விளக்கொளிப் பெருமாளை

     

              விளக்கொளிப் பெருமாளை

                                              பல்லவி

                            விளக்கொளிப் பெருமாளை மனமாரப்பணிந்தேன்
         
                                             ம. காலம்

                             அலைமகள் கலைமகள் தேசிகன் மற்றும்
                             மாருதி நான்மறை நாரதர் போற்றும்

                                              அனுபல்லவி

                              அளப்பரிய கருணையுடன் எந்தன் மன
                              இருள் நீக்கி ஒளிதந்த அருள் மிகு

                                                    சரணம்

                               மரகதவல்லியின் மனங்கவர் நாயகன்
                               அரனயன் நாரதர் சந்திர சூரியன்
                               நரர்சுரர் இந்திரன் சனகாதி முனிவரும்
                               கரம் பணிந்தேத்தும் சென்னகேசவன்
                 

     

மரகதவல்லியின்......

                            மரகதவல்லியின்......

                                                பல்லவி

                              மரகதவல்லியின் மலர்ப்பதம் பணிந்தேன்
                              வரம்தரும் கரம்நீட்டி அபயமளித்திடும்

                                              அனுபல்லவி

                              பரகதியடைந்திட நல்வழிய காட்டும்
                              வரலக்ஷ்மி அன்னை சௌபாக்யலக்ஷ்மி

                                                  சரணம்

                              சுரபதி நிதிகளின் அதிபதி மற்றும்
                              சரச்வதி பார்வதி சனகாதி முனிவரும்
                              அரனரி அயனும் திங்களும் பானுவும்
                              கரம் பணிந்தேத்தும் கேசவன் துணைவி

கபாலீச்வரன்

                             கபாலீச்வரன்
          

                                                        பல்லவி

                                     அருள் தரும் கபாலீச்வரனின்
                                     பாதகமலங்களைப் பற்றி வணங்கினேன்

                                                      அனுபல்லவி

                                     பொருள் புகழ் போகம் எதுவும் வேண்டேன்
                                     இருளெனும் மாயை விலகவே வேண்டினேன்

                                                           சரணம்

                                     குருவும் தந்தையும் தாயுமனவன்
                                     திருவின் நாயகன் கேசவன் நேசன்
                                     அருந்தவம் புரிந்திடும்  முனிவர்கள் போற்றும்
                                     கருணையே வடிவான மாசிலா ஈசன்

கற்பகமே.....

                        கற்பகமே.....

                                                  பல்லவி

                                 கற்பகமே உன்னை மனமாரத்துதித்தேன்
                                 நற்கதி பெறவே பொற்கழல் பணிந்தேன்

                                                அனுபல்லவி

                                 சற்குண நிற்குண தற்பரையே
                                 வெற்பரையன் மகளே கேசவன் சோதரி

                                                    சரணம்

                                 அற்ப வாழ்வு சதமென நினைந்து
                                 கற்பனை உலகினில் வீணாய்த் திரிந்தேன்
                                 பற்பல தீவினைச் செயல்கள் புரிந்தேன்
                                 அற்பன் உனதருளால் மனம் திருந்தி

ரங்கநாதனை.......

                         ரங்கநாதனை.......

                                              பல்லவி

                               ரங்கநாதனை தினம் துதி மனமே
                               எங்கும் நிறைந்திருக்கும் ஏழைப்பங்காளன் - ஶ்ரீ

                                            அனுபல்லவி

                               மங்காத புகழ் மேவும் திருவரங்கம்தனில் வளர்
                               ரங்கநாயகி உடனுறை திருமார்பன்

                                                சரணம்

                               அங்கமில் மன்மதனைப் பழிக்கும் பேரழகன்
                               திங்களும் ஞாயிறும் கூசும் தேசுடையவன்
                               பங்கய மலர் வனம் பூத்த மேனியன்
                               சங்கும் சக்கரமும் கையிலேந்தும் கேசவன்

கோபலபுரம் வேணுகோபாலன்

                கோபலபுரம் வேணுகோபாலன்

                                           பல்லவி

                            திருவடிச் சரணடைந்தேன் கண்ணா உந்தன்
                       

                                         அனுபல்லவி

                             அருள்பெற வேண்டியே அனுதினம் துதித்து
                             கருணைக் கடலே கேசவனே வணங்கி

                                             சரணம்

                              முருகன் கணபதி ஆஞ்சநேயனும்
                              குருசங்கரரும் பரமேச்வரியும்
                              அருகினிலிருந்து காட்சியளித்திடும்
                              கோபாலபுரம் வளர் வேணுகோபலனே


                              தாளம்: க.திரிபுடை

கழல் பணிந்தேன்.....

