மங்களம் தரும்....

                               மங்களம் தரும்....

                                                                 பல்லவி

                                       மங்களம் தரும் மகாலக்ஷ்மியைப் பணிந்தேன்
                                       எங்கும் நிறை சென்னகேசவன் மார்பிலுறை

                                                              அனுபல்லவி

                                       பொங்கும் வளமும் செல்வமும் நல்கிடும்
                                       சிங்கார வடிவினள் பங்கய பதத்தினள்
   
                                                                சரணம்

                                        திங்களும் ஞாயிறும் தேவரும் முனிவரும்
                                        சங்கரி சரஸ்வதி சப்த கன்னியர்
                                        மங்கையரனைவரும் மகிழ்வுடன் போற்றும்
                                        தங்கமயமான செங்கமல வல்லி



                             தாளம்: திச்ர துருவம்

நரசிம்மஸ்வாமிக்கு

                       நரசிம்மஸ்வாமிக்கு.....

                                                   பல்லவி

                                   நரசிம்ம ஸ்வாமிக்கு நமஸ்காரம்
                                   தஞ்சையாளி வளர்   -  வீர

                                                    துரிதம்

                                   நரர்சுரர் நாரதர் இந்திரன் நான்முகன்
                                   சுக சனகாதி முனிவரும் பணிந்திடும்

                                                    அனுபல்லவி

                                  அரக்கன் இரணியன் ஆணவம்தனையழித்து
                                   பாலகன் பிரகலாதனுக்கருள் செய்த

                                                        சரணம்

                                   தஞ்சகாசுரனை வெஞ்சமரில் வென்று
                                   அஞ்சேலென்று அபயகரம் காட்டும்
                                   பஞ்சவர் நேசன் மாதவன் கேசவன்
                                   தஞ்சை நாயகி மனம் விரும்பித்துதிக்கும்

பிருந்தாவனசாரங்கனை

                       பிருந்தாவனசாரங்கனை....

                                                       பல்லவி


                                   பிருந்தாவன சாரங்கனைக் கண்ணனை
                                   நந்தகுமாரனை மனமாரத் துதித்தேன்

                                                      அனுபல்லவி

                                   அருந்தவம் புரிந்திடும் முனிவரும் தேவரும்
                                   விரும்பிப் பணிந்திடும் கருநீலவண்ணனை

                                                            சரணம்

                                    வருந்தித் துதித்திடும் திருந்திய மனிதருக்கு
                                    பெருந்துயர் பிணிகள் இடர்கள் களந்திடும்
                                    மருந்தும் விருந்தும் அவன் திருநாமமே
                                    கருத்தினில் அதனை இருத்தியே கேசவனை

கமலநாதனை

                             கமலநாதனை....

                                                     பல்லவி

                                 கமலநாதனை சிவன் சாபம் தீர்த்தவனை
                                 திருக்கண்டியூர்த் தலத்தில் கண்ணாரக்கண்டேன்

                                                   அனுபல்லவி

                                 கமலமலர் வனமெனத் திகழும்
                                 கமலநாபனை அமலனைக் கேசவனை

                                                        சரணம்(துரிதம்)

                                 அமரரும் முனிவரும் அனுமனும் கருடனும்
                                 கமலாலயனும் சனகாதியரும்
                                 அமரேந்திரனுடன் அகத்தியர் நாரதர்
                                  கமலவல்லியும் துதித்துப் போற்றும்

உத்தமர் கோயில்.....

                               உத்தமர் கோயில்.....

                                                              பல்லவி

                                          உத்தமர் கோயில் புருஷோத்தமனை
                                          பக்தியுடன் தினம் மனமாரத் துதித்தேன்

                                                            அனுபல்லவி

                                           முத்தொழில் புரிந்திடும் மும்மூர்த்திகளும்
                                           சித்தம் குளிர பணிந்து போற்றும்

                                                                 சரணம்

                                           கரந்தனில் மலயேந்தி அகிலம் காத்தவனை
                                           கரன் முரனரக்கரை அழித்தவனைக் கதம்ப
                                           மரந்தனில் தோன்றி வரம் தந்த கேசவனை
                                           கரம்பனூர் வளர் அரவிந்த பதத்தானை

ஶ்ரீ ரங்கநாதனை

                                                           பல்லவி

                          ஶ்ரீ ரங்கநாதனை...

