நீலமுகில்வண்ணனை
பல்லவி
நீர்மலைமேல் நின்றருளும் நீலமுகில்வண்ணனை
கார்வண்ணமேனியனை மனமாரத் துதித்தேன்
அனுபல்லவி
பார் புகழ் அணிமாமலராள் உடனிருக்கும்
கீர்த்திமிகு கேசவனை பாற்கடல் வாசனை
சரணம்
தேர் நடத்தி பஞ்சவர்க்குத் துணைநின்ற சாரதியை
மார்பணியாய் திருமகளை வைத்திருக்கும் மாதவனை
நின்றான் இருந்தான் கிடந்தான் நடந்தான்
என்ற திருக்கோலங்களில் காட்சி தரும் திருமாலை
No comments:
Post a Comment