ஆராவமுதே

                            ஆராவமுதே

                                                      பல்லவி


                                   ஒருநாளும் உனதிரு திருவடி மறவாத
                                   ஏழையெனக்கருள்வாய் திருமாலே கேசவா

                                                   அனுபல்லவி

                                   தருமநெறி காக்க அவதாரமீரைந்து
                                   தரணியிலெடுத்த பெருமைக்குரியவனே
                         
                                                        சரணம்

                                   அருமறைகள் போற்றும் கருணைக் கடலே
                                   திருவின் நாயகனே தீனசரண்யனே
                                   திருக்குடந்தை வளர் சாரங்கபாணியே
                                   அருந்தேனே கனியே ஆராவமுதே

திருமாலே

                                திருமாலே

                                                       பல்லவி

                                      எங்கிருந்தாலும் நீ எனக்கருள வேண்டும்
                                      சங்கொடு சக்கரம் ஏந்தும் திருமாலே

                                                      அனுபல்லவி

                                      பங்கயநாபனே பாற்கடல்வாசனே
                                      செங்கமலம் மார்பிலுறை சென்னகேசவனே

                                                          சரணம்

                                      சங்கரரும் நரர்சுரரும் நாரதரும் நான்முகனும்
                                      திங்களும் ஞாயிறும் கரம் பணிந்தேத்தும்
                                      பங்கய பாதனே பரமபதநாதனே
                                      முங்கிடச்செய்யும் பவக்கடல் கடந்திட
                                     
                                      

அஞ்சனை மைந்தன்

                                        அஞ்சனை மைந்தன்



                                                         பல்லவி

                                      அஞ்சனை மைந்தனை ஆஞ்சநேயனை
                                      தஞ்சமடைந்தேன் சஞ்சலம் களைந்தேன்

                                                       அனுபல்லவி

                                      வஞ்சனையில்லாத வாயுகுமாரனை
                                      நெஞ்சில் கேசவனை சுமந்திருக்கும் மாருதியை

                                                           சரணம்

                                      செஞ்சுடரோனை உண்ண முயன்றவனை
                                      வெஞ்சமரில் வீழ்ந்த இளையவனுயிர் காக்க
                                      சஞ்சீவினியைக் கொண்டு வந்த அனுமனை
                                      பஞ்சவர்க்குத் துணையாகக் கொடியிலமர்ந்தவனை

அஞ்சனை மைந்தன்

                                              அஞ்சனை மைந்தன்



                                                         பல்லவி

                                      அஞ்சனை மைந்தனை ஆஞ்சநேயனை
                                      தஞ்சமடைந்தேன் சஞ்சலம் களைந்தேன்

                                                       அனுபல்லவி

                                      வஞ்சனையில்லாத வாயுகுமாரனை
                                      நெஞ்சில் கேசவனை சுமந்திருக்கும் மாருதியை

                                                           சரணம்

                                      செஞ்சுடரோனை உண்ண முயன்றவனை
                                      வெஞ்சமரில் வீழ்ந்த இளையவனுயிர் காக்க
                                      சஞ்சீவினியைக் கொண்டு வந்த அனுமனை
                                      பஞ்சவர்க்குத் துணையாகக் கொடியிலமர்ந்தவனை
       

கேசவன் நீயிருக்க

                           கேசவன் நீயிருக்க         

                                                         பல்லவி


                                     கேசவன் நீயிருக்க வேறொரு தெய்வம்
                                     காசினியில் எனக்கில்லை திருமலைவாசா

                                                       அனுபல்லவி

                                     வாசமலர் சூடும் பத்மாவதியும்
                                     நேமுடன் அலமேலு மங்கையும் உடனிருக்கும்

                                                           சரணம்

                                      ஈசன் உனக்கிணை இவ்வுலகில் யாருளார்
                                      மாசற்ற மணிவிளக்கே திருவேங்கடமுடையானே
                                      வாசவாதியரும் முனிவரும் நான்முகனும்
                                      பூசுரரும் நாரதரும் அனைவரும் பணிந்தேத்தும்

                                     

தேவாதி தேவா தேவாதி தேவா

                           தேவாதி தேவா

                                                      பல்லவி

                                        தேவாதி தேவா ஶ்ரீவாசுதேவா
                                        ஏவாமலெனக்கருள உனையே துதித்தேன்

                                                     அனுபல்லவி
                                       
                                        மாவாய் பிளந்தோனே மாதவனே கேசவனே
                                        நாவரப்பாடியுன் மலரடி பணிந்தேன்

                                                          சரணம்

                                        மூவாசைப்பிணி நீங்க முன் வினைப்பயன் தொலைய
                                        ஓவாதுனையே மனத்தில் நினைத்தேன்
                                        ஆவாவென்றன்பாய் அரவணைத்து ஆண்டருள
                                        காவா வாவென்றே  கூவியழைத்தேன்

                                         

வேதமுதல்வனை சீதாராமனை *

                                  வேத முதல் காரணன்.......!!!

