கோவிந்தன் நாமமே ......
பல்லவி
கோவிந்தன் நாமமே கேட்கப் பேரின்பமே
கூவியழைப்போரின் குறைகளைத் தீர்த்திடும்
அனுபல்லவி
ஆவினங்கள் மேய்க்கும் கோபாலன் நாமம்
பாவையர் கோபியர் பாடியழைக்கும் நாமம்
சரணம்
தீவினைகள் நீக்கி நல்வினை சேர்த்திடும்
தேவகி மைந்தன் கேசவன் நாமம்
தேவரும் முனிவரும் கொண்டாடும் நாமம்
மாவலியின் கர்வம் தீர்த்தவன் நாமம்
சேவடி பணிந்து துதிப்போர்க்கெல்லாம்
மூவாசைப் பிணி போக்கும் உயரிய நாமம்
தேவாதி தேவன் வேங்கடவன் நாமம்
தேவி பத்மாவதி மனங்கவர் நாமம்
No comments:
Post a Comment