ஶ்ரீ ரங்கராஜன்
பல்லவி
ஶ்ரீ ரங்கராஜனைப் பணிவாய் மனமே
பாரெங்கும் புகழ் விளங்கும் பரமபதநாதனை
அனுபல்லவி
சாரங்கபாணியாய் குடந்தையில் காட்சி தரும்
ஆராவமுதனை அரவிந்த பாதனை
சரணம்
ஶ்ரீ ரங்கநாயகியின் மனங்கவர்ந்த மாதவனை
கார்வண்ண மேனியனை கமலமலர் நாபனை
சாரதியாய் பார்த்தனுக்கு துணை நின்ற கேசவனை
நாரதரும் நான்முகனும் பணிந்தேத்தும் நாரணனை
No comments:
Post a Comment