
                                         பற்றிப் பணிந்திடும் பதத்தினளே



             தாளம்: ரூபகம் 

மகிஷாசுரமர்த்தினி

                                          மகிஷாசுரமர்த்தினி


                                                     பல்லவி

                                  மகிஷாசுரமர்த்தினி மலர்ப் பதம் பணிந்தேன்
                                  மகிடனை மாய்த்த அன்னையே    ஶ்ரீ

                                                   அனுபல்லவி

                                  மகாமாயே பாகவதம் போற்றும்
                                  ஶ்ரீலலிதா  திரிபுரசுந்தரி

                                                       சரணம்

                                  மகாலக்ஷ்மியும் சரச்வதியும் நீயே
                                  மகாதேவனும் பிரமனும் பணிந்திடும்
                                  மகாதேவி கேசவன் சோதரி
                                  மகிதலம் போற்றும் நவராத்திரி நாயகி

                                                     துரிதம்

                                   சுகசனகாதியர் சுரபதி அமரர்கள்
                                   சந்திரன் சூரியன் அனைவரும் துதித்திடும்

சாரதாம்பாளின் ........

                           சாரதாம்பாளின் ........

                                                          பல்லவி

                                       சாரதாம்பாளின்  பாதகமலங்களை
                                       ஆராதனை புரிந்தேன்  அன்னை

                                                       அனுபல்லவி

                                       நாரதர் நான்முகன் நான்மறை போற்றும்
                                       பாரதி அழகிய சிருங்கேரி நகர் வளர்

                                                           சரணம்

                                       காரணகாரியமனைத்துமவளே
                                       கல்வியும் கலைகளும் அளிப்பவளவளே
                                       நேரெதிர் தோன்றியே சங்கரர்க்கருளிய
                                       பூரணி  கேசவன் துதித்துப் போற்றிடும்

கமலமலரமர் கலைவாணி

                                       கமலமலரமர் கலைவாணி.....

                                                  பல்லவி

 
                                   கமலமலரமர் கலைவாணி உன்றன்
                                   கமலபதம் பணிந்தேன் அருள்புரிவாய் - வெள்ளை

                                                  அனுபல்லவி

                                    அமரேந்திரனும் அமரரும் முனிவரும்
                                    கமலாலயனும் கேசவனும் போற்றும்

                                                       சரணம்

                                     செந்தமிழ்மொழிதனில் பாவலர் பாடிடும்
                                      சந்தக் கவிகளில் யாழின் ஓசையில்
                                      மந்திர வடிவில் வணங்கிடும் ஞானியர்
                                      சிந்தையில் நிலவிடும் சுந்தரி பாரதி
                                   
                             

ஏரம்ப கணபதி

                               ஏரம்ப கணபதி

                                                        பல்லவி

                                      ஏரம்ப கணபதியை மனமாரத்துதித்தேன்
                                      விரிஞ்சிபுரம் திருத்தலத்தில் கோயில் கொண்டிருக்கும்

                                                      அனுபல்லவி

                                       பூரணம் நிறைந்த மோதகக்கையனை
                                       ஶ்ரீரங்கநாதன் கேசவன் மருகனை

                                                          சரணம்

                                        மார்க்கபந்தீச்வரரும் மரகதாம்பிகையும்
                                        மனம் குளிரக்கொண்டாடும் தலைமகனைக் கரிமுகனை
                                        பிரமனும் இந்திரனும் குமரனும் போற்றும்
                                        வாரணமுகத்தோனை வலம்புரி விநாயகனை

பள்ளிகொண்டான் ரங்கநாதன்

                பள்ளிகொண்டான் ரங்கநாதன்

                                            பல்லவி

                                ஶ்ரீரங்கநாதனை மனமாரத்துதித்தேன்
                                பாரெங்கும் புகழ் விளங்கும் பள்ளிகொண்டானை

                                             துரிதம்

                                நாரதர் நான்முகன் சுகசனகாதியர்
                                மார்க்கபந்தீச்வரன் கரம் பணிந்தேத்தும்

                                              அனுபல்லவி

                                மாரனையீன்ற மதுசூதனனை
                                கோர அரக்கர் குலமழித்த கேசவனை

                                                  சரணம்

                                சாரங்கபாணியாய் குடந்தையில் கிடந்திடும்
                                ஆராவமுதனை அன்பர்க்கன்பனை
                                ஶ்ரீரங்கநாயகி தங்கும் திருமார்பனை
                                பாற்கடல்வாசனை ஶ்ரீமன் நாராயணனை

மரகதாம்பிகையின்......