                                    ஶ்ரீரங்கநாதனை  மனமாரப் பணிந்தேன்
                                    அரங்கநாயகி உடனிருந்து போற்றும்

                                                            துரிதம்

                                    முப்பத்து முக்கோடி தேவரும் முனிவரும்
                                    சந்திரன் சூரியன் இந்திரன் மற்றும்
                                    விபீடணனுடன்கருடனும் துதிக்கும்
                                    அரவணை துயிலுறும் வைகுந்தவாசனை

                                                          அனுபல்லவி

                                    பாரெங்கும் புகழ் விளங்கும் பரவாசுதேவனை
                                    பேரரங்கம் பெரிய கோயில்தனில் பள்ளிகொண்ட
                 
                                                               சரணம்

                                     ஆதவகுலத்துதித்த வேந்தர்கள் தினம் துதிக்கும்
                                      மாதவனை மதுசூதனனை
                                      வேதங்கள் போற்றும் நாதவடிவானவனை
                                       யாதவகுலத்தோனைக் கண்ணனைக் கேசவனை

பரிமளரங்கனை

                           பரிமளரங்கனை.....

                                                   பல்லவி

                                பரிமளரங்கனை இந்தளூர் சுகந்தவனநாதனை
                                கரிக்குதவிய மருவினிய மைந்தனைப் பணிந்தேன்

                                                அனுபல்லவி

                                பரிவுடன் பக்தரைக் காக்கும் பாண்டவர்நேசனை
                                விரிசடையோன் சிவனும் நான்முகனும் நாரதரும் போற்றும்

                                                   சரணம்

                                கங்கையும் காவிரியும் திருமகளும் நிலமகளும் கருடனும்
                                அரசன் அம்பரீஷனுடன் எண்திசைபாலர்களும்
                                சந்திரனும் சூரியனும் இந்திராதி தேவர்களும் அனுமனும்
                                வந்தனை புரிந்திடும் பங்கயபத த்தினனை கேசவனை



                         தாளம்: மட்டியம்

நாண்மதியப் பெருமாளை

                      நாண்மதியப் பெருமாளை

                                                       பல்லவி

                                  நாண்மதியப் பெருமாளை திருநாராயணனை
                                  தலைச்சங்காடுதனில் மனமாரப் பணிந்தேன்

                                                     அனுபல்லவி

                                  காண்பவர் உள்ளங்களைக் கொள்ளை கொள்ளும்
                                  ஆண்டளக்கும் ஐயனை வெண்சுடர் பிரானை

                                                            சரணம்

                                   இந்திராதி தேவரும் நாரதரும் நான்முகனும்
                                   வந்தனை புரிந்திடும் கமலவல்லிநாதனை
                                   சந்திரனும் தன் சாபம் நீங்கிடவே துதிக்கும்
                                   இந்தளூர் ரங்கனை சுந்தரனைக் கேசவனை

மரகதவல்லியின்

                            மரகதவல்லியின்......

                                                        பல்லவி

                                     மரகதவல்லியின் அரவிந்த மலர்ப்பதம்
                                     மனமார தினம் துதித்தேன்

                                                          துரிதம்

                                     நரர்சுரர் நான்முகன் இந்திரன் குபேரன்
                                      சுகசனகாதியர் நாரதர் மற்றும்
                                     பராசரருடன் கருடனும் துதித்திடும் பதத்தினள்

                                                         அனுபல்லவி

                                      வரம் தரும் திருக்கரமும் அபயமளித்திடும்
                                       அருட்கரமும் காட்டும்

                                                             சரணம்

                                      வளம் கொழிக்கும் வள்ளியங்குடிதனில்
                                       எழுந்தருளி நலமளித்திடும் திருமகள்
                                       கரமலர்தனில் கமலமலரேந்திக்
                                       கமலமலர்தனிலமர்ந்திருக்கும்


                                 தாளம்: சங்கீர்ண திரிபுடை

வெள்ளியங்குடியில்

                            வெள்ளியங்குடியில்...

                                                      பல்லவி

                                  வெள்ளியங்குடியில் பள்ளிகொண்டிருக்கும்
                                  பாற்கடல் நாதனை மனமாரப் பணிந்தேன்

                                                       துரிதம்

                                  வெள்ளியும் பிரமனும் பராசரமுனியும்
                                   நிலமகள் இந்திரன் மயனும் துதித்திடும்

                                                     அனுபல்லவி

                                  புள்ளினம் பெயர் பாடும் கோலவில்லிராமனை
                                  அள்ளி அடியார்க்கு அருள் தரும் அச்சுதனை

                                                          சரணம்

                                   அன்று மூவடியால் உலகளந்த வாமனனை
                                   வென்று அரக்கர் குலம் சாய்த்தவனைக் கேசவனை
                                   என்றும் மரகதவல்லி மனம் கவர்ந்தவனை
                                   நன்று சிந்தையில் வைத்து சீரடி போற்றி

செண்பகவல்லியை

                       செண்பகவல்லியை.....

