சாமுண்டேச்வரியின்....

                                      சாமுண்டேச்வரியின்....



                                             பல்லவி

                              சாமுண்டேச்வரியின் பாத கமலங்களை
                              சரணடைந்தேன் பவ வினைகளைக் களைந்தேன் (ஶ்ரீ)

                                               அனுபல்லவி

                               பாமணியாறும் வயல்களும் சூழ்ந்த
                               பூமண்டலந்தனில் புகழுடன் விளங்கிடும் (ஶ்ரீ)

                                                      சரணம்

                               சதுரங்கவல்லபநாதன் சிவனும்
                               கற்பகவல்லியும் ராஜராஜேஸ்வரியும்
                               நேசமுடன் அருகிருந்து பாசமுடன் போற்றும்
                               ஆதிபராசக்தி கேசவன் சோதரி

ஶ்ரீசொர்ணவல்லியை

               
                               
                                          ஶ்ரீசொர்ணவல்லியை...



                                                         பல்லவி

                                   ஶ்ரீசொர்ணவல்லியை மனமாரத் துதித்தேன்
                                   ஈசன் முக்தீச்வரன் உடனுறை அன்னையை

                                                       அனுபல்லவி

                                   பாசமுடன் ஆதி கணபதியும் போற்றும்
                                   கேசவன் சோதரி மாசற்ற ஈச்வரி

                                                            சரணம்

                                   வாசமலர் மாலை மணிமாலை பொன்மாலை
                                   ஆசையுடன் பல பல ஆபரணங்கள் பூட்டி
                                   தேசுடன் திலதர்ப்பணபுரிதனில் இருப்பவளை
                                   நேசமுடன் என்னை ஆண்டருள வேண்டுமென

முக்தீச்வரனை.....

 
 
                                      முக்தீச்வரனை.....



                                              பல்லவி

                               முக்தீச்வரனைக் கேசவன் நேசனை
                               பக்தியுடன் பணிந்தேன் பரகதி வேண்டி

                                                துரிதம்

                                நந்தியும் கணங்களும் தேவரும் முனிவரும்
                                சந்திரன் சூரியன்  பிரமனும் போற்றும்

                                            அனுபல்லவி

                               சக்தியின் நாயகனை சாம்பசதாசிவனை
                               திலதர்ப்பணபுரி திருத்தலத்தில் கோயில்கொண்ட

                                                 சரணம்

                                ஆதிவிநாயன் அருகிருந்து துதித்திடும்
                                மாதொருபாகனை மதிபுனல் சடையோனை
                                வேதபுரீச்வரனை வேதனை தீர்ப்பவனை
                                யாதொரு குறையுமில்லா சோதிவடிவானவனை

அருள் தரும் கூத்தனூர்......

                                     அருள் தரும் கூத்தனூர்......


                                                        பல்லவி

                                 அருள் தரும் கூத்தனூர் சரஸ்வதியைத் துதித்தேன்
                                 இருள் நீக்கி என்மனம் ஒளி பெறச் செய்திட

                                                       அனுபல்லவி

                                 குருவருளும் திருவருளும் எனக்கருள வேண்டுமென
                                 கருணை நிறைந்த பாரதியைக் கலைமகளை

                                                            சரணம்

                                 திருமால் கேசவன் நாயகி திருமகளும்
                                 முருகனின் அன்னை மலைமகளும் நேசிக்கும்
                                 பெருமைக்குரிய சகலகலாவாணியை
                                 இருவினைப் பயன் நீக்கி எனையாள வேண்டுமென

ஆதிவிநாயகன் ( திலதர்ப்பணபுரி)

 

                                    ஆதிவிநாயகன் ( திலதர்ப்பணபுரி)



                                                   பல்லவி

                                     ஆதிவிநாயகனை சோதியனை சுடரோனை
                                     மேதினி போற்றும் வித்தகனைப் பணிந்தேன்

                                                  அனுபல்லவி

                                     பாதிமதியணிந்த முக்தீச்வரன் மகனை
                                     வேதியர் வணங்கிடும் கேசவன் மருகனை

                                                      சரணம்

                                     ஓதித் துதித்திடும் பக்தருக்கெல்லாம்
                                     தீதின்றி வரமருளும் வேலவன் சோதரனை
                                     சாதித்த புண்ணியர் தொழுதேத்தும் கணபதியை
                                     திலதர்ப்பணபுரியில் எழுந்தருளிக் காட்சி தரும்

நல்லவனை நாரணனை.... நல்லவனை நாரணனை....