                      கழல் பணிந்தேன்.....

                                                   பல்லவி

                              கழல் பணிந்தேன் காமாக்ஷி அருள் புரிவாய்
                              அழலேந்தும் ஏகாம்ரேச்வரன் துணைவியே

                                                 அனுபல்லவி

                               நிழல் தரும் மாவிருட்சமும் நீயே
                               வழக்கெதற்கு என்னிடம் கேசவன் சோதரி

                                                       சரணம்

                               பழவினைப் பயன்களால் உழன்றிடும் எனையே
                               அழவைத்துக் காண்பதில் உனக்கென்ன மோகம்
                               மழலையென் மொழியுமுன் செவியில் விழவில்லையா
                               பழுதின்றி உன் நாமம் பாடித் தொழுது


                               தாளம்:மிச்ர திரிபுடை

சுவாமிநாதன்.......

                       சுவாமிநாதன்.......

                                                 பல்லவி

                                   நாதன் அவனன்றி நானிலத்தில் யார் துணை
                                   வேதப்பொருளை தந்தைக்கு ஓதிய

                                                அனுபல்லவி

                                   பாதம் பணிந்திடும் பக்தருக்கெல்லாம்
                                   வேதனை இடர்களைக் களைந்திடும் - ஸ்வாமி

                                                     சரணம்

                                   மூதறிஞர்கள் ஞானியர் யோகியர்
                                   மாதவம் புரிந்திடும் முனிவர்கள் மற்றும்
                                   மாதரார் வள்ளி தெய்வானை போற்றும்
                                   மாதவன் கேசவன் மருகன் குமரன் - ஸ்வாமி

நாராயணனே......

                       நாராயணனே......

                                                  பல்லவி


                                 நாராயணனே கண்டண்ட தெய்வம்
                                 பேராயிரம் கொண்ட எம்பெருமான் (திரு) (ஶ்ரீமன்)

                                                அனுபல்லவி

                                 பாரோர் புகழ்ந்தேத்தும் சீராளன் பேராளன்
                                 சீர்மல்கும் சென்னையில் கேசவனாயவதரித்த

                                                     சரணம்

                                  நாரதரும்  நான்முகனும்  நமச்சிவாயனும்
                                  பாற்கடலிலுதித்த அன்னை மகாலக்ஷ்மியும்
                                  நாற்கவியும் மறைநான்கும் சூரியசந்திரனும்
                                  போற்றித் துதித்திடும் பரமபதநாதன் 

அச்சுதன்......

                            அச்சுதன்......

                                                பல்லவி


                          அச்சுதன் அனந்தன் கோவிந்தன் நாமம்
                          உச்சரித்தால் போதும் வருந்துயர் நீங்கும்

                                              அனுபல்லவி

                          அச்சம் பழவினைப் பயன்கள் தீரும்
                          சச்சிதானந்தம் வந்து சேரும்

                                               சரணம்

                          அரனயன் மனத்தினில் துதித்திடும் நாமம்
                          நரர் சுரர் நாரத முனிவரும் மற்றும்
                          அவனியோர் போற்றும் கேசவன் நாமம்
                          அடியாரனைவரும் வணங்கிடும் நாமம்


                          தாளம்: சாபு

கோவிந்தன் நாமமே ......

                        கோவிந்தன் நாமமே ......

                                                     பல்லவி

                                 கோவிந்தன் நாமமே கேட்கப் பேரின்பமே
                                 கூவியழைப்போரின் குறைகளைத் தீர்த்திடும்

                                                   அனுபல்லவி

                                 ஆவினங்கள் மேய்க்கும் கோபாலன் நாமம்
                                 பாவையர் கோபியர் பாடியழைக்கும் நாமம்

                                                        சரணம்
                                                               
                                  தீவினைகள் நீக்கி நல்வினை சேர்த்திடும்
                                  தேவகி மைந்தன் கேசவன் நாமம்
                                  தேவரும் முனிவரும் கொண்டாடும் நாமம்
                                  மாவலியின் கர்வம் தீர்த்தவன் நாமம்

                                   சேவடி பணிந்து துதிப்போர்க்கெல்லாம்
                                   மூவாசைப் பிணி போக்கும் உயரிய நாமம்
                                   தேவாதி தேவன் வேங்கடவன் நாமம்
                                    தேவி பத்மாவதி மனங்கவர் நாமம்
                               

அம்பிகையே.....

     
                                         

                                             அம்பிகையே.....