                   மரகதாம்பிகையின்......

                                                பல்லவி

                            மரகதாம்பிகையின் அரவிந்த மலர்ப்பதம்
                            சரணடைந்தேன் பவபயம் களைந்தேன் ஶ்ரீ

                                              அனுபல்லவி

                            பரமேச்வரன் மார்க்கபந்தீச்வரன் போற்றும்
                            பரமேச்வரி கௌரீ கேசவன் சோதரி

                                                  சரணம்

                            நரர்சுரரும் நான்முகனும் முனிவர்களும் கோள்களும்
                            சுரபதியும் கணபதியும் தேவசேனாபதியும்
                            சரச்வதியும் திருமகளும் நந்தியும் கணங்களும்
                            கரம் பணிந்தேத்தும் அகிலாண்டேஸ்வரி 

விரிஞ்சிபுரம் சிவனை.....

                விரிஞ்சிபுரம் சிவனை.....

                                               பல்லவி

                           விரிஞ்சிபுரம் சிவனை மார்க்கபந்தீச்வரனை
                           அரியயனும் போற்றும் ஈச்வரனைப் பணிந்தேன்

                                              அனுபல்லவி

                           கரிமுகன் ஏரம்பகணபதியும் முருகனும்
                           மரகதாம்பிகையும் உடனிருந்து போற்றும்

                                                   சரணம்

                            திரிபுரமெரித்து அரக்கனை வதைத்த
                            திரிபுராந்தகனை கேசவன் நேசனை
                            நரியைப் பரியாக்கி பக்தனைக் காத்தவனை
                            கிரிராஜன் புதல்வியை மணந்த மகேச்வரனை

அலங்காரம் கண்டேன்........

                   அலங்காரம் கண்டேன்........

                                                  பல்லவி

                              அலங்காரம் கண்டேன் அகமகிழ்ந்து நின்றேன்
                              நிலமகளே ஶ்ரீலக்ஷ்மிநாராயணி உன்றன்

                                               அனுபல்லவி

                              தலங்களுள் சிறந்த திருமலைக்கோடியில்
                              நலம் பலவும் பக்தருக்கு அளித்திடவே விழையுமுன்

                                                   சரணம்

                              மலர்மாலை மணிமாலை பொன்மாலை சூடி
                              தலையினில் அழகிய பொற்கிரீடமணிந்து
                              நிலையாத உலகில் நிலைத்து நிற்கும தாயே
                              அலைமகளே கேசவனும் நேசிக்கும் திருமகளே

நாராயணி

                       நாராயணி 

                                        பல்லவி

                           நாராயணி உந்தன் பாதம் பணிந்தேன்
                           தீராவினை தீர்க்கும் தாயே - ஶ்ரீ லஷ்மி

                                         துரிதம்

                           நாரணன் நான்முகன் நரர்சுரர் இந்திரன்
                           நாரதரனைவரும்  கரம் பணிந்தேத்தும்

                                        அனுபல்லவி

                           மாறாத பக்தியுடன் துதித்திடுமடியார்க்கு
                           பேரானந்தம் அளித்திடும் தேவி

                                           சரணம்

                           நாற்கவியும் நான்மறையும் கேசவனும் போற்றும்
                           பாற்கடலன்னையே பங்கயபதத்தினளே
                           சீர்மல்கும் திருமலைக்கோடியில் எழுந்தருளி
                           பார் புகழ வீற்றிருக்கும் பரமதயாகரி

திருமலைக்கோடி லஷ்மிநாராயணி

                திருமலைக்கோடி லஷ்மிநாராயணி

                                             பல்லவி

                           தங்க கோயிலில் குடிகொண்டிருக்கும் - ஶ்ரீ
                           லஷ்மிநாராயணியுன் மலர்ப்பதம் பணிந்தேன்