                                                   பல்லவி


                                செண்பகவல்லியை மனமாரத் துதித்தேன்
                                செண்பகவனத்தமர் தண்மதி முகத்தினளை

                                                அனுபல்லவி

                                விண்ணகரப் பெருமாள் நாதநாதன் மணிமார்பில்
                                கண்கவர வீற்றிருக்கும் கேசவன் நாயகியை

                                                     சரணம்

                                விண்ணாளும் இந்திரனும் தேவரும் முனிவரும்
                                மண்ணுலக மாந்தரும் நந்தியும் நான்முகனும்
                                எந்நாளும் துதிக்கும் கடலன்னை திருமகளை
                                பண்ணிசைத்துப் பாடி பாமாலை சூடி

மணிக்குன்ற மாதவனை....

                          மணிக்குன்ற மாதவனை....

                                                         பல்லவி

                                    மணிக்குன்ற மாதவனை மணிக்கூட நாயகனை
                                    அணிவிளக்கைப் பணிவுடன் மனமாரத் துதித்தேன்

                                                       அனுபல்லவி

                                    துணிவும் தூயமனமும் பணிவும் பக்தியும்
                                    துதிப்பவர்க்கருளும் கமலநாபனை

                                                           சரணம்

                                    பிணி மூப்பு சாக்காடு பயம் போக்கும் முகுந்தனை
                                    பாசத்தளை களையும் மாசறு கேசவனை
                                    பழவினைப் பயனறுக்கும் வைகுந்த வாசனை
                                    நேசமுடன் அன்னை அம்புஜவல்லி துதிக்கும்

தாய்லாந்தில் தங்க புத்தர்!

தாய்லாந்தில் தங்க புத்தர்!

1957ல் தாய்லாந்தில் புத்த பிட்சுக்கள் புத்த மடாலயத்தை வேறிடத்தில் அமைக்க உத்தேசித்தனர்.

அதற்காக அங்குள்ள வெவ்வேறு புத்தர் சிலைகளை இடம் மாற்றி அமைக்க ஏற்பாடு செய்தனர்.

அப்போது ஒரு களிமண் சிலையெனக் கருதப் பட்ட புத்தர்சிலை சிறிதளவு சேதமடைந்திருந்தது கண்டறியப்பட்டது. சாதாரணமாக இது ஒரு துரதிர்ஷ்டமாகக் கருதப்படும். ஆனால் அதுவே ஒரு நல்ல அதிர்ஷ்டத்தின் அறிகுறியாக அமைந்தது. தங்க புத்தர் தானே வெளிப்பட்டார்.

சிலையில் சிறிது தங்கம் தென்படவே ஜாக்கிரதையாக மேல் பூச்சைப் பிரித்தனர். உள்ளே அற்புதமான தங்க மய புத்தர் தரிசனம் தந்தார்.

அதை முறைப்படி ஆராயவே அதன் மதிப்பு உலகிற்குத் தெரிய வந்தது. இப்போது உலகின் மிகப் பெரிய தங்கச் சிலையாக பாங்காக்கில் இருந்து பக்தர்களுக்கு அருள் பாலித்து வருகிறார் தங்க புத்தர்!இதன் எடை மலைக்க வைக்கும் 5.5 டன்கள்! இதன் உயரம் 3.91 மீட்டர்.அகலம் 3.01 மீட்டர். உலகின் மிகப் பெரிய தங்க புத்தர் சிலை இது தான்!

நானும் இந்தத் தங்க புத்தரை தரிசித்து வணங்கும் பாக்கியம் பெற்றேன்.

பொன் முத்துமாரியம்மன் ( பாங்காக்)...

                       பொன் முத்துமாரியம்மன் ( பாங்காக்)...