                                             நல்லவனை நாரணனை....


     
                                                           பல்லவி

                                     நல்லவனை நாரணனை  நாம் கொண்ட பிறப்பறுக்க
                                     வல்லவனைத் திருமாலை மனமாரத் துதிப்போம்

                                                           அனுபல்லவி

                                     அல்லலிடர் களையும் அரவிந்த பதத்தானை
                                     மல்லரை மாட்டிய தேவாதி தேவனை

                                                                 சரணம்

                                     பொல்லா அரக்கரின் குலமழித்த கேசவனை
                                     கல்லார்க்கும் கற்றவர்க்கும் அருளளிக்கும் மாதவனை
                                     செல்வபுரந்தரனை ஆயர் குலவிளக்கை
                                     நல்லமணம் கமழும் மலர் தூவித் தொழுது
                                   
                                    

நாராயணா என்னும் நாமமே

குலம் தரும் செல்வம் தந்திடும் அடியார்
      படு துயர் ஆயின எல்லாம்
நிலம் தரம் செய்யும் நீள் விசும்பு அருளும்
      அருளொடு பெரு நிலம் அளிக்கும்
வலம் தரும் மற்றும் தந்திடும் பெற்ற
      தாயினும் ஆயின செய்யும்
நலம் தரும் சொல்லை நான் கண்டுகொண்டேன்
      - நாராயணா என்னும் நாமம் ... !!!



                                     நாராயணா என்னும் நாமமே....




                                                      பல்லவி

                                  நாராயணா என்னும் நாமமே போதும்
                                  பாரினில் அனைத்து நன்மையும் பெறவே

                                                    அனுபல்லவி

                                  ஆராவமுதன் கேசவன் தாள் பணிந்து
                                  மாறாத பக்தியுடன் அனுதினம் துதித்திட

                                                          சரணம்

                                  தீராவினை தீர்க்கும் திருவருள் சேர்க்கும்
                                  பாராளும் செல்வமும்   நலன் பலவும் தரும்
                                  சீரும் சிறப்பும்  அடியார்கள் நல்லுறவும்
                                  ஊர் போற்றும் பேரும் புகழுமளித்திடும்
                                 

கடல்நிற வண்ணனை.....

                                          கடல்நிற வண்ணனை.....


                                                            பல்லவி

                                    கடல்நிற வண்ணனைக் கேசவனைப் பணிந்தேன்
                                    அடங்கா என் மனம் அடங்கியவன் தாள் பணிய

                                                          அனுபல்லவி

                                    படமெடுத்த காளிங்கன் தலை மீது நடம் புரிந்த
                                    விடநாகத்தணையானை வடமதுரை வேந்தனை

                                                               சரணம்

                                    தடவரையின் இடையுலவும் நிறைமதிபோல் வதனம் திகழ்
                                    கடல் மகளின் நாயகனை காயாமலர் வண்ணனை
                                    நடன நாடகக் கலைகளின் ரசிகனை
                                    புடமிட்ட பொன்னை ஆயர் குலவிளக்கை
                                    

துணை நீயே கேசவா....

                                        துணை நீயே கேசவா....