                                            அனுபல்லவி

                           செங்கண்மால் கேசவனும் பிரமனும் ஈச்வரனும்
                            கரம் பணிந்தேத்தும் திரிபுரசுந்தரி

                                                சரணம்

                            தங்கத்திருமேனி அங்கம் பளபளக்க
                            பொங்கும் பொலிவுடனே திருமலைக்கோடியில்
                            எங்களைக் காத்தருள எழுந்தருளிக் காட்சிதரும்
                            பங்கயபதத்தினளே செங்கமலநாயகி

பூவனூர் கல்யாணியம்மன்

                 

              பூவனூர் கல்யாணியம்மன்

                                             பல்லவி


                             கல்யாணி அம்மனை மனமாரத் துதித்தேன்
                             கைலாசநாதர் உடனிருந்து போற்றும்

                                            அனுபல்லவி

                              அல்லலிடர் களையும் கேசவன் சோதரி
                              செல்வம் குலம் கல்வி நல்வாழ்வுமளித்திடும்

                                               சரணம்

                              வல்லரக்கரையழித்து நல்லவரைக் காத்த
                              மெல்லிடையாளை அகிலாண்டேஸ்வரியை
                              சொல்லுக்கடங்காத வடிவுடையாளை
                              நல்லடியார் பலர் வாழும் பூவனூர் தலத்துறையும்
                  

பூவனூர் அம்பிகையே...

                  பூவனூர் அம்பிகையே...

                                    பல்லவி

                       பூவனூர் அம்பிகையே ஶ்ரீ சாமுண்டீஸ்வரி
                       புகலடைந்தோர் நலம் காக்கும் ஶ்ரீக்ருஷ்ணமாரி

                                    அனுபல்லவி

                       ஆவலுடன் நீராடும் அன்பர் நோய்நொடி போக்கும்
                       கரும் குட்டம் தீர்க்கும் அருங்குளம் விளங்கும்

                                           சரணம்

                        தீவினைகள் ஏவுதல்கள் அனைத்தும் நீக்கி
                        காவல் புரிந்திடும் கருணைக் கடலே
                        நாவுக்கரசரும் ஞானசம்பந்தரும்
                        பண்ணிசைத்துப்பாடிய கேசவன் சோதரி

ஶ்ரீலக்ஷ்மிநாராயணன்

                        ஶ்ரீலக்ஷ்மிநாராயணன்.....

                                                பல்லவி

                            ஶ்ரீலக்ஷ்மிநாராயணன் திருவடி சரணடைந்தேன்
                            பூலோகம்தனில் சிறந்த பூவனூர் திருத்தலத்தில்

                                              அனுபல்லவி

                            காலன் செருக்கழித்த புஷ்பவனேச்வருடன்
                            கற்பகவல்லியும் ராஜேஸ்வரியும் போற்றும்

                                                    சரணம்

                            தவநெறிகாத்த தர்மவர்மன் ஜடாயுவின்
                            பவபயம் நீக்கி பரிந்தருள் புரிந்தவன்
                            புவிதனில் தருமம் செழித்திட பலமுறை
                            அவதரித்த சென்ன கேசவன்

வரதராஜனின்.......

                     வரதராஜனின்.......

                                               பல்லவி

                           வரதராஜனின் அரவிந்த பதம்தனை
                           ஆராதனை புரிந்தேன்   -    ஶ்ரீ

                                             துரிதம்

                          திருமகள் நிலமகள் இருபுறம் அருகினில்
                          மகிழ்வுடன் விளங்கும் அருள்மிகு அழகிய

                                             அனுபல்லவி

                           அரவணி சங்கரன் நாரதன் நான்முகன்
                           கணபதி முருகனும் கரம் பணிந்தேத்தும்

                                                   சரணம்

                           இரணியனை வதம் செய்த நரசிங்கமூர்த்தி
                           அனைவரும் வணங்கிடும் எழில்மிகு கேசவன்
                           தரணியோர் போற்றும் புகழ்மிகு பூவனூர்
                           தலம்தனில் விளங்கும் கருணாமூர்த்தி

மலரடி பணிந்தேன்...