                                                   பல்லவி

                                   அன்னையே உன்னையே சரணடைந்தேன்
                                   என்னைக் காத்தருள இதுவே தருணமென்று

                                                  அனுபல்லவி

                                   பன்னகாபரணன்  பரமேச்வரனும்
                                   பன்னக சயனன் கேசவனும் கொண்டாடும்

                                                       சரணம்
                                
                                   அன்னை விசாலாட்சியாய்க் காசியிலும்
                                   தென் மதுரைப் பதிதன்னில் மீனாக்ஷி யாகவும்
                                   இன்னும் காஞ்சியில் காமாக்ஷி யாகவும்
                                   பொன் முத்துமாரியாய் இங்கெழுந்து காட்சிதரும்

மாரியம்மனை

   

                                மாரியம்மனை....

                                                               பல்லவி

                                           மாரியம்மன்னை மனமாரத் துதித்தேன்
                                           பாரினில் சிறந்த பாங்காக்த் திருநகரில்

                                                            அனுபல்லவி

                                           நேரினில் வணங்கிடும் பக்தருக்கெல்லாம்
                                           கோரின வரம் தரும் கேசவன் சோதரி

                                                                   சரணம்

                                           சூரியனொரு கோடி ஒளியையும் மிஞ்சும்
                                           பேரழகுடைய பெருமைக்குடையவள்
                                           காரமர் மேனிக் கணபதியும் கந்தனும்
                                           கூரிய சூலமேந்தும் ஈசனும் போற்றும்

                                           போரினில் அரக்கரை வதம் செய்த காளியை
                                           வாரிதி மகளும் கலைமகளும் நேசிக்கும்
                                           நேரிழையை சிவபெருமான் பங்கிலுறைக் காரிகையை
                                           மாறிலா மலைமகளை மாசற்ற தேவியை





                                         
                                            

நாதனை

                                 நாதனை......

                                                             பல்லவி

                                      நாதனைக் கண்டேன் நந்திபுர விண்ணகரந்தனிலே

                                      வேத சாஸ்த்திர இதிகாச புராணங்கள் போற்றும் - ஜகந்(உலக)

                                                                                                                       

                                                          அனுபல்லவி 

                                      மாதா செண்பகவல்லியும் மன்னன் சிபியும் நந்தியும்

                                      ஆதரவு தந்து ஆட்கொள்ளவேண்டுமென வருந்தித்துதிக்கும்

                                                               சரணம்

                                      வேதனை வினை தீர்க்கும் மாதவனை மதுசூதனனைக்கேசவனை

                                       பாதகஞ்செய்திடும் அரக்கர் குலமழித்த ராகவனை

                                       யாதவ குலத்துதித்த மாயனை வடமதுரை வேந்தனை

                                       பூதலம் போற்றும் விண்ணகரப் பெருமாளை போகஶ்ரீனிவாசனை

                                        தாளம் : சங்கீர்ண ரூபகம் 

உலகளந்த உத்தமனை....

#திருப்பாவை_பாடல்_24

அன்று இவ்வுலகம் அளந்தாய் அடிபோற்றி
சென்றங்கு தென்னிலங்கை செற்றாய் திறல்போற்றி
கொன்றடச்சகடம் உதைத்தாய் புகழ் போற்றி
கன்று குணிலா எறிந்தாய் கழல் போற்றி
குன்று குடையாய் எடுத்தாய் குணம் போற்றி
வென்று பகைகெடுக்கும் நின்கையில் வேல் போற்றி
என்றென்றுன் சேவகமே ஏத்திப் பறைகொள்வான்
இன்று யாம் வந்தோம் இரங்கேலோர் எம்பாவாய்.

#பொருள்:
மகாபலி இந்த உலகத்தை கைப்பற்றிய காலத்தில், அதை மூன்றடிகளால் அளந்து உன்னுடையது என்று உணர்த்தியவனே! உன் திருவடிகளுக்கு வணக்கம். ராமாவதாரம் எடுத்த போது, சீதையை மீட்க தெற்கிலுள்ள இலங்கைக்கு சென்று ராவணனை வெற்றி கொண்டவனே! உன் வீரத்துக்கு நமஸ்காரம். சக்கர வடிவில் வந்த சகடன் எனற அசுரனை ஒரே உதையில் வீழ்த்தியவனே! உன் புகழுக்கு வந்தனம்.கன்று வடிவில் வந்த வத்சாசுரனை தடியாகக் கருதி, அவனை விளாமர வடிவில் வந்த கபித்தாசுரன் மீது எறிந்து அழித்தவனே! உன் கால்களில் அணிந்த வீரக்கழலுக்கு மங்களம் உண்டாகட்டும். கோவர்த்தனகிரியை குடையாக்கி ஆயர்குலத்தவரை இந்திரன் அனுப்பிய மழையில் இருந்து காத்தவனே! உன் இரக்க குணத்துக்கு தலை வணங்குகிறோம்.பகைவர்கள் எவ்வளவு பலவான்களாயினும் அவர்களை உன் கையிலுள்ள வேலால் அழித்தவனே! அந்த வேலாயுதத்துக்கு நமஸ்காரம். உன் வீரச்செயல்களைப் பாடி, உன்னருளைப் பெறுவதற்கு, இப்போது நாங்கள் வந்துள்ளோம். எங்கள் மீது இரக்கம் காட்ட வேண்டுகிறோம்.