                                                  பல்லவி

                                         துணை நீயே  கேசவா
                                         அணைத்தெனை ஆண்டருள உனையே துதித்தேன்

                                                  அனுபல்லவி

                                         கணையாழி தந்து அன்னை ஜானகியின்
                                         சுணக்கம் தீர்த்தவனே ஶ்ரீரகுராமா
                                       

                                                     சரணம்

                                          அணையமைத்து இலங்கை நகர் புகுந்து
                                          கணைதொடுத்து அரக்கன் தலை கொய்த பரந்தாமா
                                          இணையுனக்காருளார் கோவிந்தா
                                          வணங்கிடுமடியாரை நலமளித்துக் காப்பவனே

வைகுந்த விண்ணகரம்....

                                  வைகுந்த விண்ணகரம்....




                                                 பல்லவி

                                வைகுந்த விண்ணகரம் தனில் வீற்றிருக்கும்
                                வைகுந்தநாதனை மனமாரத்துதித்தேன்

                                                அனுபல்லவி

                                வைகுந்தவல்லியின் மனங்கவர் மாதவனை
                                பைந்நாகத்தணையானை பார் புகழும் கேசவனை

                                                      சரணம்

                                 மெய்யுருகித் துதித்திடும் பக்தருக்கெல்லாம்
                                 கையருகில் காட்சிதரும் தீனசரண்யனை
                                 வையகமும் வானுறை தேவரும் முனிவரும்
                                 கைதொழுதேத்தும் கார்வண்ணமேனியனை

கழலடி நிழலே......

     



                                         கழலடி நிழலே......




                                                   பல்லவி

                                     கழலடி நிழலே போதும் கேசவா
                                     அழகிய உனதிரு அரவிந்த பதமெனும்

                                                   அனுபல்லவி

                                     குழலிசையாலுலகை வசப்படுத்தும்
                                     அழகனே ஆயர் குலத்துதித்த மாயனே

                                                      சரணம்

                                     அழல் நீர் காற்று நிலம் நீள் விசும்பென
                                     அனைத்துமானவனே ஆனந்தத்தேனே
                                     துழாய் மாலையும் கௌத்துபமும் அணிந்தவனே
                                     மழைதடுக்க குன்றை குடையாய்ப் பிடித்தவனே
                                   
                                      

அரங்கன் கேசவனை.........

                                  அரங்கன் கேசவனை.........


                                                               பல்லவி
                                       
                                          அரங்கன் கேசவனை மனமாரத் துதித்து                                        
                                          அரவிந்த பதமலர் சரணடைந்தேன்
                                         
                                                                அனுபல்லவி

                                           மரணம் பிறப்பெனும் பவச்சுழல் நீக்கி
                                           பரகதி தந்தெனை ஆட்கொள்ள வேண்டுமென

                                                                      சரணம்

                                            நரர்சுரரும்  நாரதரும் சுகசனகாதியரும்
                                            பிரமனுமிந்திரனும் அனந்தனும் கருடனும்
                                            அரக்கன் ராவணனின் இளையவன் வீடணனும்

                                            கரம் பணிந்தேத்தும் கருணைக்கடலை

ஆயிரம் நாமங்கள்....... ஆயிரம் நாமங்கள்.......

                                                   ஆயிரம் நாமங்கள்.......




                                                             பல்லவி

                                           ஆயிரம் நாமங்கள் ஓதியழைத்தேனே
                                           நீயின்னும் எனக்கருள திருவுள்ளமில்லையோ

                                                           அனுபல்லவி
                                     
                                           நோயும் நோய் தீர்க்கும் மருந்தும் நீயே
                                           தாயினும் பரிவுடனே தயவளிக்கும் கேசவனே

                                                                சரணம்
                                           
                                           பாயிரம் பதிகங்கள் பாடிப் பயின்றேன்
                                           கோயில் குளமென்று உனைத்தேடியலைந்தேன்
                                            நீயருகிலிருப்பது அறியாமல் திரிந்தேன்
                                            மாயவனே மனமிரங்கி ஆண்டருள வேண்டும்

                                            

அடியார்க்கு மெய்யனை........

                                   அடியார்க்கு மெய்யனை........