               மலரடி பணிந்தேன்...

                                              பல்லவி

                                 மலரடி பணிந்தேன் ஶ்ரீ சாமுண்டீச்வரி
                                குலம் காக்கும் எங்கள் குலதெய்வமே உந்தன்

                                             அனுபல்லவி

                                 தலங்களுள் சிறந்த பூவனூர் பதிதன்னில்
                                 நலமுடன் வந்தமர்ந்த கேசவன் சோதரி

                                                  சரணம்

                                 கற்பகவல்லியும் ராஜராஜேஸ்வரியும்
                                 தற்பரன் சதுரங்கவல்லப நாதனும்
                                 நற்றவமுனிவரும் நான்முகனும் போற்றும்
                                 அற்புதமே லலிதா திரிபுரசுந்தரி

பூவனூர் கோதண்டராமன் வீதி உலா

                                 பூவனூர் கோதண்டராமன் வீதி உலா


       
                                                    பல்லவி

                                 கோலமிகு கோதண்டராமன் பூவனூர்
                                 திருவீதி வலம் வரும் கோலம்காண வாரீர்

                                                     துரிதம்

                                 ஆலமுண்ட கண்டன் நீலகண்டன் போற்றும்
                                 ஞாலமுண்டவாயன் கோசலபாலன்

                                                  அனுபல்லவி

                                 நீலவண்ணன் தாளளவு நீண்டகையுடையோன்
                                 தோள்கொடுத்து சுக்ரீவன் துயர்களைந்த மாவீரன்
   
                                                       துரிதம்

                                 சீதாலஷ்மண ஆஞ்சநேயர் போதேந்திரரும் மனம்மகிழ
                                 ஆதவகுலத்துதித்த குணசீலன் மாலன் கருணாலவாலன்

                                                       சரணம்

                                  களிப்புடன் கருடன் மீதமர்ந்து வண்ண
                                  விளக்கொளியும் கூசும் காந்தியுடன் திகழும்  (கோலமிகு..)

                                  அளப்பரிய கருணையுடன் ஆஞ்சநேயர் தோளமர்ந்து
                                  பளபளக்கும் பட்டுடையும் அலங்காரம் புனைந்திருக்கும் (கோல..)

                                  குளம்புயரத்தூக்கி நிற்கும் குதிரைவாகனமமர்ந்து
                                  எளிமையுடன் பக்தருக்கு உளம் குளிர காட்சி தரும் (கோல...)

                                   ஒளிவீசும் அணிமணிகள் மலர்மாலைகள் சூடி
                                   விண்ணவரும் கேசவனும் கண்குளிரக் காணும் ( கோல..)

                                 
                                

சதுரங்கவல்லபநாதன்...

                                     

                       சதுரங்கவல்லபநாதன்...

                                                 பல்லவி

                                 சதுரங்கவல்லபநாதன் தாள் பணிந்தேன்

                                                  துரிதம்

                                 பூவனூர் புனிதன் புஷ்பவனேச்வரன்
                                 புகழ்மிகு ஈச்வரன் புவனம் போற்றும்
                               
                                                  அனுபல்லவி

                                சதுர்முகனும் சதுர்மறையும் முனிவர்களும் கேசவனும்
                                கதிர் வேலவனும் கணபதியும் வணங்கிடும்

                                                    சரணம்

                                கோதண்டராமரும் வரதராஜனும்
                                 சோமஸ்கந்தரும் சண்டேச்வரரும்
                                 வேதம் ஓதும் வேதியர் மற்றும்
                                 பூதகணங்களும் நந்தியும் துதித்திடும்

                                                    துரிதம்

                                 நாவுக்கரசரும் ஆளுடைப்பிள்ளையும்
                                 பாடிய திருத்தலம் நோய்நொடிதீர்க்கும்
                                 பாற்குளம் மற்றும் பாமணியாறுடன்
                                 பலாவிருட்சமும் தல விசேஷம்

சாமுண்டீஸ்வரி ...