#விளக்கம்:
இந்த பாசுரம் மிக முக்கியமானது. இதை தினமும் நாம் பாராயணம் செய்யலாம். இதை “போற்றிப் பாசுரம் என்பர். இந்த பாசுரத்தை குழந்தைகளுக்கு கற்றுக்கொடுத்து, கண்ணன் பாலகனாக இருந்த போது நிகழ்த்திய வீரச்செயல்களை அவர்களுக்கு எடுத்துச் சொல்ல வேண்டும். இதன் மூலம் அவர்கள் தைரியத்தை வளர்த்துக் கொள்வார்கள்.
#ஸ்ரீஆண்டாள்_திருவடிகளே_சரணம்.                              




                                              உலகளந்த உத்தமனை....                  

                                                               பல்லவி

                                     உலகளந்த உத்தமனைக் கேசவனைப் பணிந்தேன்
                                     இலங்கை மாநகர் சென்று ராவணனை அழித்தவனை

                                                           அனுபல்லவி        
                        
                                    பலம் கொண்ட சகடனை வதைத்த மாயவனை
                                    இளம் கன்றாய்  எதிர் வந்த அரக்கனை மாய்த்தவனை

                                                                 சரணம்

                                     குலம் காக்கக் குன்றை குடையாக எடுத்தவனை
                                     நலம் தர வேலெடுத்த நாரணனை மாதவனை
                                     வலம் வந்து தொழுதேத்தும் ஆண்டாளை ஆண்டவனை
                                     அலகிலா விளையாடல் பல புரிந்தவனை
            

மங்களம் தரும்......

                                   மங்களம் தரும்......

                                                                   பல்லவி

                                             மங்களம் தரும் செங்கமலவல்லியின்
                                             பங்கய மலர்ப் பதம் மனமாரத்துதித்தேன்

                                                                அனுபல்லவி

                                             மங்காப்புகழ் மேவும் (தஞ்சை) மாமணிக்கோயில் தனில்
                                             சிங்காரமாய்க் கொலுவிருக்கும் மகாலக்ஷ்மியின்

                                                                    சரணம்

                                              சங்கடம் களைந்திடும் திங்கள் திருமுகத்தாள்
                                              சங்கரர் மனம் குளிர பொன்மழை பொழிந்தவள்
                                              எங்கும் நிறைந்திருக்கும் நீலமேகச்யாமளன்
                                              செங்கணமால் கேசவனின் மணிமார்பையலங்கரிக்கும்


                                         ராகம்: உசேனி
                                         தாளம்: ஆதி

மாமணிக்கோயில்

                                மாமணிக்கோயில்......

                                                     பல்லவி

                                        மாமணிக்கோயில் நாராயணனின்
                                        நாமமே போற்றி தாளினைப் பணிந்தேன் -தஞ்சை

                                                    அனுபல்லவி

                                        பூமகள் செங்கமலவல்லியும் பராசரரும்
                                        மார்க்கண்டேயரும் அனுதினம் துதிக்கும்

                                                        சரணம்

                                         தீயவர் மாயவும் நல்லவர் உய்யவும்
                                         ஓயாது அவதாரம் செய்திடும் கேசவன்
                                         தாயினும் மேலான தீனதயாபரன்
                                         மாயவன் தூயவன் மணிக்குன்ற நாயகன்

வழிப்போக்கன்

             வழிப்போக்கன்

            நானொரு வழிப்போக்கன்        
            நாடும் வீடும் எனக்கிங்கில்லை
            காடும் மலையும் வயலும் வெளியும்
            ஓடும் நதியும் செடி கொடி கடலும்
            அனைத்துமென் சொந்தம்
            போகுமிடமும் புறப்பட்ட இடமும்
            ஏதும் அறியேன் அறியவும் வேண்டேன்
            இருப்பது இங்கே இதுமட்டும் அறிவேன்
             போவது எங்கே சென்றதும் அறிவேன்
             தேடுவதொன்றொரு பொருளுமில்லை
             தேடாமலிருப்பது எதுவுமில்லை
              ஆடிய ஆட்டம் அடங்கிய பின்னே
              கூடு நீங்கிப் பிரிந்து போவேன்......
             