                                                   பல்லவி

                            அம்பிகையே உன்னருள் பெறவே பணிந்தேன் - ஶ்ரீலலிதா

                                               அனுபல்லவி

                           இம்மைக்கும் மறுமைக்கும் எந்தன் துணை நீயே
                           நம்பிக்கையுடன் துதிக்கும் அன்பர்க்கருளும்

                                                      சரணம்

                            எம்பெருமான் மேகநாதனும் நானமுகனும்
                            தும்பிமுகப் பெருமான் கணபதியும் முருகனும்
                            உம்பரனைவரும் துதித்துப் போற்றும்
                            அம்புயமே மலைமகளே கேசவன் சோதரி



                           தாளம்:சாபு

ஶ்ரீலலிதா திரிபுரசுந்தரி

                                       

                   ஶ்ரீலலிதா திரிபுரசுந்தரி

                                                   பல்லவி

                                       ஶ்ரீலலிதா திரிபுரசுந்தரி
                                        உன்னைச் சரணடைந்தேன்

                                                  அனுபல்லவி

                                        ஆலமுண்டகண்டன்
                                         மேகநாதன் போற்றும்

                                                         சரணம்

                                         காலில் கொலுசணியும் காதில் குழையும்
                                         கோலமுடன் பட்டுடையுமணிந்தவளே
                                         நாலுமறிந்தவளே கேசவன் சோதரி
                                         பாலனெனைக் காத்தருள்வாய் மீயச்சூர் தலம்வளர்


                                      தாளம்:ரூபகம் 

அருள் தரும் அன்னையே.....

                   அருள் தரும் அன்னையே.....

                                                     பல்லவி

                                  அருள் தரும் அன்னையே ஶ்ரீலலிதே
                                  இருகரம் கூப்பி துதிப்பவரனைவர்க்கும்

                                                   அனுபல்லவி

                                  தருமமிகு திருமீயச்சூரெனும் தலத்தில்
                                  பெருமையுடன் வீற்றிருக்கும் கேசவன் சோதரி

                                                        சரணம்

                                  திருமகளும் கலைமகளும் மலைமகளும் நீயே
                                  ஆயிரம் பெயர் கொண்ட ஆதிபராசக்தி
                                  இருவினைப் பயன்களை எளிதினில் களைந்து
                                  வருமிடர் தவிர்த்திடும் கருணைக்கடலே

திருநாமமாயிரம்.......

                      திருநாமமாயிரம்.......

                                               பல்லவி

                            திருநாமமாயிரம் தினமுரைத்தேன் தாயே
                            கருணையுடன் எனக்கருள்வாய் ஶ்ரீலலிதாம்பிகையே

                                             அனுபல்லவி

                            அருந்தவம் புரிந்திடும் அகத்திய முனிவரும்
                            அருணனும் சனியும் காலனும் போற்றுமுன்

                                                  சரணம்

                             முருகன் கணபதியும் சிவபெருமானும்
                             திருமாலும் நான்முகனும் மனம் விரும்பித் துதித்திடும்
                             திரிபுரையே பயிரவியே கேசவன் சோதரி
                             ஒரு குறையுமில்லாத நல்வாழ்வு வேண்டி



                          தாளம்: க.ஜம்பை

துணைபுரிந்திடுவான்......

                        துணைபுரிந்திடுவான்......

                                                 பல்லவி

                                 துணை புரிந்திடுவான் குருவாயுரப்பன்
                                 வணங்கியருள் வேண்டித் துதித்திடும் பக்தருக்கு

                                                அனுபல்லவி

                                 இணையடி நிழலே சதமென நினைந்து
                                 பணிந்திடுமடியவர் மனக்குறை நீங்கிட

                                                     சரணம்
                               
                                 அணிமணி மாலைகள் அழகுடன் புனைந்து
                                  மணக்கும் சந்தனக் களபம் அணிந்து
                                  கனிவுடன் காட்சியளத்திடும் கேசவன்
                                  பிணியிடர் துயர்கள் அனைத்தும் விலகிட

மீயச்சூர் சிவனுனை......

                 மீயச்சூர் சிவனுனை......

                                                பல்லவி

                               மீயச்சூர் சிவனுனை மேகநாதனை
                               நேயமுடன் துதித்து மனமாரப்பணிந்தேன்

                                                அனுபல்லவி

                               தாயும் தந்தையும் குருவுமாகிய
                               பரமேச்வரனைக் கேசவன் நேசனை

                                                   சரணம்

                               தீயவனாய்த் திரிந்தேன் தீச்செயல்கள் புரிந்தேன்
                               மாயா உலகினில் நாயாயலந்தேன்
                               தூயவனே உந்தன் கடைக்கண்ணருளால்
                               சேயெனைக் கனிவுடன் காத்திட வேண்டியே

சந்திரசேகரனை.....