                                                       பல்லவி

                                  அடியார்க்கு மெய்யனை தெய்வநாயகனை
                                  அடிபணிந்து துதித்தேன் அயிந்தை திருத்தலத்தில்

                                                     அனுபல்லவி

                                  கொடியிடையாள் செங்கமல வல்லியின் மனங்கவர்
                                  நெடுமாலைக் கேசவனை தேவாதி தேவனை

                                                        சரணம்

                                  செடியாய வல்வினைகள் தீர்த்தருளும் திருமாலை
                                   முடிவும் முதலும் இல்லாத மாதவனை
                                   அடியாரும் வானவரும் முனிவர்களும் பணிந்தேத்தும்
                                   வடிவான சோதியை வைகுண்ட வாசனை

தாமோதரனை....

                          தாமோதரனை....

                                                பல்லவி

                                  தாமோதரனை  தயாகரனை
                                  பாமாலை பாடி மனமாரத்துதித்தேன்

                                               அனுபல்லவி

                                 பூமாதேவியும் ருக்மணியும் அருகிருக்கும்
                                 ஆமருவியப்பனைக் கேசவனை மாதவனை

                                                   சரணம்

                                 நாமமாயிரம் உடைய நாராயணனை
                                 காமனையீன்ற மாயனை மாலனை
                                  காமாதி அறுபகை அகன்றிட வேண்டியே
                                  தூமலர் தூவி ஆராதனை செய்து

சென்னையம்பதிதனில்

ஹிரண்ய வர்ணாம் ஹரிணீம் 
ஸுவர்ண - ரஜதஸ்ரஜாம் :
சந்த்ராம் ஹிரண்மயீம் லக்ஷ்மீம் 
ஜாதவேதோ ம ஆவகா |

                                 சென்னையம்பதிதனில்...
                                

                                                      பல்லவி

                           சென்னையம்பதிதனில் பொலிவுடன் கொலுவிருக்கும்
                           அன்னை செங்கமலவல்லியைப் பணிந்தேன்

                                                    அனுபல்லவி 

                            கன்மவினைப்பயன்கள அனைத்தும் தொலைந்திடவும்
                            சன்மம் இனியும் எடுக்காமல் தடுத்திடவும்
                             
                                                          சரணம்

                           பொன்வண்ண மேனியளை மின்னும் அழகுடையாளை
                           பொன்னும் மணியும் அணிகலனும் தரித்தவளை
                            பன்னகசயனன் கேசவன் மார்பிலுறை
                            இன்முகம் காட்டும் திருமகளைத் துதித்தேன்
                            

பதம் பணிந்தேன்...

                                               பதம் பணிந்தேன்...


                                                         பல்லவி

                                         பதம் பணிந்தேன் ஶ்ரீ பத்மநாபா
                                         இதமுடன் எனக்கருள வேண்டுமெனத் துதித்து

                                                       அனுபல்லவி

                                          வதம் செய்து அரக்கரின் குலமழித்தவனே
                                          மதுசூதனனே மாதவனே கேசவனே

                                                            சரணம்

                                          நிதமுனைத்துதித்திடும் அடியவர்க்கெல்லாம்
                                          உதவிடும் திருமாலே பக்தவத்சலனே
                                          சதமுனது திருவடி நிழலன்றி வேறு
                                          எதுவும் சதமல்ல  தீனசரண்யனே
                                          

கமலாசனம் தனில்....

                         கமலாசனம் தனில்....

                               


                                                      பல்லவி

                                     கமலாசனம் தனில் வீற்றிருப்பவளை
                                     கமலமுகத்தாளைத் திருமகளைப் பணிந்தேன்

                                                    அனுபல்லவி

                                     கமலமலர்க் கரத்தில் சங்கும் சக்கரமும்
                                     கமலமலரும் ஏந்தி நிற்கும் அலைமகளை

                                                          சரணம்
                                                                     
                                     கமலாலயனும் தேவரும் முனிவரும்
                                     கமலமலர் நாபன் கேசவனும் பணியும்-செங்
                                     கமலவல்லியை மகாலக்ஷ்மியை
                                     கமலமலர் தூவி எனக்கருள வேண்டி