துணைபுரிந்திடுவான்......
பல்லவி
துணை புரிந்திடுவான் குருவாயுரப்பன்
வணங்கியருள் வேண்டித் துதித்திடும் பக்தருக்கு
அனுபல்லவி
இணையடி நிழலே சதமென நினைந்து
பணிந்திடுமடியவர் மனக்குறை நீங்கிட
சரணம்
அணிமணி மாலைகள் அழகுடன் புனைந்து
மணக்கும் சந்தனக் களபம் அணிந்து
கனிவுடன் காட்சியளத்திடும் கேசவன்
பிணியிடர் துயர்கள் அனைத்தும் விலகிட
No comments:
Post a Comment