"சிவனோ? அல்லன்; நான்முகன் அல்லன்: திருமாலாம்
அவனோ? அல்லன்; மெய்வரம் எல்லாம் அடுகன்றான்;
தவனோ என்னின், செய்து முடிக்கும் தரன் அல்லன்;
இவனோதான் அவ் வேத முதல் காரணன்?' என்றான்.
                      -கம்பராமாயணம் ( 9837 )

           

                              வேதமுதல்வனை சீதாராமனை *
    



                                                  பல்லவி

                                  வேதமுதல்வனை சீதாராமனை
                                  பாதம் பணிந்து மனமாரத்துதித்தேன்

                                                அனுபல்லவி

                                  நாதப்ரும்மம் பாடலில் போற்றிடும்
                                  மாதவனை மதுசூதனனைக் கேசவனை

                                                      சரணம்

                                  யாதவகுலத்தில் கண்ணனாய் உதித்தவனை
                                  கோதண்டமேந்தி குவலயம் காக்க
                                  பாதகம் செய்திடும் அரக்கரை அழித்தவனை
                                  பூதலம் போற்றும் ஆதவகுலத்தோனை

வேதமுதல்வனை சீதாராமனை

                              வேதமுதல்வனை சீதாராமனை
   



                                                  பல்லவி

                                  வேதமுதல்வனை சீதாராமனை
                                  பாதம் பணிந்து மனமாரத்துதித்தேன்

                                                அனுபல்லவி

                                  நாதப்ரும்மம் பாடலில் போற்றிடும்
                                  மாதவனை மதுசூதனனைக் கேசவனை

                                                      சரணம்

                                  யாதவகுலத்தில் கண்ணனாய் உதித்தவனை
                                  கோதண்டமேந்தி குவலயம் காக்க
                                  பாதகம் செய்திடும் அரக்கரை அழித்தவனை
                                  பூதலம் போற்றும் ஆதவகுலத்தோனை
                                  

உன் பதமொன்றே துணை

                                      உன் பதமொன்றே துணை
           


                                                      பல்லவி

                                     உன் பதமொன்றே துணை கேசவா
                                     என் கவலை குறை அனைத்தும் நீங்கிட

                                                     அனுபல்லவி
     
                                      மென் மலர்ப் பதத்தாள் சீதையின் நாயகனே
                                      அன்னை கோசலையின் மனங்கவர்ந்த பாலகனே

                                                            சரணம்

                                     தென்னிலங்கை சென்று தசகண்டன் சிரம் கொய்த
                                     மன்னுபுகழ் ராகவனே அயோத்தியர் கோமானே
                                     முன்வினைப் பயன்களால் யான் படுந்துயரங்கள்
                                     தன்னால் விலகிடவும் நன்மைகள் பெருகவும்
                                                     
                                     

ஈசன் கேசவன் நேசன் ஈசன் கேசவன் நேசன்

                          ஈசன் கேசவன் நேசன்

                                                    பல்லவி

                                     ஈசனைக் கேசவன் நேசனைத் துதித்தேன்
                                     ஆசாபாசத்தளைகளைக் களைந்திட

                                                  அனுபல்லவி

                                     மாசற்ற சோதியை மகாதேவனை
                                     தேசுடைய தேவனை கருணாமூர்த்தியை

                                                         சரணம்

                                     நீசருக்கும் அருள் தரும் நமச்சிவாயனை                                  
                                     வாசவாதி தேவரும் முனிவரும்
                                     காசினியும் போற்றும் காமேச்வரனை
                                     வாசமலர் தூவி பூசனை செய்து

தரிசனமொன்றே போதும்

 

                        தரிசனமொன்றே போதும் 

   


                                                         பல்லவி

                                       தரிசனமொன்றே போதும் கேசவா
                                       பரிவுடன் காட்சி தரும் உனது திருவடி

                                                       அனுபல்லவி

                                       சரிசமானமாய் ஒருவருமில்லாத
                                       அரிநாராயணனே ஆதிமூலமே

