மாரியம்மனை....
பல்லவி
மாரியம்மன்னை மனமாரத் துதித்தேன்
பாரினில் சிறந்த பாங்காக்த் திருநகரில்
அனுபல்லவி
நேரினில் வணங்கிடும் பக்தருக்கெல்லாம்
கோரின வரம் தரும் கேசவன் சோதரி
சரணம்
சூரியனொரு கோடி ஒளியையும் மிஞ்சும்
பேரழகுடைய பெருமைக்குடையவள்
காரமர் மேனிக் கணபதியும் கந்தனும்
கூரிய சூலமேந்தும் ஈசனும் போற்றும்
போரினில் அரக்கரை வதம் செய்த காளியை
வாரிதி மகளும் கலைமகளும் நேசிக்கும்
நேரிழையை சிவபெருமான் பங்கிலுறைக் காரிகையை
மாறிலா மலைமகளை மாசற்ற தேவியை
No comments:
Post a Comment