?????

                                     ?????

                           கணையாழி கொடுத்துவிட
                            என் சீதை இங்கில்லை
                            மேகங்கள் தூதுவிட
                            வானிலும் அவளில்லை
                             காலன் ஒளித்து வைத்த
                              என்னவளைத் தேடி
                               நாளும் அலைகின்றேன்
                                அறிந்தால் கூறுங்கள்

                                             ***

புள்ளம்பூதங்குடி வல்வில் ராமன்

                                        புள்ளம்பூதங்குடி  வல்வில் ராமன்

                                                       பல்லவி
                                   
                                     செல்வத்திருமகளைத் திருமார்பில் வைத்திருக்கும்
                                      வல்வில் ராமனுனை மனமாரத் துதித்தேன்

                                                     அனுபல்லவி

                                      வல்லரக்கர் குலமழித்த அயோத்தியர் கோமானே
                                      சொல்லுக்கடங்காத வடிவழகே ரகுராமா

                                                          சரணம்
                                     
                                     இல்லாத பொருளென்று இல்லாத கேசவனே
                                     எல்லாமும் நீயே என்றறிந்த பின்னாலே
                                     நல்லவனே எந்தன் அறியாமை தனையே
                                     கல்லாமூடன் யான் காணிக்கையாயளித்தேன்
                                     

அரங்கா சரணம்

                                        அரங்கா சரணம்


                                               பல்லவி

                            நாவாயிரம் போதாது அரங்கா உனைப்பாட
                            ஏவாமலெனக்கருளும் ஆதி கேசவா

                                             அனுபல்லவி

                           காவாவாவென்று அழைக்காமல் காத்தருளும்
                           தேவாதி தேவா திருவரங்கத்தம்மா

                                                  சரணம்

                           மூவாசைப்பிணி போக்கும் முன் வினைப் பயன் நீக்கும்
                           தேவாதி தேவா ஶ்ரீ வாசுதேவா
                           பாவாணரும் போற்றும் பாற்கடல் வாசா
                           மாவாய் பிளந்தவனே மாதவனே முகுந்தா
                           

சரணம் நரசிம்மா

                                    சரணம்  நரசிம்மா



                                             பல்லவி

                            அனைத்தும் நீயென்றே அடி பணிந்தேன்
                            உனக்கிணை யாருளார் நரசிம்மா

                                            அனுபல்லவி
                     
                           முனைப்புடனுனைத்துதிக்கும் அடியவர்க்கெல்லாம்
                           வினைப்பயன் நீக்கி அருளளிப்பவனே

                                               சரணம்

                            தந்தையும் தாயும் குருவும் தோழனும்
                            பந்துவும் செல்வமும் சுற்மும் நீயே
                            விந்தை வடிவில் சிம்மமாய் நரனாய்
                            இந்தத்தரணியில் காட்சியளித்திடும் 

இடகுஞ்சி கணபதி

                                           இடகுஞ்சி கணபதி



                                                   பல்லவி


                           கடைக்கண்ணருளொன்றே போதும் கணேசா
                           தடையின்றிக் கருமங்கள் சிறப்புடன் நடைபெற

                                                 அனுபல்லவி

                           படைத்தல் காத்தல் அழித்தலனைத்தையும்
                           விளையாட்டாய் நடத்திடும் வேழமுகத்தோனே
 
                                                     சரணம்

                            விடைவாகனன்  மகனே வேதமுதல்வனே
                            இடைக்குலத்துதித்த கேசவன் மருகனே
                            இடகுஞ்சி கணபதியே இடர்பிணி களைவோனே
                            அடைக்கலம் நீயே ஆண்டருள்வாயே
                           


             

பரிமளரங்கன்

                                 பரிமளரங்கன்


                                       பல்லவி

                     பந்துவும் தோழனும் நீயே கேசவா
                     உந்தன் பதமே சதமெனப் பணிந்தேன்

                                     அனுபல்லவி

                     நிந்தை புரிந்திடும் நீச அரக்கருக்கும்
                     உன் தயை நல்கிடும் கருணாகரனே

                                         சரணம்

                    முந்தைய பழவினைப் பயன்கள் தொலைந்திட
                    வந்தனை புரிந்துனை அனுதினம் துதித்தேன்
                    சந்ததம் துதித்திடும் பக்தருக்கருளும்
                    இந்தளூர் தலத்துறை பரிமளரங்கனே

???