                    சாமுண்டீஸ்வரி ...

                                            பல்லவி

                              சாமுண்டீச்வரி உன்னைச் சரணடைந்தேன்
                              தாமதமின்றியே எனக்கருள வேண்டுமென

                                            அனுபல்லவி

                              சாமகானம்தனில் மனம் மயங்கிடும்
                              தாமரைக்கண்ணழகி நாமநாராயணி

                                                 சரணம்

                              பூமகள் நாமகள் துதித்திடும் அன்னையே
                              மாமறை போற்றும் சங்கரி புவனேச்வரி
                              நாமமாயிரம் கொண்ட கேசவன் சோதரி
                              பாமணி பாயும் பூவனூர் தலம் வளர்


                  இராகம்: நாமநாராயணி
                  தாளம்: கண்டதிரிபுடை

அருள்புரிவாய்.........

    

                        அருள்புரிவாய்.........

                                                      பல்லவி

                                        அருள் புரிவாய் ஶ்ரீ பார்த்த சாரதி
                                        திருவடி பணிந்திடும் அடிமை எந்தனுக்கு

                                                    அனுபல்லவி

                                        தருமநெறி காக்க தரணியிலவதரித்த
                                        திருமாலே கேசவா தீனசரண்யனே

                                                           சரணம்
                                                                           
                                         பெருமைக்குரிய திருவல்லிக்கேணியெனும்
                                         திருத்தலத்தில் எழுந்தருளிக் காட்சியளித்திடும்
                                         கருமுகில் வண்ணனே வேங்கடக்ருஷ்ணனே
                                         இருவினைப்பயன்களால் படுந்துயர் நீங்கிட

ஏழையெனக்கருள.......

                      ஏழையெனக்கருள.......

                                                  பல்லவி


                                ஏழையெனக்கருள உனக்கென்ன தயக்கம்
                                தாயே ஶ்ரீ லலிதா திரிபுரசுந்தரி

                                                அனுபல்லவி

                                ஆழ்கடலுள் துயிலும் கேசவன் சோதரி
                                ஊழ்வினையால் நான் படுந்துயரங்கள் களைந்து

                                                     சரணம்

                                 கொடியிடையாளே மதிமுகத்தினளே
                                 பிடியின் துதிக்கை போல் தொடையுடையாளே
                                 மடிவைத்து சிவன் கொஞ்சும் வடிவுடையாளே
                                 அடிமலர் பணிந்துனை அனுதினம் துதித்திடும்

சரஸ்வதி உனையே.....

                                        

                      சரஸ்வதி உனையே.....

                                                     பல்லவி

                              சரஸ்வதி உனையே சரணடைந்தேனே
                              கல்வியும் ஞானமும் கலைகளும் பெறவே

                                                   அனுபல்லவி

                              நரர்சுரர் நாரதர் கேசவன் சோதரி
                              திருமகள் பிரமன் அனைவரும் துதித்திடும்

                                                       சரணம்

                              வெண்கலையுடுத்திடும் வேதப்பொருளே
                              வெள்ளைதாமரையில் வீற்றிருப்பவளே
                              கரங்களில் வீணையும் பாசாங்குசமும்
                              ஏந்தியே பொலிவுடன் காட்சிதரும் கூத்தனூர்

சங்கரி ஶ்ரீ.......

                           சங்கரி ஶ்ரீ.......

                                                 பல்லவி

                                சங்கரி ஶ்ரீலலிதா திரிபுர சுந்தரி
                                பங்ஙகய பதம் பணிந்தேன் பரிந்தெனக்கருள்புரி

                                              அனுபல்லவி

                               பொங்கரவுக்குடையின் கீழ் மங்களமாய்க்காடசிதரும்
                                சிங்காரவடிவினளே சீதளா தேவியே

                                                  சரணம்

                                கங்கையும் திங்களும் சூடிய ஈசனின்
                                பங்கிலுறைபவளே உமாமகேச்வரி
                                எங்கும் நிறைந்திருக்கும் கேசவன் சோதரி
                                நங்கநல்லூர் வளர் ராஜராஜேஸ்வரி 