                      சந்திரசேகரனை.....

                                                    பல்லவி

                                   சந்திரசேகரனை மேகநாதனை
                                   மீயச்சூர் தலத்தில் கண்ணாரக்கண்டேன்

                                                    துரிதம்

                                   நந்தியும் கணங்களும் தேவரும்முனிவரும்
                                   சந்திரன் சூரியன் அகத்தியர் வணங்கிடும்
                                   இந்தினிளம்பிறை சூடிய சிவனை
                                   வந்தனை புரிந்து அனுதினம் துதித்து

                                                   அனுபல்லவி

                                  சுந்தரவடிவினள் லலிதாம்பிகையின்
                                  சிந்தை கவர்ந்திடும் சிவபெருமானை

                                                         சரணம்

                                   பந்த பாசத் தளைகளைக் களைந்திடும்
                                   முந்தைய பழவினைப் பயன்களைப் போக்கிடும்
                                   விந்தைகள் செய்திடும் மந்திரமூர்த்தியை
                                   எந்தை ஈசனைக் கேசவன் நேசனை

பாரெங்கும்

                          பாரெங்கும்....

                                                 பல்லவி

                                 பாரெங்கும் கொண்டாடும் சாரங்கபாணியை
                                 சீர்மல்கும் திருக்குடந்தைப் பதிதன்னில் கண்டேன்

                                               அனுபல்லவி

                                  நாரதரும் நான்முகனும் நிலமகளும் அலைமகளும்
                                  முப்பத்து முக்கோடி தேவர்களும் போற்றும்

                                                      சரணம்

                                   தீராவினை தீர்க்கும் ஆராவமுதனை
                                   பேராயிரம் கொண்ட நாராயணனை
                                   காரார் குழலாள் கோமளவல்லி துதிக்கும்
                                   சீராளன் கேசவனை அருமாகடலமுதை

தாயே தண்மதியே.......

                  தாயே தண்மதியே.......

                                          பல்லவி


                         தாயே தண்மதியே லலிதாம்புகையே
                         நீயே துணை சேயெனைக் காத்தருள்

                                        அனுபல்லவி

                         மாயே மரகதமே மீயச்சூர் ரத்தினமே
                         தூயவளே துயர் துடைக்கும் மேகநாதன் துணைவியே

                                              சரணம்

                         திருமகளும் அகத்தியரும் கதிரவனும் துதிக்கும்
                         பெருமைக்குரியவளே கேசவன் சோதரி
                         கருணைக் கடலே கலியுகத் தெய்வமே
                         அருள் தரும் ஶ்ரீமகா திரிபுரசுந்தரி



                 தாளம்: க.சாபு

மீயச்சூர் லலிதாம்பிகை

                     மீயச்சூர் லலிதாம்பிகை

                                                    பல்லவி

                                லலிதாம்பிகையின் மலர்ப் பதம் பணிந்தேன்
                                நிலவணிந்த பெம்மான் மேகநாதன் மனங்கவர்

                                                   அனுபல்லவி

                                புலன்களை வென்ற அகத்திய முனிவரும்
                                குலம் தழைக்க வேண்டிக் கதிரவனும் போற்றும்

                                                           சரணம்

                                 ஒலிக்கும் திருநாமம் ஓராயிரம் கொண்ட
                                 கொலுசணிந்த சுந்தரி கேசவன் சோதரி
                                 தலங்களில் சிறந்த மீயச்சூர் தலத்தில்
                                 அலங்காரமாய் சக்ர பீடத்திலமர்நதிருக்கும்

கோலவில்லிராமன்

                                       

                   கோலவில்லிராமன்

                                                    பல்லவி

                             ஆதவகுலத்துதித்த மாதவனைக் கேசவனை
                             ஶ்ரீராமச்சந்திரனை மனமாரப் பணிந்தேன்

                                                 அனுபல்லவி

                             சீதையின் நாயகனை தயரதன் மைந்தனை
                              பூதலம் போற்றும் பட்டாபிராமனை

                                                     சரணம்

                             அரக்கர் குலமழித்த கோதண்டராமனை
                             பரசுராமன் கர்வம் தீர்த்த ரகுராமனை
                             நரர்சுரர் பணிந்தேத்தும் அயோத்தி ராமனை
                             பரமசிவன் வில் வளைத்த கோலவில்லிராமனை