                                                           சரணம்

                                       அரியாசனம் பதவி பொருள் புகழ் வேண்டேன்
                                       அரிதாய்ப் பெரிதாய் எதுவும் வேண்டேன்
                                       மரித்தலும் பிறத்தலும் இல்லாதொழித்து
                                       கரிசனத்துடனே எனைக்காத்தருளவே

நீதான் எனக்கருள வேண்டும்

                                    நீதான் எனக்கருள வேண்டும்



                                                       பல்லவி

                                   நீதான் எனக்கருள வேண்டும் - கேசவா
                                   பாதாரவிந்தம் பணிந்தே துதித்தேன்

                                                     அனுபல்லவி

                                   வேதாகம புராணங்கள் போற்றும்
                                   மாதா பிதா குருவனைத்தும் நீயே
                                 
                                                         சரணம்

                                   தூதாகச்சென்று பஞ்சவர்க்கு உதவிய
                                   சீதரனே கண்ணா நந்த குமாரா
                                   ஆதாரம் நீயே அகிலமனைத்திற்கும்
                                   யாதவ குலதிலகா மாதவா கோவிந்தா

தேவநாயகி (சக்ராப்பள்ளி ) தேவநாயகி

                                                       தேவநாயகி (சக்ராப்பள்ளி )


                                                             பல்லவி

                                        தேவநாயகியின் மலர்ப்பதம் பணிந்தேன்
                                        தேவன் சக்கரவாகேச்வரருடனிருக்கும்
               
                                                           அனுபல்லவி

                                        தேவகி மைந்தன் கேசவன் சோதரி
                                        தேவியர் கலைமகள் அலைமகள் நேசிக்கும்

                                                               சரணம்

                                         ஆவலுடன் வணங்கும் அடியார் நலம் பேணும்
                                         அகிலாண்டேச்வரி ஆதிபராசக்தி
                                         பூவிலமர் நான்முகனும் நரர்சுரரும் போற்றும்
                                         தேவி சனாதனி சங்கரி கௌரி

                                         

சக்கராப்பள்ளி சக்கரவாகேச்வரன்

                                       

                                சக்கராப்பள்ளி சக்கரவாகேச்வரன்



                                                    பல்லவி

                                  சக்கரவாகேச்வரனை சிவனை
                                  அக்கறையுடனே வணங்கித்துதித்தேன்

                                                 அனுபல்லவி

                                  சக்கரம்தனைப் பெற்று கேசவன் பணிந்த
                                  முக்கண்ணனை முழுமுதல் தேவனை
   
                                                     சரணம்

                                  சக்கரவாகப்பறவையாய் பிரமனும்
                                  பக்தியுடன் துதித்த நமச்சிவாயனை
                                  பக்கத்தில் தேவநாயகி உடனிருக்கும்
                                  சக்திநாயகனை சாம்பசதாசிவனை

வையச்சேரி லக்ஷ்மிநாராயணன்

                            வையச்சேரி லக்ஷ்மிநாராயணன்

                                                 
                                                 பல்லவி

                                   ஶ்ரீ லக்ஷ்மி நாராயணனை
                                   சீலமிகு வையச்சேரியில் துதித்தேன்

                                               அனுபல்லவி

                                   ஞாலமுய்யவென அவதரித்த கேசவனை
                                   நீலவண்ணனை பாற்கடல் வாசனை
         
                                                  சரணம்

                                   ஆலமுண்டகண்டன் அகச்தீச்வரனும்
                                   கோலக்குழலாள் மங்களாம்பிகையும்
                                   வேலனும் கணபதியும் கரம்பணிந்தேத்தும்
                                   மாலனை மதுசூதனனை மாயனை

கதி நீயே சீதாபதி

                                                கதி நீயே சீதாபதி


                                                             பல்லவி

                                           கதி நீயேயெனத்துதித்தேன் சீதாபதியே
                                           புதிரான வாழ்வில் எனக்கருள வேண்டியே
                                           
                                                          அனுபல்லவி
 
                                            இதிகாச புராணங்கள் போற்றும்
                                            அதிலாவண்ய மதிமுகத்தோனே

                                                             சரணம்

                                             நிதியென ரகுகுலம் போற்றும் கேசவனே
                                             அதிபதியாய் விளங்கும் அயோத்தியின் பதியே
                                             ரதிபதி சுரபதி சரச்வதியின் பதி
                                             மதித்துப் பணிந்திடும் பூபதியே ராகவனே