                                ???

                         விடியும் விடியம்
                          என்று காத்திருந்தோம்
                          விடிந்தால் தெரியும்
                           என்று காத்திருந்தோம்
                            விடியல் வந்தால்
                            தெரிந்துவிடும்
                             மீண்டும்
                             விடியலுக்காக க்காத்திருந்தோம்

                                 ***  000(0)000 ***
                          

சகஸ்ரநாமம்

                                      சகஸ்ரநாமம்


                                              பல்லவி

                         ஆயிரம் நாமம் கொண்ட ஆதிகேசவனை
                         வாயாரப் பாடி மனமாரத் துதித்தேன்

                                            அனுபல்லவி

                         ஞாயிறும் திங்களும் கண்களாய் விளங்கும்
                         நேயனை நிமலனை அரங்கநகர் வாசனை

                                               சரணம்
 
                          தாயினும் மிகுந்த பரிவுடன் காப்பவனை
                          நோயெனும் பவப்பிணி நீங்கிடச் செய்பவனை
                          தோயம் தனிலுறங்கும் பாற்கடல் வாசனை
                           ஆயர் குலத்துதித்த மாயனை மதுசூதனனை 

வீர ராகவன்

                                             வீர ராகவன்


                                                       பல்லவி

                                 அற்புதமே அழகே அயோத்தியின் கோமானே
                                 பொற்பதம் பணிந்தேன் அற்பனெனக்கருள்வாய்

                                                   அனுபல்லவி

                                  விற்கலை வேந்தனே வீர ராகவனே
                                  கற்புக்கரசி சீதையின் நாயகனே

                                                       சரணம்

                                 சொற்களுக்கடங்காத நற்குணங்களுடையவனே
                                 கற்பனைக் கெட்டாத பேரழகே கேசவனே
                                 சிற்பரனைப் பணிந்த தயரதன் மைந்தனே
                                 நற்கதி வேண்டியே நாளுமுனைத் துதித்தேன்
                                

அரங்கன்

                                     அரங்கன்


                                       பல்லவி

                        அழைத்தாலே போதும் ஓடோடி வருவான்
                        கழலடி பணிந்து ரங்கா ரங்கா என்று

                                        அனுபல்லவி
 
                        மழைதனைத்தடுத்திட மலைதனையேந்திய
                        மாலனை மாயனை மதுசூதனனை

                                             சரணம்

                        சுழலும் சக்கரமும் சங்கும் கையிலேந்தும்
                        அழகனை ஆதிகேசவனை மாதவனை
                        குழலூதும் கண்ணனை ஆயர் குலத்தோனை
                        நிழலென பக்தருக்கு நின்றருளும் அரங்கனை
                         

ஶ்ரீ ரங்கராஜன்

                           ஶ்ரீ ரங்கராஜன்


                                    பல்லவி

                     ஶ்ரீ ரங்கராஜனைப் பணிவாய் மனமே
                     பாரெங்கும் புகழ் விளங்கும் பரமபதநாதனை

                                  அனுபல்லவி

                      சாரங்கபாணியாய் குடந்தையில் காட்சி தரும்
                      ஆராவமுதனை அரவிந்த பாதனை

                                       சரணம்

                      ஶ்ரீ ரங்கநாயகியின் மனங்கவர்ந்த மாதவனை
                      கார்வண்ண மேனியனை கமலமலர் நாபனை
                      சாரதியாய் பார்த்தனுக்கு துணை நின்ற கேசவனை
                      நாரதரும் நான்முகனும் பணிந்தேத்தும் நாரணனை