               
             
             
           
             

       

தாமரைப்பூவிலமர்

                                   தாமரைப்பூவிலமர்....

                                                        பல்லவி

                                 தாமரைப்பூவிலமர் கண்ணபுரநாயகியை
                                 மாமறைபோற்றும் மகாலக்ஷ்மியை மனமாரப் பணிந்தேன்

                                                       அனுபல்லவி

                                 நாமகள் மலைமகள் நாரதர் நான்முகன்
                                 கண்வரும் தண்டகமுனிவரும் வணங்கிடும் பதத்தினளை
 
                                                              சரணம்

                                 நீங்காத செல்வமும் நிறைவான நல்வாழ்வும்
                                 ஓங்கு புகழும் உயர் கல்வியும் ஞானமும்
                                 தீங்கு நினையாத நல்லடியார் நட்பும்
                                 பாங்குடனே நல்கும் கேசவன் துணைவியை

 

                                தாளம்: சங்கீர்ண ஏகம்


                                                  

அருட்கரம்

                                 அருட்கரம்.....

                                                      பல்லவி

                                      அருட்கரம் நீட்டும் சௌரிராஜனை
                                      இருகரம் கூப்பி பிரார்த்தனை புரிந்தேன்

                                                       துரிதம்

                                       திருமகள் நிலமகள் பத்மினி கோதை
                                       தேவியர் நால்வரும் அனுதினம் துதித்திடும்

                                                       அனுபல்லவி

                                        திருமுடியுடன் நின்று அடியார்க்கருளிய
                                        திருமாலைக் கேசவனை கணப்புரத்துக் கருமணியை

                                                              துரிதம்

                                         தேவரும் மூவரும் தண்டக முனிவரும்
                                         கண்வரும் கருடனும் கோள்களும் பணிந்திடும்

                                                              சரணம்

                                          மன்மதன் மயங்கிடும் பேரெழில் படைத்தவனை
                                          கன்னலை இன்னமுதை மனதிற்கினியவனை
                                          முன்னம் தென்னிலங்கை அரக்கனை மாய்த்தவனை
                                           கண்ணபுரத்தம்மானை நீலமேகப் பெருமாளை
                                 
                                                                 துரிதம்

                                           எட்டெழுத்து மந்திரமாய் சுட்டெரிக்கும் செஞ்சுடராய்
                                           நிலம் நீர் நீள்விசும்பாய்க் காற்றுமாகி நின்றானை

           

பக்தருக்கருளும்

   

                           பக்தருக்கருளும்......

                                                     பல்லவி

                                        பக்தருக்கருளும் பக்தவத்சலனை
                                        திருக்கண்ணமங்கையுள் கண்டு மகிழ்ந்தேன்

                                                            துரிதம்

                                         நாரதர் நான்முகன் வருணன் இந்திரன்
                                         அபிஷேகவல்லியும் அனுதினம் பணிந்திடும்

                                                           அனுபல்லவி

                                         முக்தியளித்திடும் நித்திலத்தொத்தினை
                                         பெருபுறக் கடலினை மாலனைக் கேசவனை

                                                                 சரணம்

                                         தேவரும் முனிவரும் நந்தியும் துதித்திட
                                         தேனீக்களாய்த் தோன்றி வாசம் செய்திடும்
                                          உன்னத த்திருத்தலம் இன்னருள் அளித்திடும்
                                          கண்ணமங்கையுள் போற்றித் துதித்தேன்

                                       

                                  

அபிஷேகவல்லியின்

                                அபிஷேகவல்லியின்......

                                                               பல்லவி

                                        அபிஷேகவல்லியின் பாதகமலங்களை
                                        மனமார தினம் துதித்தேன் ( அழகிய)

                                                             அனுபல்லவி

                                         சுபிட்சம் தரும் நல்வாழ்வும் தரும்
                                          நல்லன அனைத்தும் தரும்

                                                               சரணம்

                                          இல்லாமை இல்லாமல் செய்திடும்
                                           நல்லாளை  செல்வத்தின் பெட்டகத்தை
                                           பக்தவத்சலன் கேசவன் மணிமார்பை
                                           நித்தியம் அலங்கரிக்கும் கடலன்னை