ஶ்ரீலலிதா திரிபுர சுந்தரி

                           

                  ஶ்ரீலலிதா திரிபுர சுந்தரி

 



                                                பல்லவி

                                    ஶ்ரீலலிதா திரிபுர சுந்தரி
                                    பாதம் பணிந்தேன் பரிந்தெனக்கருள்புரி

                                               அனுபல்லவி

                                    பூலோகம் போற்றும் மீயச்சூர் திருத்தலத்தில்
                                    காலில் கொலுசணிந்து பக்தருக்கு காட்சி தரும்

                                                     சரணம்

                                    காசிமாநகர்தனில் விசாலாட்சி நீ
                                    காஞ்சீபுரத்தில் காமாட்சியும் நீ
                                    மாமதுரைப்பதிதன்னில் மீனாட்சியெனவும்
                                    எங்கும் நிறைந்திருக்கும் கேசவன் சோதரி

வெற்றி தரும்......

                        வெற்றி தரும்......

                                                 பல்லவி

                           வெற்றி தரும் வாதாபி கணபதியின் திருவடியை
                           பற்றித் துதித்தேன் திருவாரூர் திருத்தலத்தில்

                                              அனுபல்லவி
                       
                            கற்றறிந்தவரின் புத்தியிலுறைபவன்
                            சக்கரக்கையன் கேசவன் மருகன்

                                                    சரணம்

                             பற்றித்துதிப்பவர் துயர்களைக் களைபவன்
                             ஒற்றைக்கொம்பன் வேழமுகத்தோன்
                             நற்றமிழ் கடவுள் ஞானசூரியன்
                             புற்றிடம் கொண்டான் தியாகேசன் மைந்தன்

காத்தருள்வாய் தாயே....

                   காத்தருள்வாய் தாயே....

                                          பல்லவி

                             காத்தருள்வாய் தாயே காமாட்சி
                             மூத்தவள் நீயே அனைத்துக்கும் முதலே

                                         அனுபல்லவி

                              தோத்திரம் செய்துன் மலரடி துதித்தேன்
                              நேத்திரம் திறந்துன் கருணைவிழி வைத்து

                                                சரணம்

                              காசினி போற்றும் காஞ்சிமாநகர் வளர்
                              மாசிலா அன்னையே கேசவன் சோதரி
                              தேசுடைத்தெய்வமே திரிபுரசுந்தரி
                              ஈசனிடம் கொண்ட ஏகாம்ரேச்வரி 

காமாட்சி

                            காமாட்சி

                                                   பல்லவி

                             காமாட்சி உன்னையே துதித்தேன்
                             காமகோட்டம்தனில் வீற்றிருப்பவளே

                                                அனுபல்லவி

                              தாமரை மலர்க்கரத்தில் பாசங்குசமும்
                              கரும்பும் ஏந்தும் கேசவன் சோதரி

                                                     சரணம்

                               சாமகானம் தனில் மயங்கிடும் ஈச்வரி
                               பூமிநாதன் ஶ்ரீ ஏகாம்ரேச்வரனும்
                               நாமகளும் பூமகளும் நரர்சுரரும் நான்முகனும்
                               மாமறைகளும் போற்றும் ஏகாம்ரேச்வரி
                

அருள்மிகு அமிர்த........

                    அருள்மிகு அமிர்த........

                                                  பல்லவி

                              அருள்மிகு அமிர்தகடேச்வரனைப் பணிந்தேன்
                              கருணை நிறைந்த அபிராமி உடனிருக்கும்

                                                  துரிதம்

                              நரர்சுரரும் நான்முகனும் கதிரவனும் மதியும்
                              நந்தியும் கணங்களும் அனைவரும் போற்றும்

                                                 அனுபல்லவி

                             திருத்தங்கும் மார்பன் கேசவன் நேசனை
                             திருக்கடையூர்வாசனைக் காலகாலனை
                                   
                                                     சரணம்

                             வருந்தித் துதித்திடும் நல்லடியார்களுக்கும்
                             அருந்தவம் புரிந்திடும் முனிவர்க்கும் ஞானியர்க்கும்
                             மருந்தென விளங்கிடும் ஐந்தெழுத்தானை
                             கருணாகரனை நமச்சிவாயனை

