பாதமே துணை....
பல்லவி
பாதமே துணை ராமா உனதிரு
ஆதரவளித்தெனை நல்வழி நடத்திட
அனுபல்லவி
மாதரசி சீதையின் கரம் தொட்ட பாதம்
மாதவ முனிவர்கள் வணங்கிய பாதம்
சரணம்
சோதரன் இலக்குவன் பணிந்திடும் பாதம்
பிரமனும் அனுமனும் துதித்திடும் பாதம்
பரதனுக்களித்த பாதுகை தரித்த பாதம்
ஆனிரை மேய்த்த கேசவன் பாதம்
மேதினியளந்த வாமனன் பாதம்
மாபலி தன் தலையில் தாங்கிய பாதம்
வேதங்கள் கொண்டாடி சேவிக்கும் பாதம்
பூதலம் போற்றும் புகழ் மிகு பாதம்
அகலிகை சாபம் தீர்த்த பொற்பாதம்
காளிங்கன் தலைமீது ஆடிய பாதம்
பாமரர் பண்டிதர் பணிந்திடும் பாதம்
காமனும் காமுறும் தாமரைப் பாதம்
No comments:
Post a Comment