கமலாம்பிகையே

                       கமலாம்பிகையே

       

                                                    பல்லவி

                           கமலாம்பிகையே உன் கடைக்கண்ணருள் வேண்டி
                           கமலபதம் பணிந்தேன் எனக்கருள் புரிவாய்

                                                  அனுபல்லவி

                           கமலாசனத்தில் வீற்றிருப்பவளே
                           கமலநாபன் கேசவன் சோதரி

                                                        சரணம்

                           குமரனும் கணபதியும் கமலாலயனும்
                           அமரரும் முனிவரும் நந்தியும் கணங்களும்
                           அமரேந்திரனும் கரம்பணிந்தேத்தும்
                           இமவான் மகளே உமாமகேச்வரி

சாரதி நீயே..........

                       சாரதி நீயே..........

                                                 பல்லவி

                                   சாரதி நீயே தயை புரிவாயே
                                   காரமர் மேனியனே கேசவனே- பார்த்த

                                                 அனுபல்லவி

                                   நாரதாதி முனிவரும் தேவரும்
                                   பாரனைத்தும் கரம் பணிந்தேத்தும்

                                                     சரணம்

                                   பாரினில் பிறந்த நாள் முதலாக
                                   நாரணனே உந்தன்  நாமமுரைத்திலேன்
                                   மாறி மனம் திருந்தி இன்றுனைப் பணிந்தேன்
                                   கோர சம்சாரக்கடலினைக் கடந்திட
                                 
                                 

                                 
                                   

புற்றிடம் கொண்டானின்..........

                 புற்றிடம் கொண்டானின்..........

                                             பல்லவி


                              புற்றிடம் கொண்டானின் அரவிந்தமலர்ப் பதம்
                              பற்று நீங்கவே பற்றித் துதித்தேன்

                                           அனுபல்லவி

                              பெற்ற தாயும் தந்தையும் குருவும்
                              உற்றதுணையும் அவனென நினந்து

                                                சரணம்

                              நற்றவமுனிவரும் தேவரும் கணங்களும்
                              கற்றறிந்தோரும் கரம் பணிந்தேத்தும்
                              சிற்றம்பலவாணன் திருவாரூர் தலம் வளர்
                              பிற்றன் பேயன் கேசவன் நேசன்

பதம் பணிந்தேன் ஶ்ரீ பத்மநாபா

     

                            பதம் பணிந்தேன் ஶ்ரீ பத்மநாபா....
   



                                                 பல்லவி

                                 பதம் பணிந்தேன் ஶ்ரீ பத்மநாபா
                                 சதமுனது திருவடி நிழலே என்றறிந்து

                                               அனுபல்லவி
                                 
                                 விதம் விதமான உற்றமும் சுற்றமும்
                                 சதமல்ல என்றே மாலனே கேசவா

                                                   சரணம்

                                  கதம்பமலர் மாலை மணிமாலை சூடி                    
                                  நிதம்பம்தனில் பட்டாடைகள் அணிந்து
                                  இதமுடன் பக்தருக்கருள் தரவென்றே
                                  புதுப்பொலிவுடனே காட்சி தருமுந்தன்

                                 
                                 

                   
                                 

அரங்கத்தரவணை.......

                        அரங்கத்தரவணை.......

                                                          பல்லவி

                              அரங்கத்தரவணைப்பள்ளியானைக்கேசவனை
                              நரஜென்மம் எடுத்துழலும் எனைக்காக்க வேண்டினேன்

                                                       அனுபல்லவி

                               நரர்சுரரும் நாரதரும் சுகசனகாதியரும்
                               பிரமனும் இந்திரனும் அனைவரும் பணிந்தேத்தும்

                                                            சரணம்

                               அரங்கநாயகியின் மனங்கவர்ந்த மாதவனை
                               அரக்கன் வீடணன் சரணடைந்த ராகவனை
                               அரங்கமாநகர்தனில் பள்ளிகொண்ட திருமாலை
                               பரமபதநாதனை வைகுந்த வாசனை